THE BAD BOY RULES CHAPTER 10

THE BAD BOY RULES 

CHAPTER 10

Venus " ka ding deuh dat ,mahse hrelo ang hmak  chuan ka kalsawn lui leh ngat,a dawhtheilo leh tawh nge ka hnung lam atangin min chawi lawp a ,alama min kuai herin ka hmuiah a fawp nghal bawrh bawrh ,mi an awm ve reng nen ka zak bawk si chuan namsawn ka tum,a thil post an hmu zo chiah lehnghal,hmeichhe thenkhat 2nd sem bakah 3rd sem lam thlengin thinrima min en tu an tam tih ka hre bawk si.

Ka hmui hnuai lam chu a seh tel nawk,ka rak that bike a min nghat chawrhin a helmet a khuma,ka melh rum vak chu ngaipawimawh duhlo in ka hmaah a rawn thu a ,ka kuah duhlo chu min be lo a tlanchhuak deuhin hnunglam chu a tikang awrh a ,ka bawh nghal awk ,ka kuah beh rual chuan chak zetin a tlanchhuak zui ,a dulah ka sik vak ringawt,nui che dawtin min rawn tauh dat a ,tlan muang deuhin a kut pakhat chuan ka kut chu a hum hnan deuh salh “ I thil post kha a tul hlawllo aw " tihlakin a hnungah ka bei a .

“ Tikhan ka single lo tih an hria anga ,min be lo deuh ang ka ning,hmeichhia hi induh zawngah hi chuan inlo huaisen zek,in duh tawh hi chu in bem ngam hmiah zel mai a " a rawn tihhluk chuan a tukkhumah ka beng lawp a ,a thinrim ve nge kawngsirah bike tidingin kan inhmachhawn ran ,ka sekah na vaklo in a rawn hnek a ,ka hnek let ve zel ,a tawpah ka hmaiah tak a rawn tifuha na lo mahse ka huat tawk tling lutuk chuan zuang kangin a awmah ka tlawh dawt,kawngah Chuan a thal zui ,ka bawh rawk a “ Hmela ka hmaiah min hnek vel a maw .

I chak dawn lo ,haih jish ish ish khuah" a chungah lawnin ka ke ka chet dawt dawt,min lehthalin min delh bet a ,ka kut leh ke a delh tel nen a mah a pa lian bawk si ka che thei tawh lo tih hria hi “ Huah jish ,first blood " a rawn ti kher “ Hmela first blood ka ni hmasa ,leiah i thal hmasa zawk i hria em a first blood theilo khawimaw ka double kill teh ang che ,ka savage law law dawn che Dylan awm sawn vat rawh " tiin ka tal nawk nawk .

“ Awi Lalpa ka tliak ta ,DEFEAT ah...I die " tiin ka kut la thla hnawkin ka mit ka chhinga ,ka che tawhlo tih Dylan an a hriat rualin hlauhthawn hmel zet hian “ Venus i tha em?engtin nge i awm ,hey Zomuanawm harh teh Bawihi " tiin min sawi nawk nawk,keilah ka zawi lui tlat “ Harh teh bawihte harh hram teh " a rawn tihleh chuan a awah hlauhthawnna a hriat theih tawh,a kutah ka chelh let a “ Zeilo lian ,My carmila why are you so cold and pale te ti ve ta che mawl e min tidam ve dawn emaw tia .

Chhaw huih ringawt awi ka nunna hi a suak dawn a nih hi " tiin ka nui vak vak a ,a thinrim hmel viau min thing nawk “ Fiamthuna chin hre rawh " lungawilo tih hriat takin a ti a ,ka en kar a hmelah chuan hlauhthawnna leh thinrimna a la lang thei,ka mittui a tling pam “ Ka tihpalh ih kan infiam emaw ka tia " tiin ka tho chhuak a “ Tihpalh Jupiter " tiin hmalam panin ka tlan vak “ Ding rawh " a rawn tihna pawh ngaithla tawhlo in khawchhung lam panin ka tlan zel ,ka mittui luang chu a ho tiviau mah ila .

Rilru a lo no laklawh tawh a ,a tawp mai thei silo ,bike ka bulah a rawn dinga ,ka kutah Dylan chuan a rawn chelh a lam a min pawt dawrhin min kuah bet nghal thlawp “ Ka tihpalh ka thinrim a vang khan tihpalh aw Venus ka tihtah a vang che pawhin " a tisup sup reng,chungte chuan ka tah an tichhuak zual .

“ Min hmangaih em Jupiter " tisepin a awmah hmai ka phum “ Aw ka hmangaih che ka hmangaih che Zomuanawm " tiin ka chhipah a fawp vang vang,a lakah ka te bawka chutia a awma bei chu nuam ka ti ,“ Anihchuan min vin tawh suh,nang chiah hi ka neihchhun min ngaihsak ve tu awmchhun ,ka nu leh pa ai pawha ka tana pawimawh ini tih i hriatkha nang leh zelin min hauh chuan awmdan tur ka hrelo.

Ka rilru a buai vek zel ,chuvang chuan min hau ve suh,nang chuan duat deuhin min be rawh,hmangaihtu ka nei ve a ni tih ka hriat theih nan,khawngaihin nang chuan min vin ve tawh suh aw " a mita enkalh chungin ka tichhuak a ,ka mittui chu tuai faiin ka hmuiah a fawp zauh,“ Haw ang aw ka duat tawh ang che ka intiam e " a tihtakah chuan ka nui sen sen .

Bike ah chuan lawnin kan inphur chhuak leh a ,Kan inkawtah chuan min drop-in zana a lo len tur thu sawiin a tlanliam chu ka thlir zui vang vang ,ka nu leh pa ka laka an awm dan a hriat atangin zantin a rawn lenga ,min kawm hlim thin ka tan chuan angel tluk zet a tha a ni ,inchhung lam panin ka lut a ,ka nu chuan kawngka bul atangin min lo en reng,a lungawiloh hmel viau hei hi chu nitina ka hmuh a ni a ,ngaiah ka neih tawh .

“ Then rawh ka tiche a ni lawm ni,i hnaih atang chiahin nu leh pa thu i awihlo in i rawn haw har thin bawk ,then vat rawh " a rawn tihlak ,ka bengkhawn duhlo “ Zomuanawm ka sawi chu i hria em " a rawn ti tuar ,ding datin “ Hria e ,mahse ka then ngai dawnloh avangin chhannna erawh ka pe lo mai ang che " tiin ka room lam ka pan a ,a au zui chu hre mah ila ka haider hmiah thung.

Ka tette atangin min ngaihsak ngailo,duat taka min biak lai a neihloh lai in mi hmuhah erawh min duat ber awm fahranin a awm thin thung,ka pa erawh ka dem em em lo,a fanu pawh buaipui hmanlo khawpin midang tan a theihtawp a chhuah thung tal a ,ka khumah chuan ka mu thlawp,ka mit chhing vang vangin thaw ipik zetin ka thaw chhuak leh halh .

ZAWMNA 

Chaw ei turin inhnuai lamah muangchangin ka chhuk a ,mahse ka nu leh pa thusawi avang chuan stepah chuan ngawi rengin ka ding“ Kan fa nilo chunga hei chen kan enkawlna a vang pawh hian lawm taka awm tur a ni ringawt,Kan fa a nilo chungin duat takin ka enkawl a thu reng reng a awih duhlo mai " ka nu chuan a tihlawk hlawk a ,an fa ka nilo tak tak maw?ka mittui a hnam tiam tiam .

“ Duat tih kha sawi tawh suh,I ngaihsakloh zia ka hria ,khatiang pawh kha sawi tawh suh ,a hriat ka duh miahlo a nia ,Kan fanu a nihna a bo chuang lo ,Anu ni turin mawh phurhna ila a,mahse hetiang renga i awm chuan loh theihlohin ka fanu hi ka ro zawng zawng khawmtu ah ka dah ang" ka pa chuan a tichhuak khur khur a ,ka room lamah tlan chho in ka bag phawrh chuan ka thawmhnaw ka dah lut mawlh mawlh ,ka mittui a tla pah reng bawk.

Ka bike chahbi la in inhnuai lamah ka chhuk a ,ka nu leh pa in min hmuh chuan an lo mengkawk“ Bawihte enge itih dawn " lem a chang reng te chu  ka haw hluah hluah “ Ka chhuak dawn ,Chuan ka lak atangin buaina in nei tawh lo ang,in fa nilo min lo enkawl seilen avangin ka lawm e " tiin pawn lam ka pan mawp mawp ,ka pa chuan min au zui lawm lawm ,ka bike ah lawnin Dylan a in chak zetin ka pan a ,ka mittui tla tur chu ka dang tang tang a ni.

Min ngaihsak ngailo chung Khan ka nu leh pa tak tal an nih ka beisei a ,mahse chung pawh chu a lo ni der silo ,Dylan in kawtah ka ding a,ka bag nen chuan kawngka lam ka pan hnak hnak,kawngka chu ka kik a ,a rawn hawn rualin a meng phawk vak“ Venus nang hetah maw" hamhaih zetin ka bag a en a ,mahse a hrethiam vat a nih hmel,a nghawngah kuahin a kawngah ka bawp ka kherh bet .

Ka tap nghal hlawp hlawp ,uar zeta ka tah lai chuan ka samah chulin “ Enge thleng sawi rawh,enga tinge i tah" tiin inchhung lamah ka bag nen chuan min luhpui a ,ka sofaah min thutpui in akuta min la sawn deuhin ka biangah a dawm a “ Enge atinge itah ,i chhungten engtin nge an tih che Venus min hrilh rawh ,I nu a ni em i mittui titla tu sawi vat rawh " a tideuh hrawk a ,lu thing nawk nawk in ka kuah leh nghal,uar lutukin ka tap a “ Min....an fa ka lo nilo a " tiin ka tap uar sauh,Chu chuan a thawng ve deuh nge ,a rum hawk mai .

“ Min ngaihsak ngai miahlo kha chu ka hre thiam,mahse an fa em nilo tur hian ka in ngaihtuah ngailo,tinge ka vanduai em em mai le " tiin ka kuah nghet sauh sauh “ Nilo ,ka tan ka vanneihna inih hi ,ka thilpek dawn tawh a zawnga hlu ber ,Rosum leh thil hlu tak tak ai pawha ka duhzawk ini tih hi theihnghilh ngai suh,hmangaihtu che ka awm ,ka lakah engmah i zeploh avang pawhin ka lawm e " tiin ka chalah a fawp zauh,a phone phawrhin a kut lehlamin min kuah pah.

“ Pute nupui ka nei aw " tiin phone lehlama mi chu a bia a “ Ka nu leh pa bulah khan min lo sawisak mai rawh,nakinah engkim ka hrilh ang cheu " a tihchuan ka lo meng phawk vak ,nupui tih thumal chuan ka lung a ti phu dat dat ,a phone a dah rual in a hmaiah ka dawm a ,min nuih suk “ Tunah chuan keimahin ka enkawl ang che ,ka hmangaih hi an tihduhdah ka phallo keilo chuan" tisupin ka hmuiah a fawp a “ Min ngaihsak ngailoh chhan hi ka ngaihtuah fo a ,mahse an fa ka nilo em hi chu hriatloh law law ka duh a sin.

Jupiter ih fahrah mai maw ka nih,khawiah nge ka nu leh pa dik tak hi khawiah nge an awm ve ang ,Jupiter keihi min duh ve lo a niang tiraw " tiin ka phun sep sep,a awmah min kuah beiin a thaw hrawk a ,ka chalah a fawp vang vang “ Keiin ka duh che a lawm,khawvel mite ngaihven rawn leh duh rawn inih kher angailo,an ni ai chuan mi pakhat hmangaihtu che an pawimawh zawk,mi tam tak  ngaihven rawn leh ngaihsan rawn nihchuan tawp hun a nei a ,a kumhlunlo hmangaihna erawh chatuan atan a ni thung.

Mi tamtakin an duh ai che khan,kei chatuan atana hmangaihtu che hi ka pawimawh zawk lo em ni,ka nupui ini tawh a tunah chuan keimahin ka enkawl ve tawh ang che ,nu leh pa i mamawh lo ,mipa hmangaihtu che i mamawh tawh zawkah ngai rawh" khum lama min pawm pahin a ti a ,keipawh ka tawng zawm tawh biklo