LIBERTY CHAPTER 2

LIBERTY (18+)

CHAPTER 2

Damlo ho bulah chuan ka zui kual dawr dawr,a ngal a seiin a kal chak ropui si,ka thaw hlawp hlawp tawh ,ka thlan ka hru,he damdawi ina dam lo zawng zawng hi kan kan kual nimaiin ka hria ,“ Chawl ang doctor " tiin filter awmna ah chuan dingin tui ka in nghal khawlh khawlh,min en ang ngur ngur leh nghal “ I kal chak lutuk a lawm,doctor dang zui ka duh nang ang chu ka zui duh lo che " ka tihchuan min panin ka hmaah tak a rawn ding a.

“ Duhthlang theiah i in ngai em ni? Ngawi reng khan thawh zawm i duh chuan awm ang che " a rawn tihmuk awi! Hepa hian zahna chang a hre thlawt lo “ Dave Lalrinfel " a hmingpuma ka koh a vang chuan a hmel a rum zual sauh,ka hmui zawnah a rawn kun hniama ,a rawn thaw lum ham ham ,ka mit ka chhinga mitah ka en ngam tawhlo ,ka hmuiah a rawn dai chuan nuam ka ti chu a mak ka ti hle ,a doctor formah chuan ka tham a ,ka chhang let ve vat .

Bangah min nawr betin a duhthawh zual sauh,ka mawngah a hrawm tawn tawn,a nghawngah kuahin ka hmui chu ka thiam ang tawkin ka tiche ve a ,thawm rawn awm avang chuan harh chhuak zawkin ka awmsawn vat,doctor pakhat rawn kal chu a nui vur vur a ,a bula kalve nurse pahnih erawh an lawm hmel teh chiam lo,ka zak hle mahse Dave erawh chu a hmelah zam hmel pawh a langlo,a pangngai reng “ Thiana a va nuam awm ve " chupa chuan nuisawngin a rawn ti .

Dave chuan chhanglo in a dar a san awk a ,a hmui a tuai zauh ringawt ,ka lam rawn hawiin “ Kan kal phawt ange " tiin a kal leh a ,ka kal ve chiah chu nurse pakhat chuan a lo kalh ,ka tlu tur chu hmalamah ka awn a ka au pah bawk ka mit ka chhing sawk ,mahse ka hmaa rawn dingin Dave chuan min kuah bet nurse lam en in“ Khatiang thil iti leh anihchuan he damdawi in atang hian i chhuak thei ang " tiin min kaiin min kal pui a .

A hmuh loh lai chuan hmeichhe pahnih chu hawi let in mit phen chungin ka lei sei tawkin ka chhuah a ,an thinrim hmel hle doctor pa rawn nui hawk avang chuan rang zetin ka awm tha a ,Dave a min rawn en chuan ka lo insiamtha hman vek,a office bik lam panin ka zui det det luh hma chuan hmeichhe pakhat hi room pawnah a lo ding Dave-a a hmuh rual chuan a rawn kuah chawt“Ka ngai tawh lutuk che a ,ka lo kal tawp a nih hi,zan ka nghak thei tawhlo ,I buai viau em " a tinghal zat .

Dave a en dan leh kei min endan chu a dang hle ,a bialpa chu a uipui sa hauh hlur tih ahriat ,kei erawhin nichina kan awmdan avang khan ka inzahpui,bialnu nei lai reng duhthawh lutukin ka lo fawp ani sia,ngawi renga kalsawn ka tum chu “ Kan pahnih tan hian coffee rawn la rawh " Dave chuan a rawn ti,thupek aw lutuka a tawng ziah hi ka ngei hle ,mahse tunah chuan ka pu a ni rih miau ,kalsawnin inhnuai lamah coffee chu ka zuk la a .

Ka chhoh lehlam chuan “ Sawnu saw a lawm doctor Dave nen lo in fawp chu" ti a lo tawng te avang chuan ka ding dat “ Enteh mi chanchin chhe lai i sawi hian ,I ropui phahlo ,mi i rel chiam hian i ropui phah lo " ka melh pah nghek ,ka sam hnunga then vawk chung chuan ka kalsawn auh auh kher a ,an ngei leh ang chu ,Dave room ka luh chuan an lo inkuah leh chial tawh,coffee chu ngawi rengin ka dah a ,ka chhuak tur chu ka kal deuh hlawk hlawk .

“ Ban dawnah rawn lut leh ang che " a tih avang chuan hawi let in“ Doctor keimah chauh lo pawh tam tak he damdawiinah hian nurse an awm ,chuvang chuan ka duty hun thleng bakloh chu min tilui thei lo ang" tiin min rawn chhan leh hma chuan ka chhuak hlawk hlawk,ka hmui ka nuai nawk nawk bawk ,ban a hun tep tawh tho,a rawn chhuah hma a hawn vat vat ka duh ,ban a hun rualin pawnlam ka pan hlawk hlawk taxi pharin ka thu lut vat a ,Kan venglam pana a tlanlai chuan kawnga mi kalte chu ka en reng.

Traffic jam erawha nin in ka ning,Kan che data kan ding leh nghal zel,pen khat pawh hi kan pen hman ka ringlo,kawngkal ho chu keini ai an kal chak fe hian ka hria,ke in kal dawn ila ka bo ka hlau bawk si,ka thu ve reng driver pa nen chuan kan in be zauh zauh chauh,ka phone ri chu ka en a ,number hriatloh muangchangin ka la “ Lo la awm turin ka ti che " lehlam atanga a rawn tihchuan ka bo viau tu tak ni ang maw?

“ A pawi hle mai;ka hrelo tlat che " tiin phone dah ka tum a ,a rawn tawng leh avang chuan ka thu ngil awt “ I awmna ngaiah khan awm reng ang che ,I kalsawn chuan i chungah eng emaw tak ka ti ngei ang" a rawn tihchuan taxi atang chuan ka dak chhuak,kan hnung chiahah a lo ding ve reng,car atang chuan min melh kurin a cara chuang turin min signal nghal zauh,ka nersawk ka chuang awm hleilo e ,ka lut leh hmak a ka phone rawn ri pawh chu ka ngaihsak duh tawh lo

A tawpah car chhung atang chuan rawn chhuakin tukverh zawnah chuan a rawn ding thim run,glass ka down duhlo a ,ka awm ngaiin hmulo ang chiah chuan ka awm“ Rawn hawng rawh " a tihpawhin ka beng ka chhu ngawng,bialnu nei reng si a khatianga min fawp kha ka hua ,driver zawk chu ava bia rum zetin ka en thung,“ Thiannu i bialpa bulah chuan va thu mai rawh" driver pa chuan a ti ,bialpa a hmela mai mai chuh!

Driver hnenah chuan ka chuan man tur aia tam a pe ,taxi chu rawn hawngin min pawm chhuak nawlh,doctor form a la ha bawk nen mi chuan a damlo emaw min tivek ang,a car chhungah chuan min dah lut a ,amah pawh rang zeta rawn thu lututin kawngkhar zawng zawng chu a lock vek “ Enge i hriat a ,engvanga hetiang thil tinge inih?" Tiin ka au khum tuar ,hnalam melh runin traffic a thawl takah chuan a tlan chhuak ruai ruai ,min chhang duhlo chuan thin a tirim zual.

“ Ka chhuak duh tiding rawh " tiin ka be leh,a kut lian leh sei thlurh mai chuan a car stearing chu a hum run,din a tum chuanglo min tlanpuina lam lah ka hre heklo “ Hmela ka biak che chu i hre lo em ni ,car hi tiding rawh " ka tituar “ A dinna tur hmun a thlen hunah a ding ve mai ang " tih chiah sawiin a khalh chhun zawm,khawpan lam min panpui ,ka ke chuan car hmalam chu ka tlawh chiama .

Car chu a tiding nghal chawt ,ka lamah rawn awn pheiin min thing deuh nawk ,ka khabeah vuanin min kuai dak,ka en duhloh a vang chuan ka khabe chu a vuan na sauh ,ka hmuiah a rawn fawh chuan a awmah ka nam“ Titawh suh,min thlah nghal rawh " nam ngat ngat chungin ka tichhuak tuar ,ka kawngah a chelh bet a a hmui leh lei hmang chuan ka ka tihkau a tuma ,ka chip lui ve tlat. .

“ Nichinah pawh min dan loh kha ka bialnu vang ngawta min hnar tum suh"tiin min fawp lui leh ngat ,dam raiha min fawhna chuan min inthlah dul tir tial tial ,ka kawr hmawr atanga zen chho in ka awmah a kut lum thur thur chuan a hrawm tawn tawn “ Dave tisuh,min thlah rawh " awmsawn ka tum chu a awmah min kuah bet nghal thlawp,a lungphu rang dawt dawt chuan ka lakah feelings a nei ve tih min hriat tir .

Mahse ka hnaih tur a nilo tiin ka infuih sauh sauh,ka samah a chula ka chalah a fawp leh zauh zel,a taksa lianpuiah chuan min kuah bei hlu hlu,Chet pawh che peihlo in min tihdan dan chuan ka awm a,ka tal nan ka hah zo vek“ Bialnu nei lai ini a ,ngaihzawng nei reng chunga min hnaih tur ini lo,keipawh ka lo insum theihloh avang khan min hrethiam dawn ania,ka rilru a lo kalsual deuh anihkha ,min hruai haw tawh rawh inah hna ka ngah" tiin ka awmsawn a.

Ka kut a rawn vawn leh chuan rang zetin ka la sawn ,a rum nghut engmah sawi tawh biklo chuan khawchhung lampanin min tlan let pui a ,Kan inzawna a din rualin chhuk tumin kawngkhar ka hawng tawh chu “ Naktukah rawn tlai suh ang che " a rawn tikher,ngeiawmliana hi a ni ringawt ,be tawhlo in inchhungah ka lut nal nal ,ka nu chuan min lo be mawlh mawlh ka u inchung lam atanga rawn chhuk erawhin min melh no lo viau mai.

“ Grace Remsiampui Dave nen khan engtin nge in rawn inzui theih ?" A rawn ti fak “ Min rawn thlah anihkha ,a hrim hrimin enge chu chu a pawina vak" ka tichu ka u chuan min melh rum zual sauh,a bialpa ang te Khan a sawi vel a ,a ni der bawk silo unau mah ni ila kan tette atangin kan in mil ngailo ka nu leh pa te hian an duat bik vang te pawh hian a niang ; kan tawng a piangin kan inhnial deuh ziah “Hnaih lo la a nimai " a rawn tihleh chuan ka nui hak .

Chhan leh ka tum chu ka nu chuan min lo khap vat“ An thawhna a inanga an awm dun ve bawk ang chu,Bawihi nangpawh i nau a nihna angin duat zawk rawh,hna a hmu ve a ,a hnathawh puite nena an in nel chu a tha a lawm" atihchuan keipawh chu ngawiin ka room lam ka pan nal nal,ka inbual fai a ka mu nghal vang vang ,Chaw pawh ka ei peih neklo e ,ka mu tlang daih ,zingah peihlo tawkin ka tho a ,lo kal hma rawh a tibawk nen ka insiam vat vat ,Chaw tlem barin ka chhuak nghal vat .

Hospital ka thlen rualin a office ka pan ,min rawn pan leh kher kha ka duhlo,kawngka chu kik lem lo in ka hawng pawp “ Ka lo kal hma" ka thil hmuh avang chuan ka tawp chawt,a bialnu nen leh bawk khan an lo infawp leh ngur ngur tawh“ Nangnu hi hnathawk inih te chuan i thu thu in i duh duhna roomah lut suh" a hmeichhia zawk chuan a rawn ti a ,a lawm loh hmel viau “Ka lo lut tawhlo ang ka tihpalh a ni e " tiin ka chhuak nal nal,zui pawh ka zui tawh lo ang.

Thawhna tur hmu lo pawh ka ni hlei nem huh,kha mihringpa lerh zet kha ka hnaih tawh lo ang ,counter ah ka thu daih,ka thawveng huai bawk ,thianthar ka chhar pah bawka a nuam viau,ka hmaah rawn ding an awm a ,mahse a perfume rim atang chuan tunge anih tih ka hriat avangin ka ngaihven duhlo,damlo rawn inziak lut ho chu ka check kual mawlh mawlh ringawt ,an chhungte rawn kan duh ho lahin an awmna cabin min zawt reng bawk nen ka ngaihven hmanlo chu Pathian malsawmna ah ka ngai .

Chhunchawlh ah ka thian thar Nutei nen chuan thingpui dawr lama chawlh tumin kan insiam “ Remsiampui min rawn zui ang che ,pawnah ka lo awm ang " tihchiah sawiin ka chhanna pawh nghak lo in pawn lam pan nul nul chu Nutei nen ngawi rengin kan endun ,a bialnu ang maia min treat hi ka hua ,lerh lutuk single chuang der silo ,Muslim ho ang mai emaw a inti emaw ni .