LIBERTY CHAPTER 1 (18+)

LIBERTY (KARA SEVDA ) 18+ 

Hei Chu Kara sevda movie deuh a nidawn aw 😊😊

“ U ka nu chu rawn hruai ula ,hei hospitalah chuan ka awm tawh ania " tiin ka unaunu neihchhun chu ka bia a ,ka nu a damlo a rawn tihkhan ka chi ai vek a nihkha ,tunhi Kum 10 hnua ka haw lehna hmasa ber a ni a ,a hma kha chuan Mumbaiah lehkha zirin ka awm char char zel,ka pa hi MLA a ni a ,a buaiin kan inchhungah a awm hman meuhlo ,mipui lam a ngaihtuah tel a ngai zel bawk si a ,ka phone ka khawih mial mial lai chuan ka bulah rawn ding an awm tih ka hria a ,ka la enlo phone a hmang tih hriat takin a tawng sup sup a ,a aw chu a thumin a pa hle bawk .

Ka hawi chhuah rual Chuan mipa sang tak,mithmul bukchhap mai hian min lo en a ,a sam chu a bek velah chuan a tipialin a then a tiphir a ,t shirt var ha in a inhmeh hle bawk ,ka en ha ,a thawmhnaw hak thianghlim mahse a mah Chu a sual hmel ngawih ngawih hian ka hria ,kalsawn ka tum a “ Dr Dave an mamawh che " tiin nurse pakhat a rawn kal a ,chupa pawh chuan a pan nghal vat,doctor maw a nih a ,khatiang kumah pawh la upa chiamlo tih hriat tak kha doctor maw a nih,ka en zui reng a hnuah ka u leh ka nu nen an rawn inzui ka hmuh te chuan mitkhap hauhlo in ka en a .

A nipawhin min rawn melh ve zauh bawk,a biang vela hmul to Chuan a tilang pa hle ,hmeltha uchuak tih tur chu a nilo mahse a pa ngawih ngawih thung “ Bawihi lo kal la" ka nu in room pakhata an luhdawn a a rawn tihchuan harh chhuak zawkin ka pan a ,chupa office ni ngei turah Chuan kan thu thap,ka u lah Chuan a hriat than ang mai Chuan a be mawlh mawlh reng a,ka nu awmdan te chu sawiin  an titi duna ,kei leh ka nu erawh kan lo ngawi reng thung,he hospitalah hian thawh kha ka tum deuh a ,mahse ka la chiang lo thung,ka thianpa te hian an hospitalah thawk turin min sawm ve bawk a ,ngaihtuahna abuai duh viau mai .

Kan chhuah hnu chuan ka u chuan “ Nu kha kha a nihkha a chanchin ka sawi fo Dave a chu,a hmeltha in a hausa a nula hote hian an duh thei lutuk " tiin ka u chuan khapa chanchin kha a sawi a,an in ngaizawng emaw tih awl tak a ni “ Mahse bawihi an sawi danah ,amah kha insual nuam tive tak an tihkha " ka nu in a tihleh chuan u Nunui bawk Chuan “ A...khangte mai mai te chu a ,a la insiam tha ve ang chu,he hospital lah a ta a nia , a tan te chuan mualpho tak tak a awm thei lo " tiin taxi chu pharin Chanmari lam pan chuan kan tlan leh a ,Aizawla piang leh cheng mah ni ila ka awm loh rei em a vang hian veng leh hmun nuam deuh hriat vak ka neilo a .

Ina mahni a awm nuam ka tiber thung,ngaihtuahna kawma intihhlim hi nuam ka tiin story chhiar ka tuipui hle bawk ,nurse training in ka awm bo char char hnuah kan ram ngeia thawh ka duh a vangin mumbaia min sawmna pawh hnawl in ka haw a ,ka awm thiamlo hu in ka hria ,vairama ka awm tam vang nge Mizo nundan ka hmuhte chuan mak min tihtir ,kawrfual kha ka ha ziah zel a ,taksa lang tam ka ha ngai meuhlo,ka sam pawh a sei ve hle bawk,Aizawl ka hmuh tam ber erawh sam rawng intial nuk,dul langa kawr suih tut a vak inlak hmel tak tak ka hmu nuk a ,thenlah “Kawng min Kian lawk" tihpawha hrelo ang maia awm tawk lah bo lo

Tupawh mai chu an in dahsang larh tih a hriat ngawih ngawih mai ,vairamah erawh mipui tam ang hu in a ramdang a zawk khan min zahthiam hle a nihkha,helai ka thlen chinah erawh chuan mi bia ila mi ngaihsaklo a min kalsan nal nal lah bo lo,an kalna dal Chuan ngawi renga insut leh tawp ang kha ,a bengchhengin hmun reh a vang hle bawk ,in Kan thlen rualin lum ka tih em a vang Chuan ka inbual nghal vat ,ka inthlak hnuah chuan khumah ka mu zal a ,Mumbai ka ngai hle ,ka nite bula awm kha nuam ka ti tawh zawk ,hetah chuan chhungkua nisi hi kan in ngaihsaklo niberin ka hria .

Ka pa pawh ka haw hnuah vawikhatmah ka la hmulo,hei vang hi ania Mizoramah ka awm duh vaklohna chhan,tette a tangin in tan an ti a ,mahse kan tan hun neilo khawp leh an fate pawh chhaih nui hmanlo in mi mithmuha hmingthat duhluatah an fanu hi min thlahthlama ,ka u erawh an duat leh em em tho si a ,ka phoneah Chuan message a rawn thleng a ,Hospital ah hna ka hmuh thu an rawn sawi a ,vawiin ka hmuhpa ta ngeiah khan,ka nui sak ringawt ,nurse nih hi ka tuipui bakah ka chhungte lak atanga awm bo nan khan ka hmanga .

Mizoramah a tha lo ka tihna nilo in ramdang tluklohna kan la ngah em a vang leh keimah English lama ka thiamna tihpun ka duh a vang khan high school a tang khan ka awm ta char char kha ania ,thian pawh ka ngahin an polite hlawm hle ,hetah erawh ka mal ngawih ngawih hian ka hria ,hla ngai thla in tlangdung chu ka thlir a ,bike ri ring lutuk kawngpui lama tlan reng te chuan min ner tir sawk sawk ,ka phone a rawn ri a Nandini tih ka hmuh rual chuan ka nuisak,a ni hi ka best a niin engkimah ka tan a pawimawhin ka tan a awm renga ,ka mamawh hunah a tlanchhe ngailo bawk .

Ka lak rualin “ Grace ,iva reh ve ka ngaih che nen mi biak pawh i tumlo,kha lamah i awma nuam iti lutuk hian min theihnghilhin ka hria" a rawn tihchuan ka nui hak hak a ,ka haw hnuah ka la be lo a ,a chhan pawh interview a ka buai em vang leh ka motor rui ka mu reng bawk nen biakna hun ka neilo hrim hrim “ Sorry ,ka buai lutuk a tunah chuan hna pawh ka hmu tawh a ,midang teh an dam em ka ngai lutuk che u " ka tihchuan an dam that thu leh min ngaih thu chu a rawn sawi let ve,vai tiin sawi mahse ka tan erawh ka khawvel nuam tihchhan an ni in thiantha nihtling leh puitling tak tum ruh leh mi fuih kal tu ber an ni.

Ka chhungten min tlawh khat tih hria in ,hunawl kan neih a piangin intihlim turin kan chhuak ziah a ,Nandini phei hi chu damdawiin bakah 5 star hotel an nei a ,an nun pawh a nuam viau,mahse amah hi a inla lo in thawmhnaw pawh vantlang hk ang chiah a inbel a ,a nu leh pa pawhin keichenin fa angin min en a ,chhungkaw hlim tak an ni,an buai viau pawhin an fanu an ngaihsak em em a ,ka nu leh pa anglo takin fiamthu an duh bawk ,kan inbiak zawh hnu chuan inhnuailamah ka chhuk thla a,ka nu leh ka u chu an lo titi leh bawrh bawrh tawh “ Bawihi lo phei teh ,kha han tem teh maw " ka nu chuan an thilsiam lai chu ka lamah a rawn dah hnai a ,ka tem ve zauh zikhlum leh eng eng emaw an pawlh kual a ,a tui ve phian.

“ Nu hna kha ka hmu a ,vawiina i in entirna hmunah khan naktuk atangin ka thawk thei dawn a nihchu " ka tihchuan ka nu chu a lawm hmel hle min kuahin “ Tunah chuan fanu puitling tak ka nei ve ta " a rawn ti a ,keipawhin ka kuah let ve a ,a hriselloh hnu hian inlamah a awm tam ve tawh a ,chu chuan keipawh min tihlim ,a tuklamah chuan hospital lam pan chuan scooty in ka kal a ,a tuala ka park dawn lai chuan bike chak zeta rawn tlan a vang chuan ka kual tur chu inveng hman tawhlo in ka thal tawp a ka khup chu a thip nghal vawt vawt ,bike rawn ding chu ka melh kar a ,mawl lutuk bike chak tak takin an khalha an thiam tak tak silo ,a rawn thu hniama a helmet a phelh rualin kha doctor kha a nitih ka hre nghal.

“ I bike khalh fimkhur ta che ,i thiamloh chuan khalh lo ve mai rawh " ka lo tihlar a ,a tawnglo a a hmelchu a danglam eihlo bawk chutah dimlo zet chuan ka zaka dawmin min chawi kang nawlh a ,ka rak that “ Ana min dim thiamlo a nihchuan min khawih suh" ka tileh chu a rawn nui ta suk a ,a sana enzauhin “ I an reng aichuan i tlai dawn ania , Grace Remsiampui " a rawn ti a ,ka hming a hriat a vang chuan mak tizetin ka en ,chutah hospital chhung lamah chuan faifuk hlurh hlurhin a lut a ,ka scooty chu dahtha in ka zui ve thuai,damdawiina nurse thawk ho chuan an lo en thap a ,an insik nawk nawk bawk,a chhelo em bawk a ni ,a jeans kekawr hak leh a t shirt te chu a taksa nen a inrem zaih bawk si a .

A kal liam hnu chuan “ Awi he damdawiina ka thawk thei hi chu ka lawm e ,mi hausa fapa chutah doctor hmeltha leh pa lutuk nitin kan hnu thei bik ania" an tihchuan an hmuhloh lamah ka lo nui hak a ,inthlakna tur room lam panin ka kal nghal zat ,ka inthlak zawh rual chuan midang ka va zawm a ,an nipawhin thawkthar ka ni tih hria in min lo be vat hlawm a ,hmeichhe pakhat keiaia u deuh hlek tur chuan an awmdan thin min hrilh mawlh mawlh,doctorin an partner tur bik an nei in an mamawh hunah hruai a,chung chuan a tul ang angin an pui a ,mi zai vel thlengin an inkawp tlang tih chu min hrilh mawlh mawlh .

Nakin deuhah chuan midang an kawppui te an zui nghal diah diah a ,kei erawh ka doctor tur ala rawn kal ve loh a vang chuan duty dang nen kan la awm a ,ka hmaa doctor kawrfual ha rawn ding chu ka en a ,ahmel ka hmuh rualin ka phu zawk leh nghal ,hepa leh bawk chu “ Min rawn zui rawh muangchang hman kan nilo" a rawn tihmuk a “ Min hriatsual a niang keichuan ka partner tur .." ka sawi zawh hma hma chuan ka banreka rawn manin min kalpui dawr dawr a ,ka tlan hlawk hlawk a niber midang lah Chuan mak tih hmel lutukin min en bawk 

(LE KA STORY THAR LEH TUR A NI A ,MIN LO CHHIARSAK LEH THEUH TURIN KAN IN NGEN A ,A TAWP MIN THLENPUI LEH VEK DAWN NIA,A NGAIHNAWM HMEL INTIH CHUAN LIKE LEH COMMENT KHA AW ,LINK NGAIAH KAN ZAWM LEH DAWN NIA )