THE BAD BOY RULES CHAPTER 2

THE BAD BOY RULES 

CHAPTER 2 

Thana nen chuan lunch ei turin canteen lamah kan kal a ,ka hnung lam atanga min rawn vawm tu a vang chuan ka rak that “ I tha em " Thana chuan rawn tihpahin hnunglam a hawi a ,keipawhin ka en ve Dylan hassin chu a lo nui thaw mai ,Thana thinrim lutuk chuan ka dan hman hma in a pan phei mawp mawp a,Dylan lo ding chu a hnek nghal sawk,Kan tette atangin ka thlavang a hauh zia ka hria a ,buaina ka tawh tawh chuan a mahin a hmachhawn ziah zel,Dylan thiante chuan khawih ve an tum a,ka tlanphei vat mahse Dylan ber chuan a thiante chu a khap a ,Thana nen chuan an inmelh ngar bawk .

“ Bialnu tetakte i neia i tan ve hle mai maw " Thana hnekna ngaih pawimawhloh hmel zet hian a nui kher bawk a ,Thana'n a hnek leh a tum chu a kutin a lo dang hmiah,a mah a lianin a sang ropui si Thana hi lian ve viau mahse Dylan chu a la chenlo lutuk tlat ,buaina a thlen lai lah chuan midang te chuan hmuhnawm tih hmel tak hian an la thlir zawk leh ta nghal a “ Thlah rawh " Dylan bula va ding chung chuan dak vahin ka ti a ,min rawn en chhuk ngurin a khabe a khawih a ,hawi kualin “ A va romantic reuh ve movie te pawh a an hi " a tihchuan midang chu an nui deuh dar dar a .

Ka inthunun hram hram Chu a ni ,chutah Thana Chu hnaihchilh thutin “ Min cho a nihchuan zaninah kan fiah dawn ania ,lo kalna tur chu i hriat ka ring" tiin a thlah a ,thawven hmel zet hian a kal nghal zat,midang chu engah mah angailo ,thlahpawlh a nihna chuan a aw phawi pawh a tidanglam hleklo bawk ,ka en zui reng a “ Kal ang " Thana chuan a rawn tihmuk a ,a nipawh a lawm hmel tehchiamlo ka thianpa hi ringtawk viau mah ila khapa lakah khan ka hlauhthawn pui ,a insual lai ka hmu tawh a ,ka thianpa hian a hneh dawn lo lutuk tih ka chiang “ Zanah chuan kal miah suh aw ,a ni thu kha zawm angailo,mi awmtha duhlo a nihkha " ka ti hlak a ,a nui ringawt chu ka melh nghek .

Keimah min chhan Nan insual ve thin mahse ka thianpa hi kha Dylan lakah kha chuan a fel mah mah ,zanah phei chuan a lengchhuak ngailo mipa dang ang lo takin khawlaiah a vangin a mah hian a peihlo a ,inah awm in a chhungte a pui mai zel “ Nui ringawt suh kal miah suh ang che ,tun ang lai khawvel chhiat tawh zia pawh I hre ve vek ,tumah hian tualthah an hreh tawhlo hmanni ah pawh Zemabawk lamah mi an that an tih kha ,nunna hlutzia hrelo a tualthah duh an tam tawh lutuk,chuvang chuan i kal a nih vaih chuan ka be tawh lo ang che " ka tihlak hlak a ,nui kur kur hian dawhkana min thut thlak tirin “ Awle awle ka kal lo ang " a rawn ti a .

Ka thaw huai mai,eitur la turin a mah a kal vut a ,ka lo nghak reng a rawn thlen rualin ka nui vur vur a ,alu kan chu ka ei nghal hlak hlak ,antam leh zikhlum hnah pawh an tel a ,ka thil ngainat ber ber sa lam ai chuan thlai hringlam hi ka ngaina a ,mai kan te hi ka duh hle bawk,ka lu a tanga eitur rawn thlak tu avang chuan ka kut ka hum ruh a “ Khatiang ei te chu a thing lutuk,Sangha eitawk a nihkha " rawn titu chu ka insum thei tawhlo dawh kan chum burin ka tho chhuak a ,ka hmui chu petin “ Nang mihring phiangsen hian engvanga min tibuai reng nge inih" tiin ka au tuar a,chutianga ka awm a ringlo nge a meng ve deuh kawk mai.

Thana chuan ka insum thei dawn a a hriatloh a vang chuan a rawn tho chhuak a ,ka kutah a hum nghal vat ,kut beng ri kan hriat rualin kan taksa ah chuan an thil eibang chuan min vawm a “ Lut thar zaktheilo in nih man a nihkha " an la rawn tizui ,ka rilru na lutuk chu ka mittui a tling pam thei min hnungchhawn zawnga kal chu kut hum ruh chungin Thana min chelhna dahsawn pah chuan ka pan mawp mawp a ,ka hnek dawn chiah chu a lo awmsawn nen ka kutah a mana ,ka tlu tur chuan ka pawt tel ve bawk ,thil ri rum rumin ka menchhuah meuh chuan ka hmuiah Dylan hmui chu a lo bur ngur mai,a nipawh a mengkawk a ,keilah chuti bawk a kawr nghawngah ka tham tai a ,a hmui lum vung vung leh a taksa rit nulh chuan min la delh bet reng.

ZOMUANSANGI👇

Harh chhuak thurin ka namsawn a ,ka hawichhuak ngam tawhlo midang lahin min en thup si ka zak takzet ,ka tlanchhuak a khapa kha engtin nge a awm zui pawh ngaihtuahlo in college hnunglam thingkung hnuaiah chuan thu in thawk ka la kawk kawk a ,ka hmui chu ka nuai nawk nawk ringawt .

DYLAN POV...TILANG VE ZUAI ANG

Ina ka haw hnu thleng chuan ka hmui chu khawihin ka nui ka nui ringawt,kha hmeichhe thau ang taka lang ,mahse thau ni silo a engkim khal talh leh ,a taksa phulo a a sam sei thinchhe ve tak ngaihtuah khan ka hlim riau chu ka inhrethiam bik hauh lo,a rawn luh tirh kha Chuan ka tihdan thin ngaia hmusit taka tawngkhum kha nuam ka ti a ,mahse a ni khan ka awmdan a ngai pawimawh chuang hauh silo ,ka tihdan kha a thinrim pui hlar a ,midang in a min hlauhna mitmeng ang kha a mitmeng ah khan a lang ve ngai miahlo bawk .

Ka pian tirh te atanga Mizo tawng a ka nu in min biak thin a vangin tun thlengin thlahpawlh ka ni tih ka tawngah a hriatloh a ,ka hmel leh pianah erawh a hriat viau thung,ka pa ka chhun bawk nen hmeichhe tam takin min bem in a thente phei chuan hmaichhanah love letter min pe tawk lah bo lo,tuna ka kawp mek Felyna pawh hi keichuan ka bialnu angin ka ngai lemlo a ,a mahina min zui kual nasat em a vang leh a mah a chhelo ve bawk nen,inkawp angin ka awmpui mai a ,mahse hmeichhia hi vawikhat pawh ka la mutpui lo ,ka phone rawn ri chu enin ka nui hak a ,ka lak rualin “ Dylan hassin vawi engzat nge nitin min rawn be rawh tih ka hrilh che ngai dawn " ka nu nu a zawnga ka hmangaih ber leh thinchhe em em si phone atanga rawn au tuar chu ka nuih hawk hawk a .

“ Mom i fapa hi ka buai ve a nih hi ,min ngai viau zel suh,ka pa in a hriat chuan a tau leh ange " ka tihchuan a rawn thaw hak a “ Ninawm pa fa lutuk ,ipa sawi reng suh tunpawh a mah a vangin ka vakchhuak theilo i nau lah hi khawlai a ngaina bawk si" a tihlak hlak a ,ka pa a hmangaih zia leh an inthlakhlelh zia ka hria a ,ka naupan lai phei chuan ka pa duat kan inchuh hial thin,ka nu lah rilru naupang chhia chi a nibawk nen ka pa a buai thei vut vut viau mai ,ka pa lahin ka nu a tah hlek khan a pawm hlu hlu zel bawk a “ Nu nangmah anga hmeichhe thinchhe deuh mai hetah a awm a sin,a te ve tho sia,a chhun tawp che mi tê thinchhia " ka tichu lehlam a tangin a rawn au leh vak .

Keilah ka nuih a za deuh deuh,a thinrim leh tak tak dawnlo tih ka hria ,ka nu aia min hmangaihtu leh fate ngaihtuah tu hi an awm kherlo ang,ka naupan tet atangin ka runluih peih a ,ka awmlo tur pawh hi a huphurh viau a nihkha “I tet lai atang rengin I tawngthei em em a ,tu hi nge I chhun ang aw ,i pa lah a tawngkam a bulin a tawngtlem ropui si ,nang hi chu ipa lakah i dang hlak ,tawngthei si chimawm bawk " a rawn tihchuan a huat tur tawk velin a mah ka chhunthu ka sawi Chuan a rawn haw leh viau “ Tak takin Bawiha ,ngaihtuahawmin awm hauh suh aw ,midangte kha hmusit lo la ,keini aia chaklo zawkte leh rethei zawk te hi hmuhsit hauhloh tur " a tihchuan ka ngawi reng .

Ka awmdan hi rawn hmuse Chuan a lawm kherlo ang,mahse ka inthunun theilo hetia ka nung chang insual hrat tak leh midang tihbuai hi nuam ka ti  “ Nu ka dah phawt aw ,hei Nutei te pawh an lo haw tawh a " tiin ka be zat a ,ka nu naute ho bulah ka awm a ,an felin min ngaihtuah a ,ka nu hi ka khawngaih thar hle bawk ,an nu leh pa an chana mahse a naute tihian a enkawl pah bawk ,an bulah awm kher lo mahse Nutei te leh putea te hian min duatin min ngaihtuah hle a ,ka nu nau chiah erawh pasal nei ve tawhin fa pawh pahnih an nei tawh nghe nghe ,a naupang lam erawhin doctor leh police hna neiin tunah chuan an nun a nuam tawh viau ,putea hi police hna thiam tak a ni a ,a mah a chhelo bawk nen vah chhuah pawhin hmelhriat a ngah hle .

Kei erawh ka chhungte bul loah hmel nelawm ka put loh a vang hian a ruka thla min laksak tu bak ka be ngai meuhlo ,ka nu chuan phone a dah hnuah khanu bawk kha ka ngaihtuah,a inchei dan atang kha chuan mi awmthei ve tak chu an ni ngei ang,kha a thianpa nena an awmtlang kha ka hmu thei hauhlo te kha a chhan erawh ka ngaihtuah thiamlo bawk ,zan dar 10 a rik chuan khawpawn lamah kan awm leh thap tawh a ,Felyna nen chuan bike bulah meizial kan zu tlanga ,kha nghatei thianpa lo kal kha ka nghak a nizawk mah,zantin pawisa chawia insualna kan Siama ,kei erawh min cho tu an awm te a nihloh chuan ka tel ngailo thung.

“ A ngamlo ang che kan tihkha " darkar chuang a liam hnu pawh a ala rawn kal loh a vang chuan ka thiante chuan an rawn tisap sap a ,ka meizial Chu paihin ka nui suk ringawt ,vawiinah kha chuan min cho hmel zek zek kha a nia , mahse tunah erawh a hmel a rawn lang hauhlo ,zu um chu la in ka in nghal khawlh khawlh a ,Felyna hmuiah chuan ka fawp zauh,hmanni tlaia hmeichhe insual thiam zet kha ka ngaihtuah a ,nghatei nen an inang ka ti riau bawk,mahse mask a vuaha tun anga chuan pian in ang tak tak an tam tawh miau a ,ka chiang bik lo .

ZOMUANAWMI POV....

“ Bawihi i college luhna teh chu a nuam em " ka pa chu melh zawkin lu ka bu nghat ringawt,ka nu leh pa hian ka duhzawng chu min leisak ziah mahse ka duhber ka kianga hun hman erawh an hreh em em nge pawh ka hrelo ka birthday ah tak ngial pawh inah an awm ngailo a ,Thana hian lawmloh aiah tiin a mahin engkim min buatsaih sak thin zawk a ,ka nu leh pa erawh in an fanu ai an party leh midang an ngai pawimawh zawk ,chuvang chuan ka nu leh pa te hi nel takin ka kawm bawrh bawrh ngai lo .

Mi chu an nu leh pa te nen an infiam tlan bawk bawk laiin keichu awmpui ho leh keimah min enkawltu baklohin min tihlim tur pawhin an lo kal ve ngailo bawk,khawpui michangkang awmkhawmnaah ka awm a ,mahse a let tam takin thingtlang nun thlakhlelh chang ka ngah fo ,an ni chuan rim takin an thawk a ,an neihah an lungawi em em a ,khawpui mi angin sum ngah em em in awm lo mahse an chantawkah an lungawi in nitin thlanchhuak zawih zawihin nisa hnuaiah an thawk a ,an chhungkua an chawm a an fate tan an hmangaihna zawng zawng an hlan bawk ,kei hetah ka awma ,sumah lungngaihna tur ka neilo ,mahse ka thlakhlelh ber nu leh pa hmangaihna erawh ka dawng ve theilo .

In nuam tak leh mi awh rawn niin nun nuam tak nei mah ila ,a chhunga chengte kan hlim siloh chuan mawina leh hlutna neilo mai a ni,ri bengchheng nuaih nuaih kara awm ai a ,thlifim thawt heuh heuhna ,ramsa leh sava te hram thawm ka hriat phakna tur hmun ah ka awm chak zawk,hetah chuan vakchhuak ila lirthei bakah mihring motor kawng chep zel leh ipik thlak zetah kan inhnawha,kawng kan dal cheplo palh ange tihtur khawpin kan insak in kawng an hnaih a ,motor leh two wheeler hunna tur awm leklo khawpin kan tichep bawk ,khawi emaw kawmkar a tangin rimtui lo zet a lo chhuak a ,sa channa hmun lah nise a thang em em bawk .

Thingtlanga ka zin changte kha chuan an khawlaiah pawh rimhriat nuamlo hip tur a vanga ,boruak thiang tak leh thingkung hring dup,tlang nalh tak tak leh hmanlai mizo nundan tam tak hmuh tur ala awm a ,nitin awm awl hmuh tur awm lo in lo lamah a then an feh a ,a then school kalin ina awm pawhin huan leh inchhung tihfai rawngbawl chenin an kutah an dah vek,chuti chung chuan hlim takin chhungkua in an la infiam ho thei tal a ,an thlai chin hmangin ei an zawng a ,vai buhfai ei ngailo in an mahni chin ngei an ei bawk ,ka ngaisang hlauh zawk ,ka pa ngei pawh mizah rawn a ni a ,mahse enge chu chuan ka tan hlawkna a neih an fanu an hlat tih chauh loh Chu.

“ Hey nghate " class ka pan lai chuan ka hmaah kha Dylan bawk kha a rawn ding,vawiin chu Thanpuia ka kalsan a ,keimah chiahin ka awm ,mood fuhloh sa nen hepa pawh hi ka ning tak zet tawh “ Enge i duh " ka titawi tak a ,a mizia zawng zawng nen hian ka ei thlawt lo “ I thianpa khan i thlavang pawh a hauh ngam thlwtlo a nihkha nep lutuk" a rawn tihchuan ka chhang buai peihlo kalsawn ka tum chu ka bag ah a rawn man leh ka dawhtheihna in a tlin tawh biklo a kut Chu manin hmalamah ka bin nghal thuai a ,chulaia awm ve ho chu an ngawi nghal thiap bawk ,eng thil nge ka tihkha?!