THE BAD BOY RULES CHAPTER 1

DYLAN HASSIN 👇

THE BAD BOY RULES 

CHAPTER 1

LE DYLAN HASSIN STORY TAN ANG AW .

“Eng buaina nge thlenga " tihri ah chuan teacher te rooma ka awm chu ka hawichhuak a ,pawnlam an pan avang chuan ka chhuak ve vat ,chutah insual an awm tih hriat takin a bengchheng hle a ,a insuala te hmel erawh ka hmu thei mai lo,sa tha leh pian nalh tak hian a hnuai a mi chu a hnek mawlh mawlh a ,amahah hlauhna a awmlo a niang,kei erawh a hnekpa hmai thisung chu ka rap deuh,ka college luhna hmasa berah insual ka hmu nghal a nia ,he college hi engtin tak awm ho ang maw “ Dylan duhtawk rawh" professor zinga mi chuan a ti a ,Dylan a tihpa chuan “ Nep lutuk " tihpahin a rawn tho chhuak a 

Tumah chu a ngaihpawimawh hmel tehchiamlo ,amithmul chu a buk in a dum tak ngak a ,a hmui lian lampang chu a inhmeh hle ,min rawn melh chata ,ka lo melh let ve ngar ,a thiante chuan an bawr vat a “ Engvanga buaina siam ziah nge in nih,puitling anga en vek in ni tawh nitin tihbuai tur inzawng " professor bawk chuan a tileh a “ Chuvang chuan puitling tawh hian chinfel tur kan nei a nimai " Dylan an tihpa bawk chuan a tileh a ,teachers te chu a hlauhloh zia a tilang nimaiin ka hria ,kei erawhin ka mize huat chi tak ka hmu nimai hian ka hria 

An kalsawn hnu ah keipawh ka class lam tur pan turin teachers pakhat nen kan kal a,sir zawk a luh rualin an lo ding thap a ,“ Awle lut thar kan nei a ,tha takin inlo bia in inlo kawm ve dawn a nia " a tihchuan an phun nghal mur mur ,ka lut a min en nghal thup a zamawm ve rum rum mai ka kut hma suih tatin ka lut a “ Hi Zomuanawmi ka ni a" tiin ka inhmelhriat tir zung zung a ,tlar hnung bera a dara hmeichhe bei pa Dylan an tihpa chuan khawdang hawi miahlo hian min melh run a ,kei erawhin ka en duhlo thung,an awmdan chuan midang ngaihdan an ngaipawimawh lo tih hi a hriat ngawih ngawih,mak ka tih deuh chu Dylan an tih hian Mizo hmel a ang miahlo chu a ni .

Ka thutna tur ka zawn lai chuan an chhak chiaha hmeichhe pakhat chuan min lo hui a ,ka pan ve vat ka thutrualin “ Ruati ka nia ,khawi atangin nge ilo luh a " a tihchuan chibai let pah chuan “ Heta awm tho kan nia ,mahse higher kha phai lamah ka kala "tiin ka bia a ,a bu nghat nghat ,Kan inkawm nghal bawrh bawrh a , amah a Frank ve bawk sia kan nui kan nui mai “ He college a nghate rawn lut thar chu nuam iti bawk maw " tihri rawn chhuakah chuan ka hawichhuak a ,Dylan an tihpa bawk kha a thiante pali nen an lo ding a ,a thusawi hrelo ang hmak chuan ka awm a .

“ Wow a tawng thei tawh nange " a tihchuan midang chu an nui dar dar a ,kei erawhin ka melh ran thung,ka thin a tirim tak zet ka haw hlur bawk “ I thutnaah va thu rawh " ka tifak a ,ka thiannu pawh chuan mak tih hmel zet hian min en a ,enge an hriat ni keichuan an hlauh hmel em em hi hlauhna pakhat mah ka neilo ,ka hmai zawnah a rawn kun hniam a chiang zet hian min rawn en vang vang,a mitmu pawh a sam leh a mithmul ang chiahin a dum tak ngak mai ,ka hmui bulah a rawn awn hnai rual chuan ka nam nghal nawk ,a nui huk a .

“He nghate hian min hlau miahlo a nihchu " tiin a khabe chu a tuai zauh a ,an kalsawn hnu chuan ka thinrim lutuk chu ka kut chu ka hum ruh ngat ngat ,“ Zo, Dylan hi chu hnaihloh a him a nia ,amah hi Dubai lalfapa a nia ,a pa hi Lalpa nilo mahse lal nitura an thlan a niin tunah pawh hian Dubaiah an awm a,chuvang chuan a mah tihbuai chu an ram tihbuaina ang tluk a ni ,India pawh hian an hum  ,Dylan nu hi Mizo a nia,doctor hna thawk in a awma ,Dubai Lalfapa nen intawngin an innei a ,Dylan hi an fa upa zawk leh mipa zawk an tia ,helamah college a lo kal duh avangin helamah an rawn dah a ,tunah pawh hian a mah vengtu tur an dah reng a lawm " a tihchuan mak ka ti “ Hnamdang maw " tiin Dylan hassin ngawi runa awm leh tawh chu ka en a .

Mizoah ka ngailo reng a ni,tunah chuan hnam kan inchen pawlh nuk tawh miau a ,Mizote ngei pawh ram danga awm kan tam tawh em a ,break lai chuan ka tuina ber ,boxing zirna lamah ka kal a ,ka inhnek lai chuan ka bulah awm an awm tih hria in ka en a ,Kan mihringpa leh bawk,a kawr phelhin a kut chu puanin a tuam mawlh mawlh a ,boxing bag chu a hnek nghal sawk sawk ,a pian nalh leh sek phiar fat chu ka en reng,ka thiltih lai thulh meuhin a che vel hmuhnawm lutuk chu ka en reng a ,a rei hnu chuan a taksa atang chuan thlan a rawn chhuak a ,chu chuan a six pack velah chuan a luan thla a ,min rawn en thut a vang chuan ka hawisawn a .

Ka hnek leh lai chuan a nui ri ka hria a ,faifuk hlurh hlurh in a chhuak a ,room chhung chu a reh nghal duk ,bathroom lama lutin ka insil a ,ka thawmhnaw ka hak leh hnu chuan ka chhuak nghal vat ,class room ka pan leh lai chuan hmun reh deuh lai college bul thinga thawm ka hriat chuan ka hawi chhuak vat ,chutah kha Dylan pa khan hmeichhe pakhat a lo fawp a ,ka ner nawk ka kalsawn nal nal “ Zo khawiah nge i awm bo daih " Ruati chuan a rawn ti a “ Boxing room ah ka awm a ,ka practice a " ka tihchuan min en deuh kawk a ,mak a tih hmel em em zui ,a awm ve tho ani ang hmeichhe nu zem tan chuan boxing lam sawi chu a rum deuh mah mah a niang.

“ I van pui keichu mi insual te hi ka hmu theilo ka rap tlat zel,insual an awm chuan an hnaiah pawh ka awm ngamlo,thisen hi ka rap " tiin a tawng zaih zaih a ,ka nuih ringawt kawngka lama rawn nui lut te avang chuan kan nui tawp hmak a ,a hmeichhia lah chu miin an hriatloh a hlau nge,ring zet zetin a nui a “ Felyna a nihsaw Dylan nen hian an in ngaizawng a ,a intithei thei lutuk midang hmuhsit a ching sia thingtlang atanga rawn kal te phei hi chu an khawngaih thlak thei lutuk,an inthuamna a sawichhiat sak a a nuihkhum thin a mah lah an hausa sia a pa police officer a nibawk nen ,a thawmhnaw te hi a mantlawm a hak lak ka la hmulo,Dylan rawn luh tirh a tangin a hmeichhia zawk sawn a bem a ,tisawn an nizui a a intithei lutuk hi eilo tu an tam thin.

Mahse a bialpa saw a rorum em a tumahin an tibuai ngailo ,an hausa ve ve bawk nen tisawn an duhduh in an awm tawp  mai a ni,teachers te pawhin tihvak ngaihna an hrelo ,Dylan phei hi chu a larin college danga a mi pawhin hrelo an awm lo ang tih tluk a ni,zanlamah khawpui pawnlamah hian infiamna hrang hrang nen an inel thin,Dylan erawh hi chuan insual nuam a tiber thunga ,a sual pui tawhah hnehtu an la awm lo ,a pa a fel an tia an fapa erawh hi chu a sual ve a nih hi " a tizat zat a ,ka nuih ringawt chanchin a lo hre daih mai ka ti ,kan thlangah Dylan te pawh chu an rawn thu leh tawh a ,a hmeichhia nen chuan an kut an inkai reng bawk ,hmalam enin ka lehkhabu chu ka en ngar .

Class bengchheng lutuk chu ka ninga ,ka ding hluai mai ,Ruati chuan “ Zo enge itih dawn " a tihchuan “ Ka class a zo tawh tho a ,ka haw dawn a bengchheng bawk si ka ning " tiin pawnlamah ka kalchhuak a ,ka bike lam chu ka pan nghal zat,scooty ka ngaina lo a ,a nu mah mah ka tih vang a ni pakhat ,ka duh ang bike ngei ka lei a ka lawm tawk viau ,chahbi chu thunin ka start vut vut a ,ka bula rawn chhuak te chu melh pawh melhlo in ka tlanchhuak nghal vang vang,Kolasib lam kawngah ka tlan a ,nuam ka tiviau mai ,thui erawh tlanlo in thinkung buk tak tak awmnaah chuan dingin ka thu a ,ka phone phawrhin Pasaltha story ka chhiar mai mai a ,love story ai ka tuipui hi ka nu te pawhin “ I pat phah vek" tiin min hauh phah fo .

Pasaltha Lianngura leh Hrangkhuma phei chu ka chhiar kham theihloh a vang hian ka chhiar nawn reng a ,ka khawhar ngai lem lo ,ka chhungte sawi pawh a dik ve tho ,hmeichhia nisi hi hmeichhe thil ka ngaina lo in inchei leh tlereuh tih vel hi ka hmang in ka inbel peih thlawtlo a ,ka hmui ka hnawihsen deuha ka duhtawk mai zel ,ka phone ri chu ka en zawk a “ Thana " tihlan rual chuan ka nui var var mai ,ani hi ka thiantha ber a ni a ,mipaa ka biak awm chhun a nibawk a nipawh ka luhna ah naktuk hian a lo lut ve dawn a ,ka nghakhlel a mah a felin a chhelo a ,a mah a vanga hmeichhe ho thik rawn ka nihlai vel ka ngaihtuah chuan ka nui hak,phone ka lak rual chuan “ Bambambi " a rawn tileh nghal a ,a zin a vanga lut rual theilo pawh kan ni a ,ka ngai ve viau mai “ Ilo thleng tep em " ka tihchuan a rawn nui hak a .

“ Min ngai tawh em ni,hei ka rawn thleng ve tep e " a rawn ti a ,ka ngaih thu ka sawi chuan a nui leh mai “ I chhungte chu an lo dam tha tiraw " ka zawhna chu a rawn chhang leh a ,a nutei pasal a damloh a vangin Champhai lamah a zin a , angaihtuahawm hle an tih vang a ni ,a nu leh pa lah an tar ve tawh em a vangin a ni a upa ber ta na na na chuan amah a kal tur thu a sawi a ,an unau zingah a thu pawh a puitlingin a naute ho pawh a enkawl hneh hle ,ka tan thiantha a tlinga mipa leh hmeichhe inkawm e tilo in kan tette atangin kan la inthlah lo a ,hmeichhe kawm a vanga tuai anga in ngaia mi kawm duhloh tih ang kha a nei ve lo bawk .

Mipa thenkhat hi chuan hmeichhe kawmte hi tuai hmuhin an hmu nghal ngawt a ,tam tak inkawm zuiloh phah an awm chawk,Thana erawhin mi tawng elna ngaipawimawh ngailo in buaina ka tawh hunah min tlansan ngai heklo,hei vang tak hian keipawhin ka thuruk engkim ka nu leh pa bula ka sawi ngailoh ka hrilh a ,ka ring tawk bawk,mipa tam tak hi kan hmeichhiat pui te aia thian atana an that zawk hun a awm fo ,a chhan chu thu an zep thei a ,an thinrim tawpkhawkah pawh a hmeichhia zawk kan nih angin min fuih thiam a ,kan mamawh pawhin an awm nghal vat thin,hmeichhe thian tam tak hi chuan kan hnunglam atanga min bei duh tawk an lo awm a ,kan hriatlohah kan rin avanga kan thuruk kan hrilh te kha miin an lo hriat leh meuh chuan engkim a pawi hman thin.

Chubakah hmeichhia chu kan tawngthei mah mah zel hi buaina thlentu a ni fo ,thiantha te hi kan ngah bik lutuk ,“ Bambambi ila dam em " a rawn tih a vang chuan ka phu zawk a “ Aw" tiin ka chhang a “ Thil dream hi nuam iti lutuk thin,I a tep tawh " a rawn tihchuan ka ngei hle “ Ngawi mai rawh Thansuak " ka tivak a ,a nui leh vak vak tawh a chuanpui ten an ning ang tihmawlh ka hlauhpui,kan inbiak zawh rual chuan Aizawl lam panin ka inkhalh chhuak leh a ,Durtlang ka lut chu chhuka ka tlan dawn lai takin kha mihringa te thianho leh mipa rual khat an lo awm a ,keilah ka tlantlang thei silo kawngpuiah awm vek miau hek ,horn ka hmet tuarh a .

An ngaihpawimawh hmel der siloh,kawnga motor tlan ve dang pawh chuan an en thap ringawt ka hmanhmawh bawk nen ka bula thing tum awm chu la in ka pan a “ Hey enge in hriata buaina insiam duh pawhin hengah lo siam rawh u,kawng indal vek hi in mawl a mi,tlangval awmtha duhlo ho vanga midang tawrh hi inhmu em" ka va ti tuar a ,an insual lai chawl meuhin min rawn en ta thap mai ,ka zam duh biklo insualte mai mai chu ka zir nasa ve em “ Nang hmeichhia kha lo ngawi rawh ,thau ropui si te bawk si,mipa buainaah inrawlh suh" mipa pakhatin a rawn tihchuan ka thinrim hle ,an Dylan a te thianho lah chu an lo nui huk le ta nghal ,mahse mask ka vuah a vang erawhin tunge ka nih an hre hauhlo ang.

Mai mai a ka khawih dawn khawp “ Kalsawn rawh u a nihchuan tlanna in dal " ka tihleh chuan pakhat hian min rawn pan a ,rui tih hriat reng reng ,khawpui meuh chu addict pawh an tam hi le ,ka melh ran a “ Tawng tam lutuk kan ngawih tir ang che " tihpah a min khawih a tum chu awmsawn zawkin ka a dulah ka pet pawp a ,a thal chiang hle ,a thiantena rawn puih an tum chu ka lo khawih zung zung a,ka hmaia rawn hnektum tu chu eu zawkin a kapah ka pet sak leh a ,a indawm nghal nawlh nawlh,an kut herhin ka in dive kual a ,ka khawih zawh meuh chuan ka thaw huai mai ,mahse thawm reh duk a vanga ka hawi chhuak chu Dylan te thianho mai nilo,motor dang rawn tlante chuan min en thup chu niin ,harh chhuak zawkin ka bike lam pan chuan rang zetin ka kal a .

Midang rawn thlen belh hma chuan chak zet hian ka tlanchhuak nghal daih,min en zui reng tih ka hria ,keipawh insum tur ka nia sin,ka nihna hi ka thup tlat a ngai a sin mawle ,hmeichhe nu zem anga awm turin ka chhungte hialin inremna min siampui thlap kha a nia ,a va buaithlak tak,Goa a ka awm lai khan nitin karate zirin ka buai hle thin a nihkha ,tunah lah Mizoramah ngei mi hmuhah ka show hi a ni ringawt,keimah chuan ka inhau char char ,kan in ka thlen chuan ka nu chuan min lo lawm vat “ Bawihi enge college teh chu a an ,Thana teh chu a lo haw dawn em" a tihchuan a rawn haw mek thu in ka chhang a “ A that hlauh chu a awm loh chuan ka ngaihtuah che i thinchhe ve sia ,mi ilo insual pui leh ang tihpawh ka hlau ania " a rawn tihchuan ka rilru in “ Ka insual pui daih tawh " ka lo ti zat .

Ka room lamah kalin ka bawk nghal thlawp ,hmanlai nunah ka awm chak,lehkha zir mi rel ,khawvel nawmsakna um ang te hi a awm ve awm der silo a ,Pathian hian hmanlaiah min dah daih se tiin ka ngaihtuah fo ,mahse chungte chu suangtuahna thleng ngailo tur bak va nisuh,thangthar nunah thasiama iangin nun ningin ka tum bur bur chu a nih hi,khawvel chhe lutukah ka awm mek tih ka ngaihtuah phei chuan tah hi a chhuak ngawih ngawih mai ,ka hriatloh karin ka lo muhil a ,ka taksa sawi tu kut chu ka beng nawk a ,nui ri ka hriat rualin ka mit an rawn keu a ,ka thawh chhuah rualin Ramthankima lo nui vur vur chu ka tlawh awk .

“ Aiah Zomuanawm thinchhe lutuk suh,engah nge min lo hmuahloh,ka ngai che tive si " a tihluk hluk a ,a tumbur mai ka inthiamlo leh si chuan ka nuih tlawn a ,a nipawh a lungawi ve leh mai ka lak ah rei tak a thinrim ngailo,chutiang bawk in keipawh “ Enge min lo hawn " ka tihchuan a bag a zen ruk ruk a ,t shirt min pek chuan ka au hliai mai ,thawmhnaw hi ka ngaina a ,thil dang erawh duh em em ka neilo “ Ka lawm e thian tha nih tlingpa " tiin ka nuih vur vur a “ Phakar kirker si " a rawn ti leh nghal ,hepa nen hi chuan inkawm ngeih viau mah ila inhniallo in kan awm theilo,kan inhnial peih hi kan inthian thatna nem nghettu ah kan ngai tawp tawh .

A haw hnu ah chuan Goa lama ka thiante nen kan inbia a ,Mizoram hmuh an chak ve thu an sawi fo a ,engtikah emaw chawlh remchan hun a rawn kal an tum thu an sawi chuan keipawhin ka lo tuihnih zat a ,an phur ve hle ,a tuklamah Ramthankima nen a bike in kan college lam kan pan a,a ni erawh admission a tisa vek a ,tihchawp a ngaih ve loh a vangin class lam panin kan inzui a ,midang chuan min en duh hle a chhan pawh ka bula kal pa hi Mizo mipa a a ziaawm pawl a nimiau a ,class a kan luh chuan Dylan te pawh kha an lo awm a ,min rawn melh zawkin a ner nghal suk,hepa mizia hi chu ka millo nghal takzet .

Ruati te nen chuan kan pathumin kan thu a ,Ruati lah chuan Thana chu a be bawrh bawrh a ,pakhata lah a duhlohna leh a hmelhriat ngailoh bula tawng peih miahlo a nibawk nen a rukin ka sik ka sik mai “ He college chu couple thar kan neih belh dawn a nih hi " Kan dawhkan bula rawn titu chu kan en thap a ,zu rim a nam deuh ham ham bawk ,mahse a hmelah erawh rui hmel a lang hauh lo thung “ Dylan ka nia ,nang tunge inih ve le" tham loh hmel zet a Thana en chung hian a ti a ,Thana chuan a hming tha takin a lo hrilh ve mai a ,nuichungin Dylan chu a kalsawn a “ Hnaih Miah suh insual hrat leh mipa chapo tak a nih saw" ka tihlak a ,Thana pawh a bu nghat ringawt ,a la tlangnel lo a a tawng duh vak dawn lo tihpawh ka hria .

Chu chu ka thianpa mizia a nitlat , Dylan chu a au lung lung a ,class a awm ve te lah chuan a duh a piang an pe hi a ni ringawt,a ke chu dawhkanah a thluang zuar leh nghal,meizial a pet kawh vu bawk a awm dan chu Bad boy dik tak a ni .