SECOND LOVE PATHLAWIA CHAPTER 6 LAST

SECOND LOVE PATHLAWIA

CHAPTER 6 

“ Ka Ning tawh aw ,Jariel nangni unau pawh kha ka duat tawhlo ang cheu ,ha hmai hlai dun si " ka tihchuan an la nui deuh deuh leh nghal,bah puan nena puitling tawh inpaw awm chhun kan ni angem tih ka ngaihtuah ,phir unau in an ngen tlat vang a nipakhat tawng fiah thei em em si lo hian an ngeiawm fing phakar si “ Dolly nuam iti lo a mi " Jariel Chuan a rawn tisup a ,a tukkhum zawnah Ka melh vak ringawt mi an rawn kal ang tih hlauh mah nak a lai a ,“ Min dahthla rawh a zahthlak lutuk " tiin a hnungah ka beng det det a .

A nilah a nui duh lek chauh zel si ,min intiawi kual a zeilo khattlat “ Twinkle twinkle Jariel star ,how i wonder what you are ,up above the world so high ,like a diamond in the sky hahqhhahaha high " min lo sawi nawk nawk a vang chuan ka zai fawn nghal hlawrh hlawrh ,a hnungah ka beng dawt a ,a tawp ve hram “ Mawl lutuk i hria em,mawl si min dim ve rawh ,min dahthla rawh naute pawh ka nilo " tiin ka tal leh a ,min dah thlak rualin phir te pahnih Chu panin an biangah ka piai vak a ,an la tap duhlo zui ,fing phakar lutuk .

An Kum khat tlin lawmna Kan hmang a ,Jariela nupui hlui pawh a rawn lang hlawl a ,a fapa te pahnih Chu present pe in thla a lak kual pui a ,midang pawh Chuan an ngeihlo tih a hriat,mahse tumah a ngaihsak hmelloh,Jariel Chuan phir te Chu pawmin ka kutah a rawn dah a ,phir te pawh Chuan min kuah nghal tai “ Jariel iti mah mah a ni,ka fate an ni a ka duh duha ka khawih ve an thiang " a rawn tihlar a ,keichu min melh rum hle bawk “ I duhloha i kalsan tawh te an ni a ,chuvang Chuan rawn hnaih tawh Suh ka duhloh zawnga ka Chet angai palh ange " nelawmna nei hauhlo Chuan Jariela Chuan a tihmuk a ,a aw ah Chuan a thinrim zia a hriat,a insum ve hle tih ka hria Zaii pawh Chuan a hlau nge “ Court ah Kan inhmu dawn ania " tiin a chhuak zui a.

Jariel chu a thaw hawk mai ,keipawh ka hlauthawng tunangah hmeichhia an chungnung tawhin danlahin a hum run tawh si a ,chu chu Jariela nupui pawh hian a hrechiang viau ang le,naupang pahnih chu ka enkawl theih tawhloh ka hlau ber ,cake chu phurlo zetin kan zai tlang a ,mahse Richarda leh Daniela vang chuan kan boruak pawh a pangngai chho viau ,mut dawnah chuan Jariel chu zawhna ka zawt niap niap a „ A tawp thlengin ka fate hi ka hum ang " a tihul hak ,a kutah chuan ka chelh vang vang a ,“ Ni e kan pahnihin kan tangrual dawn a lawm " tiin ka nuihsak a ,a nipawh a nui ve suk mahse keiin tihtheih ka neihloh zia kan hre ve ve .

A chhanchu naute te nu chu ka ni tlatlo a ,Zaii chuan tanchhan tha tak a nei dawn chiang bawk ,a tanchhan a tha tawk bawk ang chu chuan kei ngei pawh min tihlauthawng ,rin ang ngeiin court lam atangin Jariela chuan kohna a dawng a ,ukil la ve tak mahse Zaii tawngkam thiam zet leh mittui titla a dawt a sawi vel chuan mipui thinlung a hneh zawk miau si ,Jariela chu nupui neihlaia hmeichhe dang kawp leh a nupui then a hmeichhe dang la lut nghalah puh a nibawk si,chu ngei chu keilah a nem chiang turin a inah ka awm bawk nen insawi fiah mah ila mipui lam chuan min dem vek tawh,chhuak Turin min nawr a ,Jariela tan pawh a buaithlak hle min danga mahse Zaii te lah chuan naute lakah an vo zel mai si “ Bawihi " ti a min en tu chu ka en .

Tunah chuan tihtheih a awm rihlo tih ka hria ,Jariel sumdawnna thleng chuan a nghawng thei tih nen ka hre vek bawk “ A pawilo Jariel ka kal ange " nuisak Chuan ka ti a ,phirten min ngen lawm lawm Chu mittui tla teuhin ka chhuahsan a ka thawmhnaw bawm nen Chuan nu Mawitei te inlam ka pan hnak hnak Remtluangpuia pawh ka hmu chak takzet ,min rawn tlawh ngai silo a ,an zirnaah an buai a nih ka ring,kei erawh Kum tawpa exam tawp tur kha ka nia ,kawngka Chu pawnlam a tangin ka kik a ,chhunglam a tanga nu Mawitei ngeiin a rawn hawn Chuan ka lo nuihlui sak “ Ehe bawihte ilo kal a law ,Remtluangpui ,Malsawmpui hei in nau a lo kal ania " tiin a au lang lang a .

Reiloteah Remtluangpuia zawk Chu inchunglam a tangin a rawn tlan thla dawt dawt a min hmuh rualin “ Safia te " tiin min pawm nawlh a ,nu Mawitei chuan a khap nghal zat a nilah a nui vur vur a “ Min theihnghilh emaw tia ilo lang leh thut a ,min ngai em ni"a tinghal zuah zuah,hepa bulah hi chuan a nuihloh theihloh,a mah a thawveng ropui sia,nu Mawiteiin thil awmzia min zawh chuan ka hrilh vek a “ Jariela tan pawh a buaithlak dawn a nihchu ,a rilru a hah ve dawn hle mai Zairemtluangi pawh chu a khamawm ve ta hle mai ,a duhlo a a chhuahsan tawh a ,tunah Chuan ipa Aidana pawh a inrawlh ve angai tawh a nihchu ,fate hmangaih zolo in a hnute pawh an hnek hma in a chhuahsan a .

Tuna taka rawn ngaihven lehchiam,Kan ngawi mai mai hauhlo ang" a ti fak fak a ,mahse tihtheih vak an neih bik ka ringlo,ka room ngaiah bawk chuan ka awm a ,Remtluangpuian min tibuai reng bawk nen ka rilru hrehawm lutuk tur pawh a kiang hawk mai,mi tihnuihdan a thiam ropui mai sia ,Jariela chuan zanlamah min rawn text in ka that leh thatloh min zawt a ,anipawh Zaii nen thuneitute tihdanin inkhatah an cheng leh dawn chu a ni sia ,chuta an inkar a tha thei nganglo a nihchuan phirte chu Jariela chuan a Chang thei ang,mahse Zaii hian ruahmanna dang a lo nei leh zel bawk si ,ka that thu a ka chhan hnuah a reh deuh vang vang .

Zaii nen chuan an in ngeih leh angem tih ngawy chu ka ngaihtuah thul,ka awm a nuamlo zo vek in ka hria ,nichu a kal ve beuh beuh a ,Jariela chuan  min rawn be ngai ta lo a ,keipawhin Zaii nen chuan an in ngeih tawhah ka ngai hmin hmiah bawk ,nu Mawiteite chuan ka chhungte chu pawisa an thawn ziah a ,hau thin mah Ila an bengkhawn duh ngai silo ,ka inthlahrung ru viau mai ,keimaha awm nuam ka tiin Remtluangpuia a awm tawh erawh chuan mahnia awm theih pawh a nilo,a harhin a bengchheng bawk si,tlangval puitling pui tawh leh nghal chu a nawi thei hle bawk ,ka nu te nen pawh Kan inbe reng a,Pa Aidan telahin min duat,ka nu leh pa te nen pawn an inpawh hle .

Restaurant ah nu Mawitei dawr enkawl laiah ka thawk ve a ,a hlawk ve phian nitin customer kan nei tam thei hle a ,kan buaiin hlawk erawh kan hlawk hle thung a ,thla 6 lai a liam hnu ah pawh min belo,ka exam result pawh a hriat ka ring heklo, nikhat chu dawhkan ka hruk mawlh mawlh lai hian Jariel a rawn lut thut a ,ka lo en reng min la rawn pan ngur ngur zui,tlanchhiat emaw bihruk emaw pawh ka tum lo in min hmu tho tho dawn tih ka hriat vang a ni pakhat ,ka kutah a rawn man a ,ka lo tal Chu a duhlo nge a rum nghut ,min be ngailo a ,chanchin min hrilh ngai heklo,chutia tham lo lutuka min rawn khawih chuan ka thin a tirim hle ,ka kut chu ka pawt vak a .

Mahse rum nghutin min chelh nghet zual sauh “ Min thlah rawh Jariel eng thil nge itih hi midangin min en thup a nia " ka tihpawh Chuan min thlah duhlo “ A hma khan ka kaltir tawh che a ,ka kaltir leh tawh dawnlo che " tiin min pu nawlh a ,chuta lo awm ve ho chu an phun mur mur ,ka tal Chu ngai pawimawh lo zetin pawn lamah min kal pui a ,enge Jariel Zothanmawia hian a hriat ni ,a hnungah ka chum pawp pawp na te chu haiderin a carah chuan min dah lut a ,“ Ka bulah i awm ang " a tihchuan ka nui hak “ Ka awm tawh dawnlo ka haw dawn " ka tihchuan a thinrim hmel ta hle ,ve hiana keimah zawk hi thinrim hluah hluah tur zawk ka ni,a biak hun nghakin nitin ka awm a ,mahse vawikhat pawh min rawn be lo .

“ Ka hua che ka haw ngawih ngawih che thlaruk chhung min belo in i awma a ,tunah i thu thua min dah leh i tuma ,I zak ve thlawt lo em ni ka haw lutuk che hi hmuh che pawh ka duh tawhlo " ka tih nghek chuan min melhin chak zetin a tlanchhuak a ,a in kan thlen rual chuan ka chhuah ni ka ngaihtuah a ,ka thinrim tha leh nimai hian ka hria ,car kawngkhar chu hawngin kawngpui lamah chuan ka tlanlet a ,mahse thui ka tlanhma in ka hnunglam a tanga min man betin min pu leh nghal lawp a ,inchhung lam pan chuan min hruai zel,ka au chu ngaipawimawhlo in a roomah min hruai a ,khumah chuan min mut hnawk ,thawh leh ka tum chu ka hmuiah a rawn khar chilha .

Duhthawh zet chuan min fawp nghal ngawng ngawng ,ka chhang let lawk lo ,mahse reiloteah ka chhang let a ,ngengngawl zeta min fawhna chuan ka thlakhlelh zia min hriatchhuah tir ,ka hnute chu a kut hlaihlup chuan a tham pah a ,khumah chuan min delhtlu in keipawhin ka kherhbet chial bawk,Kan inthlah rualin ka samah chuan a zut hliau hliau a ,Kan inmelh tawn ngar “Doll " tiin ka hmuiah a fawp leh a ,ka mittui chu a luang nghal ngiai ngiai,ka kuah thlawpa ka insut hlawp hlawp “ Misualpa engvangin nge min lo biak ngailoh,min theihnghilh tawhah ka ngai a sin" tiin a awmah chuan ka chum a ,“ Ka tihpalh ka buai em a tin ni,buaina kha chinfel vata nang neih che ka duh a vang khan hrehawm ka tive tho a sin " tiin min enran a.

“ Phirte an tha em " ka tihchuan bu nghutin a nuisuk a “ An la theihnghilh hauhlo che ania " a tisup a ,ka kuah hnai talh talh ka chhipah fawpin mian pawm nghet sauh a “ I nupui kha a chhuak tawh a mi " ka tihchuan lungawilo zet hian ka chalah a pen fawk a“ Ka nupui ani ngailo ang ka thawnbo tawh a rawn inlan tawh lo ang,Chuan nang pawh ka hlatah i awm tawhlo bawk ang " a tihchuan ka nui hak ,ka ham bai bai chu hmu in “ Muhil rawh " a rawn ti a ,keipawh ka hnathawk chau nen ka mitchhingin ka muhil nghal riai riai “ Mama mama naih teh" fiahlo zet a tawng thawm ka hriat chuan ka mengchhuak a ,phirte unau leh Jariela chuan min lo en a ,ka nuih sen sen khumah rawn lawnin min bawh a .

“ Mama an manaih che" fiahlo zet bawka an tihchuan ka mittui a hnam sawk ka kuah vawng vawnga,ka fa diktak ah ka ngai nghet hmiah tawh “ Keipawhin ka hmangaih che u " tiin an chalah ka fawhsak a 

ZAWMNA 

Biak inah chuan kan inneihna min hmanpui tur mi an thu thup a ,ka chhungte pawh Jariel an an motor chuan man tum vekin kan inneihna ah an kim vek ka hlim takzet,Jariela chu ka hmangaih zual sauh bawk ka tana a inpekna zawng zawng hi ka theihnghilh ngailo ang ,inneih kan tan dawn a pastor chu dingin “ Pathianin a zawm tawh chu mihringin then suh se " tihchu a chhiar dap dap a ,chutia kohhran hma ngeia Kan innei ve mai te chu mumang a ang zawk mah ,nu Mawitei te chhunglam pawh an rawn tel a ,thianah Jariela cousin ka hmang a ,a ni erawhin a thiantha ber a hmang thung,pastor chuan min ko chhuak a .

Thutiam min chham tir lai te chuan ka zam lutuk chu ka chham tur ka theihnghilh leh thin a ,mipui lam pawh an lo nui leh hak zel ,Jariel chuan ka kut a rawn hum vang vang a ,hahdam turin min duh tih ka hria ,thawk la ham ham in pangngai tak chuan ka chham thei ta ,pawnlamah thlalak kan nei leh a ,a rei bawk nen ka ke a kham hluah hluah tawh ,chutah shooting turin khawpawn lam pan an tileh a ka pheikhawk sang bun chu ka ning tawh bawk nen sneaker in ka thlak a ,ka hahsam suai suai mai ,cara kan tlanchhuah lai chuan Jariela dar ka nghenga ,a rim pa tak chu ka hnim vang vang ,ka bengbulah chuan “ Zan hun ka nghakhlel ka nupui " a rawn tisup a ,ka kun daih chu a nui zui hawk a . Kan thiante pahnih hmalama thu pawh an rawn hawi vat.

Mahse Jariela chuan an motor khalh lai chiah chu ngaihtuah turin a tinghal hluk a ,an ni pahnih lah an nui kur kur a ,Jariela chuan ka hmuiah a rawn fawp zauh,hmun nuam deuh thlalaka nalh tur an zawng a ,a tawpah phul hmun cham diai leh thing ding hulh chu an thlanga kei ngei pawhin nalh ka ti ,Jariela chuan ka hnunglam atanga min kuahin duhhmel zet hian min en a ,keipawhin hnunglam hawiin ka en ve ran bawk,thla la tu duhdan dan chuan kan awm kual a ,mahse a nalh kan duh a vangin kan sawisel lemlo ,phul chungah chuan min muttlan tira chungpawh chu a la mawlh mawlh ,a tawpah Jariela'n a tawk ang a tih a vang chuan kan duhtawk a .

Kan haw lehlam chuan kan thawmhnaw pawh kan thlak vek tawh a ,ka chauh vang nge ka ham bai bai chu chu Jariela chuan ka kawnga hmer salh pah chuan “ Mutthilh phal a nilo " tiin ka biang chu a rawn ahmui chuan a rawn nawr deuh tawk a ,ka thaw ham ham mai,ka mona te in a ka lawi dawn chuan ka zam ve hle ,Kan lawichal lah fiamthu duh tak mai a ni leh nghal a ,Kan rileh hak zel inchhunga min luhpui mailo in a thil duh a lam kual hmasa te te a ,pekloh chi ni heklo an laksak zung zung a ,hun a rei an hlau a niber ,atawpah “ Mopa khan a nupui tur hi a kut ngeiin kaiin pawm lut rawh se " a tihchuan an au dur dur a ,Jariel chu ka hmaa rawn dingin a kht a rawn phar chhuak a .

Ka lo vuan vat ,a nui suk a chutah min pawmkan rual Chuan kut bengin an  tlai Chaw eikhawm Chu Kan tam bawk a ,Kan rihulh hulh mai ,Jariela mi thil tithei a nibawk a hmelhriat pawh a ngah,in neih thil pek ringawt pawh a tam ,chaw eikhawm chu an tam em a vangin mi nawlpui eizawh kan nghak a “ I ning tawh em " Jariel an a tihchuan ka nuihsak a ,ka nghawngah a hmui in a fawp zauh a ,mi an tam bawk nen ka nawrsawn vat,mahse ka naute ho in an lo hmu a ,ka nu leh pa bulah an la hrilh zui ,ka nu leh pa erawhin Jariela bula ka awm chu an thlamuanzia an hmelah ka hmu thei,chu chuan ka ngaih a titha an lungdamna zan pasal ka nei chu ka lawm bawk ,zanah chuan mutkawr nen roomah ka awm a ,Jariel room zaupui chu ka vawikhat luhna .

Phirte chu a piin inhnuai lamah a mutpui a ,ka nute ho pawh inhnuai lamah vek an riak,ka pasal inbual ri chuan ka tha a tikhur ,a hma kha chuan engtin mah ka awm ngailo,mahse tunah chuan ka pasal a nitawh a ,ka zam em em ringawt a rawn chhuah chuan towel a rawn bih tat a ,a taksa nalh zet chu a upatna chuan a hliah zo lo,min rawn pan lai chuan rangzetin khumah mu in ka inkhuh vat a ,a nui nghal hawk hawk mai “ Ka nupui chuan min hlau ta mai em ni" ka bula rawn thut thlak pah chuan a rawn ti a ,puan chu a rawn keu nghal tharh,ka en ngam lo ka zam em em ringawt ,chutah min tungthoin a nui suk suk a .

Ka hmuiah chuan dam raih hian a rawn fawp “ Min hlau suh ,inthlah dulla i pasal ka ni tawh a lawm " a tihchuan ka thaw hak a ,bu nghatin a nghawngah ka kuah a min bawh tlu riai riai (KA ZIAK SEXY PEIH RIHLO🤪🤪) ,zingah chuan harhin ka bula ka pasal nita chu ka en vang vang a ,a muhil hmel te chu a tha hluah hluah hian ka hria ,ka nuihsak a ,nizanah khan a ta ah min siam ngei a ,duhthawh takin a che a nihkha,a kut lianpui chu hum sakin a awmah chuan ka bei nghal thak,a nipawh rawn harhin ka chalah a fawp zauh a “ Morning wife " a rawn tihchuan ka lunga phu dat dat .

Ka lo nghah thin ngei chu a thleng dik ve ta .

1 years later .

Ka fanu ka hnute hne a mit chhing chunga a lehlam vuan tai chu enin ka nui sak a ,a ute pahnih pawhin an duatin an thiam tawkin an chhaih ve thin a ,pawm erawh an la naupan em a vangin kan phallo thung “ Mama " tiin phirte chu ka bulah an rawn ding a ,an biangah ka fawhsak zauh,sofaah chuan ka pasal chuan laptopah hna a khawih mawlh mawlh bawk a ,min hmangaih in englai pawhin min ngaihtuah a ,ka tan a awm reng thin,a mah vekin ka naupuan pawh a su vek zel ,machine hman a duhlo a a kut ngeiin ten miahlo in a su vek .

Ka pasal chu ka ngaisang in engkimah a tha lawr lak ka tilo thei lo,mipa thenkhat chuan an nupuite thisen ,an fate ek an ten hial thin a ,ka pasal erawhin ka nau neih pawnfena thi kai thlengin a kut in a su vek ,Chu chuan a mah ka hmangaihna leh ka zahna a tizualin ka pasal a ni chu ka lawm hliah hliah mai “ Bawihno khawi ka lo pawm tawh a nge " a rawn tihsupah chuan kan fanu chu ka pe vat a ,phirte chu ka mutpui a ,a tlai ve tawh nen an mut a hun viau tawh,tawng an la thiam kimlo in zawhna ngah hun lai an ni bawk a nitin min zawh tur an hre reng a,keipawhin thinrim hauhlo in ka hrilh thin.

Ka fa diktak nilo mahse ka pasal fate an nih angin ka hmangaih a ,ka fa tak nen an danglamna a awm lo bawk ,reilo teah an muhil a ,Jariela chuan min rawn panin khum lamah kan kal a ,Kan fanu chu khum sira a thenbawmah chuan kan dah bawk “ Ka hmangaih che ka nupui duhtak" a rawn tisup a ,nui sen senin ka hmangaih thu ka hrilh ve sap ,a mit de sarah chuan a thilduh ka hrechiang hle ,ka chungah chuan a rawn lawn zui zat a .

A tawp ta ...