MOZACHIKO SHORT STORY

MOZACHIKO 

FULL STORY 

“ Angel hethil hi lo en ve teh ,heta rawn thawk thar tur a nih hi ,chuan maw keini ai thu a nei zawk bawk dawn anihchu a Chhelo a nia " ti a ka thiannu ka teacher pui nibawk chuan mipa pakhat a hmel en pawh a naupang zawk zawk tawh lo tihhriat tak leh hmel pahrak mai chu min hmuh tir a ,a hmeltha tihtur nilo mahse a mitmeng hriam hrak leh a hmaitlang invuah fuh lutuk chuan hmeichhe tam tak a hip tho ang tih a hriat,a suit hak chhanah pawh chuan a pian nalh tur zia a hriat vek bawk a ,ka en ve reng “ Zomuanpuia " tihchu a hnuaiah chuan a inziak kalh bawk .

Kan thawhpui thar tur a nihna angin pawnlamah kan lo hmuak a ,kan school hi a lian ve in zirlai pawh kan ngah viau a,chuvang chuan duhangin zirtirtu kan indaihlo bawk ,car nalh zet rawn tlan lutah chuan ka thin a phu dawt dawt thei chu keimah ngei pawh mak ka inti,ka hmui petin car a tanga rawn chhuak chu kan en a ,kan hotu pa ber chuan a lo bia a ,a chibai nghal bawk in hmelhriat tir sap sapin ka lam a rawn hnaih zel a ,ka lungphu hi a tawp mai dawnin ka hria .

Ka bul a rawn thlen chuan “ Angel Vanlalruatkimi " tiin ka kut chu ka pe a ,ka khur dar dar reng bawk “ Zomuanpuia" thumsupa a rawn tihchuan ka lung hi a phu dawt dawt,ka awmdan Chu a hriatloh ngei ka beisei,ka en chho a a rawn nui suk mai,awi leh!ka ip nghal chawih ,a kalsawn hnu chuan a rukin thawk ka la ham ham a ,ka zam viau hi enge a chhan ni ang,office lam panin kan inzui hlawma ,midang chu an tawng bawrh bawrh laiin keini pahnih chu kan ngawi kar a ,chutah ka pawnfel tlang rapin ka bawk ta thlawrh mai .

An vai chuan min en thup a ,awi ka va zak tak thawh pawh tumlo in ka kun ngar ngar,Lalpa hei ai hian ka zak thei dawn em ni “ I tha em?"  ti a min tung tho nawlh tu chu en pawh en ngamlo in ,ka awm ngai chuan ka awm reng ,Lalpa tinge ka chetchhiat theih em em mai le ?ka school kal hmasak ber nipawhin zirlai ho hmaah ka bawk tawh bawk ,tluk hi ka tana khuanu ruat emaw ka tihial tawh “ Awi Angel i kekawr te sendang ka hmu " ka thiannu chu ka beng chawrh ,midang an awm tawhloh a vang erawh chuan engah vak ka ngai lemlo thung,“ Mipa ho kha chuan an hmulo hlauh a niang,mahse Zomuanpuia khan a hmu in ka hria " a tihchuan ka sa leh ut ut tawh .

“ Kal mai rawh nuaihhmuam" tiin ka nawr nawk nawk a ,engmah an sawi em lo ang chu maw ,haw lam chuan ka scooty chu ka khalh chhuak a ,kalkawngah bazar in ka inluah lam ka pan a ,ka chhuk dawn tihah chuan Zomuanpuia bawk ka hmu leh a ,ka en ta reng ka bulah rawn dingin “ I inluah a mi " a tihchuan ka bu nghat a ,a rawn nui leh suk “ Ka lo len i phal em " a tihchuan mak tizetin ka en ha a ,mahse ka aw ve mai,ka inluahna neitute nupa chuan min lo ena ,ka awm hnu a tang hian thian emaw tumah ka hruai ngailo a ,mak an ti ngei ang .

Ka chahbi ah lai Chu phawrhin ka inkalhna chu ka hawng rak rak a ,concrete a ni bawk a ,a dai raih zel ka tha khur lah chu a hria ang tih ka hlau takzet ,kan inzui lut a “ Lo thu rawh ka inthlak lawk anga ,thingpui ka lo lum ang che " tiin ka room lam ka pan a,ka chhuah leh chuan ngawi rengin ka inchhung chu a enkual a ,gas awmna lam panin thingpui tur chu ka chhuang nghal zat a “ Helamah in chenglo a mi "a tihchuan “ Thingtlang lam mi ka nia ,ka pi leh pute nen thingtlang khaw pakhatah kan chenga ,mahse ka chawm theih nan kalsan rih an ngai sia ,tihian in luahin ka hman changin ka haw thin" ka tihchuan a bu nghat nghat a .

In hre sa ang mai chuan kan inbe bawrh bawrh a ,a hma a a hmel nelawmloh tak anga ka hriat kha han awm tlan meuh chuan mi puitling tak leh tawng chin tawk hre tak a ni tih ka hriat belh,thingpui chu in in kan school chungchang vel leh zirlai te chungchang chu ka hrilh malh malh a ,“ An taksa in puitlin lam a pan a ,mahni thuduh hun lai leh midang thusawi ngaipawimawhlo a mahni thu sut tum loh bur hunlai an nia,enkawl thiam an ngai khawp ang le " a tihchuan ka lo bu ve nghat,a Chang chuan enkawl hi an har lek lek thin,mipa lam phei chuan ngaihzawng biak taka min bia hi an awm thin a ,an taksa puitling mahse an rilru erawh a la puitling meuhlo.

An duhloh zawngah chuan zirtirtu Thu pawh awihlo a an kal chang a tam hle bawk ,“ Angel " titu a vang chuan ka hawichhuak a ,a ngawi leh deih ang lawi a ,a awmdan hian min tihlauthawng deuh reuh e a ,misual mithah hmang inthup tum a vanga zirtirtu hna rawn thawk te ani angem tihte chu ka ngaihtuah nghal zut zut,mahse a nihchu ka ring chiah chuanglo “ Kan haw ve phawt ange ,rawngbawl te pawh i duh ang ,a nih phawt aw " tiin kawngka lam a pan a ,a car bul thleng thlahin a tlanchhuah hnu pawh chuan a tlanliamna lam Chu ka en reng a “ Angel i bialpa ami" ka inluahna neitunu in a rawn tihchuan nui hakin a nihloh Thu leh ka teachers pui a ni tih ka sawi chuan a lo awih ve mai bawk .

Rawng bawlin maian leh bawrhsaiabe chu ka bai a ,berul lam erawh a kan loh chuan ka ei duhlo,kan khuaa ka awm lai pawh khan kan feh changin baia an thlak pawh khan ka suak duh ngai miahlo kha ka pi leh ka pu kha min khap fo zel ,zikhlum chu ka Kang pah a ,hla play in ka sak pui rat rat bawk ,a tuklam ka hna kal chu keimah anglo takin ka inchei ve hle ,school ka thlen rual chuan nui var varin office lam ka pan a,chutah Zomuanpuia chu a rawn thleng ve chiah bawk ,kan pahnih chuan kan kal tlang a ,ka tawng char char keihi chu ka nel tawh bulah hi chuan tawngtam lo hian ka awm theilo .

Ka tawngtam lutuk hi ka thianten min khap leh nge nge thin,ngawi rengin ka thusawi chu a ngaithla a “ Miss i Chhelo tawp  " 12 mipa ho rawn au a vang chuan ka nernawng a ,mi hlauhna an neilo a ,an class a luh pawhin an bengchheng lui hle thin,mi hauh vak hi ka thiamloh bakah ka peihlo bawk  ,Zomuanpuia chuan an lam enin a melh deuh hrawk a ,ka lo en ve reng ,engmah sawi chuanglo in min kalsawn pui a ,ka hnungah kalin min veng run hi ka timai,kan awmdan hi ka hrethiam biklo e a,in ngaizawng te pawh kan ang mahse chuti tur pawhin nimin a tang chiah khan kan inhre bawk sia .

“ Awi ka nu changpat " tiin Zomuanpuia taksa ah chuan ka pakai nawlh a ,a kawngah ka kherh bet tlat bawk “ Min kalsawn pui rawh ,ka hlau a nia " tiin changpat awmna ka en leh chuan a lu chuan a vahna lam tur a hawi a ,a fan thui mai si ,ala tle zuarh zui ka au tuar tuar a ,Zomuanpuia nuisuk suk te chuan ka tah an tichhuak tun tawh,changpat hi chuan mi tina theilo mahse an hmel ka hmuh hian ka ti a za vak a ,ka ngai theilo ,kan khuaah pawh chakai khawrha kan kal a piangin ka khawrhnaa changpat ka khawih thin a vangin ka thianten min awm mai mai tir tawp zela ,a chhan pawh ka au tawh chuan a ring lutuk a miin buaina kan tawk emaw an tih phah ziah .

Min kalsawn pui hnu pawh chuan a awmah ka la bei hle hle a ,“ Angel " ka thiannu aw rawn rik rual chuan ka harh chhuak zawk a ,ka dak chhuak chu Muanpuia chuan min lo melh run mai ,a ni pawhin ka mawngah tak a la chelh zui,rang zet in ka chhuk thla a ka in chul mam nghal thuak thuak “ Enge in tih a " ka thiannu Bawihi tawng tam thei lutuk leh dil chhut lutuk hi chu a buaithlak deuh thin,ka lu thingin “ Kal ang " tiin ka Kai a ,Zomuanpuia lam chu enin lawm thu ka sawi sap ,ka thiannu lah chuan office kan pan chhung zawng in min zawt cham chi a ,changpat vang a nihthu ka sawi chuan nui uar uar in “ Awi in romantic e " a rawn ti a ,ka nuih hak.

Khawiah mah hian a romantic lo ange ,ka subject chu ka en thuak thuak a ,Mizo hi chu mahni tawng ngei nisi hian a har zek leh nghal,class 12 lam chu phur lemlo tak chuan ka pan a ,ka luh rualin an lo bengchheng leh tawh hle ,puitling anga en dawn lahin an naupang chhia leh tho si,thulah an awih tha duhlo keimah lo phei chuan an ning lutuk hi an hrem ziah ,ka lehkha bu chu ka keu a ,zirlai zat ka sawi chuan hmeichhe ho chuan an keu mai a ,mipa ho erawh an la bengchheng luai luai thung,dawhkan chu ka beng ridawt a “ Zirtirtu in zahloh pawhin in zirlai tal hi chu ngaithla rawh u,heti hi chuan class 12 pass lo tur hi in tam,theihtawp chhuahin kan zirtir cheua ,Chu chu min rulh theih dan tha ber leh in nu leh pa te chawimawi dan tha ber chu tha taka in pass hi a ni" tiin ka en a ..

An ngawi thap “ In class a lo luh pawh hi kan peih em em anilo,nangni anga zirlai awm hi ka la hmulo bawk ,mahsela in insiamtha thei ,hetiang reng hi chuan nakina inchhir tur chu keini nilo in nangmahni in ni,a hun lai hian tang rawh u,class a bengchhen ringawt hian rahtha a chhuah lo ang cheu ,hlo  thlo mi pawhin kumtir a tanga taima taka a thawh chuan a rahchhuah tha tak chu kumtawpah a seng thin,chutiang bawkin nangni pawh kumkhat chhung hian in hmahun tur thui insiam thei" ka tihchuan an ngawi ta dial a ,ka thaw huai thei Lemchan ka chhiartir lai chuan zawhna an ngah ve hle a ,mipa lam phei chuan Thangzawra awmdan chu an sawi ve nak nak bawk ,an ngaihdan inanglo inhnial kual chu ka nuihsak a .

Ka chhuah dawn chuan nidang ang lo takin “ Thank you miss " tihchu an sawi ve tehkhiah a,ka nui chhuak var var ,ka teachers puite bul ka thlen chuan “ Tukin Chu zirtir an nuam deuh a nimaw ,an thawm a reh khawp mai " an tihchuan ka bu nghat a ,ka luh hnu lawkah Zomuanpuia class la pawh a rawn lut a ,a dawhkan lam a pan nghal vut ,ka en zui reng chu ka thiannu chuan min rawn kheuh zauh a ,ka insiam tha nghal vat,tlem a tlemah zirtirtu puiten min man chhuak tep a nihkha .

Nitin chuan kan kal ve bek bek a ,class 12 section A ho thuawih ta lutuk chu keimah vangah ngaiin zirtirtu dang lah chuan min fak chamchi leh nghal ,Zomuanpuia nen pawh kan in nel hle a ,kan inkawm tam hle bawk ,a ni telin ka duh a ,mahse hrilh erawh ka ngam chuang lo ,a awmdanah hian min duh ve emaw tih chang hi ka ngah a ,ka lo hlim ve em em zel ,mahse nikhat erawh a bialnu in schoolah a rawn zui a ,phur zeta ka school kal te chu ka hnual nghal rawih thei,mahse nuihmel pusangin ka lo inhmelhriattir ve a ,a bialnu Chu a chhelo in a hmeltha takzet ,kei nen phei chuan khaikhin chi kan nilo hrim hrim.

Bawihi chuan min khawngaih hmel zet hian min en a ,kei erawhin ka lo nuih mai thung,pawnlamah keimahin ka kalchhuak a ,school hnunglama thutna an siamah chuan ka thu vang vang ,in ngaihtuahin ka biak reng chuan ka duhna hi a reh thei dawnlo tih hria in duh tawhlo tur chuan rilru ka siam sauh sauh a ,biak pawh ka be tawh tur a nilo tiin ka infuih mawlh mawlh,office a ka letleh lai chuan ka hmaah a rawn ding a ,a bialnu kha a haw leh tawh a nih hmel “ Khawiah nge i kal a " tiin min chhuk melh run a ,nuih lui sakin “ Pawnah ka va kal lawk a " tiin a dang sawi tawhlo chuan ka thutna lam ka pan a ,computer ah chuan thil ka chhu nghal mawlh mawlh ..

Nitin ka pehhel a ,phone ah pawh a message chu ka chhang ngai tawhlo,sual inti viau mah ila kan duh ngawih ngawihte midang nena an awmtlang hmuh reng chuan  lo insum zawhloh mai hi a hlauhawm bakah ,rilru kan tina a ,chu chuan keimah ni ah buaina min siam bawk ,ka chhungte lamin min rawn phone a ,ka pi a that vakloh thu an sawi chuan ka hlauthawng hle ,class a tanga tlanchhuakin office lam ka pan a ,ka pi leh pu chiah hi ka nei tawh a ,ka Chan theilo ve ve ,mahse mihringte hi kan nunna chunga thuneitu kan ni miau silo a ,kan hotu chu panin “ Sir Mawi chawlh Dil che ka duh a " ka tihchuan min rawn en vut a “ Ka pi dinhmun a thalo an rawn tia ,buaipui ka duh a ni,a that veleh lo let leh nghal ka tum ang" ka tihleh chuan min khawngaih tih hriat takin a phal thu leh ka pi chu dam leh ngei turin duhsakna min hlan a .

A office a tang chuan ka tlanchhuak nghal hlawk hlawk,ka dawhkan lamah kalin ka thil pawimawh ho chu ka la khawm mawlh mawlh a “ Angel enge itih dawn " ka thiannu chu thil awmzia hrilhin ani pawh chuan min thlamuan ve thuai thuai a ,office a tanga ka chhuah chuan Zomuanpuia nen chuan kan intawk a,belo chuan ka tlan nghal dawr dawr,sumo tlan a awm tawh dawnlo tih ka hriat a vangin ka scooty emaw hian ka haw mai ang tiin ka inkhalh chhuak a ,ka inluah ah lut in ka thawmhnaw chu ka Siam mawlh mawlh a ,ka kawngka rawn in kik ri ka hriat chuan thaw hakin ka pan a ,ka hawn rual a ka mihmuh pa a vang chuan ka ang pam.

“ Enge ilo tih dawn " ka tihchuan tawnglo in ka dar a dawmin bang awmna lamah chuan min nawr phei a ,bangah min nem beh pah chuan “ I thian ka ni emaw ka tia ,mahse engmah hrilh tlakloh thian maw ka niha " a rawn ti rum deuh hrawk a ,a lawmloh zia a hmelah a Lang reng bawk “ Chutiang engmah a awm lo " khur ru dar dar a tihpah chuan ka en chho ha a ,a lungawiloh hmel leh zual “ Min biak Duhloh te,min pehhel te hi engvang nge " a rawn tihleh chuan chhandan tur ka hrelo,kalsawn tumin a awmah chuan ka nam deuh a ,mahse a che eihlo “ Ka hmanhmawh a nia ,khawi min kalsan rawh ka buaina i hriat tawh chuan muangchang hman ka nilo " tiin ka nam leh a .

Chutah ka inrin hma chuan min chawikang deuh nawlhin ka hmuiah a rawn fawp chawt a ,ka tukkhumah a kut pakhata dawmin bangah chuan min nawr na zual sauh a ,ja dawh mawl tawk ,ka hamhaih hle bawk ,ka lung a phu dawt dawt a ,ka taksa Chu a khur leh der der tawh ,min thlah rual chuan ka chalah a chal nghatin a thaw ham ham a ,ka hmui chu ka pet zeuh “ Ka fawh leh che i duhloh chuan i hmui kha pet suh" a tihchuan ka en a “ Min thlah rawh " tisapin ka tal a ,ngaipawimawhlo zet hian min pawm chungin ka thawmhnaw dahna lam pan chuan a khai nawlh a ,ka en ka ho ringawt 

“ Kan pahnihin kan kal ang" a tihchuan ka talnghal vak a ,chutah mawng sawh dawtin chhuatah ka tla a,ka au tuar ka mawngruh a rithawk in ka hria ,a rawn kun hniam chu a samah ka lo kek vak “ Engvang mahin ilo kal lo ang ,bialnu i neih kha min fawp te kha i zaklo ngawih ngawih" ka ti tawn tawn a ,a lawmloh hmel hle “ Ka then ti ila i awih angem,puitling kan ni tawh tleirawl ang mai a thu zep kual a ngai ka tilo bawk ,min duh tih ka hria ,keipawhin ka duh bawk che ,ka bialnu chu kha ni ka rawn hruai a ,I hmel danglam vek a tang khan ka then tawh " a tihchuan mak tilutukin ka en a .

Ka hmui bul chetah a rawn kun leh rual chuan ka lo inhup vat a ,a rawn nui nghal suk ,min kaitho in pawnlamah min kaichhuak a ,ka bag chu a mahin khaiin ka inchu ka kalh a ,chahbi in neitu te bulah ka dah rual chuan “ Ka inlamah kal ve lawk ang aw " a tihchuan ka bu nghat ringawt,a in chu a lian ve hle a ,a awmna a fal hle bawk ,kan tlanchhuah leh hnu chuan “ I chhungte chuan ka neih che an rem ti angem" a tihchuan ka phu deuh zawk a “ Eng maw " ka tihchuan nui lehin “ Hrelo inilo ,kan upa tawh a ,inneih kan duh chuan a hun tawh hle bawk ,i chhungte hnenah chuan dil ta che ila an phal a ngem" a tihchuan ka pute chuan an phal dawn tih ka chiang.

Vawitam an thihhmaa pasal neiturin min tifo a ,mahse ka hnial tang tang zel a nihkha ,tunah Zomuanpuia a ni hi an hnar hauh lo ang le ,keimah ang chiah hian ,kawngtluan chuan kan titi a kan nui nasa hle ,khua a thim hnu chuan hla play in a changin a zaipui leh zawk thin a ,ka lo nuihsang ringawt ,ka mut chhuak tan a vang chuan ka ham bai bai a ,ka mitchhingin ka ngawi daih a ,ka harh leh meuh chuan a kawr chung min lo sintir a ,ka hawichhuah chuan kan tlan thui ve tawh viau ka ring,“ Ka muhil daih sia ,a reh viau em" ka tihchuan lu thingin ka kut chu a rawn vuan vang vang a .

“ Kan thleng tep tawh " a tihchuan ka thaw deuh huai ,kan khuaah chuan kan lut a ,kan inlam ka hrilh rual chuan a tlan ve leh mai bawk ,inchhung kan luh rualin ka chhungte chu an lo la meng a ,ka pi awmna lam chu ka pan vat,rinai tak a a that a vang chuan ka thaw huai a “ Engah nge ilo hawn duh aw ,ka tha lutuk a lawm" a tihchuan nui hakin “ Ka pi a na tih ka hriat khan ka awm mai mai theilo a lawm" tiin a biangah chuan ka fawhsak zauh a “ I thianpa saw tunge a " ka pu leh Zomuanpuia awmna lam en a a tihchuan ka hrilh ve mai a ,a hnuah inti faiin Zomuanpuia room tur ah chuan ka hruai lut a ,room kan luh rualin min kuahin min fawp leh bawrh bawrh a ,ka namsawn vat “ Ka puten min hmu ang " ka tihchuan a awmsawn hram a .

A tuklamah chuan ka thiante ho an rawn leng a ,kan inkuah nghal chung chung hlawma ,room a tanga Zomuanpuia rawn chhuak chu phawk zeta en in“ I pasal a mi" an tihchuan ka nui deuh hak “ Nilo e ih" tiin ka ngawi daih a ,Zomuanpuia chu ka bulah rawn dingin ka kawngah a kut a rawn rawlh lut a ,ka ang Pam “ Chibai ule bawihi thiante ami in nih " a tihchuan ka thiante chu an insik nawk nawk a “ Aw ni e ,Feli leh Ruati te kan nia " tiin an bia a ,Zomuanpuia pawh chuan a hming Chu a sawi ve sup a ,chhun lama luikal an sawi chuan ka pi a damloh thu chuan ka hnial vat a ,mahse ka pi lah chuan “ Ka tha ka thutchhuah theih tawh hi " a rawn tihtakah chuan hnial ngaihna ka hrelo.

Chaw eikham rualin khaw mawng lama lui chu kan pan a ,kal chhung a rei phian leh nghal,Zomuanpuia lah chu hah a hrelo emaw tihtur in kawngsir vela thil chu a pawt sek a ,lui kan thlen rualin ka Thu hnawk,ka bulah rawn thu in ka thlan chu min hrukfai sak a ,kan thiante erawh an kalsawn nghal daih,kan pahnih chuan tui li bul lung chungaj kan thu a ,a dar nghengin ka tawng pah Siam siam “ I pu kha ka bia a ,a remlohna a awmlo a ti a,inneih vat kan ngai a ni " a tihchuan ka nui hak “ I hmanhmawh viau a mi" ka tihchuan zep buailo in a aw a. “ Ka hmel hi en la ka naupang tawhlo,pa nih hun ka nghakhlel tawh " a tihchuan a awmah ka beng dawt .

Nilengin kan infiama,tumbute khawrhin kan hlim ve hle .

........cut

“ Bawihte lo kal rawh le " tiin kan fanu tuala infiam chu ka ko a ,a rawn tlan rualin ka lo pawm nghal vat “ Anu Apa a lo haw dawn tawh em" tiin min zawt a ,a lo haw tep tawh Thu a chhangin inchhung lamah ka luh pui a ,“ Bawihi" tih rawn ri ah chuan ka rawngbawl lai kalsanin ka pan hlak hlak a ,ka dul Lian leh tawh lutuk a vang erawhin kal ka harsat viau,an pafa lo inpawm chu nuihsakin ka pan zel a ,Zomuanpuia ka neihi ka inchhir lo chiang hle ,min hmangaihin vawikhatmah ka rilru nawmlohna tur khawp thu a sawi ngailo ,min ngaihsak em em reng a .

Kei leh a fate tihloh midang a nunah a seng lut ngai heklo,ka tan a awm reng a,ka chaklohna laiah min dawm Kang thin,hmeichhe dang a nunah sawi tur ka hrelo a,ka tan a awm tawp thin “ In lo tha em " a tihchuan ka dul kawk zeuhin“ A tal nasa thei lutuk a " tiin a awmah ka bei kak a ,min lo kuah nghal hlun “ Ka hmangaih che Angel Vanlalruatkim" titu chu ka chhang let ve a .

A TAWP TA 

HAPPY BIRTHDAY LE ANGEL POPS ,DAM LEH HRISEL TAKIN AWM ANG CHE ,EXAM LAI KA NIH A VANGIN DUH ANG PAWHIN KA TYPE THUI THEILO A ,NIZAN A TANG CHIAHIN KA TYPE HMAN BAWK SIA ,TIHTUR NEUH NEUH AWM NEN HEIHI LO PAWM HRAM MAI RAWH AW