FRIENDS OR LOVE CHAPTER - 1

FRIENDS OR LOVE 

CHAPTER 1

Ole he story hi Manik malhotra leh Nandini murthi te movie Kaisi yeh yaaraan ang type leh an hming pawh a inang deuh vek dawna ,mahse remchan zawkna a vangin a changtunu ah mizo ka hmang dawn thung a,chuan an movie ang diak diak leh an thusawite pawh a ainang vek dawnlo a ,a inan na tur chu an Hming leh fab5 te ,chuan an chandan te a nitlangpui dawn aw ,CHUAN KA LO INTIAM TAWH NA ANGIN LINDA CHHANGTE ,THATCHHE SII CHANGTUNU HMINGAH KAN HMANG ANG AW .

START 

“ Bawihte ilo thleng maw " ka ni chuan airport a tanga ka chhuah rual chuan min lo hui loh loh a ,ka pan nghal vat tun hi Mizorama ka awmloh tur vawikhatna a ni a ,ka nu leh pa thih tawh a vangin unau ka neilo nen ka ni te hian an ina awm tur leh college pawh Mumbaiah  kal mai tur hian min ti a ,ka nutei te pawhin an lo pawmpui viau bawk ,Aizawl lama ka awm reng khan ka nu leh pa te ka ngaih an hlauh vang tih ka hria ,kan inzui haw diah diah a .

Vairam ka vawikhat ka hmuhna a nibawk a ,tlem chuan nuam ka tive deuh,inchhawng sang pui pui chu ka en a ,car in sul pel zut zut nen chuan khawpui Liana awm chu a bengchheng dawn hle hian ka hria ,Aizawl te chu Mumbai khawpui lakah chuan a te hle hian ka hria ,ka nite inzawnah tur ah chuan kan ding a,a lian lemlo na in a nawm hmel viau thung,ka thawmhnaw nen muangchang chuan ka chhuak a ,ka thlir vang vang bawk “ Nuam itih ngei kan beisei ania ,tirawh lut ang ule " ka ni chuan a rawn ti a ,ka bu nghal nghat .

Ka college kalna tur pawh an tihfel vek tawh thu an sawi a ,Mumbaia college tha berah min admit tih an sawi bawk ,ka zam takzet thian nisa ka nei bawk silo,thiansiam lah chu ka tihzawng a nilo,keimah tawng tam lo chi ka ni nen Mizoram angah kha chuan kan hnam a inan bakah mahni hnampui kan nihna ang khan kan innel nghal mai zel a ,tunah erawh chuan hnam dang karah ka la kal ngai lohna hmunah leh nghal ,ka zam takze ,ka room tur lamah min hruai a ,a zau tha ve hle ,pa Muana hi company pakhat hnuaiah a thawk a ,a hlawk ve viau mai ,ka thawmhnaw chu ka thlep fel a .

A tuklamah ka college luhna tur lamah chuan min hruai a ,college pangngai ang nilo in music lampang zirna chenin a awm a ,thil hrang hrang zirna a awm ti ila a suallo ang,a chanchin hi tlemin pa Muana chuan min hrilh a ,Fab5 an tih mai band lar tak ,Mumbaiah chuan an ni hial ang,mihausa fate vek an nihthu a sawi a ,an laka fimkhur turin min chah bawk ,zirlai thenkhat hnen a tangin an sual viau tih thu a hria tih a sawia ,mahse chung ka ngaihtuahlo a duh leh lo sual mai mai ang hmiang,keipawh hi ka sual ve mai ang,tulakah mah tlawm ka tum ngailo mipa pawh nise .

College lian zet kawtah chuan min dinpui a ,a compound pawh a zau tha hle ,ka chhuk thla a a lam pan chuan ka kal nghal vat ,ka ding vang vang a ,pa Muana chuan min bye bye a muang changin a chhung lam pan chuan ka lut a ,mi zi nuaih nuaih te chuan ka lu an tihai thei hial ,ka class tur lam ka zawng a,ka hmuh rual chuan ka thaw huai mai ,la lut duhlo in zirtir tu ho awmna ka pan a ,ka luhrual chuan lut thar tur ka nihthu ka sawi a ,an bu nghat a ,inhmelhriattirna an nei a an fel hmel takzet office a tanga ka chhuah chuan mipa pakhat hi ka su dawt a ,a su tu zawk ka thal tawp ,a taksa khauh tak a ka intauh a vang chuan ka chal chu ka tuai vat vat a .

Ka hawichhuah rual a rum zeta min lo en tu a vang chuan ka ngaihdam dil tum pawh ka tawp chawt a ,min be lo in office ah chuan a lut a ,a chapo ka lo tileh hman tawh ,mahse a pian leh  ahmel kha chu a tha takzet ,a mitmeng kha a pa hle bawk , inbeng faiin ka tho chhuak a ,dar a rik tawh a vang chuan class lam pan chuan ka kal a ,ka luhchuan an lo tam hle tawh a ,ka hmel an hmuh vang nge an ngawi deuh thap a ,ka zam rum rum mai ka thutna tur ka zawng a,ka kal kual lai chuan hmeichhe pakhat a sam phiar kak hian mizo tawng ngeiin min lo au a ,ka thaw huai mai ka pan vat a ..

“ Thanpuii ka nia ,Mizo tiraw inih " a tihchuan ka bu nghat a “ Linda Zodinpuii " tiin ka chibai let a ,ka Mizo pui ngei bula ka thu thei chu ka thaw a veng huai mai ,class chhunga mi panga ,hmeichhia pahnih leh mipa pathum an rawn luh chuan an ngawi diak a ,alaia ding pa leh sang lawr zuah bik Chu nichina ka sut pa kha tih ka hre nghal,tumah ngaihsaklo tih hriat takin hmalam chiah en hian hnung lam panin an rawn kal phei a ,pa Muana sawi kha an nih ka ring nghal ringawt ,mipa pakhat chuan cap a khum a ,a ni erawh a hmel chu a dam dup ka timai ,a hmel pawh a Chhelo mahse sang zuara ai chuan a hangin a hniam zawk a ,guitar case a ak a .

Hmeichhe pahnihte erawh an ha chhing dun hle,pakhat chuan kawrfual mal te lang vek a ha a ,pakhat erawh jeans kekawr bul leh kawr a dul lang vek hian a ha a ,an Chet dan reng reng leh an inthuam danah chuan mi awmthei chhungkua an ni tih a hriat hluah hluah bawk ,Chu chu ka ngei zawng tak a ni thung,kan hnung lam ah chuan an thu a ,ka sutpa chuan a ke a khawkherh ut bawk ,ka en reng lai chuan min rawn en ve thut a ,ka hawisan nghal vat,ka lungchu a phu dawt dawt ka hlauthawng ringawt bawk “ Fab5 an nia ,kan college ah leh college dangah pawh an lar a nia aw ,an hruaitupa ber a sang ber saw Manika a nia chuan a cap khum saw Dhruv chuan pakhat saw Kabir Ania ,hmeichhe Sam hmarual zawk saw mukti,chuan pakhat saw Alia ,an thian zingah sawn ka Tel ve chak thin" tiin Thanpuii chuan min hrilh sap sap a .

An awmna lam bawk ka en a ,an ni erawh midang ngaihsaklo in an thianho chuan an inbe mawlh mawlh a ,Manik leh Alia chu an inkuah deuh chial bawk ,teachers rawn lutin min koh chhuah lai chuan an lo ngawi thap a ,inhmelhriat tir na ka neih lai chuan ka hawichhuak zawk a ,a hnung bera mitmeng rum zet Manika chuan min lo melh leh reng a ,ka thusawi ka buai phah vek ,mit la sawn miahlo in ka thusawi chhung zawng min melh a ,a nersawk bawk kan ram ka sawilai chuan a insiam chhe zauh a ,a ngaihnep hmel hle hian ka hria .

Break lai chuan an thianho lam pan chuan Thanpuii chu tlanin a va bia a ,ka zui ve lo theilo “ In thiannih ve ka chak lutuk a ,khawngaihin min lo kawm ve ,ih inzaithiam bawk si " tiin a be mawlh mawlh a ,an ni erawh an nui hak thung “ Kan thian nih i duh maw " tiin Thanpuii chu an en a ,anilah chuan a lu a lo bu nghat a chutah Manika chuan sazu var hi a rawn phawrh a ,kei ngei pawh ka phu zawk mai ,Thanpuii chu a rak deuh tuara“ Min rawn zui rawh " an tihchuan a zui a ,kei erawh ka kalsawn thung ,Thanpuii chu hawlam thlengin a rawn lang lo hrim hrim a .

Khang miho pawh kha an rawn Lang chuanglo ,inlamah ka hawng a nitei chu rawngbawl ka pui a ,ka thiante ho nen kan inkawm pah bawk ,min ngaihthu an sawi ve sap sap hlawm a ,kan in vel chu ka hmuh kual a kal ve an chak thu ringawt an sawi leh ta nghal ,kan inbiak zawh chuan YouTube lamah ka lut kual a ,chutah ka thil hmuh a vang chuan ka tawp chawt,live a an thil pek chhuah chu Thanpuii mangang au a ni a ,entu an tam hle a tan na chu a chep tih hriat takin a thlan hlap a ,a tap bawk ka thawmhnaw chu ha in ka tlan chhuak a ,kan college lam pan chuan taxi chu pharin kan thlen rual chuan ka chhuk vat a.

Gate a lo la in kalh zui ,security te hawng tura ka tihchuan a tlai tawh Thu leh a remloh thu in min chhang a ,ka tihluih meuh pawhin an rem titlatlo,hmun dang a tang chuan ka kal a ,bangah chuan ka lawn nghal zat ,thirzai a lo awm bawk nen muangchangin a hnuaiah chuan ka lut a ,chutah ka hmaa mipa kut rawn phar a vang chuan ka tawp chawt a ,a kut vuan turin min duh tih hriat tak hian min en in a kut chu a tiche leh zawk a ,muangchang chuan ka vuan nghal vat ka chhuhthlak hnu in lawmthu ka hrilh a ,a tawng lem chuanglo ka kalsawn a Thanpuii chu ka au vak vak a ,a reh tlawk tlawk leh nghal .

A bag thutthlenga ka hmuh chuan ka pan vat a ,ka au leh pah bawk a tawpah bawlhhlawh bawm chu a rawn ri dawt dawt a “ Than i ni em" ka tihchuan a nihthu a rawn chhang a ,a aw pawh hriat a har hle ,ka hawng a ,a rawn tap chhuak nghal hawm hawm “ Khang ho khan min bum a ,hetah hian min khunga an sual takzet " tiin a tap a ,ka kuah vat “ An thian nitur a min duhloh chuan sawi that ve mai tur a nia " tiin a la tap reng a ,ka kuah nghal vat “ Nang chiah ngaihsaktu ka nei a ,tunah chuan nangmah chiah ka kawm tawh ang che " tiin min kuah a .

A ban hnu chuan chhuak turin kan kal a,kan let leh lam chuan Dhruv kha a lo la awm ve reng a ,Thani chu ka kawh hmuh vat a ,mahse Dhruv chu Kan biak hma chuan a kalsawn a ,Thani a awmna hostela ka thlah zawhah ka let ve chiah a ,ka nitei chuan ka chhuahchhan min lo zawt a ka sawilai chuan “ An va sual thin em aw " tiin a Chet tlat tlat a,keipawhin kha pa mitmeng rum zet kha ka ngaina ta hauhlo ,hmeltha mahse a sualna hian min ti thinrim hlur mai ,ka roomah chuan lutin ka tawngtai te te a,lehkha en leh in ka mu ve chauh a.

“Nangnu hi engtin nge i chhuah " Thani nena tui kan intur chu kan hnunglam a tangin min rawn nem sawn lawpa ,mipa pakhat hian keichu min neksawnin Thani Chu an bawra ,Manika te ho an ni tih ka hre nghal Thani hmaiah chuan tui thehin an nuih khum a ,midang ho lah chuan min thlir thup ringawt “Kan hnuaiah i awm tawh ang " tiin an kalsawna ,Manik rawn hawi let chuan keimah min rawn melh chat a ,ka hawisawn nghal vat ,a awmdan hi ka ngeih thei miahlo ,Thani chuan a hmai a hru hul a “,Than an lal viau a mi " ka tihchuan a lu bu in “He schoola thunei tu hi Manika nu a nia ,tuman an thinrim khum ngam ngailo " a tihchuan ka thaw hak a.

Engtin nge chutiang chuan an awm theih zawk ka lut fuhlo hle in ka hria,class a kan luhlai te chuan min lo melh rengtu chu haider hmiah ka duh ,min hnaihlo hramse ka duh bawk .