WAY BACK HOME ,A BADBOY LOVE CHAPTER 10

WAY BACK HOME ,A BADBOY LOVE 

CHAPTER 10 

Zingah tho in ka ha ka nawt sawk sawk a ,kawrteah chuan ka hmai vel ka phih pah bawk ,Davida mutui lutuk erawh ka kaitho duhlo a ,thingtlanga kan tihthan a nih a vangin midang pun buai duhlo in meichhemin rawng ka bawl a ,kan thiante ho chu an hnar thluk thluk bawk ,keimah te chuan ka che rak rak a,thawm a rawn awm a vang chuan ka hawi chhuak vat,Davida chu ka hnungah boxer nen alo ding tau a .

“ I thawmhnaw va ha teh,I chhe teu teu lutuk " tiin Sangha tin um chu hawn tumin chem chuan ka chhun a ,ka hnunglama tanga min kuahin ka biangah a fawp zauh a “ Ka bula mut Chu anuam em" mitko San awk hian a ti a,ham ham thin hian a “ Mi chuan an bialnu te an thawh hlimah morning wish in an muttui em tihte an zawt a ,nang ve ka bula mut chu a nuam em?tihvel mai mai sawiin thawmhnaw ha mumal lo in I awm to a ,I zak em David Mangkhairalvengpa " tiin ka Sangha tin chu ka hawng a ,thirbelah chuan ka thlak nghal zat bawk .

Tent lamah a lut a ,a rawn chhuah leh chuan t shirt a rawn ha ve ta hram a ,min Chet pui nghal zung zung a ,rawng bawl zawh lamah kan pahnihin ngaw chhungah kan kal a ,a zeilo lutuk chu ka nuih ka nuih a ,Davida hawi kual chhung chuan ka bula theiba pui awm Chu ka lo a ,seh hawngin a tui chu tlemin ka hmuam a,a chhan pawh thisen anga a awm a vang hian lemchannan a tha viau zel ,kan naupan lai phei kha chuan kan in lem naah khan hmai vel tihsennan kan hmang fo ..

“ Mingming a nuam iti em" a tihchuan ka thil hmuam nen ka tawng thei derlo,ka hmuam tui ve laklawh tawh bawk sia ,chhak mai kha ka ui tlat “ Iva reh ve " a rawn tihchuan ka biang puar pawng Chu a rawn hmu a ,a hlauhthawn hmel hle “ Engtin nge i awm,khuaiin a zuk che a mi " tiin min rawn0 hnaih ruak ruak a ,ka nuih za lutuk chu ka biang a puar zual sauh a ,ka inham puar pawp pawp a hrehawm letling zawk a hlauhthawn hmel tawh hle “ Mingming i tha em " tiin ka biang tawn tawnah a chelh a .

Ka thil hmuam lai chu a sir lamah ka phui a ,ka thil chhak a Sen bawk nen a lo hlauthawng chuan en pawh en chiang lo in ka ka chhung Chu en tumin a bihvak a ,a va han buaithlak thei tak “ Ka tha hei ka hmuam a lawm" tiin ka thil ken lai Chu Ka hmuh a ,ala thaw huai reuh leh nghal a ,ka nuih tet tet “Khuai zuk ka ang reng reng a mi" ka tihchuan a tum hmuk a ,hmalam panin a kal nghal hmawk hmawk “ Bawiha ,min lo nghak Vela" nui Chung chuan a hnunhlam a tangin ka um a ,ka zuan nghal thawrh chu hmalamah kan bawk zui rawk .

A insawhna lo tih ka hriat a vangin ka tho duh mailo a ,ka delh bet lui tlat bawk “ Malsawmtluang tho nghal rawh " tiin Chet sawn a tuma,ka delh beh chhung Chu a tho mai mai lo ang ,ka nuih tiah tiah a “ I titau leh dawn em ?I tauh reng chuan ka tho miahlo ang " tiin a biangah chuan ka fawp a ,rawn inlet thawk in ka taksa Chu man betin a chungah chuan ka la bawk reng tho a ,ka mitah enin kei erawh ka la nui Sen sen reng a ,ka mawnga a rawn tham chuan ka rak that .

“ Ka chak " a tihsup chuan mak tiin ka en haw “ I ril a tam maw kan let mai dawn em ni" tiin ka zawt a ,a lu a thing vut a ka hmuiah a rawn fawp nghal bawrh bawrh “ Mingming chaw tamin ka tam hleinem " tiin min lehthalin hnuailam ah chuan ka awm ran a ,a thusawi awmzia ka hre chiang lutuk “ Da i rilru tihmul suh aw ,ramhnuai a nih a vang ngawtin khatiang khan awm suh ,min en la kan la naupang lutuk nakinah college te kan chhuah hunah leh i nupui ka nih hunah ,hei chu i tan liau liau ka neih chhun a nih hi .

I tan ka vawng anga ,nangpawhin kan inneih huna kan hlimna tur zawk tih hria la ,chuvang chuan a hun hma chu hmang lo ang aw ,min en la neih engmah ka neilo ,I tan thil ropui tak ka tihsak ve theilo che a ,I tana ka thiltih theih ropui ber chu ka thianghlimna ka vawn tlat hi a ni zawk ,thil Chu a hun hmaa hman chuan a pawiin a mawina a bo tawh thin" tisap sapin a hmaiah chuan ka dawm a ,a ngawih vung vung hnu ah a rawn nui suk a “ Ka Mingmingi hi a rilru a lo puitling takzet a nih hi,innei vat ang aw " tisap in ka nghawngah chuan a hmuiin a nawr nak nak a .

Ka nui hak hak bawk “ Ka bialpa hi a fel chuan keite Chu ka fel dawn alawm " tiin a nghawngah chuan ka kuah a ,ka nuih var var “ Mingming nang ka tawn hma che chuan hmeichhia hi an mawina leh enge an nih hi ka hre ngailo,mahse nang ka tawn hnuah che erawh ngaihsak ka neih phah a ,chan hloh hluah hluah ka nei bawk a ,ka tan hian i hlu tak zet a ni,hmeichhe pawimawhna min hriat tir a ,ka mamawhlo emaw ka tih thinte pawh nangmah a vangin ka mamawh zia ka hriat phah bawk " tiin min en reng a .

Ka hlim a ni a hmuiah chuan ka fawp zeuh a ,tho chhuakin muangchangin ram ngaw lamah chuan kan kal dun leh a ,“ Da khi senhri min lo lak a nalh lutuk ka hawn chak " tiin ka en a “ Mingming a san em khi " a tihchuan ka ner vak ,a lawn theihloh vang bak a ni lo ang a sang vak bawk lo “ I sual si " tiin ka thu hmak a ,min khawih a tum a piangin ka awmsawn zel a “ Awle a nih " tiin a pan a,a lawn nghal tuih tuih ka duhchuan keimah pawh ka lawn thei reng,mahse ka tan a inhuam reng em tih hi ka hre duh.

DAVIDA 👇

A lawn chho zel a ,ka lo au pah bawk “ I climb every mountain " tiin ka lo zai a ,a rawn nui hawk a “Mingming ka tlak i duhloh chuan lo ngawi mai mai rawh "a rawn tihluk a,ka nuih vur vur “ Zawnga leih lawn dim dim ,chhim zawng leih lawn zawngchal leihlawn zawnga leihlawn dim...dim" tiin ka au leh a ,akaka thutpah chuan atang ro chu thliakin min rawn vawm a ,ka nui hak hak a ,ka nauban duhngei Chu la in a rawn theh thlaa ,hnim chungah chuan a tang chat a ,ka la nghal vat a par a bawr sia analh takzet .

A rawn chhuk rualin ka pawm zauh a “ Ka lawm e " tiin a kutah chuan ka kai a ,a nipawhin nuisukin min kuah ve mai a “ Kal leh phawt ang le " tiin min kai a ,mahse kan in nghahna hlat erawhin kan kal lo thung,kan let leh chuan kan thiante pawh an lo tho ve tawh a “ Khawiah nge in lo kal a ,min haw San emaw kan ti alawm"Thanpuia chuan a lo ti hluk hluk a “ In mut hnar thluk thluk lai khan rawngbawlin ram hi kan en mawle " Davida chuan a tilet ve zat a ,nileng chuan buk tualah awm in kan infiam ho a ,kan nui leh dar dar thin.

Thla te la in kan in um kual a ,ramhnuaiah chuan kan au khawk rum rum thei hial,kan in nghahna piah phulah chuan Davida nen kan mu a ,kan thiante erawh in ei rawngbawl min chhawk thung a ,a awma beiin a kut lian hlap Chu ka khalh niap niap a ,“Da ka...hmangaih che" ka ti tawl a ,ka sawi chak miau hek min rawn en nghal vut a “Nilo min hmangaih suh " a rawn tih chuan mak tizetin ka en haw a,tinge hmangaihlo tura min duh ni ang “Engvangin maw"ka tihchuan a lu thingin “Min hmangaihlo tawp rawh keimahah hian hmangaih tlak a awm ve lo " a rawn tihchuan mak ka ti.

“Ka nu leh pa mahin min hmangaih theilo a nia ,nangphei chuan min hmangaih tur a nilo,engmah neih ka nei velo a ,pek theih che ka nei hek lo ,ruih hrat leh insual nuam ti lutuk bialnu tihbak i hlawhlo a ,I thil duh loh ber a ni bawk a nilawm ni" a rawn tisup a ,ka en reng ringawt ,engvanga a nu leh pa chuan hmangaihlo a ngai nge anih ang ,ka hmangaih pawh maw? “ Da ka hmangaih che I ringlo maw " tiin ka en reng a ,a lu a thing leh lawi si chuan min tibo telh telh.

“ Ka ring a lawm,mahse ka beisei ngam lo mai chauh a ni ,ka lawm e Mingming " tiin min kuah bet a ,hepa hian hmangaihna a beisei ngam loh Chu keihian hmangaihna chu ka hmuh tir ngei ang,mahse lanchhuah tir Dan ka hre kher angem chu ka hrelo ,mahse ka thiam ve mai ang “ Da ka hmangaih che a ,mi zawng zawngin an hmangaih lohlai che pawhin keichuan ka hmangaih reng ang che ,keihian a chhan chu ka hmangaih tlat si che a " tiin tho kangin a hmaiah chuan ka fawp zauh a ,a rawn nui nghawr dat a .

Rawn inher in ka in en tawn rana ,ka kut chu a awmah a hmeh bel bawk “ Lo phei tawh ru indi hun a zo rih a ,chaw ei a hun e zan a tuah tur thing fawm nen " Moritz rawn au lung lung a vang chuan kan tho chhuak a ,muangchang a inkai in buklam chu kan pan a ,zanlamah chuan zu an in leh a , Davida Chu intam lo tur in ka tireng bawk ,hmuh hrehawm Chu ka tireng dawna ,mahse ka hmangaih miau chuan ka dawh angai si a ,engtikah emaw chuan a la nghei ve mai thei a sin.

Damdawi a phawrh leh Chu a kutah ka man vat a “ Khachu ti tawh suh" tiin ka chelh bet tlat a,mitmeng Sen deuh rumin min en a “ Khawngaihin Da " ka tihchuan “ Tlemte chauh aw ,Mingming tlemte " tiin a a ei nghal zat a ,“ Min lo hrethiam mai ru aw ,ka chautlat " ka thiante en pah chuan ka tent lamah chuan ka lut a ,ka mu nghal vat reife an awm hnu chuan ka muhil emaw an ti ani ngei ang Johny chuan “ Bro Msi hian a duhlo tih I hre sia I tilui reng dawn em ni,chubakah an pahnihah hian thlan zawk tur awm ta se a engzawk nge i thlan ang " Chu zawhna Chu keipawhin ngun takin ka ngaithla a .

“ Keichuan ka thiltih than tawh hi ka thlah theilo " tihchiahin Davida chuan a chhang a ,ka mittui atla fap ka hmangaih tih a hriat hnu ah pawh a nichuan hmangaihna lam nilo in damdawi nawm chenna chauh a la ngaihtuah a nisi a“ Da engtikah tak thlah ang che maw ,keiai thlang zawk mahla keichuan thlah che ka tum chuang lo,I damdawi addict ang chiah khan keipawhin ka addict tawh si che a ,mahse engchen nge ka tawrh theih ang " tiin ka hriat tawk chuan ka phun sap sap a .

Tah nuih hak chuan ka mit chhingin ka mu hil nghal daih a .

DAVIDA POV ...

“ Ka tihpalh " tiin a biang a tahna tih hriat taka a hmai huh deuh chu ka khawihsak a “ Keiai mahin ina a ni tiraw ,min hmangaih suh ka tih che ,a chhan chu keimahah hian hmangaihna a awm velo,tuma hmangaihna ka dawn loh ang bawk hian tumah hi hmangaih thei in ka inring lo a ni " tiin a muhil a nitih hriat taka thaw sak sak chu ka en a .

A bulah muthla in ka kuah vang vang a “ Eng chen chiah nge ka kiangah i awm theih ang,lo duh lo tur che ka ni a sin,ka kianga awm tur chuan i thinlung a thianghlim mah mah a ni,Mingming monster  leh angel awm dun Chu a theih tak tak ngailoh ,mahse min hipna hi ka thup reng thei bik silo a,mi nunrawng lutuk hian ka hlat thei chuang silo che " tiin a muhil tih hre mah ila ka be mawlh mawlh thung