WAY BACK HOME,A BADBOY LOVE CHAPTER 1

WAY BACK HOME ,A BAD BOY LOVE 

CHAPTER 1

Ka hma a thawm ri nuaih nuaih lam pan chuan ka kal zel a ,buaina a awm nge tiin ka hnaih ve zel ,mahse a hmun ka thleng chiah chu ka ding chawt ,mipa pakhat a dum veka inthuam hian mipa khat hi a lo thut bet a,a hnek mawlh mawlh bawk ,midang lah chuan puih an tumlo a an en thup ringawt ,ka thauah min man a ,kalsawn duh mah ila ka kalsawn thei derlo leh nghal ,tunhi khawpuia ka awm hnu a ka zan chhuahna hmasa ber ani a .

Mahse ka chhuak fuhlo takzet chuta awm ho chu en reng reng hian mi awmtha duhlo rual tih an hriat viau,chutah mi hnek mawlh mawlh tupa rawn hawichhuak mit leh ka mit chu a intawng chat a ,a mitmeng chu zan a nibawk nen a thim khup a ,a hmel en chuan a zaidam hmel dup lawi a ,mahse mi hlauhawm tak tur a ni ,min melh ngur reng a a rawn khisuk,ka lam a rawn pan chuan tlanchhiat mai ka duh rum rum,mahse ka kalsawn thei der bawk silo .

Ka bul a rawn thleng tep tihah chuan hmeichhe pakhat hian rawn kuahin a fawp a ,an in fawp tawn tawn chu chu remchangah la in ka kalsawn a ,ka tlan hlawk hlawk hi a ni ber tawh ,ka nite in ka thlen chuan ka thaw huai thei ,ka lut nghal vat a ,a mitmeng ngawt pawh Khan min ti tim ur ur thei ,a mengrum in a hmel lah kha a chang bawk si ,a hmeltha viau mahse a sual hmel hi ka ti ngawih ngawih,ka room lam ka pan hlawk hlawka ,ka thil lei ho chu ka khumah ka thehthla hnak bawk .

Zanah ka ril tam thin a vangin eitur ka lei khawl sa teuh a ,tihi chuan zan tamtak chu min daih ang,lehkha chu ka zir dawn a ka chhiar tan a piangin khapa hmel hlir kha a rawn lang ,a hmai khem nuaih mahse a hmelfang tha zet kha chu a langsar vuah tho ,ka lu ka thing nawk nawk a,thingtlang a tanga lo kal ka ni a ,ka hming chu Malsawmtluangi a ni a ,unau hi panga niin ka ute cho chuan nupui pasal an nei vek tawh a ,kei erawh tun college ka kal ve tan chiah thung.

Ka nite Aizawlah an lo awm rem chang hlauh a ,inluah kher ngailo in an bulah ka awm a ,fa an neilo bawk nen min duat hle ,ka lunglenna pawh a reh sawng sawng bawk ,zing a nihchuan ka tho chhuak vat a ,keimah chuan ka che nghal zung zung a,ka nite nupa erawh an la mutui viau ang ka ring,chaw hmeh ka hmuh ang ang chu ka siam mawlh mawlh a ,ka siam zawh rualin a hnawk vel chu ka thian fai leh zung zung a ,ka insiam chuan a tlai ve duai tawh ,inpeih sa thlapin choka lamah ka chhuak leh a .

Ka nite pawh an lo tho tawh a ,chaw chu kan ei nghal mawlh mawlh “ Bawihi vawiinah maw in luh dawn kha " Pa Masanga chuan a rawn ti a ,ka lo aw vat “ Thlah che ka tum Dawn ania hna kal pahin " a rawn tihchuan ka lo hnial vat a ,taxi lak theih reng nen chutia a ni hna kal tur tihkhawmuan ka duh biklo,ka hnial tak tlatah chuan an ni pawhin min nawrlui duh ta lo a ,ka eikham rualin ka ha nawt sawk sawk in thleng erawh ka niin “ka lo ti ang" a tih a vangin ka khawih lo a .

Pawnlamah chuan ka chhuak nghal hlawk hlawk ,taxi ka phara ka lut tur chiah chu ka bula bike chak zeta rawn tlan leh min rawn su thawi fua tu a vang chuan ka rak that a ,ka hawichhuah ruala chak zet a tlanliam chu ka hmu theilo,a helmet full face chuan a hmel a tilang lo hrim hrim ,taxi ah chuan ka thulut a ,college lam kan panlai chuan lehkha chu ka en malh malh a,kan thlen rualin chuan man pe in ka chhuak nghal vat ,gate chhung ka lut chiah chu nichina ka bike hmuh ngei kha a ni.

A bulah chuan nizana hlauhawma kha ka hmu tel bawk,min rawn en a ka kalsawn nghal nal nal “ Ding teh " a rawn tih a vang chuan ka khawng awt a ,ka che ngam tawh derlo a misawisak pa kha ka mitthlaah a la lang zut zut zui leh ta nghal a ,ka thaw hak ka bulah a rawn ding a min en chhuk ngur bawk ,a sam chu a buang deuh thang a ,a ngo deuh vuah ,kei erawh thingtlang lama ka awm vang nge ka vun hi a ngo tehchiamlo .

Chik zet hian min en a ,a thiante chu kan lam an rawn pan nghal bawk ,thian pali an ni a ,an hlauhawm takzet “ Enge I duh " hlau lo anga lang chung chuan ka tisep a,mahse a hlauhawm lam chu a ni e ,min en ngur ngur hnu ah “ Nizan khan engtianga rei nge min hmuh " a rawn tihmuk a “ Ka hmu reilo cheu ,ka kal dawn " tiin ka kalsawn San nghal hlawk hlawk a ,he college ah hian a lut ve tihna em ni le ,a tha Dawn lo riau hian ka hria ,ka class tur lam ka zawnga .

A tawpah chuan ka hmu hram,ka lut a an tam tawh viau hmelhriat ka neilo nen a hma lamah chuan ka thu ve tawp a ,mahse hmeichhe pathum ka bul hnaiha an rawn thut chuan ka en ha ,pakhat chu ka bul chiahah a rawn thu a ,pahnih erawh kan hma ah “ Hi " tiin min nuihsang hlawm a,an fel hmel ka ti takzet “ Lo lut thar tiraw inih ,Etheli ka nia chuan ka thiante hi LCi ania a hming diktak erawh Edenthari  chuan hei chu Nancy Lalthazeli ania Nancy timai rawh aw " tiin an hming chu a sawi zung zung a ,“ Malsawmtluangi Ms min timai ru " tiin ka nuihlet a.

Kan inkawm zui nghal bawrh bawrh a ,han kawm rei chuan enghelh neilo tak leh fiamthu duhtak an ni tih a hriat a ,ka milpui tak tur an ni in ka hria ,a chang leh an inhnial leh chiam thin a ,ka nui ka nui mai,lutthar mai mah ni ila an pathum vangin nuam ka tihphah viau ,pawnlama thawm awm huk a vang chuan kan in en thap a “ An insual leh tawh a niang " an tihchuan tute tak ni ang maw tih chu ka ngaihtuah a ,ka mitthlaah nichina mi bawk kha a rawn lang leh,kan va chhuak ve a ,ka rin ang ngeiin an mahni ho bawk .

Thianho ve tho nen hian an lo insual a ,“ Awi David hi chu an hnehlo thei e ,a Chhelo in insual pawh a thiam kan senior te an nihsaw insual hi an tihthan tawh ania " Etheli chuana tizat zat a ,kei erawhin ka rap lutuk,thingtlang lamah kha chuan khawpui ang in mihring kan tam lo a ,buaina chhuak a khatin thalai awmchhun pawh kha a hmei a pa in kan inkawm tlang bawk bawk thin a,hetiang anga insual bur bur hi ka hmu ngai hauhlo ,an thelh miahlo.

“ Tinge in sual an hrat em em a " tiin ka thianthar te chu ka zawt a “ Davida hi alarin a Chhelo a ,an hausa bawk nen ertu a ngah bawk ,bike khalh a thiamin race a awm a piangin pakhatna a niziah a ,amah hi insual zawngten ei a zawng an tia lawm " Nancy-i chuan a rawn ti a “ Chutiang a nih a vanga insual kher tur a mi " ka tihchuan an nui hak a ,“ Aw bad boy ti a lar hat an nih hi " kalsawn ang u buaina kan pumpelh zawk ang " tiin class chhunga lut tur chuan kan in her a .

Ka hnung lam a tanga min rawn pawt dawt tu a vang chuan ka ding chawt a ,ka hawi let rualin David nen chuan kan inmelh tawn leh ran a ,an insual kha an lo kal darh leh vek tawh,ka thiante lah chuan mak tizetin min en hlawm a ,tinge hepa hian min tihbuai reng le “ Enge I duh" ka tihchuan a nuisuk a “ Thingtlang mi tiraw inih " a rawn tihchuan chhan pawh ka tum lo ,midang lah chu an lo nui thaw hlawm a “ Min chhang ta che " rawn tivak tu chu phu dawrhin ka en a ,a hmel chu a rum leh ul tawh .

Chutah min nam thu sawk a ,chhuatah chuan ka thusawp nuaih chu min nuihin “ Mi thing lutuk " a rawn tizui a ,an lo nui dur dur a ,Etheli te erawhin min buaipui vat a “ Moritz Lalnunkim nui ve suh ,ka hua cheu inthianpa hi kan thiannu tihbuai tir hauh suh ang che " Nancy chuan tithatin min kai tho a “ Insual I sim ve hma chu min rawn be tawh suh ang che " tiin Davida thianpa sam dum ber chu a be mawlh mawlh a ,Etheli leh Lc-i pawh chuan pahnih la awm te chu an tive nghal zat bawk .

An in ngaizawng tihna a mi le “ Ka thiante an nia an thu a ni,nangni lo hmeichhia hi an tam ,khang thingtlang thing zet kha in tan vel a" tiin a bula hmeichhia chu akawngah a kuah a ,a fawp nghal thak an kalsawn chu ka en reng,ka zak hluah hluah a bikin ka thingtlang mi nihna nuihza siam nana min hmansak chu ka hua ,“David hi chu a buaithlak a ni lut ang u " Lci chuan a time,class ah kan lut dial.

Ka awm a nuam thei meuhlo ,ka hlimna a tibo vek ,ban rualin kan in mangtha hlawm a,taxi a ka lut tur chu ka bula rawn ding a vang chuan ka tawp chawt a ,a helmet a tanga a mit lang chhun chuan min melh ngur ,chutah bike a tang chuan a rawn chhuk a ,taxi a luhtum chuan ka che nghal vat ,mahse ka tlai ka kutah a rawn man a ,a helmet phelh pah chuan min hnuk deuh hrawih “ Min thlah rawh " tiin ka tal ngat ngat a ,student la awm ho chuan min en thup bawk .

A bikeah chuan min thut tir a ,chhuh ka tum chu min man bet a “ Min kaltir rawh engvangin nge min tihbuai reng a " tiin ka vin ve that a ,ka chhuk thla nghal bawk “ Nang ang mipa hi hnaih ka duhlo ,ka duhlo chung min tibuai leh a nihchuan police hnenah ka report ang che " titawn tawn in ka kalsawn dawna,min la man bet tho “ Min report ta che " min nuihsawh tih hriat reng reng hian a rawn ti a ,ka inher a ka melh ngar .

“ Min thlah rawh nang mi hausa fapa chapo pa " tihpahin ake ah chuan ka rap sawk a ,taxi a ka thutluh rualin thawk ka la nghal ham ham ,mihring inla chapo lutuk,in ka thlen rualin ka tlan lut a,ka inthlak nghal zung zung a ,rawng ka bawl nghal mawlh mawlh ,nitei hi chhun lamah dawr a nghak a ,pa Masanga erawh a hna ah a buai bawk a ,a rawn haw tlai thei viau ,purunsen leh alu vel chu ka siam a ,vawksa ka chhum pah bawk .

Zanlama ka lehkha zir lai chu kan inbulah chuan bike ri bengchheng zet hi a rawn awm a ,ka lu a tina vek thei a tawpah niteiin a va hau a ,a reh hram “ Tlangval awm tha duhlo " a tihlak hlak ri chu room chhung a tangin ka ngaithla ve reng bawk “ Nizan insual chanchin kha I hre ve em " Etheli chu mak tizetin ka en a “ Insual an awm a mi" ka tihchuan a chet hlak a “ Ila awm reilo em a ,a awm tho Davida leh a hmelma kum hlun Hmangaiha te an insual a lawm ,awi a video an rawn dah a ,an pui zia chu Hmangaiha chu a na viau ang .

Davida hi cho tu an awm mai mai ngailo,a mal ngat phei chuan " a tizui a ,khapa chungchang kha ka hriat tam pauh leh hnaih loh ka duhna a zual,mahse a mah Khan min tibuai reng tlat bawk si a “ Awi moritz hi ka ning tawh lutuk,hau ila a nui ang vur vur a ,thutakah hian lak a tum thlawt lo ,nizanah a hahmaiah ka fian ken laia ka chhutsak lawlh kha " Nancy thusawi a vang chuan kan nui hak a .

“ Inbeihnaah a kal velo a mi " Lci chuan a lo ti vat a “ Ka phalloh te chuan a kal lo ang,chubakah David te chu puih vak pawh a ngailo,a mah a inveng thei a tia ,kan inah awm in kan inhnial tluan parh " a tihzawm a ,an bialpa te nungchang leh an nungchang ka en hian an inmil lo ka tithlawt ,an ni an fel sia an bialpa te lah insual hrat tak an inhmeh hi ka tithei thlawtlo “An suallo a mi" ka tih chuan min en thap a .

“ An hmelma tan chuan an hlauhawm mahse kan bulah chuan an harh em em thung,keini pawhin a tir chuan an mizia a vang hian hnaih kan duh ngailo a ,mahse engvang nge pawh hriatloh in a tawpah chuan kan ni zui ta vek a , Davida erawh chu a hrang mai pawh a ,kan college queen Lalnuntluangi nen an ni daih a ,college ah hian ro an rel ani ber king leh queen inkawp chu an lar hat bawk a " an tihchuan ka bu nghat ,keimaha awm rih ka duhthu ka sawi chuan an lo rem tive mai .

College hnunglamah chuan ka phei a ,phul chunga ka thutlai chuan ka thlang lawk inte a tang chuan hmeichhe nui har har leh a changa rak leh that thin ri chu ka hria a,tute nge ni ang tihchu ka ngaihtuah,thawm chu a reh leh vang vang a ,a hnuah chuan Davida leh Etheli te sawi mi Nuntluangi chu kawr siam tha mawlh mawlh hian an rawn chhuak a ,hmu lo ang chiahin phulah chuan ka muthla daih a ,ka mit ka chhing chial bawk ,kan khua ka ngai takzet .

Ka thiante ka nuihtlanpui bawk bawk theih te leh min hmangaihtu te kianga ka awm lai kha ka ngai, ka hmai bula thil awm tlata ka ngaih a vang chuan ka mengchhuaka ,min lo en rengtu a vang chuan ka tho chhuak vat ,kalmai ka tum chu min manin bangah chuan min nawr bet a“Engvanga min zui ru nge inih " a rawn tileh hmuk tawh ,engvanga min tibuai reng zawk nge a nih le ,ka kham takzet “Ka zui ru lo che ,min thlah rawh hmun hahdama awm ka tum mai a ni" ka tihchuan alo nui hak a .

Ka thusawi engkim hi a nuihzat nimaiin ka hria ,ka hmui bul chetah chuan a rawn awm hnaia ,a rim fresh leh pa zet chu ka hnim lut hak ,ka hmui dai thuak hian “Min zuiru lo maw ,ka hmeichhe khawih lai kha I hmu lo takzet a maw"min en reng chungin a rawn ti a,a rawn awmhnai bawk nen ka thawk a tibuai vek “ Aih......hm....hmulo " bah naka tihpah chuan namsawn ka tum a ,ala nghet em em zui leh ta nghal .

Ka lungphu chu engvanga rang ve ringawt nge a nih tih ka hrethiamlo,ka hlauhthawn vang a ni ngei ang ,ka awmdan chu a nikual vel vekin ka hria ,a kalsawn rual chuan ka thaw ham ham ,he mihring hian min la tibuai dawn chauh niin alang .

DAVID 

MSI