WAY BACK HOME ,A BADBOY LOVE CHAPTER 9

WAY BACK HOME,A BADBOY LOVE 

CHAPTER 9

MSI POV....

“ David keimah a vangin i ruih reng thin hi ,I sim thei hramlo em ni " tiin ka en a ,kan thiante chu a hrang theuhin an awm ve bawk “ Mingming a har a sin,a tello in ka awm thei tawh lo " tiin khawpui lam Chu a thlir reng a ,a kutah ka chelh nghal vat “ Tum chhin hram la ,tunah hian I nghei nghal loh pawhin zawi muangin,a chhan Chu maw i nun hi ka ngaihtuah ,I taksa tana tha lo tur hi ka duhlo a ni,a harsa ang tih ka hria ,mahse I damdawi tihte i zu in te hian i taksa hi chhunglamah an tichhe nasa dawn tih ka hria a ni" ka tihchuan ngaihsak awm pawhin a awmlo .

A ngawi ngul ringawt,ka thaw hak a ka inher riai riai bawk ,a bula thusawi hian engmah awmzia a neilo a nih hi “ I thiamlo fe zawk " inti tawn a Johny leh Lci rawn inhnial phei chu kan thlir thap a “ Zeilopa ,zeilonu" an inti tawn char char bawk “ Enge inhriat a " Etheli chuan a rawn ti a ,“ Ka hmuiah a fawp ve a ,fawp pawh nilo in min hmuam a lawm " Lcin a tihchuan ka nuihza lutuk chu ka lo nui thawt a “ Nangpawh enge I nihbik,tumahin an inkiss laiin an bialpa te an ha an fawh tir lo ang,nangchu I ha chiah fawh tur a awm ,a kuh si hakuh nu" Johny chuan a tive zat a .

Davida ,Moritz leh Thanpuia chu lehlam hawiin an nui char char a,keini pawh kan bang biklo an lo va kalhran chhan kha infawh an lo va tum ve ngei chu a niawm sia ,an rawn inpuang chhuak nasa mai bawk si “ Ka hakuh i tihte chuan engvangin nge min nihpui a ,nangpawh i ha kha a nalh i ti em ni ? Lukirhmaipuampa " Lcin a tihzawh rual chuan hnai zeta in en in an samah an inkehsak nawk nawk a ,mahse Johny erawh mipa tihtakah Lci Chu a fiam mai mai tih hriat takin a samah pawh keh sak duh tawh lo in,Lci ban phak loh tur chuan a ding ngil zuarh a .

Lci lahin ban pha tawh heklo,a khawih phak lai lai chu a khawih pawp pawp “Ka tuar an vanpui lo chim ,tuarzo hian ka inring nem maw,I tan ka rinawmna a thlawn mai maw " Johny a zai chu rum zetin a melh tha leh ,Josephine Lalawmpuii “Ka tlin tawk " tih hla thunawn chuan Lci chuan a chhawn let ve zat a ,keini parukin an pahnih chuan kan thlir thap thung a ,an inhnial rei zek lehnghal a ,Davida ning chuan a tawpah min kaisawn a ,kan pahnih chuan ni tla tur chu kan thlir vang vang a ,a mawi takzet .

“ Hmelthanu " tisupin a biang dawm chuan min en a ,khawthlirnana an Siam banah chuan a kiu Chu a nghat bawk,ka lai lutuk chuan en tha ngamlo in kawlkil eng phut lam Chu ka thlir San a ,a rawn nui huk “ Lai hma em em nu " tihpahin ka hnunglam a tangin min rawn kuah a “ David a mawi tiraw ,tlaitin kal ziah ka chak " ka tihchuan ka nghawnga nawr nak nak pah chuan “ I duhphawt chuan kan kal ziah ang " a ti a ,mahse a theih ka ring lo,Nitei te ina awm ka nibawk si a ,ka vahchhuah reng chuan a mawiloh bakah a tha lo .

Miin min lo ngaikawi leh vek ang,mizo ho phei chu in rel leh in sawisel kan peih ropui sia,min rel duhtawk an awm leh dawn tihchiang reng,a kut Chu ka chelh hnan a “ Niteite ka puih ve an ngaia ,ka leng ve reng thei dawn lo,chubakah hmeichhe tan chuan vahvah te hi a mawi biklo a,mahse kan duhai hian kan lovak tam hman tawh thin a " tisap sapin ka en a ,ka chhipah chuan a fawp vang vang a ,a kawr Chung chu phelh in min haktir a ,ka lo nuisak “ Kan haw tawh dawn em ni?" Ti a min zawh chuan ka hniallo viau ,kan tlai riau tawh tlat a.

Kan thiante lam Chu panin haw chu kan rawt a ,an nipawhin an hnial biklo ,Davida chuan helmet Chu min khumtirin min Siam remsak a ,a thut fel hnu chuan lawn kai ve in ka thu ngil auh a “ Min rawn kuah rawh " tiniawm hrim hian a helmet chhanah chuan rawn hawiletin min en renga “ Keilahin ka hrelo der tlat“ Chhuk teh " a rawn tihchuan chhukin ka en a ,a mahpawh chu rawn chhukin ka helmet hnungah chuan manin ka helmet chhanah ka chal chuan bike seat chu a nawt a ,a tih ang ang chuan ka awm ve tawp bawk .

“ Min kuah tawh ang che " tihpahin a lawn a ,ka lawn rualin nghet zetin ka kuah lui kher a ,kan thiante tlanliam chiah te chu chak zetin a um nghal fua fua ,a hnungah chuan ka bei leh tlat tawh,ka hlau thin hi ala reh thei hlawl lo ,bike chuan khat chuan ngaia neih a har em a ni,khawchhung kan luh chinah erawh a tlan muang ve deuh chauh a ,ka thaw huai mai ,chak lutuka a tlan reng chuan kan accident palh ka hlau,ka vanglai nun hmang hmanlo a thih ka hlau ber .

Kan inkawtah chuan min dinpui a ,kawngka a ka luh thlengin min en a ,inchhung ka luh rualin nitei chuan ka kalna min lo zawt vata,ka hrilh ve maia min hau bik emlo ,ka room lamah kalin ka inthlak mawlh mawlh a ,Davida ngaihtuahin ka nui var var bawk,a bula awm kha a nuamin ka hahdam a ,mahse a ruihtheih thilti erawh chuan ngaihtuahna a tikal thui deuh.

ZAWMNA 

Zanah kan pariatin groupah kan lang a,private in Davida nen kan inbe phah bawk a ,kan hman ve viau chuan ka hria “ Ka lungawilo " a rawn tihchuan a chhan ka zawt nghal vat a ,a seen rang em em zui “ Sticker ah hian ka duhzawng ka hmulo a ,love lianpui kenga ka rawn kallai rawn thawn ka duh a ,mahse ka thiante hmelchhe lutuk hlir hi an awm " a tihchuan ka nui chhuak hawk hawk ,a va han tawng thei tak Moritz te ho in hmu se an trim na leh ngawt ang.

“ Lalnunkim len awihloh kan tih tawh kha ,len tum vaih teh hlate khuaah ka thlawh bo San ang che " groupa kan lan leh chuan Nancy chuan thinrim lutuk emoji dah tuar hian a lo ti a ,Lci leh Etheli pawhin Thanpuia leh Johny pawh an lo tive nghal zat a “ Don't worry ka Nancy ,min thlawh bosan i tum pawhin I meiah ka man tlat a nimai " nui vak lem dah chungin Moritz an a chhang a ,“ Hmela mei ka neilo " Nancy in a tileh zat  a “ I neih kha tawite ,vawiin tlaiah pawh a lawr têt kha ka hmu " Moritz an a tileh hram a .

A ngaihna hi an awm thlawt lo ,Davidan a rawn call a vangin ka chhuak a ,ka la nghal vat “ My ngaihnu" a rawn tihchuan min hmu dawn lo mahse ka ner nasa viau “ My ngaihvelohpa" ka tilet a ,a rawn nui hawk “ Dawt i sawi tih ka hrechiang a nia ,ka duatnu " a rawn tileh a ,a va han ngeiawm thei tak “ Tu in nge ka ngai che ti" tihlakin ka mu rem a “ Thli rawn thaw vet vet in I duatnu in a ngai lutuk che a a muhil theilo a rawn tia ,nge ka duatnu dang an awm zawk nge ?thli hian dawt a sawi" a tihchuan “ Zonunhlu I leng em ni " ka tithat a ..

A lenchhuah leh vaih chuan a chak lo viau ang “ Ka leng em ni? Aw kar a hla ,duhlai mi u ..min dang tu lam tluanga seilua e ....lunglen biahthu .....Thai kawi bawngte ,thleng zo ang maw ka di runah" tihchu a zai dut dut a ,ka lei ka chhuah vak “ I zaithiamlo si KAR A HLA tih phuahtu chuan hria se ,khaw eng a hmu ngam tawh lo ang" tiin ka nuih a ,mahse a ruk tak chuan a zaithiam ka ti “ A phuahtu hi ka putea " a tihchuan “ I lu Lian a nih Chu khawiah mah i putea Chu a nibawk lo ang,nanga putea nitur chuan maw in thiamna a inang hlawllo " ka tihchuan a rawn nui huk huk a .

“ Ka di biahnem ka hlan ve zawng ,vanlaia tla ang mai ka nih phah ta si ,aw ka Chan tur hi i dawn lo a ni Mingming ,ka tan kawl reng a eng ve tawh lo,kha chen biahthu di ka fah che I tawngkam nghakin ,mahse ka biahnem hlan ve zawng te an thamral zo ta,awi Val riangtea hi ka va vanduai si em" a tihchuan ka ner ka ner tawh “ Biahthu min hlan awm aw valmawi ka hre silo ,engan nge hmangaih biahzai chu chham silo a lem ang der thiama min chhuah i tum ni,chung tur ani khian en na a chhuah tawhloh hunah chuah keichuan ka tiamthu ka sut ang " ka tive zauh a .

“ Anihchuan zaninah pawh I tiamthu i sut dawn tihna maw ?" A rawn tihchuan “ Mawla I a ami ,naktukah pawh a lo chhuak leh dawn " tiin ka au khum a ,a rawn nui huk huk a “ Zanah i sut anga chhunah i tiam leh thin mai anga tiraw " a rawn tihchuan ka thinrim hle “ I mawl si ka dah daih dawn " tiin dah ka tum a ,“ Lawk lawk " a rawn tihchuan vin zetin “ Enge " ka lo tivak a “ Ka ruihhlo tihte ,ka zu in te ang chiah hian I ngawl ka vei a ,ka thlah theilo che " a rawn tileh a ,ka ngawi ta reng .

“ Mingming " a rawn tihleh chuan “ Ruihhlo kalsan a ,engkim i thlah theih huna a awm chhun ka nih hun ka nghakhlel ,thildang awm tawhlo a ,a ngawl i vei awmchhun leh i thlah theihloh awmchhun ka nih hun ka nghakhlel Da " tiin ka ngawi vang vang a ,a nipawh a reh vung vung hnu ah “ Tunah chuan engmah ka tiam theilo che ,mahse hei erawh hria la ,ka thinlungah hmeichhe ka sengluh awmchhun ini tih theihnghilh suh,ruihtheih thil hi chu ka thanlen pui a ni a ,ka thlah thei angem ka hrelo ,mahse i dawhtheihna a vang te pawhin ka la sim mai thei zawk a sin..

I hrechiang ang ka nihna chu ka thlah thei mailo bawk ,mahse Mingming he khawvela ka chan hlauh ber erawh nang ini " a rawn ti a ,ka thaw ham ham “ Ka ni takzet em " ka tihchuan “ Um ni e ,nang chauh ,LUNGLAWM TIKIMTU BER ,HEI KA LALNU A TAN KA SAWM CHE ,KA SAWM CHE HAWH TEH I LENG DUN ANG" tihchu a rawn sa zui a ,awi he mihring pa hi chu a ngaihna hi a awm thin thlawt lo “ Inla young fella si ,an bulah khan va intheh ve zawt zawt la ,khiangawia film chang chhawngtu ah te pawh an la hmang ve duh ang che " tihlakin pawnlam chu ka en a .

“ Mingming min duhviau tho dawn kha ,kei Khiangawia ka nih leh nang Vuani ini mai a ,Romeo ka nih leh ka Julieti ini leh mai " a rawn tileh nghal,thil hi a ngai thutak ngai thlawt silo hi a buaithlak a nih hi “ Ka dah dawn Dadu " tiin ka phone Chu ka hmet tawp a ,WhatsApp ah message a rawn thleng nghal zat “ Muttui le My Vuanliet te ,naktukah ka hmu chak em em che tihsawi chungin voice chuan “ MARRY ME JULIET ,YOU'LL NEVER HAVE TO BE ALONE ,I LOVE YOU AND THATS ALL I REALLY KNOW ,I TALKED TO YOUR DAD GO PICK OUT A WHITE DRESS IT'S A LOVE STORY BABY JUST SAY YES " tihchu a rawn zai a .

A hla rawn sak kher kher chuan ngaihtuahna a tikal thui vawng vawng mai,ni e kan innei a nih ngai chuan chuai baka duh ka neilo,mahse tun anga a awm reng erawhin kan innei thei kher a ngem ka hrelo a ni,a tuklamah chuan kan pahnih chiaha kan awm lai chuan ka titi mial mial a “ Ka sawi kha ka chhungte engmah ka la hrilh lo a ,Da i thiltih an hriat chuan ka nu leh pa hian an rem tilo ngei dawn bawk ,chuvang chuan ka lungngai a ni ,keichuan ka iai phah lo che a mahse nakina kan nat tawn na tura awm hi ka duhlo a ni " tiin ka kun a ,ka kut chu a rawn hum nghal thuk 

“ Lungngai suh ka tihtawh kha ,ka awm hi ka hria ka famkim lo tih,mahse ka nihna ang anga min pawm thei tu hi keipawh hian ka duh a ,mahse nang hi enge I an dawn ka hre hek lo ,hetiang renga ka lo awm loh hun pawh a thleng ve mahna,I ngaihtuah thui lutuk thin a nih kha ,ka nihna ang ang hian min pawm ve thei mai lo em ni" tiin min melh reng a ,a mitmeng thutak zetah chuan a tihder loh zia ka hria ,ni e tinge keipawh hi ka iai anga ka lo tawng leh thin,ka duh tih ka inhre Chiang ropui si a .

  “ Ka pawm che a lawm ka tihpalh " tiin a awmah ka bei a ,min ben thek thek palh chuan “ I know ,I'm not perfect ,but i love you,I really do .And I promise to be your best friend ,your partner in crime and you lover Mingming Trust me " tisupin ka chhipah a fawp vang vang a ,“Ka ring che David ,chuan ka hmangaih che " he thu hi sawi ka inring ngailo min rawn en nghal vut a ,chutah a rawn nuisuk a ,a darah chuan min kuah bei nghal hlun bawk.

“Karkhat chhung ramhnuaiah camp ang u thianho in " kan vaia awmlai chuan an sawi a ,kan pawm tlang hlawm tih hriat takin kan bu rang hlawm hle ,kan kalna tur chu kan rel nghal nak nak a ,keipawhin hahdam taka ramhnuai fan leh ka chak tawh bawk nen phur takin nitei ka dila ,min ngaihtuah viau nangin thianho kan nih a vang chuan an rem tileh a ,min hriatthiamna an ngahzia ka hmuh hian ka inthlahrung ve thin ,puih pawh pui hmanlo in ka vah bosan reng bawk sia 

Davida leh Thanpuia te Carin kan kal a ,Kolasib nena an inkar maia ram ngaw chhah tha zetah chuan kan ding a ,kan khua ka hre chhuak rum rum tunang hunah hi chuan school chawlh a piangin thiante nen inlawmin hlo kan thlo a ,fanghma nen kan bengchheng thei viau a nihkha ,thereng hram leh bawng vel hram chiah chiah chu ka ngaithla reng a,ka nuisak Davidan ka kuta a rawn kaih chuan mengchhuakin ka nuih ver vera.

A nipawh kiai sukin ramhnuai lam pan chuan bungrua nen kan kal a ,car Chu kan awmloh chhunga a bo loh nan an kalh vek bawk a ,chubakah kawng sir chin lang vaklohah kan dah nen an hmuh mai ka ring lo ,rei fe kan kal hnu ah hmun zawl nuam zet a bula phul awmna ah chuan kan chhuak hlawla ,tui luang a awm nghal bawk nen ,remchang ti zetin chuta in nghah Chu an tinghal zat bawk ,thing hmuh tur an awm lo a ,a nuam phian tent Chu kan zar mawlh mawlh a ,a inkawp te te chuan pakhat theuh kan siam.

Kan zawh rualin zanlama tuah tur thing kan fawm leh phawt a,ka thiante zeilo lutuk Chu ka nuih leh hak thin ,kan zawh rual chuan kan buk ah theuh lutin Davida awm ngheng chuan ka mu nghal than a “I Chau em " a tihchuan ka lu thingin “Nuam ka tizawk kan khuaah pawh khan ramhnuaiah ka awm hnem zawka " tiin a kut chu humin ka mit ka chhing zui riai riai a.Zanlamah chuan buk tualah meipui kan chhem a .

Kan vai chuan kan kawppui te nen theuh awmin Davida chuan hnunglam a tangin min kuah hluna ,Johny te inhnial chu kan ngaithla leh thapa ,ngaihah kan neih vek tawh ka ring.