WAY BACK HOME , A BADBOY LOVE CHAPTER 7

WAY BACK HOME ,A BADBOY LOVE 

CHAPTER 7

“ Ethel Malsawmkim ding teh " sir Mawitean a tihchuan Etheli Chu a a ding nghal zawt a “ Tunah hian tunge India ram prime minister " a tihchuan awl tizetin kan lo nui a ,mahse Etheli chuan a hrelo nge “ Manmohan Singh " a timai chu class chhunga awm zawng zawng an nui dur dur a “ Mawli Narendra Modi a lawm" Lci chuan a lotihlak a ,Sir Mawitea lah chuan mak tihhmel zetin a en vung vung bawk ..

“ E Narendara Modi " a tileh kher a ,Nancy leh Lci chuan an beng nghal nawk nawk ,sir chuan “ Thu phawt teh ,ngaithla tha tawh rawh ,India ram hruaitu tak ngial pawh inhriatloh chuan eng hna mah in thawk lo ang " a rawn ti a “ Sir hmeichhia te chu mipa chawm tur ,inchhung enkawl tutur kan nia ,lehkha zir ve vak a ngaihleinem,rawngbawl thiam ila ,insukte fate enkawl tur ber kan nia ,chuvang chuan fin vak hi angailo kan pasal ten min chawm dawn tho a " Nancy chuan a tizaih zaih a.

“ A hrim hrimin sir len tar i tum em ni,nge chhungpuinu tur hian a kawng a labo " mipa lam chuan an lo tive thung a “ Chawm an la hau tak deuh rih a ,han senior phawt teh se " a tive ngei a ,kan lo nui dar dar “ Hmeichhia te chu peih hunah kan nei mai dawn a lawm" a tiham hama ,sir Mawitea hi Chu a ruihchang phei hi chuan bawl berah an nei a ,mahse kan teachers ho ro ro ah chuan a felin a class a nuam ber thung ,keipawhin ka luh hlim a tang khan sir Mawitea hun hi nuam ka tinghal ber ,midang an sual ka tihna nichuanglo in midang class chu a boring riau zel .

Dar rik rualin an au deuh dual a chutah kawngkaah chuan kan miss kalphei kan hmu a ,mahse a lan zuitakloh a vangin enge tih hriat tumin tukverhah kan dakchhuak thup a ,a lo tawlhthlu chu niin sir Mawitea chuan a kaitho a ,kan lo nui dur dur a an han mengrum dun ngei a a,an kalsawn hnu ah chuan kan thianho chuan kan inzui chhuak dam dam a “ Tiru mipa te awmdan va en ang u ,an la bang ve silo a " tiin kan inzui thap a ,Davida hi nizan a tang khan a laka ka rilru hi anasa lehzual tih ka hria.

Mahse engtin mah ka la chhang thei chuang lo ,a hmel ka ngaihtuah phei chuan ka lai lutuk chu keimah ka insik leh vak zel ,an class zawnah chuan kan ding thapa,tukverha tang chuan kan bihthla dak dak a ,teachers chuan thil a ziak mawlh mawlh a ,an ni ho erawh an awm duhdah hlawm hle ,Nuntluangi leh Davida thu tlang ka hmuh phei chuan ka thik “ Hmel ho mai mai chuh! rawn chhuak tehse sawng sawn maw class ah an lo awm thin a ,mai mai chuan" Moritz te ho leh Nuntluangi thiante hi inbia a nui leh thin Chu rum zetin ka thiante pawh chuan an en a .

Zirtirtu a rawn chhuah chuan kan lo awm tha vat a ,an ni pawh chu an rawn chhuak sup sup a ,Davida te thianho in min hmuh chuan an ding thap a ,Nuntluangi te thianho chuan an banah an kuah thap a “ Lalthanpui " Etheli thinrim lutuk chuana tichhuak tuar a “ Ethel heng mai mai thiktur a awm lo " Thanpuia chuan a rawn ti a ,heng mai mai an tih hi an mahni duhtu tan chuan thikna tham ani tih reng an hre awm tawp silo “ A ho mai mai maw ,anih in hmuh laiin mipa dangin tiang chiah khan min kuahse in lawm bik dawn em ni" a tive leh tuar a .

An bialpa te mak lutuk hi chu buaina a ni reng dawn a nih hi,hei vang hian ania keipawh in Davida laka ka rilru hi ka thup tlat ni,an ni chuan in ngaihzawnna hi an hrethiam ve lo,insual ruih leh hmeichhe kawp kual hi an thupui ber ani tih ka story chhiar thin a tangin ka hre ve miau “ Kal ang u ,hetah tihtur kan nei tawh lo ,kan lo ngaidam hma mah mah a ni ,kal ang u" Nancy pawh chuan a rawn ti a ,Moritz te ho in an rawn chelh Chu an kut chu seh sakin an tlanzui nghal dawr dawr a .

David Chu ka en a ,min lo en ve reng a kuta vuan Chung a Nunhmuiengzawkzawkin a inti thei zeta min en Chu nuihsakin ka kalsawn ve nghal nal nal a “ Engvanga thiktur zawng reng nge maw an nih le " Johny a tihri ah chuan dingin “ Hmeichhia chuan maw in ngaihzawnna ah chuan kan ta chiah nithei tur mipa kan duh thin,ka thiante thinrimna kha a awm iti zawk viau lo maw ,nangniin hmeichhia in fawr pui reng laiin an ni chuan in hmuha mipa dang hruai a inthik tura awm hlauin an mahni duhtu pawh an hnar a ,mahse tunah erawh chuan an rilru Chu an thlak tawh hial ang.

Mipa in a hmeichhia in pan dawk dawk thin ang khan,hmeichhia phei hi chuan duhtu an nei reng tih hi in hre dawn ania,an luck lo tihle mah ula nangni aia duhtu tha an awm tih hria ang cheu,chuan inthian ho khan lerhlohna damdawi leh hmeichhe hlauhna damdawi inlo ei tawh dawn ania,byes " ka hmel ngeiawm thei ang bera Siam Chung chuan ka kalsawn nghal nal nal ,ka thiante ho ka va pawh chuan an rilru nat ka rin tehlul nen an lo nui uar uar a .

“ Rawn kal vat teh " Lci chuan min lo hui pah chuan a ti a ,an bul ka thleng nak chu phone ah an bialpa te ho chu zawng taksa ah an lu vuahin ala lian em em lehnghal ,keipawh chu ka nui hak a “ In lo tah ka ring ania " fiamthu thutak deuha ka tihchuan “ A ho emai,mipa pakhat a vang maia nat nghal mai tur a nilo,induh tawk hun a awm ,keini pawhin midang kan vai chuang lo " an tiham ham a ,an rilru a na lo chu ka thawveng huai thei,chuti nilo se chuan thil pawizawk a thleng thei tlat .

Class lama kan nuih phei bawk bawk lai chuan kan class room zawnah Davida te ho chu an lo awm thapa ,“ Saw engtin nge kan tihdawn " Etheli chuan a rawn ti a ,keichuan “ Hmel hlim vahin kal rawh u,nem nghal mai intum tawh dawn lo a nia ,enge in nih an hmuh a ngai ve tawh a ni " tiin hma ka hruai a “ Excuse me ,senior te u khawngaihin kawngka lo ah khan in awm thei angem" tiin ka bia a “ Ethel in bia ang u " Thanpuia chuan a tisup a “ Inbiakna tur kan nei tawhlo ,nangni nena awmdun emaw sawi dun nih kan duh tawhlo bawk .

In duh chuan khang ho nen khan zalen takin in ngaizawng tawh rawh u,in hauh pui reng ngai leh midang nena hmehbel reng theih tur bialpa neih kan duh lo ,tun a tang chuan inhrelo angin i awm tawh zawk ang u chu chu kan vai a tana tha chu a nia ,thian leh thianho Chu kan inmil theilo chuvang chuan in duh duh Chu kawp ula keini nen erawh ui leh kel thlun pawlh ang mai kan lo ni a nihpawhin awmdun reng aichuan a tha zawk e ,lut ang u " tiin Etheli chu a lut nghal thak a .

A hnuhnung bera ka lut tur chu Davida chuan min hnuk dawr dawr a ,ka thiante'n min en reng chu ka hmu phe vuai chauh ani,min hnuk che dawt dawt nimaiin ka hria “ Da.a.a..avi....dvid... mi.........n...hnu..nu..h." tihchiah ka sawi thei ,a kal dawr dawr a ,kei ka kal ting bauh bauh thei chu a mak ,a tawpah leiah ka thu tawp a ,a kalzawm thei mai biklo “ I a a mi ,nge ka khawchhunga thil awm zawng zawng hi thinthlak I tum,I thingthla a nihpawhin ka thlarau tal chuan ka tibuai ang che I hria em ,min khawih tawh miah suh" tihlawk hlawkin ka tho chhuak a .

“ Engvanga i thiante fuihpawrh nge I nih?" A mi ngaihdan mai mai chuh ,ve a ve lutuk a “ Enga keihian ka fuihpawrh lo,nangmah ang mai a thian lerh hmeichhia hi thil leitheih emaw ti a a hrang hrang lei tum te ,nang leh I thiante vang zawk hi a ni e ,min puh hauh suh " tiin inherin kal ka tuma “ Tu hmeichhia mah ka kawp ngai lo ve " a rawn tihmuk a ,ka awih a ring ringawt em ni “ E a nihchu ka lo hre tawh dawn a nia ,Bahubali film pakhata hmeichhe pahnih nei thei pa " tiin ka kut chu vaiin a an Pathian biaka an tih angin ka dah a “ Anihleh mai le " tiin kal leh ka tum a .

Ka kawngah kuahin min pawt her dawrh a ,“ Malsawmtluang" vin zet hian a rawn tihrawka , ka phu nghal dawrh “ Enge I duh khawngaihin min tibuai tawh Suh ka tihkha ,nangang mipa hi hnaih ka duhlo ,I thiante thiamlohah min puh hek suh,mipa fel leh rinawm chu ni ula ka thiante pawh an beidawng lo ang,ka kut hi thlah rawh i duh duh hmeichhia inih pui a nihpawhin keichuan sawitheih ka neilo ,I nunah thunei turin engmah ka ni heklo .

Ka lo duh palh che a nihpawhin thil thleng palh ah ngai la ,a chhan chu maw keichuan ka rin theihloh tur chu ka hnaih theiin ka ringlo,kan thiante ang maia buai reng tur chuan ka duh velo " tisep sep in ka en a “ Ka duh che ka tihkha chu chu a tawk mai lo em ni " a rawn tihchuan lu ka thing nak nak a “ Induh a vang ringawt a engkim hi tha tur nise chuan tumah hi an inthen hauh lo ang a ,tuma mittui tlak pawh a ngailo ang, in duhna a nihna ang takin mipahnihin a rinawm taka an vawn dun tur a ni ngai .

Tun ang reng hi i nihchuan khawi mah kan thleng lo ang,tin hmeichhe nalh leh hmeltha in an hip che tih mi ka a tangin ka hria a ,ka hmel leh pian hi en la ,chung I hmeichhe mawina tehnaah chuan ka tling velo a , I duh zawng zawng ka tihsak ve thei hek lo ang che ,mi hma a I zahpui hauhlo tur niturin ka neih leh hmelin a pha velo a ,keichu hmeichhe mawlmang ve tak pakhat,i duhthusam tibo tu bak ka ni ve lo ang,keimahah hian hmeichhe dangte anga hmelthatna leh thawmhnaw nalh tak tak hmuh tur a awm velo a .

I duh huna party a mawi taka I kalpui theih tur ka ni ve heklo, ka danglam lutuk chu vang chuan ka hlat a ta hi awm zawk rawh,induhna mai mai chu a reh leh thuai ang,I hmeichhe duhthusam ngei chu vuan zawk rawh " tiin a mitah chuan ka melh kar a ,a tawnglo va muangchang chuan min rawn panin ka hmaah chuan a rawn ding a,ka enchho ha “ I sawi dik hmeichhe hmeltha leh pian nalh chuan min hip ngei e ,mahse nang i rawn lan hnuah erawh hmeichhe pian nalh leh hmeltha aiin hmeichhe tumruh leh thinchhe ve tak,mahni a in enkawl thei tak hian min hip ta zawk ti ila I awih kher a ngem.

Hmeichhia ka kawp nasa ka hailo,mahse vawikhat tal min vuanin chung ka thiltha lo tih te chu sim turin min pui thei lawm ni" a rawn tisup a ,mak tizetin ka en reng, keimah vangin a insiam tha ang maw?ka ring lo mahse ka awihlo tak tak phal chuang silo ,“ Mahse Nuntluangi i neih kha " tiin ka hawisawn a ,ni e nichin ngei pawhin an rawn inkuah chhuak a nihkha “ Keichu maw David ka thil neih chu ka hauh bur thin,midangin an lak pen an lak pen theih thil chu kawlloh ka duh law law zawk,midang ka tawmpui theih thil ka duh velo a .

Keimaha ka pumbilh tur anihloh chuan neihloh ka duh law law ,a chhanchu maw intawm ngai thil chuan a tawpah thil pawizawk a thlen tir thin,nangpawh i mi hmuhsit dan ngai khan min hmusit zawk rawh,ka sawi tawh kha mi hmaa I mualpho pui tawh hmeichhia chu vuan zawk rawh,kei leh nang chu nakinah chuan kan la awm hrang thuai Dawn reilo te a tan chiaha inhmu ah min ngai rawh ,kan inmil velo" ka tihrual in min rawn fawp leh chawt a .

Ka meng deuh kawk ,ka ka chhungah chuan a lei a hawl kual a ,ka thaw tawh pawhin ka hrelo,min thlah hnu pawh chuan thawk ka la la lo hrim hrim “ Hey Mingming thaw rawh" nuihzat hmel zeta a rawn tihtakah chuan thaw hrawkin ka melh ram ram a ,kan awmna hi fal deuh mahse englai pawhin midangin min hmu reng thei “ Khang khan titawh suh ka tihkha " ka tichu min runluih nge pawh hriatloh in min fawp leh a “ Vawitam ka dillo che ,reilote pawh min hriatchian I chak lo em ni" a rawn ti a ,ka kut chu la in a lungphu zawnah chuan a hmeh bel a .

“ Ka hria a lawm mipa fel ka nilo,insual ka hratin zu leh drugs tihloh ka neilo,racing ka la hrat cheu bawk ,keimahah hian I mipa duhthusam a awm biklo tiraw ,mahse tinge kan duhthusam te chu thlak danglam tuma kan duhthusam ang ve ve in nih tir kan tum tawn mai loh ang" tiin min melh reng a ,sawitur ka bo vek chhang ta ila min kalsan leh mai angem,keichuan ka duh lutuk tih ka hria ,chuvang chuan inthen a ngaih hunah pawh ana tur zawk leh tuarthiamlo tur zawk ka ni bawk ,mipa chu an inthup thiam hle si a .

“ Mingming khawngaihin hun min pe ve rawh " a rawn ti a ,ka thaw hap “ Awle mahse tunah rihchuan kan thiante ho inkar a chhiatlaia nangnena inzui nghal ka duh rihlo " tiin ka en a ,anipawh a bu ve nghat “ Ka thiante thinrim laia an bialpa te thian ka lo nihpui tih an hriat a ,an thinrim tur hi ka duh heklo ,chuan nangni pawhin Nuntluangi te hi inhnaih leh tawh tur anilo,ka sawi kha keichu ka thikthu hi a chhe lutuk,ka thinrim tawp thlengin inawmdun loh hram ka beisei " tisapin ka inher a ,ka hnunglam atanga min rawn kuahin lawmthu a sawi sup a .

Nui vur vur chunga hmahruai chu ka en reng ringawt,a pian nalh leh a mah a sang bawk nen a hmeltha lehzel bawk a ,hmeichhe tam tak duhrawn chu tunmai khan bul ka tanpui bawk a ,class a ka luhchuan “ Engtin nge a tih che "an lo tinghal vat a “ Engtin vak mah,ka fuihpawrh cheu emaw a tia " ka tihchuan an nernang a ,“ Mai mai chuan an hre ve tawh viau ang,ngaihdam mai mai tawh loh tur an vawihnihna a nitawh a ,enge hmeichhe luhlul chu I hmuhtir ang u " tiin tan la sauh sauha .

Banah pawh gate bula an awm chu hmulo der hmakin an kal a ,taxi ah inmangtha in an lut nghal thap a ,keipawh chuan vailiamin kan veng lam pan chuan kal ka tum a ,ka hma a Davida bike nena rawn ding chu ka en reng,a dum vekin a inthuam a ,a helmet pawh a dum vek,a hmel ka hmu theilo mahse a mah a nitih ka chiang em em thung,helmet pakhat hi min rawn pe in chuang turin min ti a ,ka chuang duhmailo chu min en vung vung lehnghal .

A hmel lang theilo mahse a thinrim leh tawh mai thei,helmet chu khumin muangchangin a bike hnung sang zetah chuan ka lawn leh a ,ka kut chu rawn la in a kawngah a suihbet nghal hmiah bawk ,bike chu tinungin a tlanchhuak a ,kan inbe lo na in nuam tihrukna riau ka nei lehnghal ,kalkawnga Nuntluangi te kan hmu phei chu ka nuih a za, Davida hmeichhe phur chu min en zui vawng vawng a ,a hmeichhe phurhawm an la hmulo a niang .

Nuntluangi tihloh,kan inlamah kan tlan emaw tihlaiin hmun dangah a peng daih a“ David khawiah nge min hruai Dawn " hlauthawng zet chuan ka ti a “Ka singkhawlawi Dawn che" nui che dawt a a rawn tihchuan a pumah sih vak ka tuma ,mahse a sek tengtung bawk nen sihna tur ka hmu thaklo ,anilah chu a tlanchak thut a,ka au nghal tuar tuar .

Dawr pakhat zawnah min dinpuiin kan chhuk rual chuan chulam pan chuan min hruai a ,dawhkanah min thutpuiin eitur a chah a,ka eiduh zawng min zawt thlap bawk,tunah hi chuan tlemin ka thla pawh a muang ve deuh tawh “ Min thlah leh vat rawh aw,lehkha zir te a ngai bawk sia ,rawngbawl nen nitei a buai lutuk ang " ka tihchuan a ngaithla lo nge a thil eilai chu a ei mual mual a .

“ Zonunhlu " ka tivak a ,a rawn hawi duh chauh “ Ka biak che ngaithla rawh " tiin ka eitur chu ka suak sawk sawk a ,kan haw hnu pawh chuan ka be duhlo “ Mingming I lungawilo a mi" a tihchuan “ Khang kha ka hming a ni bawklo " tihmakin inchhung lam ka pan a ,reilo teah a nipawh a bike riin a zawm nghal a .

Inbual faiin rawngbawl turin ka chhuak a ,ka che nghal mawlh mawlh,nitei lah a buai thei bawk si a ,rawng a bawl hman ngai meuhlo keimah hian ka awm hnu a tang hian ka bawl ta ziah thung a .