WAY BACK HOME ,A BADBOY LOVE CHAPTER 6

MSI 👇

WAY BACK HOME,A BADBOY LOVE 

CHAPTER 6

“ Ms tinge chutianga i tih a ,a rilru ana dawn a sin, Davida hi a sual hle tihchu kan hria ,mahse a nunah hian inphum ru tam tak a awm in ka ring,chuan a mah hian Nuntluangi hi a bem miahlo a ,mi lar ve ve tihtakah inkawp awma mawi a an hriat a vangin an inkawp a ,diktak chuan Davida hian a ngaihsak ngaimiahlo a ,Nunhmuiengzawkzawki zawk hian a lawm zarbuai thin .

David chu a Chhelo in duhtu pawh a ngah ,mahse duhtu nazawng hi a uksak lemlo ,keini pawhin a chanchin hi kan bialpa te hnen a tang vekin a lawm kan hriat " Nancy thusawi Chu ka ngaithla a chhanpawh ka tum chuang lo,Davida ka hnarthu ka hrilh a an haw ve viau a maw tikha an lo phur em em zawk daih lehnghal a ,kan lam pana rawn kalte Chu kan en thap a ,Davida chu a rawn induang fresh leh zurh tawh ,t shirt hi a uar hle a ,jeans kekawr nen a Sam hi a tiphir ngei ngei bawk .

“ Enge in rawn tihleh dawn " Etheli chuan Thanpuia en Chung chuan a ti a “ Mipa in an bialnu te an pan hian enge a chhan ni thin" a rawn ti a “ Beisei an nei anihloh pawhin an thinrim chak" Etheli chuan a lo tive zat a “ I daw kaw zepzuap a nihchu" no deuh hian Moritz an a rawn tithung a ,kan lo nui hak “ Kha intuai ta mai a ni maw inthen leh mai a va ngai awm ve " Lcin a tihchuan “ Ngawi mai mai rawh nau ka pai tir pawng ang che nga ,kumkhua a min neih a ngai mai tur a sin" Johny chuan a rawn ti a .

Lci chuan rum zetin a melh nghal nghek,an ni lah an nui thaw hlawm a an bula lung chu chharin an vawm nghal thawt “ Min lo zui teh " Davida chuan a rawn tisup a ,ka enchho ha a hma khan ka hrilh chiang tawh si a ,a tlawm a la ve miahlo em ni le ?“ Ka duh lo " tisapin ka thut ngai chuan ka thu renga,ka thianten min signal chu ka hmu reng mahse engah mah ka ngai duhlo lui ngat ,ka huatna hi a la reh theilo ,ka luh tirh a tanga min hmuhstina zawng zawng kha ka theihnghilh thei heklo.

Ka ngaihtuah chhuah Chang leh phei hi chuan ka thinrim thar leh hluah hluah zel ,midang chu an kalsawn leh a zui ka tum chu an phal tlat lo,Davida nen chiah chuan kan awm leh a ,ka bula a rawn thutrual chuan thawh chhuah tumin ka che a ,ka kutah manin min pawt thu nghal hnawk,ka melh rawm rawm a “ Min thlah nghal rawh " tituarin ka kut chu ka thing nawk nawk a ,alamah min pawtin a awmah chuan min pawm bet tlat .

School naupang dang awmte chuan min en duh hle tih ka hria ,Chu chuan min tithinrim zual “ Ka hua che ka haw lutuk che ,tinge mi i hmusit hle a nilawm ni ?tunah engvanga min duh leh nge inih David Zonunhlu i sual takzet " tiin a awmah chuan ka chum dat dat a ,min kuah nghet bawk si ka talchhuak theilo beidawng chu ka hah bawk nen thaw halh in ka awm ta hle hle a “ Ka tina che tih ka hria ,mahse ka duh takzet che Ms ka duh lutuk che " tiin a rawn sawi leh a .

A aw ah chuan a thutak zia ka hria “ Mahse engtin nge i damdawi tih te ,i ruih reng leh insual reng ve te hi ,hetiang i chin reng chuan kan in ngaihzawn theih ka ring lo keichuan mipa fel tak ka duh ,min hmangaih em em tur ,chubakah i bialnu te nena buaina neih reng pawh ka duhlo " tiin ka phun chhuak sap sap a ,engmah sawilo in min thlah a “ Min pawm thei ngang lo a mi " a rawn tihchuan ka lu ka bu nghat ,na leh mai mai tura keichuan ngaihzawng neih ka peih ve lo ,nakinah inthen hun a awm leh thei a ,chutiang hun a thlen hunah chuan ana tur zawk keimah bawk ka ni dawn a .

Mipa chuan infiam nan chiah min lo tileh thin a ,chuvang chuan ka hlauthawng bawk ,Davida pawh an sawi danah mipa ngeng leh induhtawk ve tak a ni a ,hetiang reng a awm anihchuan kan in ngaizawng reiin ka ringlo a ni,a kalsawn chu ka en zui reng a ,ka hlim bik miahlo mahse keimah ah hian hlauhthawnna thuk tak ka nei a ni,addict ho awmdan an sawi ka hria a ,an chak tawh lailenga pawisak an neih loh zia nen lam ,mipa pangngai tak ka duh keichuan ,ka thaw hak a ka thiante rawn kal chu biak pawh be lo chuan ka tho chhuak a .

Class lam ka pan nghal nal nal ,lehkha zirin ka beng chu ka hup tlat a ,ka bula an rawn thu pawh chu melh bak ka melh lo, tunah rih chuan tumah biak ka chak lo ani,chu mi ni a tang chuan Davida nun chu a hma aiin a inthlak nasa in a nunrawng hle a,insual pawh a hma ai a peih a ,a hmuh a piang a khawih emaw tihtur ani ,a damdawi tihpawh anasa in hmeichhia a kawp kual nasa hle bawk ,kei ngei pawhin chu chu ka hmu .

Ka thianten min sawm chhuak lui leh tlat a ,an insual en tur chuan kan chhuak leh thap ,a hmun kan thlen chuan Davida chu Nuntluangi nen bawk lo awm dunin an infawp buan buan a ,midang chuan an lo hual thap bawk ,ka thaw hak sawngte a vang sawn a lawm ka hnaih duhloh ni,mipathum lai a sual a ,ala hneh vek zui Nuntluangi chuan a thlan leh thisen vel Chu a hruk sak a ,ka nersak Davida rawn hawi chhuak chuan ka mitah chuan a rawn melh chat a ,a nui tel kher bawk,Nuntluangi Chu a pawmkang nawlh a ,midang chu an lo au dur dur .

NANCY 👇

Hawisawnin “ Ethel kan enzo tawh bawk a,ka haw dawn aw ,ka nuamlo lutuk  " tiin ka kalsawn San a ,an lo awih ve mai bawk,kawngpuiah chuan ke in keimah chuan ka kal hnak hnak a ,taxi phar tur a vang riau leh nghal,ka hma a mipa pahnih rawn ding a vang chuan hlauthawng zetin ka hawi chhuak a ,“ I va Chhelo ve ,tun ang zanrei tawhah lehnghal enge itih a ,nge mipa I zawng ?I zawng a nihchuan kan awm a nia " pakhat chuan a rawn ti a .

“ Ka thiante nen kan lengchhuak a ni e ,khawngaihin awmsawn ta che u ,haw ka ngai tawh a " hlaulo ang chuan ka tichhuak a ,ka thusawi erawh an ngaihpawimawh loh hmel hle ,an din ngai rengin an ding a hel ka tum chu ka kutah manin kawmkar lamah min hnuklut a ka au theihloh nan ka ka an hup a ,ka tal nawk nawk mahse an ni mipa tha chubakah pahnih leh nghal Chu ka hneh der silo,ka mittui a tla zawih zawih a ,ka lo chhuak kher kher leh ka thiante ruala ka haw mai lo chu ka inchhir hle ,ka theihtawp chhuahin ka tal ve zel a .

Pakhat lah chuan ka kut a man bet tlat bawk si ,ka tap hlawp hlawp a min kaltir turin ka ngen reng bawk ,mahse min nuihsawhna bak ka hmulo,ka kawr an pawt thler tur chiah chu hnung lam a tanga rawn tlawh sawk tu a vang chuan min bawhbet tupa Chu a thal tawp a ,ka thu chhuak vat ,Davida chuan min khawih tum tu te Chu a hnek sawk sawk a ,an hmel chu a thi vek tawh ,hetiang em em a thinrim hian Davida hi ka la hmulo,a la inseh ruh tawlh tawlh a ,a thah mai ka hlau takzet .

“ David " tah aw tuau chuan ka ti a min en in min pawm nghal chawt ,chutia chhantu ka neih takah chuan ring zetin ka tapchhuak a ,“ Ka hlau " tiin nghet zetin ka kuah a ,ka tap char char ,a tawnglo a mahse ka samah a zut hluau hluau a chupawh chuan min tithlamuang lutuk tho tho “ Min kaltir turin ka ngen a ,mahse ka duhlo Chung khan min khawih an tum zel a ,khawngaihin min kalsan suh aw " tiin ka kuah nghet sauh sauh a .

“ I bulah ka awm tawh ,an tina tawhlo ang che ka lo thlen har a vangin ka tihpalh lutuk,I haw tih ka hrelo a ,tihpalh naute" tisup supin min kuah nghet sauh a,hmalam zawnga awm kan nibawk a ,a awmah min beitir in min dinchhuahpui a ,min khawih tu te pahnih mu zawi reng Chu a chhuih zui hrawk a ,hnawk kar a tang chuan min chhuahpuiin kawngpui lamah chuan min pawm chhuak a .

Ka tah lah Chu a chhuak reng mai bawk si ,ka tap bang theilo chu min chawlhpui leh lawk a ,ka chalah a rawn fawh vung vung chuan ka thla a timuang takzet ,a bike ah chuan min hlangin min en vang vang a ,kei erawh ka la in sut faih faih thung a ,ka mittui chu a tuai zauh a “ I tap hmelchhe vek tawh a nia " a rawn tihchuah ka melh nghek “ Ka duhleh ka hmelchhia ang " titiauin tahleh ka tum a “ Het miin Msi Chu a tahbelh hle mai an ti mai ang che ,naute thlem Dan ka thiamlo a nia " a rawn tileh a .

“ I thiamloh leh min thlem suh" tiin ka hawi tau hmak,ka thil tawn nen a mi hnem Dan chu a thiamlo si ,ka bulah chuan rawn ding hnai leh in “ Nangmahin kalhrang tawh suh aw " a rawn tihchuan ka bu nghat a ,kal Chu sawiloh zanah pawh vahchhuah ka duh tawhlo ,bike a tang chuan min hlang thla in ka hmaizawnah a rawn kun hniam a ,chiang zet chuan min en reng “ Eng.....enge...itih ..dawn " bahnawk hian ka ti a  “ I hnap fim a dawk" a tihchuan rang zetin ka hnar ka hup a .

A romol min pek chuan ka inhru nghal vat “ Suala " tivakin ka vin chiam a ,a nuih a zathmel hle lehnghal ,kei erawh ka zak hluah hluah “ Haw tawh ang kan thiante pawh an rawn haw dawn tawh ang" a tihtakah chuan bike ah chuan ka lawn a ,ka kuah nghet hle bawk ,ka mit ka chhing tlat a min tlanchhuah pui rual chuan thli chuan min chhem vawk vawk a,zanin thil thleng ai baka min tihlauthawng tu hi ka la tawng heklo .

Bike a tih din takah chuan ka mengchhuak a ,kan inkawt kan lo thleng der tawh a ,ka chhuk nghal vat “ Min puih a vangin ka lawm e aw " tisapin luh tumin ka inher a “ Lo la ding teh " a tihchuan enge tih pahin ka inhsr a ,ka biangah fawp zauhin “ Muttui canım (TURKISH TAWNG AW 😄KA DUHTAK TIHNA MAI ANI E )tiin ngaihawm zet hian min nuih a .

Hepa pui hian ka hnar Chung hian ngaihtuah zui veng veng tur hian a awm thiam lehnghal a ,a tlanchhuak Chu enzuiin inchhunglamah ka lut a ,ka thiltawn leh Davida min chhan Dan te a awmdan engkim ngaihtuahin ka chhungril lamah hian ka hlim veng veng their .

LCI 👇

“ Awi Moritz Lalnunkima sanghawngsei eitur hmu lo an zia saw " Lci chuan kan thutkhawm thap lai chuan a ti a ,Nancyin a melh rum tha hle “ Inpa Sam sakawr sam piangsual an tehlul nen" a lo tive zat a ,ni e Moritz hi an thianho ah chuan a sa hi a pan ber a ,a awm ve tho kan nui hak hak a ,kan lan an rawn pan leh thap ,nizan lam erawh engmah ka hrilh duhlo a .

David pawhin a sawi chhuah ka ring lo “ Lalnunkim in vulh thauve tawh ang che " Nancy chuan tum burin a ti a “ Awia ka duat ,ka pian analh em hi I duhlo em ni " a rawn tinghal a ,kan lo nui ru tet tet hlawm “ Duh lo duhlo,ui rei tak chhung chaw hmu tawh lo I ang " a tileh vaka “ Bawihi dont worry ,ka Cher a vang hian a lawm mi ka hip ,chubakah siamtu ina min siandanah hian lungawi mai tur " a rawn ti a ..

A sawi dik ve tho “ Kha I mitmu a pawng chhuak zawk zawk ania Eden " johny chuan Lci hming mawi lo Kai kher chuan ako a ,an in um nghal dawr dawr,nuih hi an ti za thin.

ETHELI 👇