WAY BACK HOME, A BADBOY LOVE CHAPTER 4

WAY BACK HOME ,A BADBOY LOVE

CHAPTER 4

Nihnihna Kan hmang a ,hmeichhia in volleyball kan beng ve thunga,kan thian ho chuan Kan lut thap a ,Etheli chuan “ Nuntluangi saw i phuba laknan a tha viau ang" a rawn tihchuan ka nui haka ,“ Tehreng e " tisapin ball chu ka hlap phei pawp a ,an lo au nghal dur dur ,ka hawikual chuan Davida min lo en ngur chu ka hmu,a ka a chip hmak a khawdang hawi miahlo in min en char char a ,min tizam dawn dawn alawm.

“ Kha aw Ms" tiin Nancy chuan min rawn set a ,ka zuang kanga Nuntluangi lamah chuan na zetin ka hlap phei a ,a hmaiah tak a fuh a ,a thal nghal tawp a ,entu lam ho chu an lo nui dar dar a ,Kan lam ho chu pheiin “ Ana em Tihpalh lutuk" tiin kaih thawh ka tuma ,ka kut chu a lo vaisawn nawlh a,a hnar thi ka hmuh chuan ka inthianlo ve deuh,David chu rawn kalin a rawn pawm nawlh a,ka en reng min rawn melhin “ Fimkhur tawh ang che " a rawn tihmuk a .

A kalsawn pui nghal nal nal “ A va ho tak Davida hi chu aw " Lci chuan tiin ball beng tur chuan kan let leh thap hlawm a , vanneihthlak takin kan chak tlang a , kan lawm ngei mai , result an puang a , a pumpuiah red house pakhatna an ni a , apahnih naah keini , chuan best girlah chuan min thlang ta ngei a , an lo au dur dur dawhsanah chuan best boy nen kan ding tlang a , hmel Davida ala nizui kan inmelh tawn ran a , a hmui a tisawi lui kher chu ka tisawi ve zat .

“Thingtlangnu " ka bengbula a rawn tihchuan haw duh tawh biklo in “Enge khawpui samkhuih mam theilo pa " ka tive zat a , kan inmelh hnai viau , mahse zirtirtu te an rawn kal hnaih takah chuan inngeih awm ang deuh chuan kan awm a , kan chhuh theih tawh thu sir Thanan a sawi takah chuan ka chhuk nghal vat , ka thiante ho chuan min lo pawm nawk nawk hlawm a , min vawrh an tum chu ka duh lo a ka tlanchhe nghal vat .

Zan lamah a lawmna college pumin kan nei dawn a , kan college hall ah a nuam viau ang, nitei te nupa pawhin ka medal dawn vel chu an lo lawm ve hle a , min fak ve mawlh mawlh, jeans kekawr dum ha in t shirt blue ka ha leh a , a chungah jeans kawr tho ka hak thuah a , ka sam sei ve tawk tak chu ka thlah bawk, ka hmuiah chuan lipstick a senuk rawng ka hnawih a , ka hmai chu ka chei leh thuak thuak a , ka mitchu fiah vaklo in ka line bawk a,.

Tha ka inti ve viau mai, inhnuai lama thawm a awm takah chuan ka chhuk thla a , ka thiante ho pawh an lo awm thap tawh, kan incheidan chu a inang hlawm viau an bialpa te theuh chu an rawn hruai a , lawkin hmel Davida pawh ka hmu, enge a rawn tihve dawn ni , an hausa bawk a aincheina chu a to hmel in a inhmeh leh pek hle leh nghal a , “Tinge inrawn hruai ve " Davida kawk chung chuan ka tichhuak sap a , anilah a lo inla cham ul leh ta nghal .

“Ka duh duhna ah ka awm ang chu , ka thiante an nia , i inpawh a nilo " a rawn tihchuan rum zetin ka melh a Johny chuan “In inmelh puah hma in kal ang u kan tlai lutuk a nge " a rawn ti a , kan inzui chhuak nghal thap, chuanna tur ka nei ve lo chuan Etheli te bula chuan ka tum a “Ka hnungah hian lo chuang mai rawh " rawn titu chu ka en duh thaklo“ Ms va chuang rawh, tawt zeta inphurh ai kha chuan a nuam zawk ang , in ngeih tum ve tawh teh u " kan thiante ho lah chuan an la ti deuh deuh leh ta nghal a .

Engtin nge kan inngeih theih ang , a chapo ropui si , thinrim zet chuan Davida lam pan chuan ka phei a , thei inti fe hian a lo hawi leh ta nghal , a hnungah chuan ka thu tung awt a “Ahma anga ka tihche i duhloh chuan khati khan awm awt awt suh" a rawn ti a , ka melh nghek , a kawr hmawrah chuan ka chelh a , a rawn nui te chuan min tithinrim deuh deuh “ Tlanchhuak vat mai rawh hmela " tinghekin ka thu tha leh a , a hma ang bawkin a bike chu a rawn tinghing leh dawt a , tuntum mai mai chu chutia Kun deuha ka va awm phei chu ka hmuiah a lo fawp chawt a .

Ka mengkawk , a helmet ala khum lo tih ka hrechiah , ka hmui chu a seh ner ner a ,“ Eh..... " Tihri rawn chhuah rualin ka awmsawn vata,kan thiante lah chu an lo la nuithaw lehnghal “ In inhmeh lutuk" an tihchuan “ Ngawi mai mai rawh u, hetiang mipa lerh lutuk bialnu neih lai renga hmeichhe dang fawp thei hi ka duh ngailo ang" tihmakin ka awm tha a , a lungawi loh hmel hle , kan tlanchhuak a , college Kan thlen rualin ka duhlo Chung ka kut chu a man bet a .

Min la kalpui zui lehta nghal a , inchhung lama kan thianho nena chutia kan lut chu kan lamah an mit a fu nghal thup a , keini lah chu he college a mipa lar rual Kan la kalpui vek bawk si, ka kut kai tlattu chu phelh ka tum tang tang a , Roberts an min en reng tih ka hmuh phei chuan ka thinrim zo vek “ Min thlah rawh " tiin ka tala , ka kawngah a rawn kuah nghal hmiah leh nghal , Nuntluangin a rum zeta min en chu ka hmu reng , Zonunhlua lah chuan a ngaihpawimawh hmelloh nasa  mai sia .

Kan kal phei a “ Ms intur i duh ve em " Etheli te ho chuan beer ken pah chuan an rawn ti a , heng hunah hi chuan teachers te pawh hian hriatthiamna chin an nei a ni ngei ang, nge a rukin an tini, Roberts chuan min rawn pan a , ka lo nuihsang , mahse alama min pawt dawrh tu a vang chuan rum zetin Davida chu ka en chho a , “ Min thlah rawh , I bialnu bulah sawn kal la ka kut hi thlah rawh " ka tihchuan zu in pah chuan ka thusawi chu nui suk hian min en mai mai a .

Ka haw takzet Roberts lam chu ka pan lui ngat a , min pawt lerh leh dawrhin Robert chu a namsawk a , a awmah chuan ka chum nghal pawp pawp “ Nang mihring hian engvanga min tibuai reng nge inih , min kalsan rawh ka hua che " titawn tawn in ka nam a , min kalsan rualin Roberta chu ka pan vat, min lo nuih var var a a hmeltha chiang a lawm , “I nalh leh pek hle mai , vei zui awl ngawih ngawih tur " a tihchuan ka nui hak hak a , Kan infiam zui nghal bawrh bawrh .

Hla play in an lam dup dup a, teachers te pawh tiamin , keini pawh chu Kan lam ve a , kan nui nasa viau, David leh Nuntluangi lam tlang chu ka en a , a rui leh tawh hle tih hriat takin a che over fal leh nalh , chutah “ Ka tarmit glass a bo " tihri ah chuan kan lam tawp thap hlawm a , sir Mawitea ding leh a tarmit a lehlam glass invuah a , a lehlam awng heu hmuh chuan a nuihloh theihloh, a va han inhmeh tak ( Heipawh a tak tak vek aw 🤣,awi advance christmas zan ngaihawm zia kha 😂😂😆).

“ Kan hmuh hma chu lam tawh loh tur a tibur bawk sia ,Kan zawng char char a , mahse heti zat zirlai lam kara chu thil tetakte hmuh chu har tak a ni , a tawpah chuan Kan zawng beidawng chuan haw kan rawt a, Kan thianho chuan kan chhuak thap , mahse ka kuta kaia min hnuksawn tu a vang chuan phawk zetin ka meng a , Davida chuan college hnunglam reh zetah chuan min hruai a “ Engthil nge I tih a " tiin let ka tum a, ka hnung lam a tangin min rawn kuah a , a zu rim chu hria in ka nersawk .

“ Ka duh che " a rawn tihchuan ka ngawi ngar a “ Ms ka.... Ka duh takzet che " a rawn tihleh chuan ka en kalh a “ Ka duh velo che , min thlah tawh rawh " ka tihchuan a lu a thing nawk nawk “ Min duh ve lo takzet maw , min chhang rawh" tiin ka hmui bul chetah a rawn Kun hniam a , ka hawi sawn nghal hmak “ Aw ka duhlo che , nang ang mipa chapo leh insual hrat, racing hrat bawk si leh ruih ching hi ka duh lo che , tunah pawh hian I ruih vang bak a nilo ang , bialnu I neih reng kha " tiin ka tal nawk nawk a .

Mahse a rui tha pawh a la chak lutuk , thinrim hmel zet hian min en a “ Min duhlo si tinge duh ang deuha I awm thin" a tihchuan ka nui hak a “ I hresual a nihchu min thlah rawh nangmah a vanga haw tlai fal nih ka duhlo ka... " Ka meng nghal kawk , ka hmuiah chuan na zet hian a fawp a , ka nam nghal nawk nawk , ka kawngah manin min dawm kang a , ka chet theihloh nan ka ke pahnih chu a bawp inkarah a chep bet a .

Ka hmui chu ana hlur tawh , a tihdan thlak thutin dam zet hian min fawp leh a , ka la che ve zel tho , ka haw lutuk takzet ,min thlah rualin ka namsawk a , ka kal nghal vang vang, a chhanchu hmusit taka min titu hi ka duh theilo , kha ni students dang ho hma a ka thawmhnaw min pawhchhiatsak tir ni a tang phei kha chuan a ni hi hnimhnaih ka duhlo hrim hrim, taxi la in ka haw nal nal a ka hmui chu ka nuai nawk nawk bawk .

In ka thlen rualin ka intifai a , Roberta min rawn phone chu ka chhang nghal vat “ Ban ah ka hmu lo che a Khawnge I awm " a tihchuan “ Ih ka haw nghal daih a " ka tihchuan a lo awih ve mai bawk a , kei erawhin dawt ka sawi a vang chuan nuamlo ka tiru viau thung a , kan inbiak zawh chuan ka mu nghal daih a , mut pahin ka nute nen Kan invid call a , ka naute ho pawh ka ngai takzet , an bengchheng lutuk chu an inhau leh thin a , Kan nui leh hak zel, “ Nu chawlh veleh lo haw ka tum ang aw " ka tihchuan a bu nghat a .

Ka pa erawh a committee tih an sawi a , anipawh ka ngai takzet ka tan hna an thawk hram hram a , hah tih an sawi ngailo a ka lehkha zir nana thlan tla zawih zawih a thawk te hi ka rulh let theihna chu tha taka pass ani tih ka hria a , ni e chutiang tur chuan ka bei ngei bawk ang.

KA DUHLOH VANG NILO , A REM LOH VANG ZAWK IN A NI KA DUHNA KHA TIHLAN A REM VE LO A , NI E A HARSA A SIN , AMAH KHAN HRE TAK ANG MAW?

MUTTUI ULE.....