WAY BACK HOME, A BADBOY LOVE CHAPTER 2

MORITZ LALNUNKIMA

WAY BACK HOME ,A BADBOY LOVE 

CHAPTER 2 

“ Zanin chu va en ve ang u " Etheli chuan invid call lai chuan a rawn ti a ,ka ngam teuhlo kha pa kha ka hlau riau “ A tihchi dawn em ni " tiin ka en ngar hlawm.a ,an la nui tet tet zui “ Kan pa te ho chet dan kan en chak a lawm ,kan lo sawm ang che " tiin hnial hmanlohin phone an dah a ,ka chhungte ka hrilh ve ngei a ngai dawn anih hi ,room a tanga chhuakin nitei chu ka pan a .

“ Ni zanin chu ka thiante ho in lenchhuah an rawt a ,kan thian pakhat birthday a nia ,lawm ngei an duh bawk sia " tiin dawt chu ka sawi tawp a ,chutia ka tihvang nge an phal ve mai a ,ka thiante an lo thlen chuan ka nitei chu bia in kan chhuak diak a “ Zanin chu an pui viau ang ,thian ho ve ve an ni dawn a" Lci chuan a tizat zata,kei erawh ka awm a nuam lo nghal run thei “Racing a awm.nghal bawk dawn a nilawm ni " Nancy pawh chuan a ti nghal zat a ,khapa min tihdan ringawt kha ka ngaihtuahna ah erawh a awm thung .

A hmun kan thlen meuh chuan an lo insual tan der tawh ,ka tha chu a khur der der a ,David a hnek pa phei chu a che thei tawh lo ,a zawi hnuang tawh chu hnek leh a tum a ,engtik laiin nge ka tlanchhuah pawh ka hrelo ,ka hriat leh meuh chuan Davida hmaah chuan ka lo awm ran a ,min melh nghal ngur “ Enge I rawn tih " tihmukin a khawihpa chu khawihzawm leh a tum a“ Anat tawh em hi ,I that mai anga sin" tiin ka la ding lui ve tlat a ,midang ho phun mur mur chu ka hre reng .

Mahse ka ding lui ve ngar “ He inbeihna a i luh hian i tih ngei ngai I hria em " a tihchuan ka bangbo hle ,a ni erawh a nui suk a ,chutah a lamah min pawt dawrhin ka hmuiah a fawp nghal tawn tawn a ,ka khawng awt ,thawm chu a rawn ringin an au dur dur tih ka hria ,ka lungphu dawt dawt leh min fawp tawn tawn tu a vang chuan chet ngaihna hrelo min tihdan dan chuan ka awm a ,min thlah rual.chuan hamhaih zetin ka la en reng “ Hey nang nu kha fawh I duh vang tiraw I va luh " ti a min rawn khawih tum tu chu an lo dang a.

A bialnu ngei kha a ni bawk “ I duh I hmuh tawh chuan I kalsawn thei em " titu chu ka melh nghal nghek “ I fawh duh vanga rawn lut ka nilo,he inbeihna ah hian mi thi lai ka hmuh theihloh vang chauh ani,hetiang infawh tih vel hi a awm tih hria ila chuan ka rawn lut hauh lo ang,mipa nep lutuk " tiin ka thiante lam chu ka pan a ,an ni lah chuan min lo la nuih ang vur vur zui a ,racing an tan dawn chuan ka thiante nen chuan a hmunah kan lo nghak a ,engvanga la awm ve reng nge ka nih pawh ka hre chuang lo ,David leh a bialnu chu an inkawp dawn a .

Ka thiante erawh min ngaihtuah a vangin an tel duhlo a ,mahse midangin partner an nei vek sia ka inthlahrung chuan tel turin ka nawr lui a ,a tawpah an tel hram ,keimah chuan ka awm a,mahse telve lo tam tak an awm a ,a ziaawm phian mai keimah te chuan ka thu ngat ngat a ,a tawpah chuan bike ri ka hriat rual chuan ka hawi chhuak a ,Davida leh Nuntluangi chu an rawn inkai phei a ,an infawp nghal zat midang chu an au dur dur a ,mahse engvang nge ka hrelo ka lung chu a na zawk ka en reng a .

Davidan min rawn en rual chiah chuan ka kalsawn daih a,Etheli te ho rawn phei chu haw ka duh tawh thu sawiin an ni pawhin an lo rem ti ve mai a ,kan class a mi Rinzuala chuan min thlah theih tur thu a sawi chuan ka thaw huai thei ,bikeah chuan lawn ka tum a,mahse min pawmsawn nawlh tu a vang chuan ka au that Moritz chuan “ Thian a kha a  haw dawn anih kha ,tinge i pawmsawn a " tiin David chu a en a ,“ Min thlah rawh " keipawh chuan ka lo tisap a .

“ He thingtlang nu hian bike chuan pawh a thiam dawn em ni " min nuihsawh chung hian a ti a ,ka insum hman tawhlo a hmaiah chuan ka beng thuai a ,a sen nghal tawn tawn “ Ka thingtlang nihna hi I hmusit viau a nihpawhin ka pawisa lo e ,chapo pa nangang chhungte chawmhlawm a ,lo in la lian ve ringawt hi ka ngaisang bik lo che tih hre rawh " tituarin Rinzuala Bikeah chuan lawn leh ka tum a ,au hrawk hian min pawt thla leh a .

Rinzuala min rawn chhan tum chu a hnek tlu a ,a khawih zawm mawlh mawlh ,a thiante chuan an man bet nghal vat a “ I tha em " ka thiante ho chuan tihpahin min be mawlh mawlh,kei erawhin David Zonunhlua meng rum ul chu ka en ngawt ngawt ,engvanga Rinzuala chu khawih ngawt nge a nih ang,harh chhuak thutin Rinzuala chu ka buaipui a ,keimah vanga hliam a tuar chu ka inthlahrung takzet “ Hrep hian khawih tawh suh " rawn tihrawk tu aw chu hrelo ang hmak chuan ka awm a .

Ka nuna thu nei turin ka engmah a nilo a ,ka hmelhriat pawh a ni hek lo “ Tihpalh aw ,keimah vanga buaina i tawh a vangin " tisap sapin ka kaitho a ,ner sawk hian “ A pawilo,thlah chu I duh em " nuisang hian a rawn ti a ,a fel ka titakzet min huat tawh ka ring a nia ,ka buk tak nghatah chuan a bikeah chuan a lawn a ,David chu Moritz te ho chuan an la man bet reng,kan tlan chhuah dawn a ka en leh chuan mitmeng hriat thiam har zet hian min en a ,kan tlanchhuah takah chuan ka thaw huai huai mai .

Vawikhat mah zanah ka chhuak leh tawh lo ang tihchu ka inhrilh mawlh mawlha, in ka thlen rualin thawm dim zetin ka room ah ka lut a ,ka thlen rualin ka thaw nghal huai thei ,ka intifai a ka mu nghal hmak ,zingah chuan tho in ka ha ka nawt sawk sawk a ,ka lu a na bur mai nizan ka menrei vang vek,rawng ka bawl zawh rualin nitei te pawh an lo chhuak a “ Vawiin chu dawrah thawmhnaw a rawn thleng thar dawn a ,I ban pahin I duhzawng lo thlang rawh aw " niteiin a tihchuan angaihloh thu in ka lo hnial a .

Thawmhnaw chutia a thlawn veka thlan chu ka duh biklo ,mahse kal ngei ngei turin min tihtlat a vang chuan ka kal tur thu in ka hrilh a pa Masanga chuan “ Kan fanu ang ini a ,inthlahrun angai lo ,I duh zat zat I thlang dawn ania ,I nu leh pa ang chiahin min en rawh " a rawn tive a ,ka lawm takzet hetianga min duat tu tebula ka awm thei hi,class kal turin ka insiam a ,ka phur lem lo hle ,ka subject lak hunah chiah ka lut ang tirilru in in a tang chuan ka chhuak a ,taxi chu ka phar nghal zat .

Ka lu lah chu a dam thei reng renglo,college ka thlen chuan peihlo zetin ka chhuk a ,ka thiante min lo pan chu ka nuihlui sak “ I nuam lo a mi " an tihchuan “ Ka lu a na deuha, lo va lut ru ka nawm deuh hunah ka lo lut ang " tiin thutna lam chu ka pan a ,an nipawh an lut zui ve mai bawk ,ka thutnaah chuan mu in ka lu chu ka dawm a ,ka mit ka chhing leh hmak,a fal bawka tumah an lo kal ka ringlo ,ka thaw leh hak thin ka pang lah chu a sa vur bawk ,ka khua hi a sik Dawn in ka hria ,diktak chuan menrei lutuk te hi ka zo ve lo a ..

Lehkha pawh hi chhun leh tlaiah ka en tam ber thin reng bawk ,chutia ka lo mut lai chuan ka bulah thawm a rawn awm a,ka en chuan David chimawma leh bawk ,ka nersawka hepa hi chu ka mi hmuh chakloh ber a nia sin le “ I bialpa ka khawih chu enge ang itih bialpa te ilo nei thiam ve elaw " a tihchuan nersawkin “ Nang hnial che ka peihlo min kalsan rawh " tiin khur ru hlak hlak chung chuan ka melh kar a ,ngun lutukin min melh reng ringawt “ Ana viau em ni" a rawn tileh kher a .

“ Ka hrelo ,ka bialpa a ni heklo chuan engvanga min tibuai reng bawk nge inih kalsawn rawh " tihpahin ka vin that a ,nawm lohnen hlauhna pawh ka nei tawh lo ,ala ding ngur mai si kalsawn ka tum chu ka kutah a rawn chelh leh a ,a awmah chuan nazeta chum ka tum nen tha reng reng ka neilo ,ka beng te hi an ngawng chhulhin ka hria “ Nang hi I tha miahlo " a rawn tihchuan a awah chuan hlauhthawnna ni awm tak ka hria in ka hria “ Min kalsan rawh " zawi te chuan ka ti a,ka chal a rawn deh rualin a phun hluk.

Ka taksa chu a kang nghal nawlh bawk “ Tinge min awm tir mai mai loh,nang hi hnial reng che ka peihlo tih hi I hmu lo em ni " tiin ka tawng pah a “ Ngawi mai mai khan awm rawh ,i nawmloh te chuan kallo mai ta che " a rawn tihmuk thung,class zawng zawng awmna hmaah min phei pui a ,ka nuamlo bawk nen engtin mah ka sawi buai peih tawh lo ,a perfume rim hip pah chuan ka mit ka chhing daih a ,senior ho class zawn kan thlen chuan Nuntluangi aw in a David a kohna ka hre nghal zat.

Ka thaw hak a ,buaina a chhuah leh ngei ang le ,“ Engvangin nge a ni kha i pawm a " a rawn ti ta ngei reng a ,Davida chuan min en chhuk run pahin “ Engkim I hriat kher a a ngai lo," tiin min kalpui nghal zat a ,“ Khawnge min hruai dawn" tiin ka en chho ha a “ Kan kalna turah" tihzawnga min chhan chuan ka melh hrawk a “ Hmela " tivakin ka melh ram ram a ,a bikeah chuan min hlangin hnehsawh lutuk in a rawn chuang ve nghal zat a,a kawr chung chu phelh in min haktir leh phawt a .

Ka ngawi ngar bike chu a ti nung vut vut a, a helmet khum pah chuan “ Min rawn kuah rawh" tiin a kutkawt a bun leh thlap a ,hepa hi a bike khalh dawn hian biker ho inthuam dan in a inthuam thlap thlap thin a nih dawn hi ,ka la kuah loh vang nge min en in “ Min kuah rawh"a rawn ti leh a,ka la kuah duh chuang lo,ka ngei na a la reh reng reng lo,chutah “ I thu thu le" tihpahin bike chu hmalamah a tiche thuta,ka bawh nghal rawk rawk chu ka kut chu siamtha in a tlanchhuak nghal zat a.

Awmsawn duhtawh biklo chuan a hnungah chuan ka beithlap a ,ka mut a chhuak takzet,a bike hi r15 v4 ani a ,chuan a hahdam ka tiphian ,damdawiin kawta Kan dinrual chuan min pawm thla leh nawlh a “ Keimahin ka kalthei" ka tih chuan ka tawng hre awm pawhin a awm lo, min pawm in a pen hlawk hlawk a ,nurse ho chu a be pah bawk ,khumah min mutthla in doctor te chuan min check mawlh mawlh a ,ka kuta hriaua min chiu hnu lawkah ka muhil nghal daih.

Ka harh leh chuan ka na te kha an bo vek tawh,ka sira muhil chu ka en a ,a mutthilh chuan mi chimawm lutuk a anglo,a samhma a tih pir chu a inhmeh pui phian leh ta nghal,ka en reng a ,mipa hmeltha tak chu a ni,a ngeiawmin insual a hrat tihmai lohah chuan ,a rawn chet tual tual takah chuan ka insiam tha vat a ,a rawn menchhuah rualin ka harh tih ahria nge a tho kang deuh zawk a “ I ziaawm tawh em" a tihchuan ka bu nghat,damdawiinah lehzel pawh athu an awihzia ka hmuh hian mak ka ti .

A hawi kual a ,a sana a enzauh bawk “ Darkar hnih chhung a tawk viau e " I ziaawm tawh chuan kan kal mai dawn em ni ,tihtur ka la ngah tlat " tiin a tho chhuak a ,keipawh chuan hniallo in ka zui ve mai a,pawnlama Kan chhuah takah chuan ka thaw ham ham a “ Taxi ka la tawh mai ang, college ah chuan let tawh rawh tihtur I ngah chuan" tiin taxi lo tlanlai chu pharin ka thu lut a ,min en zui reng tih ka hria mahse ka hawi let duh tawh lo .

Mi angaihtuah ve deuh danah khawngaihna chhete ala nei ve a ni ngei ang,in ka thlen chuan ka nitei a lo awm hlauha ,ka awmdan chu hrilhin a nipawhin mu tur chuan min lo tive vat a ,tuntum chu hnial ka tum biklo ka nuam meuh bawk silo a ,engmah tihluih ka tum tawh rihlo,zanlamah chuan kan kawtah hian thawm bengchheng zet a rawn chhuak a ,ka room tukverh a tanga ka en chuan Davida ka hmu nghal,nitei te pawh an chhuak ve a ,kan veng miho chuan an thelh a .

Chutah Davida rawn hawi phei chuan min rawn melh nghal chat a ,tukverh chu ka khar nghal daih ,ka nitei te rawn lut chu an tawng zui bawrh bawrh a “ A buaithlak a nih hi ,apa lah a hausa in thil a tithei nen a fapa lah hi mi awmtha duhlo tak a ni bawk si a " ti a pa Masanga tawng mawlh mawlh chu ka ngaithla ve reng a 

“