MR DARK BOSS S2 CHAPTER 3

MR DARK BOSS S2 

CHAPTER 3

“ Tho tawh rawh " tihriah chuan ka mengchhuak a ,Elian chu a dawhkana ke hlangin lehkha hi a lo en mual mual a ,sana ka en chu ka meng kawk “ Ehe a va han tlai tawh em em" tiin Elian Chu ka en a ,a nilahin engmah sawi a tum bawk silo “ Min kaihthawh vat tur che a lawm,awi ka va inthlahrung tak " ka tisap a ,a rawn hawi vut a “ Mi inthlahrung mi chuan mi mit an tlun dan tur an zawng zawk thin,an muhil thluk thluk ngailo " a rawn ti a .

Ka melh ngar “ Chu ka inthlahrung lo i tihna ami " tiin ka melh ngar a ,“ Chutiang ka sawilo " a rawn tive zat a ,a nui tel kher chuan min tithinrim ,ka pan phei a “ Enge nuihzatthlak awm a " tiin a hmaah chuan ka ding ngar a ,min rawn en a a kiai nghal suk“ Min nuih reng suh aw Elian Zothanmawi " ka tihchuan a lawmloh hmel hle ,a rawn ding chhuak a ka hmaah chuan a rawn ding thim nghal run “ Ka hmingpuma min koh theihna dan i neilo " tihmukin min melh chhuk runa .

 

Ka nersawk “ Ka theia ka ko che a nihhi " tihmakin ka en let ran a ,tlawm ka tum bik awzawng lo “ I theih chuan hna thawklo a mut kha i sim dawn a nia ,khang kha chuan doctor a tan pawh I tlak lo ang" a rawn tileh kher a ,a taksaah ka pakai nawlh a “ Engtin maw min kaih thawh i tum bik em " tiin a samah chuan ka kek mawlh mawlh a ,a ning deuh nge ka zak pahnihah dawmin min khaikang a ,ka ke chuan leia rap pha tawh lo hrim hrim ka then nawl nawla .

“ Kawlh Sen reuh lutuk kan hlum bial vek ang che " a rawn tihchuan ka hlau thawng “ Ka duhlo khawi maw min thlah rawh" tiin ka tal nawk nawk a ,min hlum bial mel chu ka hlau tak tak “ I mitchhing rawh " a tihchuan ka chhing duh mailo “ Chhing vat rawh " a rawn tihleh chuan muangchangin ka chhing a ,a ngawi ngur bawk si min dahthla deuhin a kawngah min kherhbeh tir tih ka hria ,ka la mengchhuaklo ,ka hmaibula rawn thaw hak a vang chuan ka mengchhuak vat a .

Elian chuan hnaizetah min lo en a ,ka hawisawn theilo tunah hi chuan ka lung a phu dawt dawt a ,a rawn awmhnai zel bawk nen ka lo en va zel bawk si,ka mit nilo ka mengkalh vek ,a rawn nui hawk hawk a “ Mengkalh kher suh" tiin ka hmuiah chuan a rawn fawp nghal vat a Lalpa leh! Ka tha a khura ka zawi nghal vek ,a hmui chu nilo fawh a nuam lutuk mipa hmuiah chuan a nem thap a ,engtin emaw hiana thlum dek dek nimaiin ka hria “ Bawihte min chhang ve rawh" tiin ka hmui hnuailam chu a pet a .

Ka Sam karah a kut rawlh lutin min fawp nasa zual sauh a ,ka chhang let lo theilo ,“  Eheheheeemmmm...." Tih rawn ri ah chuan rang zetin kan inthlaha “Unaupa duh tak a chu va luck thin"u Zuala chuan a rawn ti a,an inang bawk si chu te hlei hlei chuan awm ngaihna min tihrelo mahse Elian hi a Sam a dum deuh zawk a vang hian ka hre hranga ,chubakah a sang zawkin a hnar hi tlemin a dang bawk “ Enge I rawn tih dawn " Elian chuan lawmloh hmel zetin a ti a .

U Zuala zawk erawh a nui hawk hawk reng a,Eliana mengrum vel Chu a hlau vaklo a niang,keipawh Chu Elian taksa a tang chuan ka chhukthla a ,ka hmai chu asa hat hat bawk,“ Aw ka u keiaia minute khat vel chiah a upa hi enge a office ah a tihthin tih ka rawn en a ,ka rawn hmu fuh khawp mai hei " tiin Chiang zet hian keimah chu Chiang zet hian min bih a ,ka en reng “ Nang chu i sutpa angchhungah animaw ilo tluk luh" a tih ngat phei chuan a frank bawk si Elian lamah ka tawlh rawk rawk .

Min lo kuah bet vat a “ Hmangaihzual sawi awm hre thin rawh ,hna te hi thawk vela mi tihbuai reng ai hi chuan I hlawk zawk ang ,hetia vak kual vak kual lo hian ,hmeichhia lah nise a hrang hrang ila kawp zui a " Elian chuan a tihluk a ,a unaupa lah a nui a nui mai sia “ Ka nu hnenah ka sawi leh teh ang" tiin a chhuak nul nul a “ He mihring hi chu aw " tiin Elian chuan a en zui vung vung a “ Ih i nu chuan min hau dawn ami" tiin ka en a ,a rawn nui huk“ Engah nge min hauh anga ,min tihluih tir leh a tum a nihkha ,a hmaa ka taksa a I intauh pawh kha an hre vek tawh " a tihchuan mak ti lutukin ka awm.

“ Ka..ka kal ...phawt ang" tibahnakin chhuah ka tuma ,mahse ka pumah rawn chelhin a lamah min hnuklet a ,ka hnunglam a tang chuan ka darah a khabe a rawn nghat a ,ka beng vel Chu a rawn seh a ,aza ka tichu ka tal nawk nawk “ Enge itih dawn " tiin ka la tal reng a ,a hmalamah min dahin chiang zet hian min en a ,a mitmeng a fiah ropui sia ka zam vek ,“ Ka duh che a chuan min duh ve dawn em " a rawn ti a ,ka en haw ka chhanlet khan engkim a hrethiam in ka ring asin mawle .

“ A ih bialnu i neihkha" aw khur dar dar in ka ti a “ Chuan ka then tih pawh i hre bawk a " a rawn ti a ,min tidang “ Tichuan bialnu ka la nei tho em,ka neihleh chuan nangmah ini tihna " a rawn tisup a ,ka ngawi reng “ Min chhang vat la" a rawn tihleh pawh chuan chhanna Chang ka hrelo ,ka inher a a mitah chuan ka melh ngara ,a nipawhin min melh ve reng “ Mahse " tiin ka riat nawi niah niah a .

Sawi tur ka hre der chuang silo ,min rawn hnaih leha ,ka khabeah dawmin ka lu chu a chawi Kang a ,min fawp leh zat ,ni e a fawh hi nuam ka ti,min pawm Kang lehin dawhkanah min thuttir a ,ka nurse kawr chhanah chuan ka awm vel chu a zut kual a ,a kut chu ka man vat “ Elian " thaw hlap hlap hian ka ti a ,mitmeng cool zet hian min rawn en ve reng,a doctor form nen chuan a fresh vur bawk a ,a Sam a tihphir te nen zawng zawng chuan a hmeltha takzet .

“ Ih miin min hmu ang" tiin ka hawisawn a ,nichin pawh khan a unaupa anihlauh kha kan vannei “ Enge hlauhtur awm ka awm hi " a rawn tisup a ,ka nernawng nawng midang hnathawk dang an awm ve vek tih a hreawm tho sia ,kawngka a rawn ri tak tak a “ Doctor Elian meeting a hun tawh e " hmeichhe pakhat hian a rawn ti a ,keini lah kan lo la inhnaih nasa mai si,a chhan pawh Elianan ka kalsawn tur min vuan bet miau hek .

“ Ka rawn kal ang " tiin chhuak turin a hrilh a ,a chhuah rual chuan a awmah min kuah bet leh hlu hlu a “ Tun a tang chuan ka bialnu ini tawh ,min lo nghak rawh aw ka reilo ang" a rawn tisup a ,ka lo bu nghat a rimtui zet Chu hipin ka nui seih a ,ka hlim veng veng a chhuah hnu chuan a office ah chuan ka tei kual a ,a thil dah hi chu ka en kual dan dan a,Ziri nena an thlalak erawh chuan min titum hmak 

Thutmutnaah chuan ka mu zal leh daih a ,lehkhabu ka chhiar pah bawk “ Nangnu hi i zaklo em ni?"rawn titu a vang chuan ka tho chhuak a Ziri chuan rum zetin min en a ,ka hlau lo mahse aia upa a nihnaah chhan ka tumlo “ Ka i neilo nge engvanga ka bialpa office a awm ngam nge inih ahma a tang tawh khan ka hmu tawh che " a rawn tileh a ,a ni reng ang Chu nikhatah vawihnih a rawn lang tlat a lawm “ Ka hna chu Eliana thusawi awih hi a ni e" tihbaklohin ka chhang duhlo a .

Buaina tihchhuah loh hram ka duh vang a ni “ I zaklo ka ti chhuak nghal rawh I hria em chhuak rawh " tiin min rawn khawih a tum chuan ka lo che deuh a ,mahse hnunglam a tanga rawn tawng a vang chuan a kut a la let rang kher mai “ E..lian ilo lut tawh maw " a tinghal zat a ,a nuihsang bawk lemchan thiam lutuk “ Enge i rawn tihdawn Ziri rawn kal tawhlo turin ka hrilh che " a rawn tihmuk a ,ka lam chu a rawn hawi a ,min rawn pan a ka kawngah a kuah nghal zat.

“ I tha em" a tihchuan ka lo aw vat a ,Ziri chuan rum zetin min en a ,a hmelchu alh mai tur hmel a pu ,Elian lah chuan a ngaihpawimawh hmel der siloh a “ Khanu kha i bialnu thar Chu maw" a rawn tituar a ,Elian chuan a dar sanukin Ziri awmlai chuan min fawp a ,kha zet chu ka ngaihtuahloh lam daih a ni,mak tizetin ka en a ,min en chungin min kuah a “ Haw tawh ang aw " tiin min chhuah pui nghal daih a “ Ziri kha " ka tihchuan “ Amah in lo in ngaihtuah ve mai rawh se " awlsam zet hian a ti a .

Ka nuih a za ru viau a bialnu hlui anihna anga a chhan let ka beisei ve deuh a ,mahse chutiang chuan a timiah silo a ,ka kutah kaiin a car nalh zetah chuan min thutluh tir a “ I haw nghal duh nge lenkual i duh" a tihchuan ka pi ka ngaihtuah a vang chuan haw hmat ka duhthu ka sawi a ,a ni pawhin min hniallo in kan inlam pan chuan min tlanchhuah pui a ,a car khalh chhung zawng chuan a kut lehlamin ka kut a vuan reng a ,min nuih leh suk thin te chuan chhunglamah hian min tinui ver ver tu a awm .

Kan in kan thleng a ,ka chhuah dawn chuan ka hmuiah a fawp leh vang vang a “ Zanah ka lo bia ang che " a tihchuan bu nghatin kan inlam pan chuan ka kal a,ka hawi let leh chuan alo la awm reng ,ka kut vaiin anipawh chuan a rawn vai let a ,nuisakin inchhunglam chu ka pan nghal hlak hlak a ,ka pi Chu ka au nghal vat bawk ,a nipawhin min lo chhang a a room lamah chuan ka pan nghal zat ,ka hlim takzet “ Kha I hmelchu a eng sawt sawt mai " a rawn ti a ,rangzetin ka pan a ka kuah nghal thlawp .

“ Pi Elian an min duhthu min hrilh a " hlim zet chuan ka ti a ,a nipawh a rawn nui hak hak a “ A duh che tih ka hria a lawm,ka hnenah pawh a sawi fo a " a rawn tihchuan makti zetin ka en a ,chutiangin Elian chuan a lo sawi maw ,ka pi bawk chuan “ A ngaihsak che in lo awm lo thut pawh ni ila a enkawl thei ang che tih ka hria ,I pa nen a in inkar hi hetiang reng a nih phei chuan Elianaia tha tur hi an awm lo ,ka tunu chhel takin awm la ,nangpawh awmthat hram i tum dawn ania,doctor nihchu a chauh thlak a .

Ani pawh a chau thin hle dawn tih hria la ,hahdam taka hmachhawn I tum thin dawn ania " a tidap dap a ,ka lo bu nghat nghat thung,ni e ka theihtawp in Elian tan that ka chhuah tur a ni.

ZAWMNA 

“ Ka peihlo " tiin ka tala,a office ah kan awm a,keimaha mi thuidan min zirtir tumin ka hmaah chuan eng pumpui nge tihpawh hriatloh hi a dah a ,ka tiduh lo Chu min man bet tlat bawk si “ Khatiang chuan doctor niin tumah I zai theilo ang ,thil har pawh a nilo " a tihluk hluk a ,a thinrim leh tawh a nih hmel zuang zeuhin a hmuiah ka fawp zauha,a rawn nui nghal suk.

“ Le zir tawh ang le tau peih pa " tiin hriau leh bakcheh Chu ka intikeng ve ngei a ,ka hnunga dingin ka kut Chu a rawn vawn hnan ve ve a ,ka dara rawn innghatin min zirtir nghal mawlh mawlh a ,a tir chuan ka zeilo hle a ,mahse a rei takah chuan ka thiam ve deuh,Elian chuan duhaiin a thui hneh,mizai pawh a hnehsawh viau in ka ring ,kawngka a rawn inhawnga nurse pakhat rawn lut Chu a ding chawt a ,keipawh chu Elian kuahna a ta chu tal chhuakin ka ding tha a .

Elian chuan “ Enge nita" tiin nurse chu a en a ,“ Ih zai ngai an awma ,a inhliam nasa lutuk,doctor Sanga'n va ko rawh ati " a rawn tihchuan Elian pawh chu a insiam vat a “ Ka lo kal ve dawn em" ka tihchuan “ Lo awm rawh tunah rihchuan ila in peihlo " tiin a chhuak a ,mahse office a awm reng Chu peihlo in damdawiin Chu ka famg kual mai mai a ,“Saw saw lawm doctor Elian lo awmpui nu chu,an lo inkuah vel a " titu nurse chu ka en a,a ngawi nghal hmak a .

“ Mi rel chiah kha mi thiam inneih tihmakin an bulah kher chuan ka thu thla a,ka phone chu phawrhin ka khawih nghal mial mial a ,“ Bawihi khawiah nge doctor Elian hi ka hmuh theih ang le ,a pawimawh bawk si a " nu hmeltha zet hian min rawn zawt a “ Helamah aw mahse tunah chuan mi a zai rih a ,alo chhuak tep ang ,hetah min lo zui mai rawh aw " tiin nurse pahnih lo la nernawng chu ka melh nghek a “ Doctor Eliana'n a thulo in tumah a office ah lutlo turina ti" pakhatin a rawn tihchuan ka ngei hle.

“ Ka bulah chuana tilo a ,chuvang chuan ka pi min lo zui rawh Elian chuan a phal em em ang " tiin hma ka hruai a “ Nula tunge i hming " a rawn tihchuan “ Remruatpuii ka nia " tiin ka nuihsang a ,a rawn nui ve nghal zat a hmel chu nu upa lam nitawh mahse a hmel ala tha vuak a ,chuan tu emaw nen an inang deuh reuhin ka hria ,Eliana office ah chuan ka luhpui a “ Lo thu rawh coffee i duh em " tiin ka be sawk sawk a  ,coffee Chu siamin ka chawk rak rak a “ Elian nen chuan in in ngaina viau a nimaw " a tihchuan ka thiltih lai chu ka chawl zawk a .

“ Nilo e amah hian min zirtir a engmah ka thiam bawk silo a ,chuvangin a office ah hian nakinah doctor nih ka tum sia min zirtira " ka tihchuan a nui leh mai a ,coffee chu pe in “ A tui vaklo ang ka siamthiam vaklo a " tiin ka sawifiah zung zunga “ I fel hle mai "  hmel hlim sar a pu reng thei te chuan ka nu kha min hriatchhuah tirlo theilo “ Nu ila nei em " a tihchuan mak ka tiviau a ,ka ngawi daih bawk ka nu ka ngaihtuah a piangin ka tah hi a chhuak ut ut zel ,he thu hi chuan min tina ziah.

Ka school kallai thlengin nu neitawhlo chu min hmusit tawk an awm ziah a ,ka school bang min lo hmuaktu ka nei ve ngailo te kha thenkhat chuan min nuihsawh fo thin “ A thi tawh a " tisapin pawnlam chu ka thlir a “ Aw a va pawi ve aw ,zawhloh tawp tur ka lo zawt che a nihchu ,bawihi kum engzat nge inih min hrilh thei angem " a tihleh chuan ka thaw deuh hliai a ,zawhna a ngah phian mai Elian hmu duh tak tak a ni angem tihchu ka ngaihtuah.

Kawngka a rawn inhawng a “ Hei a lo thleng a lawm " tiin Elian hahhmel taka rawn lut leh a thlan hru mawlh mawlh Chu ka pan a ,“ Elian nu pakhatin a hmu duh che a" ka tihchuan min en vutin nu tling awmna lam chu a melh a ,chutah “ Ka nu " a tita mai ,phawk zetin ka meng a ,nutling chu ka en leh thin,heihi Elian nu maw ,awi ka va han zaktak keilah chuan ka lo be chiam lehnghal “ Bawiha rawn haw hi i tum mang silo,I unaupa lah chuti bawk in unau hian khawlai a mi ang mai in ni zo dawn " a nu chuan a rawn ti a .

A nuisang reng bawk “ Zuala'n a sawi a vangin ka rawn kal a ,hei hi maw i bialnu chu " tiin min rawn hnaih tha leha ,ka tizo vek tawh “ I thlang thiam takzet ,hmeichhe induh thiam tak leh rilru tha,hmeltha zet bawk ,ipa pawhin a lawmpui viau ang che " tiin ka lamah a kut a rawn phar a “ Zonunmawii ka ni e ,nu Zonun min timai dawn a nia ,ka fapa nen inchanchin ka hriatna hi a rei tawh a ,enge in nih reng tih enturin ka rawn kal a ,keichuan I sam sen thang leh i vun rawng vel a tangin ka hre nghal vek che a ,ka rawn be hmasa che a nihkha " a tihchuan sawi tur pawh ka hrelo.

A kut chu hamhaih zetin ka vuan ve tho a ,Elian chuan a lama min pawh hnaih pahin “ Iti hlauthawng a lawm ,lo insawi hmasa ta che " a tisup a ,nu Zonuni chu a nui leh nghal hak hak “ Nge ka monu tur hi ka fiah chak a lawm,tlaiah in pahnihin chaw rawn ei rawh u aw ,I pa Josh a pawhin a hmu chak ve che a ,kan fapa lah hian min hmelhriat tir che a tumloh zia lah a lang reng a ,tlaiah in rawn haw tlang nghal mai dawn a nia ,ka kalphawt a nge ,bawiha bialnu te an thukru tut tut ngailo " tileh zatin a chhuak a ,ka en zui reng.

Nu fel tak Chu a ni phawt ang “ Enge ilo hruailuh kher a " a tihchuan ka ngei hle “ Nangpawhin engmah I sawi chuang a mi,a hmu duh che a ka hruai a nimai,chubakah inu a nia ,a fapa thawhna ah chuan a awm thiang" ka tihlak a “Chutiang lam zawngin ka sawilo " tiin a thutthlengah a thu a “E a nihchuan hna kan thawk ve tawh a nge ,doctor Elian " ngeiawm zeta tihpah chuan ka in her nghat a ,ka chhuak nghal vang vang ,hliam awm hi chu ka theih tawkin ka buaipui ve a ,mipa pakhat ban tuamsaka kan inbiak mawlh mawlh lai chuan kan bulah Elian a rawn ding zura .

Ka ngaihsak duh derlo ka haw so bawrh bawrh ri ,ka kalsawn rualin min zui ve zela “Ka nu in chaw eiturin a sawm che kha tihian awm suh " a rawn tihmuk a ,huh vel chuana a mah a nihkha thinrim ,ka be duhlo chu a nint nge pawnlam panin min kaichhuak dawr dawr a ,a carah min dahlutin a tlanchhuak nghal nalnal ,in pakhat lian leh changkan hmel zet kawtah min dinpuia gate a kan luh rualin nu Zonuni leh a pasal ni ngei tur pa lian leh rilru ngheh hmel.zet hi an lo awm a ,nu leh pa an neih hmelthat em vang a nih hi Eliana te pawh an lo hmelthat em em ni .