MR DARK BOSS S2 CHAPTER 2

REMRUATPUII👇

MR DARK BOSS S2

A HNUAIAH KHUAN COMMENT THEUH ANG AW 

CHAPTER 2

“ Mahse engmah ka thiam awm silo a , min la rei peih lo ang " ka tihchuan a rawn nui huk a “ Ka hnen a tangin I inzir mai ang chu, I pa sawi danin Bangalore lamah I training tawh niin ka hria a , a nihte chuan thiamloh tur a awm em ni" a mitmeng fiah zet chuan min en a , ka hmui seh zauhin ka bu nghat, ni e keimah ka inrintawk tawh thu ka sawi fo a , mahse Eliana bulah hian ka chetsual engvanga hlau em em nge maw ka nihle .

“ I duh leh nurse angin awm hmasa la , I inrintawk hunah doctor chu I try leh mai anga , I inzir chhung chu ka hnenah a tha em " a rawn tileh zel a , min tiphur zo vek “ Anih ka thiannu pawh I phal ve angem" ka tihchuan ka pi chuan min khap nghal vat , ka inthlahrung chu ka ngawi nghal daih, ka pi lah chu a kal daih leh nghal a “ I thiannu chuan a tui ve lem dawn a mi " a tihchuan a tui leh tuiloh ka hremiahlo .

“ A ngailehlo mai " ka tihchuan a kiai leh suk a “Naktuk a tangin ka office ah ilo kal phawt dawn a nia " a tihchuan mak tizetin ka en a , mi ve chu interview te neiin chutah pawh an la tling lo a , keive chu interview pawh neimiahlo in ka hna tur ka hmu nghal der , a tho chhuak a “ Ka Kal phawt a nge " a tihchuan thlah tumin ka ding chhuak a , ka che chhe leh pek a ka bawk tur chu a mah chu lo indawh in kan tlu rual a , a taksa chungah chuan ka bawkzui ran , a mitmeng sexy zet chuan min hawisawn tir theilo .

Ka lung lah chu a phu dawt dawt leh tawh a ,tinge hepa ka dai hian ka danglam ziah mai le “ Tihpalh " tiin ka tho chhuak vat a,a nipawh inbeng fai thuak thuakin pawnlam a pan a ,ka zuichhuak ngam tawh der lo “ Awi Remruatpui i va che khir thei " tiin keimah leh keimah chu ka inhau char char a ,ka pi chuan “ Bawihi a bula awm chu a nuam viaulo maw " ala rawn tizui leh ta nghal “ Ka pi a ninawm ,a melhkha ka rap " ka tihchuan a nui kek kek a “ In inhmeh viau kha ,vawiin lamah ipa ka lo bia anga nangpawh i zirna I chawlhsan mai angaih hmel,hna chu a awm lai hian thawh a tha " a rawn ti a.

Ni e chu chu keipawh ka ngaihdan chiah a ni,Awmawmi phone in thil awmzia ka hrilh a ,anipawhin min lo phur pui viau mai ,a nila la in ka bang a ,ka luhna ka sawn ve chiah a,ka bang nghal ania ,a tuklamah chuan Elian te hospital lam chu ka pan hnak hnaka ,a office lam ka zawh lai chuan nurse pakhat zawk chuan nelawmloh zet hian “ Enga tan nge itih " a rawn tihmuk a ,a hmel chu a nelawmloh tawp hi a nitawp “ Ka hmu duh a ,hna chungchang ah " tiin dam dap chuan ka chhang a,ka insum hram hram ani.

“ Tunlai hmeichhe ho lah hi ,hna chhuanlam hian doctor Elian hi an hmang ziah mai a ,an zaklo ngawt mai " a rawn tihzawm chutah min en in “ Hmeichhe naran hmuh mai mai chi anilo" a rawn tileh chiah chu tawng tumin ka ang zuau a ,ka kawnga rawn kuah tu leh “ Min hmuh a duh a nihchuan nangni hian vawikhatmah lo dang tawh suh ang cheu,nakina he damdawiina doctor nimai tur anihangin zah takin bia ang cheu" tihrawk tu Elian chu ka en a .

Thinrim hmelzet hian nurse pahnih chu a en ran a “ Kan tihpalh a ni sir " tiin an ngawi dak a ,Elian chuan min kalsawn pui pahin “ Ka office awmna I hria emaw tia" lungawilo tih hriat zet hian a rawn ti a ,ka inthla hrung hle ,hriat chu ka hre ngeia mahse kaltlang tawp kha ka inthla hrun vang zawk a ni “ Miin min ngai khawlo mai a nga sin,he damdawiina thawk leh inlan thang ka nisilo a" tiin a office lam pan chuan ka zui ve dat dat a ,a ni erawh a ngawi leh run tawh .

“ DOCTOR ELIAN ZOTHANMAWIA NEUROLOGY " tihchu alo intar kuau a ,a chhungah chuan min luhpui nghal zat,a office chu a zau nuam hle a ,coffee siamna leh thutmut na tur vel chu a awm thlap a ,dawhkanah hian lehkha a awm teuh bawk ,“ Khalai a mi kha i form tur a nihkha ,ha nghal la tichuan ward fanna ah min lo zui dawn nia" tiin a nipawh chuan a doctor coat chu a ha a ,keipawh ka t-shirt chungah chuan nurse form chu ka ha nghal mawlh mawlh a ,min lo en leh reng tawh.

A file chu min pe in “ Kan damlo kan tur te hming indawt leh room number zat kha lo sawi zel rawh " tiin min chhuahpuia ,ka zui ve  vat a kal chak in a kal hlawk bawk si,room hmasa berah chuan kan lut a ,nutling lo awm nen chuan an inbe mawlh mawlh a ,ka zui ve zel a ,a ni a sang ropui si keilah ka lian tehchiam silo ka pa hi a ang ka tihluah hluah ,“ Kha chu mithar inchhawr a nimaw " khuma lo mu nu chuan a ti a ,Elian pawh chu a lo bu nghat a “ I tha chak khawp mai,hetiang hi chuan I chhuak thei vat ang " tiin nelawm zet hian a nuihsang a .

Damlo tan chuan hmuh a nuam viau ang,ka bulah lem min thah duh ang maia rum hian min melh khur khur reng sia ,a mood fuh hunah lah min tilui reng bawk a,room dangah kan lut leh a tar rual thah hi an lo awm a ,kan lut chu min lo en thap a ,Elian ding chawtah chuan a hnungah ka intauh dawt a ,a ni a rum nghut “ Fimkhur rawh ka tihkha ,I kalna en bawk la " a rawn tihchuan hlau duh biklo in ka en chho ha a “ I kalchak bawk si a ,ka zui che tih I hre reng I ding thut anihkha " tiin ka kawng ka dawm a .

A hmui a tisawi nawk nawk “ In va inhmeh ve aw ,vanglai min tingai mange " pitar pakhat chuan a rawn ti a ,midang pawh chuan “ Nupa inhmeh tak in nihkha inhmeltha dun bawk si a " an rawn ti a “ Nupa kan nilo" Kan tirual leh a ,an rawn nui rual leh thap Elian nen lah Kan inmelh rum dun hle “ Ka tawng angin lo tawng zel suh" ka tihchuan rum nghutin “ Nangai ka tawng hmasa ngawi mai mai rawh " a rawn ti a ,“ Bla bla bla bla kha en vat mai rawh " tiin pitar ho lo nui tha chu ka en hlawm a.

“ In duhawm hle mai ,inzui tur awm reng in ni " an rawn tileh a ,Elian chu tawng tawh lo in an ni chu a be mawlh mawlh hlawm a,“ Pi i van hmeltha em em ,I nulat lai chuan I luck ngawt ang " ka bula awm chu ka lo be ve a ,a nuih a za viau “ Khawkhat nula hmeltha ngat ka nithin a lawm ,Bawihi nangpawh I hmeltha in I sam rawng leh vun kha a nalh lutuk" a rawn ti a ,ka nuih ve hak hak “ Anih doctor Elian hi a fel em " ka tihchuan Elian thil ti mawlh mawlh chuan min rawn melh runa ,engmah phei chu a sawi chuang lo .

Ka lo nuih sawng a “ Fel e le ,a mah vang hian pawisa chawi ngailo in ka in enkawl theih phah a ,ka lawm tak tak a ni pawisa lah Kan thawkchhuak thei silo a " a tihchuan Elian lam.chu ka en leh a ,ngawi run si hian a rilru a tha viau a nih hi tihchu ka ngaihtuah a ,pitar chuan a sawi zawm melh melh a ,Kan chhuah dawn chuan min bye bye lauh lauh hlawm a ,an bula awm kha tar mah nise a nuam takzet ,ka pi ka enkawl ngun vang te pawh hian a niang tar ho hi ka ngaina riau zel 

“ Tawng tur ka tihloh chuan tawng tawh suh ang che " rawn titu chu “ Awle My king " tiin ka en a ,a ngeihmel hle“ Tawng miahlo Khan awm ang che naupang ,tawngthei turin ka chhawrlo che " tiin a kalzui leh a ,mi 50 vel zet en chu a hahthlak takzet ,a Khat tawkin zai tur lah chu an awm bawk ,a office a Kan let leh chuan a bialnu kha a lo awm a ,Elian chu a lo kuah nghal Chung Chung a ,Elian chuan a namsawn a “ Ziri mi awmlai leh zel hi chuan insum thin teh" a tinghal hluk .

Ziri a tihnu erawhin angaihpawimawh hmel loh hle ,a hmel awmdanah chuan aluhlul thawkhat ang tih a hriat ,chhuah tumin ka inher a ,an in ngaizawng tih hre renga lo awm ve talh Chu a zahthlak a mawilo bawk ,mahse kawngka ka hawng tur chiah chu “ Enge tih I tum " titu pa a vang chuan ka ding leh chawt a “ Ih ka lo va chhuak ang chu ka ti" tisapin chhuah chu ka tum a “ Khawiah mah kal a ngai hleklo ,I seat turah sawn va thu rawh " chang zet hian a rawn tileh a,hnial ngam chi a nilo hrim hrim .

A va han thinchhe tak sakawlh ang mai “ Duat a duhleh chhuak ang hmiang ,ka bulah hun hman i intiam kha " Ziri bawk chuan a tileh a “ Lo ngawi hmak rawh ,ka chhuah pui ang Che ka tihauhlo ,chuan damdawiinah hian lo lang ziahlo bawk la ka tihtawh kha ,hmeichhia ini a mualpho kher I duhin ka ring lo " a tileh hmuk a ,a bialnu mah nise chutia Eliana an a a tih a vanga induhtawkna a nei miahlo Chu a mak ka tizawk ,keichu ni ila ka kal nal nal tawh ang .

“ Mahse Duat " ala tifan a Eliana chuan a kut a vak nghal hluk “ A tawk chhuak rawh min rawn hmu tawh suh ka tihkha,hmeichhia mipa a duh duhin an kawih pen theih hi ka kawp chak hrep lo e " tihlukin thutthlengah chuan a thu thla a ,ka lo ngawi reng Ziri a tihpawh Chu a beidawng nge achhuak hnak hnak a ,ka khawngaih viau. Mahse a chhuah hma chuan rum zet hian min rawn en in “ Mipa mamawh huam huam ang mai a mi inkara inrawlh hi a nuam a mi " a rawn tihchuan ka khawngaihna a bo nghal vek .

“ In ngaizawng inkara ka inrawlh awm ka hre hauhlo mai,chuan maw taksa hian mipa hi a hip ber lo a nia ,ka hmeichhiatpui inihna ang hi hei hi ka rawn ang che ,nangmah duhlo tu neih tum lo mai zawk la ,a duhloh che a vanga hmeichhe dang puh tum pwh kha I sim dawn ania" ka tihchuan a huat hmel viau,Eliana lo nui hawk ri chu ka hre reng a ,mahse ka en duhlo lui tlat ,nuihzatthlak ka sawi hauhlo a chutia alo nui Chu ka ngei a nimah zawk.

“ I bialnu chu a zamlo hah hah hle mai, in inhmeh khawp kha " ka tihchuan a lawmlo hmel chu a pe na hle ,ka nuih a za viau ,ka thutna chu ngheng dar darin ka mit ka chhing a ,ka mut lah chu a chhuak em em mai leh ta nghal a ,ka ham bai bai a ka insiamtha nghal sat sat ,reiloteah mutchhuakin min zem a ,ka muhil nghal bawrh bawrh .

ELIAN ZOTHANMAWIA POV...

Ka hma zawn a muhil chu ka en reng a,a hmui senno chek chu ka thlir reng,a sam rawng chenin a la sen vek leh ta nghal chu chuan a vun var leh nalh zet chu a tino zual sauh bawk a ,ka kawr chung chu la in ka sintir  a,a tep chuap chuap chu ka nuih deuh suk,ka awma a intauh hlim khan a hmel ka hmuh rual khan ka thinrimna kha an reh nghal duak a ,ka phirphi Hmangaihzuala lah chuan min fiam nan tak a la hmang zui a .

A buaithlak takzet,ka unaupa lah mi thawveng zet a ni a ,party nuam a ti em em a  hnalam a buaipui thei miahlo bawk ,ka nute hnenah lah chuan Remruatpuii chungchang ala sawi vek leh nghal,ka nu leh pa hiang eng hmeichhia pawh thlang ila min pawmpui dawn tih ka hria ,mahse keichuan Ziri ang mi hi chu ka thlang duh hauhlo thung.

A chhelo in mahni inringtawk tak mi a ni bakah model a ni a ,a nalh viau mahse chu chu thil pawimawh ber a nilo,amah ah hian ka hmeichhe duhzawng ka hmulo a ,hmeichhe nu hnap mah ni inringtawk tak leh min hnial pawng pawng ngam,ka thurawn laktheihna tur leh ,ka fate nu a tana tlak tak tur ka duh a ,Ziri erawh a inringtawk tihloh chu a mah ah hian engmah a thatna ka hmulo.

Khawvel thil a ngaina hle a ,party leh hlimhlawp nuam a tibawk ,vawitam kan chesual tawh a,a zei hle bawk mahse chu chu a lo pawimawh ber silo a ,keichuan hmeichhia mizo a nihna anga inchhung che thiam leh ka chhungte min hmangaih pui thei tur ka duh,ka bula mu ang hi , tawngtam thin viau lo se chu a famkim leh zual ang,ka hnaiha a awma a lungphu leh awmdan danglam te hi ka hai bik hauh lo .

Chu chuan min tihlim bawk ,a hmai zawna ka kunhniam chuan ka samin a hawlh nge a rawn hah chhiau thawt a,ka ner nghal sawk,ka hmai chu ka tuai puata ,a ni lah chu a la mu tha ang sauh sauh lehnghal ,a pi a zual laia ka awma tap a  a pi chiah a neih tawh thu a sawi te khan duat chak ngawih ngawihna rilru ka put phah hial a nihkha ,tunah chuan ka venghim ang min la duh mailo a nihpawhin keichuan englai pawha atana awm reng ka duh.

Ka office a doctor Muani rawn lut chuan Remruati mu chu a en a ,bengchhenglo turin ka kut chuan ka lo signal a ,a ngawi ve mai bawk ,ka lam panin “ Vawiinah hian phailam a tangin kan damdawiin rawn tlawh tur te kha an rawn thleng chho dawn a " tiin pawimawh chu a sawi thuak thuak a ,kei erawhin thutmutnaa tuizeta mu chu ka melh reng thung a “ Doctor a tibuai lo che em ni" Muani chu ka en nghal vat a “ Tibuailo e ,meeting dar 3 ah kan nei dawn ania,midang pawh kha lo hrilh rawh " ka tihhnu chuan a chhuak a ,Remruatpuii sam.tla chu ka huisawn sak zauh a .