MÎ PA MAH NISE COMPLETED

MÎ PA MAH NISE 

SHORT STORY 

KIMZ MORRONE HOSTEL LUH HMA A NGAIH A VANGIN A LUH HMAA DAH KA DUHSIA A THUILO AW

Kimi" tih rawn rik rual chuan ka tlan chhuak rawk rawk a ,ka thiannu Mawitei au ring thei lutuk hi chu a buaithlak thin ,pawn ka thlen rualin Linda leh Sangpuii nen an lo ding a ,“ Rei thei lutuk " alo ti nghal hlak hlak ,“ Ka hman tawh hi ka nu kal ang u,ka lenlai lalpa  pawh a lo chhuak tawh ang" tiin hma ka hruai a ,a tawng tur chu ka tawng khalh nghal zung zung ,ka mipa duh tlat a vang hian min hauh phah fo a ..

A awmlo tiin min hau fo ka thiante hian min ngaihtuah tih ka hria mahse ka thinlung.leh rilru hi ka control thei tlat lo,ni e ka thinlung kawltu hi mî pa a ni tlat a lawm ,an dem awm hran loh fa pahnih an la nei tawh zui leh ta nghal a ,mahse nitin a hnathawk kaltur en thlak erawh ka la sim thei meuhlo ,tunpawh an inbulah kan ding leh thap tawh ,rinang ngeiin gate a rawn inhawnga ,a rawn chhuak nghal thurh ,a pian fuh leh a sanna hrim hrim pawh hi en reng tham a ni tawh hrim hrim.a..

Ala.hmeltha tel cheu bawk si ,chutia ka lo en reng lai chuan min rawn en thut a ,ka lo phu zawk a rawn nuihsuk rualin ka lung phu chu a ring zual sawt ,carah a thu lut a a tlanchhuah rualin ka thiante chu ka sawi nawk nawk hlawm a ,Linda a nuihlaiin Sangpuii leh Mawitei erawh an mengpual lui vak vak a“ Awi min en a nia aw ,min nuih" tiin. ka ke chu ka per tawr tawr a ,ka thiante pahnih a min tih hmel zeta min en tu te chu ka nuih char char.

Dawr lam panin kan kal leh hnak hnak a, “ Bialpa chhelo zawng zawk teh khatiang neih theihloh tur zuna uai ai chuan " titu te chu ka en a “ Ka tum a lawm ,mipa dang biak chu ka tum ve fo mahse maw mihringte thinlung.hian duhbik a lo nei zel si a ,a duh bik a hmuh tawh chuan a thlah leh theih tawh mai bik hleinem nangni pawhin in hria ang chu " ka tihchuan an bu leh nghauh nghauh ang lawi a ,kan hna theuh kan thawk leh malh malh a ,kan pu a fel bawk a thawh a nuam.hle .

Dawr thenkhat hi chu anei tute an sual hian anuamlo in a  hrehawm thin hle ,nileng chuan kan buai leh hlawm a ,kan haw lam erawh mahni theuhin kan haw a ,ka bula car rawn dingah chuan ka phu zuk a ,ka en nak chuan ka lung chu a phu nghal dawt dawt ,amah a ni“ Ka lo thlah ang che " a tihchuan chhanna Chang pawh ka hrelo ka en reng,nidangah kha chuan a ruk hlirin a ni a ,tunah chuan ka hmaah a ding ta luah,ka te chem.chemin ka hria ,ka zak lutuk ka enthla thin tih a hria a ni hrim hrim ang .

“ Nula ka sawi chu I hria em ka lo thlah ang che " a rawn tihleh chuan “ Aih......... aih ....a ....ngailo " tibah nawk nawk in ka kalsawn dawn a,ka kutah chuan a rawn hum a a lum nghal ham ham,engvanga min chelh ringawt nge a nih ang ,carah chuan ka in ngaihtuah chhungin min thutluh tir der tawh ,amah lah chu a ngawi nghal run a ,a tlanchhuak nghal zat ,a hmel chu ka en a ka en nawn lo theilo thlir chian poh leh a tha zual ,hei vang hian a lawm mî pa mah nise ka vei loh theihloh,min dem tu chu an awm ngei ang .

Mahse mihring rilru leh ngaihtuahna hi a mah a rilru neitu ngei pawh hian a thunun theih phakbakin a awm thei tlat si “ Khawiah nge in awm " a tihchuan ka en ha a ,kan veng hming ka theihnghilh daih a lawm,

amah vang vek ka awmdan phung ka hlauh vek phah “ Ka hrelo" ka tihchuan a rawn nui hawk hawka ,ka melh nghek “ Min zuiruk thinlai kha chuan a tawng duh ber ber kha inia ,ithiante i tirh zat zat kha " a tihchuan “ Enga !" tiin ka au tuar.

Ka zui ru thin tih thlengin ahria a maw “ Min enthla ziah tih hi ka hriatloh i ring a mi,a tha lo khawp mai " a rawn ti a “ Ka zui ru lo che " tiin ka hawisawn nghal daih “ Inveng hming chu I hre tawh em" a tihchuan “ Armed veng south a kimz morrone te in i zawng dawn ania" tihmakin ka ngawi ta reng,ka zui ru thin tih a hria a ,a lo inti thei chu ka ngei vek ,kan in awmna zawn kan thlen rualin lawm thu sawiin ka chhuak hmak a .

Chumi ni a tang chuan ka enthla duh tawh lo,a nupuiin a hriat phei chuan a pawi dawn lutuk “ A zûna uai zawng a na a ni tih kan hriatpui che a lawm ,mahse thlakhat chhung I enthla lo pawh hi hnaah kan kal hmat theihphaha lawm hial a nia ka duh ni " Mawitei chu ka melh nghek “ I tawngthei si " ka tihchuan “ Ka hria a lawm ,ka Kevin vang hian ka tawngtheiin Chang dang lah ka kan thei heklo awi ,Switzerland a pem ve mai ka nap,min rawn hruai thut mai se" a tihzawm nghal zat zat a .

Ani pawh hi hnam dang val zunah a uai ve tho sia ,min tiduhdah thei bik lutuk hi ka thinrim.lek lek zel ,“ Aw ka Kevin hmeltha ,min lo hruai tawh mai tawh awi " tiin a au chiam chiam a ,ka beng lawlh kan inhnaih deuha kan in ngam zual bik bawk ,a tuklama ka thuhriat chu lawm tur nge lawm loh tur tih pawh ka hrelo “ Michele leh a nupui an inthen" tihchu ka thian ten min hrilh a ,ka â huihin ka hria ,engvanga inthen nge an nih ang tihchu ka ngaihtuah.

Keimah vang nimaise tihchu ka ngaihtuah a “ Nilo nilo" ka in beng lawlh ka rilru a va chhe mai mai tak “ Ka hriat dan chuan a nupui nen hian an inmil ngailo an tia ,an fate a vangin an la innei tang tang a ,mahse tunah chuan an inthen tak tak tawh ,Kim I hun a intan ,I chhai thei " an tihchuan ka ngawi daih,ka ngam lam lam lo a,chubakah miin min sawi nasa lutuk palh ang,inhretha pawh kan ni hek lo a ,engvangin nge ka bem ngawt ang ni .

Kawnga ka kal lai chuan min au tu an awm a ,ka hawichhuak tumah ka hmu mai silo chu kal leh mai ka tum chu ka hmaah tak an rawn ding khup a ,ka hmaa rawn ding a vang chuan ka lungphu nghal dup dup in ka chil ka lem khawlh bawk “ Nang....maw" fan raih hian ka ti a ,a nui suk a nupui nen an inthen tih ka hre tawh bawk si,a hma ai a bula ka awm hian ka zam zual “ Leng chhuak ang hmiang "a rawn tisup a ,ka en haw “ Enga timaw " tiin ka en let a ,a rawn kun hniam ruai ruai chuan ka lo awn ve zel a .

Kawngkal dang ho lah chuan min en hrek hrek bawk ,ka awn na deuh nge ka thal tur chu ka kawngah manin a lamah min pawt dawrh a ,a awma ka bei thlawp rual chuan a lungphu dawt dawt chu ka hre thei,nilo keihi ka â zo mai dawn ,a nilah chuan min thlah a tum hmel bawk silo “ Leng chhuak ang aw " tiin min kalsawn pui a ,tawng nachang pawh ka hre tawh lo,a car lam panin min kai kal det det ringawt ,car chhungah chuan min dah lut a ,a mah pawh a rawn thu lut nghal zat ,a uap nghal churh mai hian ka hria .

“ I va vang ve " a rawn tihchuan “ Nia.." khur deuh chung hian ka ti leh a “ Min hlau em ni? " a rawn tihchuan a mitmeng chu ka en let a ,dam dup hian min en in a kiai deuh suk bawk “ Tinge in inthen a " ka titawl.a ,ka hrechak miau a ,a awm lo hranlo engvanga inthen thut nge an nih ang ,fa pahnih an neih tawh hnu ah leh nghal “ Kan inhmangaihlo miau a ,hmangaih miahloh nena damchhung hun hman kan peihlo ve ve tepawh aniang " a tihchuan ka en nghal vat .

Min melh ve reng ,chutah ka lamah a rawn awm hnai a ,ka tha khur der der te chu ka hrechiang lutuk tlat “ Min duh tiraw " a tihchuan ka khuh chhuak thawt a ,engtin nge ka duh a ni tiha hriat theih “ Min zuiru renga zingtin ka hnathawk tur min en thla ziah bawk " tiin a kiai leh suk a ,tawng tur ka hre tawhlo hrim hrim ka â chhuihin ka hria “ Ih...aaa..ka hrelo" bah nawk nawk hian ka ti a ,a rawn nui leh huk tawh ,enge a nuih ziah ni “ Keipawhin ka duh vang che in ka nupui ka then tita ila engtin nge min chhan ang " a tihchuan ka mit chu a pawt dawnin ka hria .

Car chu a tlanchhuah tir a ,a ngawi zui leh vung vung “ Min duh ve tak tak a mi " tiin ka en ha a ,“ Nitina min enthla reng tu kha engtin nge ka duh mai ka hre biklo,ka nupui ngei pawh ka ngaihven ngailoh laiin kha hmeichhia ka hmu lo emaw ti a ka thla min lakruk sak fo tu khan ka ngaihtuahna a luah reng a ,engvang nge ni a i rin ka duh vang che a nimai lo em ni " a rawn tihsup chuan sawi ngaihna pawh ka hrelo,engkim hi an chawl dukin ka hria ,in pakhat kawtah hian a ding a ka lamah a rawn hnai zel .

Chutah ka hmui khur dar darah chuan a hmui a rawn chuktuah a ,ka khawng awt ,mahse zei zeta a rawn chet zawm takah chuan ka inthlah dul riai riai a ,ka hmui ka tihkau rual chuan a lei chu a rawn hawl lut nghal zat ,ka taksa hi an thlawk delh delh nimai hian ka hria ,akut lian leh lum vung vung chuan ka kawngah a chelh a ,ka meng phal.thlawt lo mitchhingin ka thiam ang ang chuan ka fawp let a ,kan inthlah rual chuan kan thaw dun ham ham a “ Min nei duh angem Kimbawihte " a rawn tihchuan chhan Dan tur ka hre mai lo 

Mahse ka hnawl phal teuh lo ,mahse a la hma mah mah in ka hria “ Ka duh a lawm mahse in inthenna a la rei bawk silo a " ka tihchuan a nui leh mai a “ Ka nghak ang che mahse nghah rei ka thei hauh Dawn lo tih hria la ,midang thusawiah in nghat ngai suh,michuan sawitur an hre reng dawn " tiin ka kut chu a hum bo vek a ,ka thlamuang suai suai ,heni a tang hian kan inzui ngawrhin ka thiante pawhin min lawmpui hle ,Michele lahin min duatin min ngaihsak a ,ka thu a ngai pawimawh thiam hle bawk .

Kan leng chhuak fo a ,a fapa te pahnih pawhin min nel in an nu ang maiin min ngai a ,keipawhin ka ngaina a nupui hlui erawhin pasal dang a nei leh tawh a ,mahse kan care teh chiamlo ,kan hlim tlang a tumah dang kan ngai biklo ,thla 8 lai kan inzui hnu chuan keipawhin inneih chu ka pawm ve ta a ,kan inneih ni chuan mipawh an tam hle ,ka rinai chhungkhat laina kan lo ngah tawn a ,ka hlim nui sen sen reng chu ka pasal chuan ka hmuiah fawp zauhin min kuah hlu hlu a ..

Inneih zan kan hman chuan a lungawi zia leh lawmzia a hmelah ka hmu thei ,min duat hle a ,kan fapa te pahnih nen chuan nitin inah kan awm a ,an ni pawh in Anu tiin min ko ta bawk a ,ka pasal lah chuan min ngaihsak bawk nen nuam hi ka titakzet ,kum khat a Liam leh meuh chuan fanu ka hring a ,a pa ang chiahin a sam a kir chhep a ,apa lah in a lawm thiamin a pawm reng a ,kan inhauh ngun phah viau ,nau pawm ngun lutuk chu an sual duh an timiau a.

Mahse englai pawhin a hnathawh lai tihlohah chuan an inpawm chawt a ,an in awi hlu hlu thin hmuh phei chu nuam tak hi a ni,a fate tan pa tha tak a nih angin ,ka tan pawh khawvela pasal tha ber a ni,ka ta a nih ka beisei ngailoa,ralkhat a tanga a hmel hmuh kha ka hlim tawk em em thin,mahse tunah meuh chuan ka bulah nitin zan tin in a awm ta mai si a ,mumang hi a ang rum rum in ka hria .

“ Bawihte " ti a min au dut dut tu lam chu ka pan a ,a hnathawk rawn haw chu a fate ho in an lo bawr leh luih tawh ,ka nuih hak a a inhmeh thin chiang a lawm ,ka pasal hi ka hmangaih tak zet ,a kawnga ka kut pahnih rawlh lutin ka kuah vang vang a “ Ka hmangaih che " ka tihrual chuan min kuah letin “ Keipawhin ,chuan kan fate nen hian ka nunna in ni e " tiin inchhung lamah chuan min luhpui a ,kan nun chu heihi a ni e .

Ka pasal leh ka fate an awm chhung chuan midang ka mamawh ngaiin ka ring lo,heibak bak a hlimna hi ka tawng leh tawhlo bawk ang,ka nunna te an ni si a