MARRIED INTO THE MAFIA CHAPTER 4

MARRIED INTO THE MAFIA 

CHAPTER 4

EVELYN POV...

“ Leo eng itih " tiin mipa khat a lo sawisak tir chu ka en reng ,a hmel thinrim hmel zet chu min hmuh rualin a reh nghal vek a ,min pan nghal vat “ Tinge hetia intih a " ka tihchuan ka chalah fawpin ka dulah chuan a fawp leh zauh a “ Baby a tihsual a vangin a tuar a nih hi,tinge ilo kal " a rawn tisup a ,ka ngawi dat a sawisak tir pa chu ka en a ,a thisung leh nghal ka en zawng pawhin ka rap  lutuk.

“ Kal tir rawh a nat tawh em saw " ka tihchuan a thaw hrawk a ,“ Baby a theihloh" a tihchuan ka insut hraih a “ Tinge sawtianga itih kal tir rawh ka tihchu ,anat tawh em saw" tiin ka tahkhum a ,a tihsual chu engpawh nise a na tawh viau in ka hria “ Hey min en teh ,tap tawh suhle  "tiin a hote chu a en a “ Hruaisawn rawh u " tiin min pawm nawlh a ,min kalpui nghal vat ,roomah min luhpui a ka la tap hlap hlap a “ Khapa khan ka thuruk sawichhuah a tuma baby chu chu ka thlentir theilo " tiin ka chalah a fawp leh a .

Ka en reng “ Eng thuruk maw " tiin ka en kar a,enge ka lakah a zep ang tihchu ka ngaihtuah “ I hriat angin mafia hruaitu ka ni a ,keichauh hi mafia pawl dintu ka awmlo,pawl dang nen hian kan inel reng a ,kan pawl.erawh kan lian thung,mahse kan thuruk zawng zawng kha mihring Khan ka hmelma lian berte hnena a thlen chuan kan pawl chhiat vek theihna a ni" tiin a awmah min kuah bet a. 

Ka kuah let ve vat “ Ka tihpalh aw ,khatiang thil kha ka hlau a ,mahse I tana a pawi chuan ka hmuhlohah titawh rawh aw ,kan naute nen hian nunnuam taka awm ka duh,kan naute lo piang tur hian khatiang thil kha hmulo se ka duh bawk" tiin a kawr awmah chuan ka hmai ka phum tak tak a ,a rawn nui nghawr dat ka dul puar deuh tawh ah chuan a kut hlai pui chu a dah a “ Ka naute lo chhuak vat rawh aw ,I daddy hian a hmu chak tawh che a nia " tiin a be nghal mawlh mawlh .

Heti khawp hian naute a awtang tih ka lo hre ngai hauh lo ,khumah chuan min muttira ka bulah mu ve nghalin naupang awihna hla a aa rut rut a ka nui hak hak,a aw a thum bawk si chutia rhymes a sa mai chu mumang te pawh a ang lam lam dawnin ka hria ,“ Daddy daddy " tiin ka lo zai pui a ,a rawn nui hawk hawk a taksa ah chuan nghet zetin min kuah bet a “ Leo ka thaw tha theilo ania " tiin ka nam a,min thlah vat “ Sorry " tisupin anui leh vur vur a .

“ Naute hi lo piang se enge a hming kan phuah ang " tiin ka en a ,a ngawih vang vang hnu ah “ Mipa a nihchuan Sebastian Logan nise ,Hmeichhia a nihchuan nangmah anga hmeltha niturin Daisy Logan ni ve thung se " tiin ka hmuiah fawpin a tawp mai Dawn emaw ka tia a duhthawh telh telh,mak deuh chumaw nau ka pai tirh khan s** hman a pawi angem tih doctor te a zawt thlap a ,a pawi em em loh thu leh fimkhur turin min chah thung a ,a zawm tha hle 

Pawnlam ka hmuh a phallo a ,inchhungah min khung bet hmak a ,ka eitur thlengin damdawi lam thiam a entir hmasa thlap zel a ,mi chuan a over mah mah an timaithei mahse ka pasal hian min ngaihtuahzia ka hriat hian ka lawm zawk em em ,ka chunga che mawlh mawlh chu enin ka nuihsak a ,a rawn nui ve tho a insum thei thlawt lo hi a chang chuan ka hahphah thin.

“ I lungawina khawp I hmu em " ka tihchuan min kuahin ka thlan chu min hruksak a “ Ka nupui lakah lo khawiah nge lungawina ka hmuh ang ,ka hmangaih che " tiin puan chuan min khuh tha in ka hnungah a beng det det a ,ka muhil zui nghal zat .

“ Evelyn morts I fa pai hi tu fa nge " tiin ka pasal hnathawk rawn haw chuan min rawn vin nghal hrawk a “ Tufa nge ni se I tih a ,ka duh thawh rah I ti a nilawm ni Leo Logan " tihlarin rum zet chuan ka en a ,a lu a thing nawk nawk “ Tu chuan nge lo bum che hetia I rawn thinrim haw leh ngawt a " tiin ka melh rawm rawm a “ Ka fa a nihloh vaih chuan I chak lo ang " a tihchuan ka insum thei tawh biklo “ I fa lo tufa nge a nih ang,tu mipa nge ka mutpui a hmasa ber ini chungin min la ring hlel a maw ,nge nang hian kan inneih hnu hian hmeichhe dang ilo mutpui zawk " ka tihchuan aduhloh hmel hle.

“ Ka mutpui ka tilo " a rawn tihmuk a “ E a nihchu....." tiin ka hawisawn hmak “ Thinrim ringawt suh " a rawn tileh a ,ka be duh miahlo chu a lungawilo nge “ Evelyn morts " a rawn tileh a “ Hmela " ka tituar “ Hmela nupui " a rawn tive chu ka bula bottle chuan a hmaiah ka vawm pawp a “ I duh duh hunah I thinrim khum.tur ka nilo hre rawh " tiin ka dul puar deuh luah tawh nen chuan room lam ka pan a ,min rawn zui tih ka hriat rualin “ Rawn kal tawh suh ka hua che " tinghekin room kawngka chu kharin ka kalh nghal hmak a .

“ Elyn rawn hawng rawh " a rawn tihchuan “ Thlawk bo rawh " tituarin khumah chuan ka mu a ,ka mit ka chhing nghal hmak kawngka chu a rawn ti ri reng a,ka ngaihven duhlo ,ka hriatloh karin ka lo muhil a ,ka harh leh chuan a tlai duai tawh ,zan lam dar 10 a lo ri va va a ,Leo thawm a reh hmak a ,khawiah tak kal ang maw ,fridge ah eitur la in ka room ah bawk chuan ka lut a ,ka eizawh rualin ka mu nghal than a .

Ham bai baiin ka tho chhuak a ,Leo ala rawn haw lo cheu a nih hmel pawnlamah chuan chhuakin tv ka on a ,chanchinthara an mi puan te a vang chuan ngawi rengin ka melh ta reng Leo hian min bum a ni ,hmeichhe dang lakah fa a lo nei reng a maw ?Hlim hmel deuhin an la nui zui a ,chuan an fa piangthar chu Leo chuan pawmin a hmeichhia chu a kutah a kai bawk ,ka thutna a tang chuan ka tho chhuak a ,ka roomah lutin ka thawmhnaw chu ka pack mawlh mawlh a .

Ka suitcase nen chuan ka inhnukchhuak hnak hnak,ka tlawm vawng vawng hian ka hria ,ka hmaa ka bodyguard lianpui te pahnih ding chu enin “ Kalsawn rawh u" ka tithat a ,an din ngai rengin an ding tlat leh nghal “ Boss in chhuah a phallo " an tihphei chuan ka thinrim tawh hle “ Kha in boss phiangsen min hmangaih ber awm ang zia zanga awm kha ka hmu peih tawh hrep lo e ,in kallo a nihchuan keimah ka intina anga tunge chanchhe zawk chu inhria ang chu" tihmakin ka kalpel a ,pawnah chuan chhuakin taxi chu ka phar a .

“ Airport lamah " tiin ka thu lut nghal hmak,ka phone chuan ticket ka book a ka Chang hlauh chu ka thaw huai thei ,ka phone ri chu enin ka ner sak a ,ka dah nghal hmak a rawn rik tak zelah chuan ning zetin ka la a “ Evelyn khawiah nge I awm phiangsena rawn let rawh " tituar tu chu phone a tang chuan ka nuih khum hak hak a “ Bumhmangpa min hmu tawh hauh lo ang,dawt sawi hmangpa mangtha le " tihmakin phone chu ka dah a ,tenawm lutuk .

Ka mittui rawn luang chu ka hrutawk a ,kha mihring khan ka mittui pawh a phu neklo e,ka fa te kha a rawn ringhlel vela. amah vek hi a ni phatsan tu chu ,ka phone rizel chu ka swich off hmak a ,aiport kan thlen rualin chuan man pe in thlawhna lam pan chuan ka kal a ,ka ticket vel an check hnu chuan ka lut nghal vat ,New York lam ka pan anga ,nuntharin ka nung tawh bawk ang ,thlawhna chhung ka thlen rualin mitchhingin ka thaw ham ham a .

A thlawh chhuah rual chuan ka lungphu pawh a pangngai ve chauh,min rawn nan hman ka hlau a ni ber ,eitur an rawn sem chu la in ka ei nghal hlak hlak a ,ka muhil zui nghal daih bawk ,thlawhna a tum dawn tih an rawn puan chuan ka mengchhuak a ,thlawhna a tanga ka chhuak a ka mi hmuh vang erawhin ka ding chawt ,ka lamah a rawn pen hlawk hlawk a ka tlanchhe nghal vat mahse ka pum puar tawh nen ka tlanchak theilo ka kutah rawn manin a lamah min pawt dawrh a .

“ Min thlah rawh tenawmpa " tiin ka au tuar a ,mi ho chuan min en thup bawk “ Min tlanbosan ngam a maw " tiin min vin hrawk a “ Nang hian min bum a ni,chutichung chuan min la umzui ngam a maw ,ka mithmuhah lang tawh suh " tiin ka au khum vak vak a “ Min ngaithla teh Elyn ka hrilhfiah ang che ,a ni kha ka tawn hma che a mi a ni ,nau a pai dawn tihkha ka hre bik hauhlo "a rawn ti a,ka nui hak “ Ka lo let dawn lo min kaltir nghal rawh " ti tuar tuarin ka tal nawk nawka ,ka talchhuak thei bawk silo .

Min manbetin a pvt jet lam min panpui a ,a guard te pali chuan min zui bawk “ Min kaltir rawh ka hua che " ti tawn tawnin ka chum a ,engahmah a ngai duh bawk silo ,jet chhunga kan luh rualin a pindanah min hruai lut a ,khumah chuan min mutin a mah pawh a rawn mu thla a ,ka tal theitawhlo a ,ka tap hlawp hlawp ringawt “ Leo min that rawh" ka tihchuan a rum nghut a “ Ka that ngailo ang che ,kan fa tur kha ngaihtuah rawh " a rawn tisup a ,ka tal leh nghal vak .

“ I bula awm kan duhlo min kalsan rawh ka hmu duh tawh lo che ,min hmangaih I tih zawng zawng te kha dawt vek an nih kha ,min kaltir rawh " tiin ka tal leh vak a “ A tawk.....ngawi hmak rawh ka hnen a tang hian tumahin an la sawn Dawn lo che ,ka sal inih hi " a tihchuan ka thinlung a deng dawt ,ka ngawi ta ran a,ka mitchhingin ka thaw chu a zawi tial tial a,ka zawi nghal hnawk “ Elyn...Elyn harh hram teh " tihchu ka bengah chuan a khawk rum rum mahse harh Turin chakna ka neilo .

Ka taksa che dawt dawt reng te ka bula phun mur mur te chu ka hria mahse ka meng theilo ,ka mit chu ka tiche thei lo hrim hrim “ Engtikah nge a harh Dawn ,a harhlo a nihvaih chuan ka tichhe vek ang che u" Leo Logan aw te chu ka hre vek ,hauh ka duha ka hlatah awm se ka duh,mahse a theih siloh ,ka kut hmawr chu ka tiche data,ka mengchhuak riai riai. “ Elyn " tiin Leo chuan min pan rawk rawk a ,“ I tha tiraw min hria em " a tihchuan chhan chu ka chak mahse ka aw ka chhuah theilo .

Ka ngawi ta reng a ,ka kut a vuan chung chuan “ Min hria em Elyn keimah Leo " a tihleh pawh chuan ka chhang chuang lo ,ka tawng chak tawh lo .

LEO LOGAN POV....

Elyn thu chu ka en reng ,Jenevi lah ka inah a awm ve bawk,ka fa a pai tih min hrilhlo in a neih dawnah min hrilh chauh a ,Elyn in min huat phah bawk ,chuan tunah chuan a aw ka hre ngailo,ngawi rengin  a thu a ,a melh ngai a melh tlawk tlawk thin,a tawng tawh ngailo ka biak ka biak pawhin a chhanna erawh a reh ta vung vung a ,ka tihdan a vang Khan ka inchhir hle bawk .

Ka ina jenevi te nufa awm ve chu hria ang pawhin a awm ngailo a ,hua ang pawhin a awm lo ,a pum puar lak tawh chu ngaihsakna pawh a neilo a ,a nung mawl ve tawp ni berin ka hria “ Leo bawihtei hi lo pawm teh" titu chu ka melh run a ,duhlo viau mahila ka fanu ngei chu ka hlamchhiah theilo,ka pawma Elyn bul chu ka pan,min lo melh a tawng chu a la tawng chuang lo fo “ Elyn min be ve tawh rawh ,ka ngai tawh che " tiin a biang chu ka khawih a .

A hawisawn a muangchanga tho in rum lam a pan nghal tham tham,ka fanu chik that chu enin ka pawm tha a ,ka rilru hi a buai vek tawh,ka fa te nu an inang tlat silo a ,mahse Jenevi erawh vawikhatmah ka khawih chhin ngailo,zanlaia ka mu chu ka hote chuan min kaitho a “ Boss kan chhuah vat a ngai inah hian bomb kam a ni " an tihchuan ka tho chhuak nghal vat ,min chhuahpuia ka sirah chuan min veng vek bawk “ Elyni chuan Jenevi te pawh" ka tihchuan “ Pawnah an awm tawh " tiin min chhuahpui a .

Mahse pawn kan thlen rual chuan Elyni awm ang ka hmu hauh lo,“ Elyni a chhungah ala awm " ti a luh ka tum chu inchu a rawn puak nghal dur a ,ka thu hnawk “ Nilo " tisupin ka silai chuan Elyni a chhuak tawh tih min hrilh tu ber chu ka kap nghal pawp a ,ka au tuar bawk “ Hethil hi tu tih nge " tiin ka au tuar a ,Jenevi te nufa lo awm chu melh khui khuiin“ Nangni pawh ka mamawh tawh lo che u,ka fanu enkawlna tur chu ka pe ang che ,ka nun a ta hi chhuak rawh u " tiin ka vin hrawk a .

Naute chu pawmin a tlan nghal rawk rawk “ Elyn ka hmangaih che a sin.

2 years later...

Boss kan that fel tawh e " titu chu enin ka ngawi rauh rauh a ,Elyni awmloh a chin hian mi thah ka hmang zual ,ka hmaa hmeichhe thusawp niah ka hrui ken chuan ka vua a,a au that “ Nang hian ka inturah tur pawh I tum a maw " tiin a mal lang laiah chuan ka vaw leh pawp a ,na tih hmel zetin a au that that reng bawk ,pawi tihna ka nei lo .

“ Sir zaninah party a awm dawn kha ,hetah hian kan elpui ber Mr John's te chhungkua pawh an lo tel Dawn a " a tihchuan ka nuisuk,chhungkua a lo din ve reng a maw ,a nupui pawh hmuh a chak awm a lawm ,model Chhelo Tak ka kawp thinchu ka hruai a ,mipui mit kan la viau,naktuk chanchinbuah chuan an chhuah leh ngei ang le ,kawngka lam a rawn ri a ka hawi phei ruala ka mi hmuh a vang erawhin ka meng kawk.

A sam sei hnalh thin kha tan mahse a mah a ni tih ka chianga ni,a mipa naupang pawm nen chuan an inang hle bawk,mahse ka fapa a ni tih ka Chiang,mahse kan John's tehhrep banah chuan vuanin an innuih var var a ,engthil nge thleng tehhrep hi kumhnih chhung kha a thi emaw tiin a ruang ka zawntir fo a ,mahse a lo dam reng si,John's chuan mipa naupang chu a pawm a ,mi mit chu an chungah a fu thup,chhungkua tak tak te pawh an ang a lawm .

Mahse Evelyn morts chu ka ta chiah a ni a ,a ni leh ngei bawk ang kan lam an rawn pan chuan Evelyn hmel chu ka en reng,a hmelchu a hma ai a puitlingin a tha sawt emaw tihtur a ni “ Hi Mr Logan " John's marton chu ka en zawk a ,a kuta a hmeichhe kaih a vang chuan hnek tluk tawp ka chak Dan chu pui tak a ni“ I bialnu chu a chhelo hle mai ,hei hi ka nupui Sophia leh kan fapa Derick te an nih hi " a tihchuan Evelyn te lam chu ka en a ,an awmdan a danglam eihlo a .

John's marton en chuan a nuisang reng,chutah ka hmuh lai ngei chuan an la infawp zui a ,ka inhum ruh nghal tawlh tawlh,Evelyn eng game nge i khelh hi