LOVE ME IN THE DARK CHAPTER 4

LOVE ME IN THE DARK 

CHAPTER 4 

AUDREY POV..

“ Baby tho tawh la " ti a min tung tu chu mitsiaiin ka en a ,ka mut ala chhuak hluah hluah “ Eric ka la mu duh" ka tihchuan a nui hawk a “ College kal kan ngaih kha ,tho tawh rawh le " a rawn tileh a ,ka che lo chu amah chuan min thawh chhuah pui a ,min pawmin bathroom lamah min luhpuia ,ka ha nawhna ah chuan a siai chu tatin min nawh sak a .

Ka meng peih tawk tawk a ni ,“Mut duh lutuk,naupangtei hi " a rawn tihchuan ka nui hak a ,a nghawngah ka kuah nghal thak,ka hmaiah tui vawt lutuka a rawn tuai pawk chuan ka meng kawk thei  “ Eric" tiin ka khur bauh bauh a ,ani erawh in ka hmai chu towel a hruin min hruai chhuak a ,ka la khur bauh bauh chu a awmah min pawm bet a “ College kal kan ngaih kha " a tihchuan ka lo aw ve mai a .

Amahin ka thawmhnaw hak tur pawh a buaipui vek ,min pawm leh in inhnuai lamah min chhuhthlak pui a ,chaw ei tur maid ho un an chhawp chu peihlo zetin ka ei a ,ka mut la chhuak lutuk chu a mak zawk “ Audrey harh tawh teh " tiin a nui hawk hawk a ,harh vak chu ka tum ve reng a har em a nih hi ,intih harh ka tum pauh leh ka mit hi a rawl tulh tulh .

Chaw ei kham chuan ka harh ve deuh a ,college lam pana kan kal lai chuan ka intiharh ve tang tanga ,tinge mawni heti em em a ka mut a chhuah ni,college kan thlen rualin ka chhukthla thak a ,min lo en leh thup tawh ,hmuhnawm chhuah hi kan ang thin,Eric chu rawn chhukin ka kawngah a rawn kuah a ,college a mipa Chhelo ber a an thlan a ni miau a ,an thum hak mai .

A bialnu oh kan inneih hma a a bialnu nithin chuan min rawn pan a ,a thinrim hmel hle bawk “ Nang hmeichhe zak theilo ,ka bialpa lem kualin ilo nei vel a maw " tihpaha min ben a tum chu a kut chu Eric an a lo vuan bet vat a “ Wandy a tawk ,kalsawn rawh ka nupui hi I Tina a nih vaih chuan I chak lo ang " a lo tihrawk a ,ka thaw huai ,a chhanchu lo in ngaizawng tawh an ni a ,an inkara ka inrawlh hi ka dik vek bik lo tih ka hria .

Wandy chu thinrim zet hian a kalsawn a “ I tha em " ti a min en tu chu ka nuihsak ringawt ,a kutah chuan vuanin ka kalsawn pui a ,kan class a kan luh dawn chuan min thlah thlap a “ Buaina I tawh chuan min hrilh lo in awm hlek suh,I nat ka phallo a nia " tiin ka chalah a fawp zauh a ,keipawh chuan bu nghatin ka nuih sen sen a ,ka biangah chuan a piai zauh bawk ,ka luh hnu ah a kalsawn chauh a .

Keipawh keimah chiahin ka thutna tur lam ka pan a ,ka thiannu ber lah in min haw bawk si a ,keimaha ka awm mai a ngai ang,class ah te chuan min en hrek hrek hlawm a a then lah chuan Eric nupui ka ni chu an huat thu an sawi ve cham chi bawk a ,eng tia awm tur nge pawh ka hrelo ,ngawi tawp ila a tha a ni mai ,ban a nihrualin Eric pawh kawngka bulah a lo ding vang a ,ka pan nghal vat ,min kaiin college tual lam panin min kai a 

Kalkawnga Maggie kan hmuh chuan ka ding dat ,rum zet hian min en in min hmu lo ang mai chuan a in her zat a ,ka en zui reng ringawt khachen kan lo inkawm ve a ,hetianga a awm kher hi a mak ka ti ,Eric chuan “ Ngaipawimawh suh keimah chiah min ngai pawimawh rawh " tiin bike lam pan chuan min hruai a ,a thiante ho chuan an lo fiam sap sap a “ Nupui nei bikpa " tihvela an lo fiam te chuan a nuih Liam mai mai a 

“ Ka nei fuh em a sin,vantirhkoh diktak " ti a min rawn en chuan ka zak hle ,a thiante lah chu an lo au dar dar leh nghal ,Eric a kawr ban chu ka tham tawn tawn ringawt ,a thiante chu an nui hak hak a “ Tiru kal tawh ang u ,kan thian thawvenga pawhin a lei vantirhkoh a kap thlu ta " tihpahin an bike ah theuh an lawn a ,a hma kha chuan an mizia ka hriatchian loh em a vang khan ka lo ngei ve em em kha a nia .

Tunah erawh fiamthu duhtak an ni tih ka hre tawh a ,ka thaw huai mai an thianho in an intan hle bawk ,Erica chuan a bike a lawn tur chuan min signal zauh a ,keipawh chu ka lawn nghal vat ,min tlanchhuah pui rualin a hnungah ka bei hle hle a ,a va han nuam tak a dar pharh hlai tha lutuk te hian a ti mipa zual hliah hliahin ka hria ,a bulah ka awm rei a ka duh telh telh bawk ,a kiangah hian awm reng thei ila ka ti.

Mahse chutiang chu a ni ngailo tih hriattakin kan inneih a tanga thla nga naah chuan ka nuna hrehawm tih ber tur thil a lo thleng ta! tu mipa nge pawh ka hriatloh chu ka mutpui tiin thu a thang a ,pic hial pawh a awm ka thiante birthdaya ka kal kha a ni a ,Eric pawh min hruailo maiturin ka ti a ,ka mutchhuah em vanga ka thiannu rooma ka mu kha ka harh leh chuan thawmhnaw ha mumal lo in kan lo awm a .

A pawi ber chu maw nau karkhat mi ka pai bawk a ,mahse tumahin an hrelo mahse Eric fa a ni tih erawh ka Chiang,a chhan chu khapa nen khan kan mudun hauh lo ,mahse tumahin min ring duh lo a,Eric ngei pawhin “ Ka nupui ilo ni hi ka inchhir takzet " tihrawkin min en reng a nihkha “ Eric khawngaihin kha pa kha tunge a nih pawh ka hrelo tak tak min ring rawh " ka tihchuan a kut vai tuar in “ A tawk!" a rawn tinghal hrawk a .

Nu Alli te pawhin sawi tur an hre bik lo “ Ka nun a tang hian kal bo rawh Audrey nethery "ti hrawkin min lo nuihsawng tu wandy chu a kuah a,keichu min ngaihtuah tawh lo lek in min hnungchhawn nghal hmak “ Mahse Eric ka hmangaih che a lawm" ka tihchuan za lo zet hian a nui ro hawk a “ Ka hmangaih velo che ,keichuan hmeichhia hmangaih pakhat chiah ka nei a ,chu chu wandy hi a ni" a tihchuan ka lung hi vih ngawt ngawt ang mai hian ana .

Khang hun kan lo hman tawh zawng zawng te kha a theihnghilh mai thei bik dawn em ni,ka mittui luang zawih zawihin ka pasal nena kan lo nuihtlan bawk bawk na thin chu chhuahsanin hmangaihtu ka neihchhun ka nu leh pa inlam.pan chuan ka ke ka pena “ Eric ka tello chuan i hlim takzet ang maw ,he kan nau te lo piang tur hi I duh miah lo ang maw " tiin ka mittui chu ka hru mial mial a .

Thlariat a liam leh meuh chuan keipawh ka dul a puar ak tawh a ,Eric pawh in an company a enkawl chhunzawm tih ka hria ,chuan tunah hian Wandy nen an inhual tih pawh ,kei erawh ka nau pai a tangin ka hrisel lo em em a ,doctor te chuan ka chhulah bawk a awm an ti a ,ka nau titla turin min tihial a nihkha mahse ka hmangaih lak a tanga ka neihchhun hian khawvel eng hmu ngei se ka duh a .

Kei ka lo kal ta a nihpawhin ka fanu tal hian he khawvel eng hi hmu ve turin ka duh,ka vak chhuak a mahse tumloh deuhin Eric ka hmu a ,ka ding chawt ani pawh min hmuthut chu a hamhaih tih a hriat,chutah ka pum chu a rawn melh ta chat a,ka taksa chu a hma ang bawkin a che dawt a ,ka lung chu a phu dawt dawt bawk ,a hmui phunin ka hming a lam a .

Mahse a nupui hual dawr chhunga tanga rawn chhuak a vang chuan a hawisawn nghal vat,an kalliam tur chu ka en a ,ka nu ka bulah a rawn ding vat bawk “ Hlim reng rawh aw ka hmangaih ,khawngaihin kei min pawm thei tawh lo mahla kan fanu tal hi chu lo enkawl tha rawh aw " tiin ka lu hai ngiai ngiai leh ka nu min au lawm lawm chu ka nuihsak a .

Eric pialralah aw ,pialralah tal ka ta ni ve tawh la ,kumkhua in ka kut hi thlah tawh suh aw ,hlim la he khawvelah erawh ka ta ini ve thei tawh dawn silo a ,an sawi pialralah tal.chuan ka pasal ni leh tawh rawh aw .

ERIC POV.

Hmeichhe mangang au ri a vang chuan ding chawtin ka inher a ,ka kal nghal pawk pawk Audrey lo tlu leh an lo bawr luai luai chu ka pan vata “ Audrey " tisupin ka kuah a ,engmah hrelo tih hriat tak hian a mit chu a chhing tlat a ,a hmel dang var pap te chuan ka ngaih an ti thalo takzet ,pawm kangin ka car lam ka pan pui hlawk hlawka ,anu chuan ka hnungah tap.chungin min rawn zuibawk .

“ Ka fanu khawngaih thlak ,I fa nun chhan I duh luatah hetianga hrehawm hi I tawrh angai si maw." ti a cara kan chuan lai a tap a sawitu a vang chuan ka lung a ch dawt ,mahse tunah chuan damdawiin thlen vat a ngai a ni ,doctor leh nurse ho chuan an lo buai pui zung zung a ,emergency rooma an luhpui te chuan hlauhthawnna in ka khat vek tawh .

Doctor rawn chhuakin a pasal ka ni em tih min zawh chuan ka lo aw vat a “ Kan hrilh tawh a ,a nau hi a paitlang a nihchuan anunna a chan.thei tih,tunah chuan paih duh pawh ni ila a tlai tawh “ I nupui nge I fa hi I thlan dawn " titu chu ka en ngawt ngawt ,tinge engmah ka hriatloh ka Audrey nunna derthawn laiin keiin a natna tur ka lo belh chhah a maw “ Ka nupui kha tidam rawh,nilo an pahnih in tidam rawh.

Engpawh ka pe ang che tidam rawh " baihvai zet chuan ka tichhuak a ,a luh leh hnu chuan thu chungin ka indawm ngut ngut ringawt ,a nu chu a tap hawm hawm reng a ,ka bing mup mup ,naute tap ri kan hriat rualin ka dak chhuaka “ Mr Berghof fanu in nei e " nurse in a tihchuan ka en reng ,ka fanu chu ka pawm a “ Ka nupui " ka tihrualin “A dinhmun a tha lo takzet kan chhan zo lo maithei a ,doctor ten an buaipui mek e kan tihpalh lutuk " an tihchuan ka fanu kuah chung chuan ka tap chhuak hawk ringawt .

Audrey ka hmangaih che ,he thu ka hrilh hma che hian min kalsan suh " tiin darthlalang a tang chuan ka nupui nunna chhan tuma a awma an nem chu ka en reng a .

A HRIAT THEIH TAWH LOH HNU A HRILH AI CHUAN,A HRIAT THEIH LAI NGEI KHAN A KIANGAH SAWI RAWH,I NGAMLO A I NGHAK REI LUTUK A NIHCHUAN I NGHAK CHHUAK ZOLO PALH ANGE.