LOVE ME IN THE DARK CHAPTER 1

LOVE ME IN THE DARK 

CHAPTER 1

Eric berghof maw I nih a " ka hma a hmeichhia tereuhte chuan min cho ar chung leh dak vah hian min en a ,min hlau lo hle tih a hriat “ Ka thiannu hi ilo hnawl vel a maw " tiin a ke chu a per tan tan a ,ka nuihsuk a va han cute tak ,a te si a hmeltha cute bawk ,ka nui phawk hawk a ,kan college hmeichhia a ka mit la tu awmchhun a ni ngei ang .

Ka hnaih deuha a zak pahnih a dawm chung chuan ka khai kang nghal lawp a ,ka thiante chu an lo nui hak ,ani lahin tlak hlauin ka kawngah a rawn kherh bet a ,ka danglam.nghal der ,ani pawh mengkawk in min rawn en a ,kan inhip tawn nasat zia chu thup chi a nikherlo ang ,ka hnaih zel a ,mahse ka fawp dawn chiah tihchuan tal phutin ka pawmna a tan a chhuak a ,a tlanliam chu ka en reng,ka la hmu leh khawp ang.

Ka thiante nen chuan party na hmun tur lam panin ban veleh chuan kan bike nen chuan kan intlansiak leh a ,party hi nuam kan ti tlang hle a,ruihtheihthil pawh kan tikim ve hle ,mahse chungin addict khawp chuan kan awm ve lem lo,a khat tawk chauhin kan tithin,ka nu leh pa hian ka awmdan hi an la hriat vat ka ring a ,an lawm lo viau bawk ang 

Ka nau erawh hmun dangah a awm a vang hian an ngai thei hle a ,kan duat rawn kha a ni miau a ,party na kan thlen chuan an lo tam leh tawh viau a,kan thianho chuan ngaihven rawn kan hlawh leh pek hle ,kan luh rualin kan kawppui ve deuh ho chuan min rawn pan a ,Wandy chu ka mal chungah thu in ka intur chu min thlit sak a ,ka nui suk a chhelo bawka ka mamawh hunah ka tan a awm reng bawk .

Zu chu kan tlak pap pap hlawma ,kan thawm pawh a tha hlawm viau ,chutiang rihulh hulh karah chuan hmeichhe mangang au aw ni tlat in ka hria a ,ka tho chhuak vat a aw a tang chuan vawiin a mi thinchhetei kha a ni tih ka hre thei ,ka hawi kual a kil khat a mipa pahnihin an lo pawt lui ka hmuh chuan ka inseh ruh ngut ngut a ,an lam pan chuan ka kal nghal hlawk hlawk,ka thian te pawh chuan min lo zui vat a .

Engmah sawi tawh lo in a chelh bet tupa hmaiah chuan ka hnek nghal pawp a ,pakhat rawn chhan tum chu ka tlawh tlu leh nghal.hmiah bawk ,hetiang em em a hmeichhe chhan a vanga ka thinrim pawh hi ka hre lo ,Thinchhetei puih tum lo a nui ho chu ka melh kuala ,helai hmunah hi chuan min hrelo an vang viau ang,Thinchhetei kawr tet a theih ang anga inhup tum chu ka kawr chung phelhin ka khuh a ,a rawn hawi chhuak chu a mittui a tling pam .

“ I tha em" ka tihrualin min rawn kuah thlawp a ,nasa zet hian a tap nghal hlawp hlawp ,Wandy in a eilo hmel chu ka hmu ,mahse henu hi ka tan chuan a pawimawh zawk miau ,ka vawihnih hmuhna chiah mah nise ka duh tih ka chiang hle ,a samah chuan ka chul sak a “ Ka hruai haw ang che aw " tiin ka pawm kang nghal nawlh ,midang ho chu melh kualin “ A ni khawih leh hi in awm anihchuan hremna in pumpelh in ring suh u " tihrawkin pawnlam chu ka pan pui a .

Ka bike bul kan thlen chuan ka dahthla a ,a la insut faih faih a ,street light in a hmel a chhun chu ka en a , ahnar hmawr a sen hlar a ,a duhawm hluah hluah a awm dan cute zet a vang chuan ka nui hawk a “ Min nuih bawk suh hmela" a rawn tileh ta vak,a au a nimahzawk ,ka pan hnaia ,a lo tawlh hnung dat “ Party I ngaina a mi" ka tihchuan a lu a thing lawi a .

Anih chuan helaiah engvanga awm nge a nih ang “ Ka thiannu in min rawn kalpui a " a tihsap chuan ka rum nghut a ,thiantha lo tak a nih dawn chu “ Kawm tawh suh ,hetiang hmunah hmeichhia nangmah chauhin a kalsan che a nia " tiin ka hmui chu ka pet kawi nawk a ,a duhloh hmel hle “ Ka kawm turah buai suh,nangmah vangin a rilru a na a ,intihhlim a tum a ,khang mite kha chu tihpalh thila in tawng kan nihkha " a rawn ti tan tan a .

A thiannu chu a tan ve hle mai a ,“ Tihpalh thilah chuan kha I buaihle a nihkha " ka tihchuan a ngei hmel hle “Hmela chu hmeichhe lepchiah angah min ngai a mi,ka thiannu hian engtin nge a vei em em theih che ni,nang ang mipa awm duhdah lutuk hi " a rawn tihchuan ka khi suk ringawt ,ka hnaih hrut a ,a lo back ve zel leh nghal ,ka hnaih lui ve zel a .

“ I thiannu au ka duh che tita ila engtin nge min chhan ang " ka tihchuan a rawn mengkawk a ,chutah harh chhuak thut ang mai hian “ Nang ang mipa hi ka duh ngai lo vang che " tiin a ke pet tan tan chuan min en a ,ka khi suk hnaih thutin a tlansawn hma chuan a kawngah ka kuah a ka lamah pawt hnai dawrhin a hamhaih ka ang hiau a awm lai chu ka fawp chawt a.

A ding mar nghal zawt,a te bawk nen fawp tur chuan ka kun fe a ngai ,ka awmah chuan arawn beng dawt dawt a ,ka nui hak a tha a na lo ropui sia ,ka fawp uar sauh a ,ka hmuiah a rawn seh vak chuan ka thlah Chiang hle “ Enge I tih tehhrep hi I hria em" ka ti hrawk a “ Hria e hria e ,Playboy hmui ka seh bung" a tihchuan “ A bung lo I thil tih man hi I hmu khawp ang " tiin ka bike ah chuan ka hlang nawlh a ,a hmung zawk a thu chung chuan ka nawr bet a .

A te em a ka bike khalhna a dal teuhlo,chak zetin kan inlam ka pan pui a “ Hmela min dahthla nghal rawh zak theilo pa " a tih tawn tawn chuan ka siai suk chauh ,runluih a nawm phian dawn hi ,kan inzawnah chuan dinpuiin kan in a hmu chu a meng kawk kawk a “ Nang " tihpahin a kut chuan min kawk a ,kan in chu a en leh thin “ I in turah ka lo lawm a che" tihpahin ka pu lut nul nul a “ Ka duh lo min dahthla nghal rawh ka haw dawn " tihpahin a tal ve nawk nawk a 

Thlah duhlo in inchhunglamah chuan ka luhpui zel a ,ka nu leh pa in a min lo en chu ka kalpel vuai a “ Bawiha kha kha enge a awmzia " ka nu in a rawn tih chuan ding chungin “ Nupui tur ka ru " tihpahin ka room lam ka pan pui a ,ka pa nen chuan angaihna hriatloh hmel zetin an in en reng leh nghal a “I va zak lo ve I nupui tur ka nilo ,min dahthla rawh Eric berghof lubuk pa " ti tuar tuar in a ke chu a leng vak vak a .

Khumah chuan ka bawh tlu tawp a “ Ka duh loh zawng a I awm a ,I tawng a nihchuan ka pa nihna chu i hre Chiang in ka ring chuan keipawh " tihpahin a bengbulah chuan “ Mafia " ka tisup a ,a meng nghal kawk “ Ka hawn tawh che a ,I tan tlanchhuah leh chu a har tawh ang,a chhan chu ka nu leh pa bulah ka nupui tur tiin ka sawi tawh tlat che a" ka tihchuan a mittui a tling pam a .

“ I sual lutuk kan vawikhat inhmuhna ah nupui ah min nei ringawt theilo ,I lerh si keichuan pasal min duat deuh tu tur chiah ka nei duh" a rawn ti tan tan a,a bulah chuan thu thla in ka melh nghal run a ,a nipawhin ka mitmeng a hmuh rual chuan a tawnglai chu a tawp chawt a “ Ka thu awih ang che ,chuti lo chu hrehawm takin I nun hi ka siam ang,ka thiltihtheih zia chu I hriat ka ring ka nu leh ka pa in kan inkar an zawt che a nihchuan kan inhmangaih thu in chhang ang che " tihpahin ka awmsawn a .

“ Tinge hetianga min tih" a tihchuan ka nuihsak a “ Ka ta nuturin ka duh mai che a ni" tiin bathroom lamah inbual turin ka luhsan a ,ka chhuah leh chuan ka nu nen an lo inkawma ,ka nui nghal suk ka nu chuan min melh rum hle “ Hmeichhia tilui tawh suh ang che " a rawn tihchuan “ Ka tilui lo " tiin rum zetin ka nupui ruk a hming takngial pawh ka la hriatloh chu ka melh rum vak a .

“ I tilui ,Audrey hian a sawi vek " a rawn tihchuan ka lo thaw huai,a hming pawh ka hriatloh chuan ka chhungte hian ka neih an phal hauh lo ang “ Engtin nge a rawn ruk hawn mai che le ,a buaithlak e Eric berghof hi chu a naupan lai a tanga chimawm lutuk leh ,tawng thei fing phakar a kha a nimiaua" a tihchuan “ Mom" ka lo ti bul hluk a .

Khatiang chen chen sawi a ngai lo ,a tul ka tih chin chu ka sawi mai ang " tiin ka inthlak a “ Hmeichhia I ngaihsak lo a maw tia ,tunah lah I rawn pu lut vu vu ta mai a ,a nu leh pa kan hrilh ve ngei an ngai a nih hi ,mi chu an innei. a ,nangni chu in inru a ,innei pawh in ang bawk silo " a ti nuah nuah a “ Mom lo va chhuak phawt teh" ka tihchuan a chhuak ve hram a 

Ka thaw huai thung,ka nu sawitur hre lutuk hi chu a buaithlak thin,Audrey bulah chuan ka thu a “ In inbual ve duh em ,tikhan I inthlakna  tur chu maid ho in an rawn dah mai ang " tisupin a kut vawn ka tum chu ka kut a lo vai nghal hlak a ,ka nuih hak thinchhe hlir hler lutuk,a hmuiah chuan ka fawp leh vak a ,min sehna kha a la na deuh viai viai bawk .

Inbual tura  a luh hnu chuan khumah keimaha thu in ka nui ka nui ringawt ,ka inhrethiam biklo ,hmeichhia ka vawikhat hmuhna leh nghal a ,nupui a tan hial a ka ruk hi keimah ang lo ka intihial a,mahse a hmel te hian min bip bawk em ani,a thinchhiat hmel tak nen hian a duhawm hluah hluah hian ka hria .