TRIPLEX LOVE CHAPTER 4

TRIPLEX LOVE 

CHAPTER 4

ROMEO RINSANGKIMA POV..

“ Khawi maw kan thawm an hria ange " tiin Froy chu a rawn tawng a ,kei leh kan miharhtei erawh kan la inmelh rum tha viau ,kan unaute kan bihthla ve ve a ,kan vahkualna lamah kan la intawk zui ,a u zawk Samsen erawh chu Froy nen an awm tlanga ,Lalhruaitluangi tawngthei leh harh lutuk chu ka buaina ber ani .

Jackson te chu kan en reng ,an infawp dawn tih kan ring lawk miah lo ,chutah a darah Judy chu a bei a ,a mit a chhing nghal daih ,Jackson lah chuan a lu in a zuk tauh dat a ,an meichhawm that chuan an hmel a tilang chiang viau ,an puansin chuan in intuam tha sauh a ,Jackson hi hetianga a awm ka ring hauh lo a ,a chhan pawh kum 5 liam ta .

Keini pawh tlangval tan tir mai kan nihlai Khan a bialnu a chan a ,khata tang Khan a mizia a inthlak nasa in hmeichhe lam reng reng a ngaihsak tawh lo anihkha ,mahse tunah erawh kha a inkhar khipna kha thiahin a awm tan mek tih Froy nen chuan kan hmu chiang hle bawk ,“ Awi an va induat bik tak " tih a vang chuan hnim kar a tang chuan ka nui nghawr dat a .

“ Let ang u ,tisawn awm rawh se " Samsenin a rawn tihchuan kan let diak a ,kan riahbuk a kan luh ruk a ngai leh phawt ,chupawh an hmuhloh Dan tur thei ang berin ,kan luhdawn chuan vakharhi chu ka khawih zauh a “ Hmel lukir " a rawn tihchuan “ Enge Zâwngte vak zet zet nu" ka tihchuan min rawn khawih a tum a ,a u zawk chuan a pawt lut vat .

Keini pawh lutin kan mu nghal than a ,Froy chu enin “ Jack an hmalam a pan ve thei tawh dawn niin I ngai ve tho em " ka tihchuan a bu nghut a ,“ A hun tawh viau a ni ,nunhlui hi in chenchilh tir reng a tha ngai lo ,a ni pawh a kum a kum a awm tawh a ,hmana Jackson mi hlim thei tak kha Judy hian a chhuahtir leh theih ka beisei " tiin a sawi duah a ,ka lo bu ve nghat .

“ An unau bula awm hi chuan tum loh dan deuha awm ziah a ngai a nih hi "tihpahin ka nui hak a ,Froy pawh chuti bawk ,an pipu uai ber khan rilru a la luah ,Vakharhi chu ngaihtuahin ka nuisak a ,tawngthei viau mah se a lawmawm viau thung sia ,ka mut a chhuah tan a vang chuan ka mit ka chhing a ,ka muhil zui nghal thuai bawk .

Zinga ka harh chuan Jackson pawh a lo awm tawh a ,pawnlamah ka chhuak nghal vat a ,a vawt nghal vur mai ,vur a tla hial nia ,ka kawrlum zu la leh in ka chhuak leh a ,midang pawh an rawn chhuak nghal sap sap ,mei chu kan chhawm tha a ,rawng kan bawl nghal sap sap ,unau thum te pawh an rawn chhuaka,an la ham buai buai zui,an mutkham lo hmel chu a nuihzatthlak em em zuia .

Jackson pawh Judy nen chuan an inmelh fuh chat a ,huh J & J a fuh phian mai ,Froy chuan min rawn nghawk zauh a ,ka en chuan “ Jackson dik tak a lang tan e " a tihchuan Jackson chu ka en a ,a nui vur vur reng ,hetianga a awm lohna hi a rei tawh hle a ,ka lawm viau bawk ,a hma kha chuan kan unau thuma harhvang ber a ni thin.

Hmingi a chan a tang ka sawi tawh ang khan a thinchhe em em ringawt ,tunah erawh chuan Judy te a vangin a mize ngaiah alet vat turah ngai ang ,chaw eikham lam chuan awm hahdamna hun an siam a ,keini unau rukte erawh ram lam panin kan inzui diah diah a ,mak titawk a min melh lah bo lo ,mahse ngaipawimawh lo chuan kan kal diah diah a ,Jackson chuan Judy chu a kai ngei bawk .

An hnungah keini kan inhnial char char ,hunthawl pek kan duh a vangin kan pensan a,kei leh Vakharhi chu hmun hran deuhah kalin Froy te pawh an pengkawi daih a ,ka hma a kal a tawng zet zet chu ka en ,engtin nge sawitur hi a hriatsen ni,ka hawi kual chhunga bo daih a vang chuan ka hamhaih viau “ Vakharh" tiin ka au a ,a reh det hnu ah “ Hetah" a rawn tihchuan ka hnuai lam ka en a ,khuarkhurum thuk vaklo ah a lo tla lut daih niin .

“ Enge itih" ka tihchuan a thinrim.hmel hle “ Enge ka tih i rin a Rokir " a rawn tihchuan ka melh ngur a “ I liam dawn maw min dawn lo ten I kal mai ang maw " ka tihchuan a huat hmel hle “ Zai awt awt lo Khan min rawn hruai chho rawh Hmelpawng " a rawn tihchuan nui suk hian ka pawt chho a “ He khuar teh hrep hi awm lo se ,kha sava kha ka man tur " a rawn tihchuan ka nuih hak a .

A la phun char char ,chutah a rawn au thuta ,ka taksa ah a rawn pakai nghal nawlh chu hamhaih zet hian ka en a ,ka lung lah chu a phu rang hle ,ka nghawngah a kut pahnihin a dawm a ,keiin a malah ka dawm bawk ,kan inen reng ,a lai nge a hmui a pet zauh a ,ka fawp nghal chawt ,a hmui chu a tawngtheih phulo in a nem ,ka duhthawh hle bawk ,ka nghawngah a dawm nghet sauh a .

Min chhang lawk lo ,mahse ka fawh rei takah chuan min rawn chhang let a ,ka dawm na ka ti nghet a ,leiah chuan ka thut thlak pui nghal zat ,kan infawp duhthawh hle ,a kekawr bul hak in a khuh loh chin a mal chu ka zut a ,a nal han bawk ,“ Romeo" a rawn tihsap chuan ka kuah nghet sauh a ,a taksa khur dar dar a tang chuan a zam hle tih ka hre thei ,a chalah chuan ka chalin ka tauh dat a .

“ Min duhve a mi " a rawn tihchuan ka nui chhuak hak ,“ Duhlo thei lo che in min siam miau a lawm " ka tihchuan a nernang a “ Anihchuan tinge Felyna te kha i hnaih vela " a rawn tihchuan a hnarah ka piai zauh a ,“ Ka hnaih hauh lo, an mahni in min hnaih zawk alawm " ka tihchuan a nernang a ,ka thawh chhuah pui zat “ Ih sawlai deuh ah sawn phul la hring tha deuh a awm a ,va kal ang " a tihchuan ka mit ka san uk a .

“ Nimin khan ka u te nen kan hmu a " a tihchuan ka zui ve mai a ,a tlan sawt euh euh a ,an mizia an thup ve tet tet lo hi thenkhat tan chuan an ngeiawm ve viau ta ve ang ,mahse keini tan erawh a tha zawk ,an nihna ang ang hian lang phawng phawng sela ,an rilru a chhiatloh chuan a tawk viau bawk ,phul chu kan chuang chhuak hlawl a ,a fal nalh bawk nen a remchang phian .

A thu thla thak a ,a kut ka hum chuan a laih hmel hle ,an unau hian an harhna phenah erawh ngaihzawng lam an la ngaihven lo tih a chiang hle ,tunang laiah naupang te te kum pawh la tling lo mah in bialpa ,hmangaihna tihvel an sawi piap piap ngam tawh ania ,a hmai chu a sen tan tan a ,a mit lian leh fiah zet chu ka en a ,min en tha ngam der lo “ I dang an phuar ta ami" ka tihchuan min rawn tin uaih a ,ka nuih hawk hawk.

Phulah chuan ka delh tlu a ,a rak nghal tung ,kan pahnih pawh chuan kan bengchheng hle ,ka nun hi a hlim,he hmeichhia tawngthei leh harh tha zet vang hi a ni tih lah ka chiang .

SENPARI (LALNUNTLUANGI )POV....

Kan thu ngawi ran ,sawitur ka hre hlawl lo ,kan bulah chuan tui a luang heuh heuh a ,sava an rawn hram  thin tihloh chu thawm a vang viau,ka bula mipa thu lah chu a tawng der bawk silo ,keilah taksa harh viau mahse ,ka unaute bul a nihloh chuan tawng tur ka hre ngai hauh lo bawk nen ka ngawi kar ringawt .

“ Kum engzat nge inih" a rawn tihchuan rang zet hian “ Sawmpakua " ka lo tivara,min rawn en in a nui a ,a mitmeng hi an unauah pawh a lian fal deuh bik a ,chuan a mawi ka tihchi tak a ni bawk “ Hrilh duh che ka nei a " a rawn tihchuan ka ngaihven nghal hle “ Ih........" tiin a thluk fan ruih a ,ka en ve reng “ Min lo en reng kher suh min tizam " a rawn tihchuan ka hawi sawn a ,ka kun ngar .

“ Ka duh che ,in ngaizawng ve ang " a rawn tihchuan ka nui chhuak lo chauh,a mi bem dan chu ,a zeilo tihpiah lam a ni “ Min duh ve in ka hria a ,chuvang chuan min chhan kher pawh a ngai lo ,ka bialnu i nitawh " a rawn tihchuan ka nui khur dar dar ,“ Min nuih suh " a rawn tihchuan ka nui chhuak nghal hak hak a “ I va zeilo tak" ka tihchuan a tukkhum hiat nauh nauh hian .

“ Ka hmeichhe bem hmasak ber inia " a rawn tihchuan ka nuih sen sen a ,a awmah chuan ka va bei nghal thak,bialnu a nei ngai lo tih a sawina angah ka ngai nghal hmak bawk ,ka samah a lo chul hliau hliau a ,ka nawk nghal talh talh,lui kawr bul lungpui chungah bul kan tan chu a ni sia ,a letling zawng emaw zawng lo emaw keichuan romantic ka ti ngawih ngawih .

Ka mutchhuak nen ka ham bai bai a “ Mu rawh ,ka lo veng ang che " a tihchuan ka mit ka chhing nghal diar diar a ,ka taksa kang delh delh chu ka hria ,mahse ka meng peih tawh lo ,nizan kan ute kan bihthlakna lamah mut ka kham lo takzet ,thum hak chu ka hria a “ Unau thum ve ve te chu in inngaizawng a nimaw " tihri ah chuan ka mengchhuak a ,min pua tih ka hriat chuan ka awm tha vat .

Kan kalpui te ho chuan min en thap a ,sir chhip free a pawh tiamin chutah “ Zirlai naupang in la ni a ,a lang a paua inzui loh tur" a rawn tichu kan ngawi thap ,mahse ka nau chiah chuan “ Sir sawi duh suh nangpawh miss nen khitah" a tichiah chu sir chuan “ Lalhruaitluang sawi suh,in ngaizawng su pawh ka tihloh kha " a rawn tihkhalh zung zung a ,midang chu an lo nui dar dar a .

Miss leh sir chhip free a chu an hmai a sen dun viau, Jackson leh Judy pawh an lo ngawi reng a ,mahse an kut chu a la insuih chial ,keipawh chu Froy chuan ka kut a rawn hum a ,ka en chuan min lo nuih suk a ,ka nuih let ve mai ,kan naute pahnih chu an lo inhnial leh tawh “ Hmel lukir " pakhat in a ti pakhat lah in “ Zawng ang zik zek " a tibawk ,he mite pahnih awmna hi chu a reh rei thei thlawt lo .

Mi dang hlim viauna karah chuan Felyna te thian ho erawhin min melh rum tha viau mai ,a awm lo lem lo ve,min er sa mah tihlaia ,tunah an mipa duh ngawih ngawih kan lo nihpui ta daih sia .

Inah kan haw tawh a ,keini ho pawh kan hlim tawh viau ,kan en thlak lah an ngai tawh hek lo,chuan vawiin hian an inah chaw ei turin kan kal dawn a ,ka huphurh rualin ka chak tho bawk ,kan unau chuan jeans kekawr vek kan ha a ,t shirt dum nen ,sneaker var kan bun bawk ,kan inang tlang viau ,kum inzawna piang kan ni bawk a ,lian fal kan awm lo hle ,kan phur lutuk chu ka pa chuan min en leh run run thin.

“ Engtin nge duhtu in hmuh theih ni ,in â si ka fate in ni tih pawh hi ka ringhlel tep a ni " a rawn tihchuan kan nui hak a “ Don't worry our father ,I fanu te hian Aizawl mipa chhelo leh lar thah kan nihpui a nia ,inchhuang hle zawk ta che ,I fanu te hian mipa chhelo leh an mahni ang maia harh alawm an nihpui" Thenrengi  chuan a ti a ,vakharhi nen kan lo bu nghauh nghauh .

“ A tu hi nge inchhun ang aw ,bei hi inti dawng hluah hluah tawh mai ,ka fanu te chu inni tak sia ,in bialpa te hian an hrechiang meuh cheu maw " a rawn ti leh hram a “ Ka pa James lungngai suh kan tihkha ,beidawng lo a bei tang tan tu chu a hlawh tling thin tihkha hre phawt la ,nangpawhin i sawi fo kha ,beidawnna kan neih fo chuan kan tlu hma thin tihkha ,mahse chu kan beidawnna kan hneh thung erawh chuan a tawpah ropuina lallukhum kan khum thin.

Beidawnna in a chim tawh mihring chu a ding chhuak mai mai ngai lo ,chuvang chuan beiseina eng neih luiha ,hmalam pan luih thin tur i tihkha ,tinge a thusawi tu ber I beidawn a ,I fate hi kan beidawng ve hleinem ,kan beidawnlohna rah chu tunah hian kan neih mek hi " Vakharhi chuan a ti zet zet a ,pawn lama bike ri kan hriat chuan kan ding diala ,kawngka a kan mipa pathum Chhelo em em te lo lut chu kan en thap a .

Ka pa mak tihmel lah chu nuihzatthlak hian ,ka pa chu an buk khum zauh a ,kan lam rawn panin Jackson chuan “ In hman a mi " a rawn tihchuan kan lo aw vat ,kan inzui chhuak a ,ka pa chu ban kan vai khum lauh lauh a ,thaw hawkin min en vung vung ,nuih hi a za thin,a fanu te nungchang a en hian a lungawi thei meuh lo chu a ni.

KTM a dum vek an rawn keng a ,an helmet full face chu an khum nghal thap a ,an va han pa hluah hluah tak ,a bikin Froy hi ka hmu pa zual ,a lu a bial deuh bawk nen ,a mitmeng a fiah bawk a ,a hmai lang thei chhun a a mitchuan min rawn en a ,ka chil ka lem dawk ,an lian bawka an inrahkhalh pha hneh viai viai hle ,ka lawn kai a ,Vakharhi te pahnih chu an tlanchhuak phut a .

Vakharhi au rawng rawng chu a ring viau,kan hmaah Dindena te pawh an tlan a ,Frozya kawngah chuan ka kut rawlhin a hnungah chuan ka bei nghal than a ,a dul thep zaih leh ruh deuh tangah chuan a pian nalh tur zia ka hria,ka lung hi a awi veng veng mai a ni,bialpa Chhelo deuh neih hi chuan kan hmai hi a uang vah zel .

In lianpui kawtah chuan kan ding thap a ,Rokira leh Vakharhi chu an inkek mial mial a ,kan en tawp ,a hma kha chuan he in hungchhung luhruk Dan kan zawng thin kha a nia ,tunah chuan a ruk lo in kan ding ta thap mai,an compound zau Dan chu a rapthlak zawk ,kan ui chhuih ngei chuan min lo en a ,min la hria a ni ngei ang ,kan naute pahnih lah chu an la insual nasa ,Romeo chuan a khawih let lo a ,Hruaitluangi chuan a samah a la kek ngat ngat thung.

Romeo lah samkir a lo ni nen a na duh phian ang ,“ I nau chu kawlh hle mai ,kan unau zinga zaidam ber a kawp hlauh chu a vannei a nihsaw " tiin Froy chu a nui huk huk a ,ni  e Romeo hi a fel ang tih ka ring ,kan hmuh a piang hian nui hmel a pu sang reng a ,kawngka a rawn inhawng a ,nu pakhat a rawn lang nghal “ Ka nu" ka bengbulah a rawn tisap a ,Hruaitluangi lahin Romeo kawnga a ke kherhin an la inpawt kun ngur bawk si ,kan mark a chhe vek dawn takngial 

Kan bialpa te nu chu Romeo te bulah chuan a ding a ,Thenrengi nen in enin kan ner kan ner tawh ,hrilh chi an ni tawh der silo “ Rokir I sam hi ka pawt kawlh vek dawn ,I hria em ,tlanmuang rawh ka tihkhan tlanmuang la a tha tur " Vakharhi lah chuan a la titak deuh deuh ,an nu min ngaihdan tur ngaihtuahin ka rilru a hah lawk “ Ehe helai mite pahnih chu an va in ngaiawm ve " a tihchuan an ni  pahnih pawh an tawp chawt a ,ka nauin Romeo te nu a hmu chu a chhuk thla nghal vat .

“ Nu I monu tur hi a infit khawp mai ,a chhun viau che in ka hria " Rokira chuan a ti a ,a nu chu a rawn nui hawk hawk a “ Tiru lut ang u ,chaw ei kan peih tawh a nia " a ti zung zung a,zam zet hian kan lut a ,Vakharhi chu kan hau pah bawk ,an inchhung zau dan chu pui tak a ni,keini pawh kha a lian pangngai viau a nia ,an ni inphei chu “ Wow" a ni tawp mai ,awmpui panga lai an la nei zui .

Sitting room lamah chuan kan inzui a ,Pa Rinpuia lo thu chuan min lo nuih sang a“ Ka fanu tur te ho pawh an lo thleng ta e ,inril a tam tawh em " a tihchuan kan lu kan thing vat a ,kan thu thla a ,chanchin kan inzawt mawlh mawlh bawk ,pawnlam ka en chu infiamna tur ka hmu pek a lawm “ Nu Muanpui ih pawnah sawn kan kalthei angem" ka tihchuan “ Tehreng e ,va kal rawh u " a rawn ti vat a .

Kan unau thum chuan kal chhuakin ,pipu leh naupang infiamna tur a an dah,tawlhtawnal velah chuan kan awm kual ta tehreng a nihkha ,kan bialpa te lah chuan kut kuangkuah thapin min en a ,keini lah kan chekual zawk zawk ,infiamna tur a awm tawh hi chuan kan insum zo ngang thin lo ,ball chu kan inchuh kual a ,kan rak tung mai .

“ Inchau tawh ang,duhtawk ula " mipa ten an rawn tihchuan kan en ha a,an lo thutak hmel phian zui ,kan thiltih hnawk chu dahtha in inchhung lamah kan lut a ,chaw ei an lo siam mek tih kan hmuh chuan puih kan tum chu an phal tlat lo leh nghal a ,chaw chu kan ei a “ In ina ka rawn kal tuma ,inthusawi kha ka la hria ania " Pa Rinpuian a rawn tihchuan.

“ Awi a a ho tawh lutuk,tunah chuan kan zuiruk an ngai tawh lo a ,keichu ka thaw veng hawk mai " Thenrengi chuan a rawn ti a ,kan in anga kan awm mai chu a inthlahrun awm deuh “ Tumaw Raven pet tu kha " a rawn tihchuan ka unau te chuan min kawk thap zui ,an va zak lo tak ,Nu Muanpuii chu a rawn nui hak a “ Karkhat chhung a tla chhuak thei lo " a rawn tihchuan ka zak lutuk chu ka kun daih a .

“ Nu khatiangin Nuntluangi chiah hi tisuh,an ni pawh kha an tel ve" Froy chuan ka thlavang hauh tak hian a lo ti a ,a nu chu a nui mai a “ Aw kan fiam ve a lawm bawiha ,bialnu neih vanga lo thinrim hlur kha a ngai miah lo ania ,chubakah I nu hian a anpui a zawng mai a lawm " tiin min rawn en a “ In unau thumah hian ka nulat lai tam tak ka hmu,keipawh hi eng hun leh hmunah pawh Khan a thawveng ber ka ni thin a.

In pa Rinpuia pawh hi ka Chang lo tep a ,mahse ka zunin a lo phuar bet nge ,ka kalsan tur duhlo in min ru hmiah a lawm "a tihchuan kan nui dar dar a ,an fel takzet