TRIPLEX LOVE CHAPTER 3

TRIPLEX LOVE 

CHAPTER 3 

FROY ZOHMINGMAWIA POV....

Zanlamah chuan buk tualah meipui kan chhep a ,kan ai thap ,kan section ami zawng kan ni bawk a ,kan tam lo viau,kan hmazawna unau pathum te chu kan unau chuan kan en thap a ,an ni erawhin min ngaihsak lo lek hian an unau chuan an phone inhmuh in an nui leh hak hak thin a ,Felyna te nen an intihbuai a tang khan min zui ruk an ching tawh lo a ,class ah pawh min thlir tawh hek lo .

Samsen ka ngaihven deuh ber hmui sen no chek tho chhuak ka hmuh chuan ka tho chhuak ve nghal vat a ,ramhnuai lam a pan chuan ka zui ve zel ,a zung dawn a nihringin a failaiah chuan ka lo nghak a ,rawn ri phei rawk rawk ka hriat chuan ka pan hnai vat a ,ka awmah a rawn beithlawp rual chuan ka lung a phu nghal dup dup ,“ Thlahrang thawm ka hria " a rawn tihsap chuan ka kuah bet nghal vat “ Ih ka bul teah a rawn kal a " a tihchuan ka nui nghawr dat .

“ Sihal vel a niang thlahrang a awm I ring a mi ,ka awm hi engmah hlau suh" ka tihchuan a thaw huai reuh a,ka en thlak chuan mei eng in a hmel a chhun chu ka thlir reng ringawt ,a sam a sen thang a ,a vun ngo leh no zet chu a chhung eng sar bawk ,ka kun hniam ruai ruai chuan a khawng deuh awt a ,“ Hahchhiu " a rawn tihchuan ka thiltih tum pawh ka chawl nghal dat ,a hnar chu nuai nak nak in a awm sawn a 

“ Ka lawm e Frozy " a rawn tih rual chuan a tlansawn nghal nal nal a ,min kohdan ka ngaihtuah chuan ka nui hak ,Frozy a nalh lo lem lo e ,ka let phei ve a ,ka unaute pahnih chuan min lo en reng ,ka mit ka San khum uk a “ Lerh loh tur ,nula an um duang duang ngai lo " an rawn tihchuan Romeo chu ka en a “ Tlailam khan tu emaw te pawh tlang hmawrah an in bawh in ka hria ,laikhum a hman an tum a maw ni" ka tizauh a .

Romeo chu a rawn tawng nghal zat zat bawk ,in rual vek mah ila ,Romeo hi a naupang chhia. deuh ber thin bawka ,keini pawhin kan tilui peih ber bawk “ In va lerh e aw " Jackson an a rawn tihchuan kan nui hak hak a “ I chhailai di tur saw bem vat la anihmai chu ,I ngaihven reng tho sia ,inlak pa vel angai lo " kan tihchuan a bula lung nawi chuan min vawm zauh a ,kan nui dar dar .

Kan unau ang chiah te saw kan duh ,mahse an mizia harh zet erawh chuan buaina min la thlen fo ang tihchu kan hria ,mahse tunlai tak hi an harh vak lo chuan a hriat,he college kan luh hma a tang hian an unau chanchin chu kan hre bel hneh hle a ,ka nu leh pa pawhin an lawm.viau anihkha ,ka nu lah a nulat laia vengkhat nula harh an tih thin kha a nia ,Nuntluangi te unau chanchin a hriat a tang khan a ngaina nghal em em a nihkha .

A chhan pawh ,hmeichhe ngawichawi a ruka sual deuh ai chuan ,hmeichhe harh vang ,fiamthu duh em em hi mo a tan chuan an tha in ,an bula awm pawh a nuam ,an rilru a sual ngai lo chawk a ti thin a nihkha ,teachers lamin mut a hun an tih a vang chuan kan riahbuk theuh ah kan lut a ,ka luh hma chuan ka hawilet zauh a ,samseni lut tur rawn hawi let nen chuan kan inmelh fuh a ,mengkawkin a lut nghal nal nal chu khi suk hian ka lut ve nghal a .

Ka unau te pahnih mu chu an chungah ka delh nghal awk a “ Zohmingmawi ,mawl mawl suh I rit ropui si" an rawn tihchuan nui hawk hawkin an inkarah chuan ka mu nghal zauh a .

“ Le vawiin a tang a ram vel hi kan fang tan a nga ,teamin kan kal.anga ,hmeichhe panga zel mipa pathumin kan ho ang" sir chhip free a chuan a ti lang lang a ,kan unau thum chuan inkawp in ,felyna te thiandun leh Nuntluangi te nen chuan kan kal ho a ,a changa an inmelh leh ngur thin chu kan hmu reng,mahse buaina em chu a la chhuak lo ,engvanga in haw em em nge an nih erawh kan hre hauh lo thung “ Senpar ,Vakharh ,tiru keini chu kalsawn mai ang u ,mi chance nei tur kan tibuai ang " pakhatin a tihchuan Jackson chu a rum nghut a .

“ Kal mai mai rawh u ,ramhnuai a nih hi ,hmeichhia in nia ,ramsa pawhin a sehin a pubo thei che u " a tihchuan hmeichhe pathum te chuan an hlauh hmel loh hle ,Felyna chuan “ Induh duhna ah kal rawh u ,a pawi hleinem" a tihchuan Judy chuan “ I sawi aiah kal tlang leh dial dial ang u hmiang,varak kan kal pui bawk a ,a anpui sa eitur pawh a awm mai thei a sin,ka ril a tam riau sia ,sap ho ang khan an sa te kan ei hlauh dawn a nia " a tihleh chuan Romeo nen kan lo nui khur char char tawh .

Felyna lah chu a mengphar awk awk leh nghal “ Mihring pawh inni lo " a tihchuan Vakharhi an tihchuan “ Ni nang kan unau thum hian hringei a lawm kan nih,chuvang chuan a lawm thinglawn te kan theih em em ni,I sa pawh Kha kan eilo ang tihpawh a sawi theihloh" a tihchuan Felynai te thian dun chuan kan unau thumin min rawn hnaih nghal rawk rawk a ,Jackson chu a ngawi ngar a ,ani hi chu tawngtam chi a nilo a .

Tawngthei deuh bula awm phei chu a ning hle thin “ Ngawi rengin kal rawh u,buaina siam tur a awm kan nih loh hi ,buaina insiam dawn ai chuan nangmahni in kal mai rawh u" a tihchuan an zinga upa ber bawk chuan “ Ni e ,triple girls te chu kan lo kal kiang ange ,tikhan in chance a ni mai ,khai le k3 kal ang u le  ,kan tibuai a nih chu " tiin thlang lam kan kallohna lamah chuan an kal diak a ,Jackson chu romeo nen chuan kan en a .

Ngawi rengin an kalliamna lam.chu a en ve vung vung,an hlauh a rin berte khan hlauhna neilo lekin ramhnuai pilril lam an pan chuan mak a tih tir te pawh a niang ,“ Kal ang u kan let har lutuk a nge " tiin hma a hruai a ,ngawi reng chuan kan zui a,kan hmeichhe hruai pahnih lah a falin an kal ngam tawh der lo ,thui fe kan kal hnu ah hmeichhe au ri kan hria a ,kan ding nghal dat .

“ Buaina an tawk a nih ka ring " Romeo chuan a rawn ti a ,keipawh chu ka bu nghal nghal ,Jackson chu a lu dawmin “ Luhlul lutuk Felyna camp kan hnaih tawh tho a ,lo va kal mai ta che u ,a hlauhawm tawh loh midang an awm vek tawh ang ,keini pawh kan rawn let har lo tur ah ngai ila ,midang kha chanchin in lo hrilh mai dawn a nia " tiin hma a hruai a ,kan zui ve nghal vat 

“ Hetiang em ema ,hmeichhe luhlul ka la hre lo ,an harh si an luhlul si " tiin Jackson chu a phun mawlh mawlh a ,a mah mizaidam chu a nilo nen ngawi rengin kan ngaithla a ,a ngawi chawi em em chung hian hmeichhia a hip thei em em thung,Romeo nen chuan kan innuih leh ngawt thin,a ngaihtuah tih hre reng mah ila,a sawichhuak duh hauh lo thung a ,ni a tla tep tawh nen a ngaihthatthlak duh vaklo ,helai hmun phei chu a la ngaw a ,sakei tihvel pawh an la awm hial ang chu .

Thawm a reh tak daihah chuan an awmna kan hre silo nen ,kan ding dat a chutah kan thlang te a “ Kha keimah Judy Rosangliani Badi badi boooooooo"ti a au luah luah chu hria in kan chhuk thla nghal vat a ,kan thil hmuh a vang chuan Romeo nen kan pum dawmin nuih rin hlau si hian kan dir ngat ngat a ,Judy pipu uai luah luah leh ,a naute pahnih hruia ,mu a pakhat vak zeih zeih chu kan thlir thap a ,inkhualtelem tih hriat lutuk,an awmdan chu zawng chiah chiah hi an ni mai 

Jackson erawh a tum hmuk a ,Judy rawn inthen let chu a lo man nghal chawt a ,a hruiin a pawt na leh si chu an pahnih chuan hmalamah an bawk thla thlawpa,Romeo nuih insum thlarau thawkna ang maia che khur dawt dawt chu ka sawi nawk a “ Khawi teh a za laklawh " tiin a nui che dawt dawt a ,a hmai a sen vek tawh ,Nuntluangi leh Hruaitluangi chu an rawn chhuk thla a “ Nui thre reng lo khan buaipui ta che u " tiin kan unau te pahnih la inbawh reng chu an pan a .

Romeo chu nghawk zauhin kan pan thla a ,kan thil hmuh a vang chuan kan pali chuan kan ding thap,an lo indut ngar ngar chu kan en reng “ Uai u enteh ,an indut hnai e " tiin Hruaitluangi chuan a rawn tichhuak phawng a,pahnih te pawh inthlahin an tho chhuak vat a ,“ Ngawi mai mai ru ,kan indut lo accident thil liau liau a nihkha " Judy chuan a rawn ti nghal zat a ,Jackson erawh a ngawi ngar thung .

“ Thenreng i hmui virgin a hawng hmasa ber ania " Samseni chuan a ti a ,kan lo nui hak “ Ngawi mai mai teh u ,ka hlap ang cheu " an u berin a tihchuan an la nui reng,Jackson chu kan pan a “ I tha em bro " kan tihchuan “ Tha" a tihmuk a ,ka nuih a za ve tho nen nui dawn ila Jackson a thinrim dawn bawk sia ,ka insum ngar ngar ringawt “ I hmui chu hmeichhia in an fawp ta " Romeo'n a tihchuan “ Ngawi mai mai teh" a tihluk a .

“Kal ang u khua a thim dawn " tiin hma a hruai a ,“ Ka kal thei lo " tihri rawn chhuah a vang chuan kan ding leh thap “ A ke a na a nih hi " Nuntluangi chuan a rawn ti a ,kan hawi let a ,a ke rek vel chu a lo duk a,Jackson chu ngawi rengin a let a ,a hnung a dawh nghal run “ Ka duhlo ih ka rit lutuk" pakhat lahin a lo ti bawk “ Lawn mai mai teh ,ka awm pawh chenlo khan ka rit chu tilo mai teh ,a tlai zel a nia " dawhtheilo lutukin a tihluk a .

Anipawh a lawn ve nghal.mai ,“ Kal ang u " tiin hma a hruai a ,a hnungah muangchang chuan kan zui a ,kan bula hmeichhe kal pahnih lah an phun leh sep sep thin “ Awi a ,ka kal peih tawh lo hetah ka riak mai ang ,ka ke ana " Samseni chuan a rawn ti a ,a nau pawh chuan a thlawp ve nghal zat “ Kal mai mai teh u ,ramsa in an put bo cheu in duh loh chuan " ka tihluk a ,khua a thim deuh chhulh tawh bawk si ,an mahni vangin hmun hla kan la kal phah leh nghal.

“ An duhleh min pu bo daih sela ,pasalah kan neih nghal loh,nichinah pawh sihal kha ka um tep ani " a naupang ber chuan a rawn ti a ,Romeo chu a lo nui huk “ In in ang tak tak a ni ,lo va zui la " a tihchuan a rawn melh hrep a “ I lukir thuah riat kha a nihchu ,sakuh lu a an tehlul nen " a rawn tihchuan Romeo chuan a pan vut a ,ka dang duh lem lo ,hmeichhia kut kan thlak ngai miau lo a “ Ka sam kir hian a hip viau che in ka hria ,in awmdan hi puak in ngen in ka hria ,khatia thu vel lo khan ,min lo pua apa ,te ti mai ula." a tihchuan an inmelh rum tha viau .

“ I duh phawt a hnu ,min lo pua apa " a tinghal zat a ,Romeo pawh chu engmah sawi tawh lo in a hnung a dawh a ,naupangtei chu a lawn nghal zat ,keipawh Samseni zawnah chuan ka thu thla a ,a ni erawh lawn tum hmel a pu lo “ Hmanhmawhla ,midangin min ngaihtuah ang " ka tihchuan muangchang hian a rawn tho a ,a ni hi an unau thum ah ro ro pawh ,a harh lo chu ka tilo nangin ,a harh dan a zia awm berin ka hria .

Ka hnunga a rawn lawn rualin nui sukin ka thawh pui a ,kan hma a inhnial phei bawrh bawrh te pahnih chu kan zui ve vat,Jackson te erawh an hmuh phak tawh loh thung a .

THENRENGI POV....

“ I hah tawh ang ka lo chhuk dawn a mi " ka tihchuan a ngawi reng a ,hepa hi chu an unau ah ro ro chuan a nelawm loh bik ngawih ngawih,a perfume rimtui zet chu ka hip lut leh hak thin,a thlan luang ka hmuh chuan ka hruk sak a ,min rawn en nghal vut ,ka lai hle ,ka pipu uai lah kha tikhan kan infawp ta sia ,Felynain hria se chuan a lawm lo hle ang le .

Kan naute lah an rawn lang har phian leh nghal ,an inhnial leh lawk nge ni ,“ Ih tihpalh I thlan nasa lutuk a " ka tisap a,a bula ka awm hian ka thawvenna zawng zawng kha an bo vek ,chubakah mi'n hah takin min pua a ,lo thawven em em kha ka inthlahrung ve det ,kan kalna chu a hnim deuh leh ka lo keu sawn ve zel a ,tlem chuan ka pui thei a ,ka ziaawm deuh,thawm kan hriat takah chuan camp kan hnaih tih ka hre nghal mai a 

Ka nui nghal sak ,pik chu kan kal chhuak a ,midang ho chuan keini pahnih inpaw chhuak chu min lo thlir thap a ,a zahthlak hle “ Aw haw ,in intina a mi " sir in a rawn tihchuan Jackson a chuan min dahthlak pahin “ A ke a bilh palh a " tihzawng sawiin a kalsawn a ,lawmthu pawh ka sawi hman lo ,ka thu thla a midang chuan min rawn buaipui vat a ,kan naute pawh an rawn inpua ka hmuh chuan midang pawh chuan an hmu ve vat a ,an la khuh kharh kharh zui .

Ka bulah an rawn thu phei nghal a “ Tinge in inpuak tir ve kher a " ka tihchuan “ Nge kan ke a kham alawm ,chubakah an lian tho a ,keini tetakte kan ni bawk nen kan rit vak lo ang " Vakharhi zawk chuan a ti a ,Senpari erawh a ngawi kar a ,Froy lam chu a melh vung vung ,he nu hi a zunah a uai belh tih chiang takin ka hria ,keipawh chuti tho ,min ngaihsak hluak angin lang lo mahse ,an rawn let ringawt pawh khan an lakah min ngai pawimawh ve a ni tih min rin tir .

A tlai tawh a vangin muturin kan lut a ,kan mu nghal sang sang ,mahse zan reh lamah chuan ka ke na chuan min tur at at mai,ka mu thei tawh lo ,pawnah ka puansin tur kengin ka chhuak a ,tent bulah chuan ka thu mai mai a ,perhpawng hram leh muchhia vel chu an hram a ,muchhe hram chu a hlauhawm lam deuh chu a ni e ,ka bengah chuan ear phone vuahin ka ngaithla a ,ka puan chu sin hlanin ka ke chu ka hmet leh zauh thin.

Arsi lang tuar chu ka thlit a ,ber thla kan chuang kai ta bawk nen arsi chu an lang tam tawh hle “ A mawi lutuk" ka tichhuak sap a ,ka en reng,arsi thlawk ka hmuh phei chuan ka au chhuak thelh ani,kan meichhem chu tlem tlemin ala alh che che a ,a vawt tur pawh a veng viau,thawm a rawn awm a ,ka hawi phei vat ,Jackson a rawn chhuak tih ka hmuh chuan ka meng deuh kawk a ,enge a rawn tih dawn le .

A muhil thei biklo a nih ka ring ringawt,tawng lo hian ka bulah a rawn thu a ,ka lo ip chawih,“ I mu thei lo a mi " ka tihchuan a bu nghut a “ Nang teh tinge i mutloh " a rawn tihchuan “ Ka ke hi a nuam thei lo a ,ka muhil thei lo " ka tihchuan ngawi reng hian ka ke chu a en a ,chutah a kut lian leh lum vung vung chuan a rawn hmet a ,ka lo si hlak hlak a ,a rawn nui nghal suk .

“Vawiin vang Khan ka lawm e aw " ka tihchuan “ A ho lutuk " a rawn ti a ,ka thaw hak ,a bula awm hi chuan ka tawngtheihna an bo vek zel ,ka naute pahnih awm se chuan sawitur an hre dawn a sin le ,a rawn thu tha a,a vawt bawk nen ka puan chu pe in “ I sin ve duh em " ka tihchuan tawng lo hian a rawn sin ve a ,puanchu a lum nghal.huk thei in ka hria ,ngawi rengin vanlam chu kan en a .

“ Mi an thih hian arsi a an chan tak tak hi I ring ve em " tiin ka en a ,a lu a thin chuan mak tizetin ka en a “ Thawnthu mai a niin ka hria ,an thih tawh chuan pian nawn lehna a awm tawh lo a ,leia an hmangaih an kalsan takte an hre tawh ngai lo bawk ,arsi hi chu khawvel pian ken a ni a ,a awm reng dawn mihring te erawh ,thi a tho leh tur kan ni a ,arsi ah chan chu an inring theuh ang ,mahse tumah hi arsi a an chan ka ring lo .

Chuti nilo se chuan tunah te hian ka zawnah a eng ngei awm sia " a tihchuan a thusawi awmzia hre lo zet hian ka en a ,a rawn nui hak “ Mu tawh rawh a vawt si a ,i dam lo ang " a rawn tihchuan ka lu ka thing mai a ,“ Ka mut a chhuak lo ,nangmah kha va mu rawh ka tho hmasa zawk " ka tihmak a,sihal rawn u thut a vang chuan ka phu nasa lutuk chuan ka va ngheng hnai dawt dawt a.

An hram hi a rapthlak thei bawk si nen ka tha an tikhur “ Hlau suh ,ka awm hi " a rawn tihchuan ka kuah nghet sauh a ,ka beng chu a kut pahnihin a rawn hup a ,a awmah chuan ka hmai ka phum tlat bawk ,ka ngaihtuahna erawhin ka khi vur vur ,“ Mission A ka zo ta " tihchu rilru ah a rawn lang a ,ka pawm thei te chu ka hlim em em ringawt mai ,min kuai dak a ka hawichho nghal ha “ An awm tawh lo a mi " ka tihchuan a aw a,ka awm tha nghal vat .

“ Ka lawm.e " ka tinawn leh a ,ka hmai bula a rawn awn chuan ka lo en reng,a thaw lum hak chuan ka hmai vawt thlar chu a rawn thaw lum nimai hian ka hria ,ka chil ka lem dawk a ,ka hmui a rawn dai chuan ka khawng awt tawh ,Lalpa leh!min fawp ,ka mipa star ruk em em in tihpalh thil pawh nilo in min fawp nia .