TRILPLEX LOVE CHAPTER 2

TRIPLEX LOVE 

CHAPTER 2 

BY MAWITEI BAWITLUNG 

SENPARI POV....

Awi ana e ,an ni khan min hria a nih in ring ve em ,keichu min hria a nih ka ring ,min endan te kha " tiin ka u leh nau chu ka en a ,ka tlakna chu ka taksa a na thum ,kan harh lutuk hi chu siamtu Pathian pawh hi kan lakah hian a beidawng mai thei ani “ Ka hrelo kei chu ,min nuih nasat Dan kha kan tlanchung pawh khan ka la hre pha " Vakhari chuan a rawn ti a .

“ Ka awmsu te kha an hmu awm sia " Thenrengin a rawn tihchuan kan nui hak hak a ,pakhat mitmeng lian ber ,a melhna in a min ti mur sung sung zel kha ka ngaihtuah a ,asam buangthang leh a mithmul mipa mithmul nilo a hmeichhe mithmul pir sang te kha a inhmeh dang dai hle a nih kha ,an hma a kan thut a ,ka hawi let ruala min lo en ve reng ka ngaihtuah chuan ka sa pup pup ringawt .

Inah kan haw a ,ka nu leh pa leh mi thenkhat an lo inkawm khawma,damdawiin kan nei a ,a hlawk hle bawk a ,kan khawsa thei ve viau bawk “Lo thu teh u " ka pa in a rawn tihchuan peihlo zet chuan kan thu phei a “ Hei hi nangmah ni enkawl tu tur cheu an nia ,pakhat hi pastor a ni a ,pakhat hian a pui bawk dawn a ,an thu in awih hle.dawn ania " a rawn tihchuan duhlo zetin kan unau thum chuan kan ding chhuak a .

“ Enkawl kan ngailo ,ka pa min enkawl peihlo a nihchuan kan unau thum hian in min leisak la chutah chuan kan awm a ,i duh leh pastor chu nangmahin in hrawn tir mai rawh I mamawh ber ,keini chu sual thupha chawiin ,a thisen in min tlan vek tawh ,chubakah naupang te chu Pathian pawhin a lawm thin kha,puitling tak tak kan la nilo a ,chuvang chuan kan tha ,Isua pawhin heng mite berte ka lawm anga lawm lo a piang vanramah an lut tawp lo ang a tihkha " ka u chuan a tiduah a .

Father Chu a mengrum leh tawh hle ,keini lah hian kan hlau hauh silo hi a buaithlak thin “ Pu Pastor kan zahloh angah che ngai lo la ,hei a hunah chuan kan harh lo ve mai ang ,kan pa hian kan tleirawl thawven hi a hrethiam lo thin a ,mahse nakinah chuan kan reh ve mai ang ,tunah rih chuan kan la lungawi tawk e ,enkawl kan ngai lo ania ,a tul leh ka pa kha Pathian thute lo hrilh ula ,keini chu kan ngaihtuah awm loh ,ka pa kha Abrahama pa zawt teh a hre miah lo ang ,kal ang u enkawl kan ngai rih lo " tiin ka u chuan a sawi zawma .

Inchung lamah kan inzui chho thap bawk ,roomah lutin kan inthlak a ,ka taksa na chu ka chum leh dat thin,an rawn nui ri vang khan ka lo inring lo nen ka tla ta kha ania ,hahthlak thin ,a zahthlak bawk min hmu vek bawk si a ,ka ke chu ka tawm tawn tawn ringawt ,“ Vawiin chu lengchhuak lo mai ang u ,ka chau in chauh ve tho ka ring " kan Uber thenrengin a tih chuan kan pawm viau ,ka vak peih tawh thlawt lo “ Ninhleiin tawpeng a nei " an lo tihchu a dik viau in ka hria .

Ka khumah chuan ka mu thla thlawp a ,ka chau lutuk ka meng peih tawh thlawt lo “ Senpar mutthilh I tum ringawt ange " an rawn tihchuan “ Ka chau induh leh ka mutthilh hnu ah ka mit inlo phen mai dawn ania " tiin ka muthla thlawp a ,ka mitchhingin ka muhil nghal chu a nimai .

Ka taksa kang chu ka hria ,mahse ka meng peih chuang lo “ Awi enge intih ,kha awi Lalnuntluang harh teh ,awi inzawn chi a ni mi " tihri chu ka hre rei ruai a “ Lalhruaitluang ,Rosanglian in unaunu kha kai tho rawh u ,chaw eina ah tumah an inzawn ngai lo " ka nu in a tihchuan ka unau te pahnih chu an nui hak hak a ,ka mengchhuak chu chaw eina dawhkan bulah ,pakhat in ka ke a tanga zawnin pakhatin ka zak a tangin min lo zawn bawk .

Ka tho chhuak a ,ka mit ka nuai nghal nawk nawk ,ka pa leh ka nu kan mawl an tih vang nge ,beidawn hmel ngawih ngawih hian min en a “ Awi engtin nge Pathian pawh hian fa mawl tak tak vek hi min pek bik ni" ka pa in a tihchuan “ Tha ve leh mai ang ,pa lungngai suh I fanu te hi i phu tawk chiaha siamtu in a pekah che ngai rawh ,siamtu hian kan kawppui tur te ,kan chhungkua tur te hi kan mil tawk tawk te hian ania min pek thin.

Nangpawh I tlangval lai khan vengkhat tlangval tawngthei award I dawng tih kan hria ania " Thenrengin a tihchuan ka nu zawk in a mitmeng in a lo khap a ,“ Ngawi mai mai teh u ,keiai I nu hi a harh in a tawngthei zawk" ka pa in a rawn tihchuan “ I zaklo nang fe tunge school a tawngtheih award an pek kha " ka nu pawh chuan a rawn ti ve a ,ka pa lah tlawm duh lo an in hnial ta par par a ,a tawpah ka nu chu a beidawng nge “Ka peih tawh lo chak mai rawh ,nangmah kha I tawng thei " a tihchuan “ Ka lawm e " ka pa in a ti a .

Ka nu thusawi a hrethiam lo tih kan hriat a vang chuan kut kan lo beng dar dar a ,“ A pa chu kha i tawngtheih i pawm ta a ni maw" tiin ka nu ho chuan kan nui dar dar a “ Eng a Lalnunkim " tiin ka nu chu a ena ,ka nu lah in a lo ngaipawimawh duh tawh der lo ,“ In nu fa za hi in lo inchhun ber a nih hi" a beidawng chuan a tihap a “ Pa nilo e ,nangmah kan chhun che tih kan hre ta e " tiin kan kut chu kan beng leh a ,engmah sawi tawh lo a chaw a eitakah chuan ngawi reng chuan kan ei ve a .

A tuk lam school kan kal chu kan phur sarh mai ,class ah kan thu thap a ,rawn lut te kan hmuh chuan kan meng vak ringawt ,an hmai tuamna an la thla a ,an hmeltha vuah chu a lang chiang hle bawk ,class chhung a mi te chu an phun mur mur a ,an ni ho hi chuan an hre lawk ve miau lo ,kan unau thum chuan kan inmelh a “ An piangthar ami " tihchu kan inzawt a ,a chhanna erawh mipa te chiah hian an kawl.thung.

Chutah kan hnung ah chiah an rawn thu a ,kan hawi let chuan min lo en ve reng a ,ka zawn taka thu ka mit la em em tu nen chuan kan inmelh reng a ,a mitmeng fiah zet chuan khawdang hawi lo in min melh ran a ,hmeichhe ho in an signature an rawn dil chuan an hawisawn a ,an va han zak lo tak “ Hey kan bialpa hual an nih hi aw " kan unau thum chuan kan tivak a.

Awi leh!khawvel ngami te unau min lo tih thin ang chiahin tunah khan kan awm ,mipa pathum leh hmeichhe rawn phei ho chuan min en thap a ,kan hmalam kan en nghal daih a ,a va han zahthlak tak,zah hi ka nei mai mai ngai lo ,mahse tun tum.hi chu ka zak thlawt a ni ,kan hawi let ngam tawh lo hrim.hrim “ Hey thingkung a tanga tla kha ini tiraw " rawn titu a vang chuan ka hawi let a .

“ Hei pawh awm su kha ,chuan hei rulpuiludini pawh " pahnihte chuan an rawn tive nghal a “ In nghal" kan pathum chuan kan tirual thawt a ,an nui mai mai leh nghal “ Khawnge sir chhip free a star tu kha " pakhat a Sam kir berin a rawn tihchuan Vakharhi chu a ti tih kan hre nghal a “ I lukir kha a nih mai chu ,ka star te chu nangmah a lawm" ka nauin a tihchuan kan lo sik vak .

Sawi zah a nei bawk silo ,kan mipa te chu kan en ngam tawh lo hrim hrim ,an ni pawh an ngawi hmak a,hmalam enin Lalhruaitluangi chu kan hau char char ringawt tawh ,a buaithlak thin ,kum 18 chiah a la ni bawk nen a naupan at hi alang leh thin,English teacher a rawn lut a ,ngawi rengin kan awm thap a “ Naktuk a tang hian tour neih tur a ni a ,karkhat chhung Mizoram hmun hmingthang ho tlawh ila tih kan rel a.

In lo inring vek dawn ania " a tihchuan an phur hmel hlawm hle ,keini erawh kan ngawi reng thung,kan hnunglam a mi te pawh an awmdan a danglam eih lo a ,break a nih rualin kan chhuak nghal nal nal a ,toilet kan pan chu he college kan luh tirh a tanga kan hmelma kumhlun thianpa nga ,sanghar kan tih mai te chu kawngka bulah an lo awm a ,kan inen tawn ran bawk “ Nang ni hian Jackson te unau kha inlo ngaizawng amaw " Felyna chuan a rawn ti a .

“ Chung awm kan va hre lo ve ,kan lo ngaizawng a nihpawhin enge sawi tur i neih chuan ni " Judy(Thenrengi) chuan a ti a ,kan lo nuih nghal hak a ,Felyna chu a thinrim nghal hle “ Hre rawh Jackson te unau hi kan ta a ni" a rawn ti tuar a “ An mahni in an sawi a mi " ka lo tihchuan min khawih tumin a rawn ban a ,a kut chu ka lo herh sak nghal nghek bawk ,hetiang zawnga min ti a nihchuan enge kan dawh bik ang ni .

Kan pariat chuan kan inchai buai chu a ni der ,midangin min rawn thelh a ,teacher ten min ko a ,an hma ah kan ding thap bawk ,min zilh mawlh mawlh hlawm a ,Felynai te thianza dawt sawi zawt zawt chu kan en tawp ringawt ,principal chuan min en a “ Judy in unau thum hian buaina inchawk chhuak zing ta hle mai ,tun a tang chuan engmah buaina awm tawh suh se ,Felyna nang ni pawh buaina inchawk chhuak leh a nihchuan in vaiin ka hrem ang cheu" a tichang fak a .

Chhuak tura min tihchuan kan chhuak nghal vat a ,nu leh pa an ko lo chu kan thawveng huai bawk ,ko chiah sela chu ka pa chuan min hau leh ngei ang,office pawna mipa pathum lo ding te chu felyna te chuan an pan a,an ni pawh an lo ding nghal zat ,an in ngaizawng tak tak a mi le ?kan unau thum chuan kan en thap a ,an kalsawn chu kan thlir liam tawp bawk .

Haw lamah pawh kan tibuai tawh lo a ,kan zui tawh hek lo ,a chhan pawh kan hmelma te lam tang an ni miau a,hnaih tumna kan nei hek lo ,in kan thleng a thawmhnaw ken tur kan buaipui leh nghal sawk sawk a ,kan insiam zawh chuan a tlai duai tawh a ,ka pa pawh a rawn haw tawh a nih hmel ,“ Lo chhuk vat teh u " ka pa in a rawn tihchuan kan chhuk thla ve mai a,thu kan awih hmel lutuk chuan nuih a tiza.

“ Vawiin ah in principal in min rawn phone a " a tihchuan a sawitur kan hre sa vek a “ An mahniin min tihmasa alawm pa " Vakharhi chuan a lo ti a ,ka pa chuan “ Ka thusawi zawh nghak thin rawh u ,tun thlenga Isua zirtir te hming pawh hi in la hriat pawh ka ring lo" a tihchuan Judy chuan awlsam zet hian “ Abrahama ,Isaka ,Matthai a ,Peter a ,Kaisara ,Nehemia " a lo ti a “ I phuahchawpah pawh pakhat chiah a dik,Bible hi chhiar reng tawh ang che u .

He ti hi chuan mi pangngaiah kan inchhuah thei dawn lo " a rawn tihchuan kan nui hak a “ Pa mi pangngai chu kan nih hi,kan tawngthei a ,kan hmeltha a ,kan chhelo a,kan kal thei a ,kan thu thei a ,kan la ding thei cheu bawk ,hei bak hak a mi pangngai ang ,tu ber mi pangngai ang lo I tih chu le,a felhlel deuh ani " ka tihchuan ka pa chuan “ In thawveng bawk hi chu a hahthlak ani "a rawn tileh a 

“ Thawven peih te chu a tha alawm,thawveng peih lo ila ,i lungngai leh si ange"kan tihchuan a kut a vai luap a ,“ In tawngthei si ,mi hnial dan lah in hre em.em zui ,tha deuh te hian awm ve tawh ang che,in thiltih ka hriat leh vaih chuan kan in ngawihsan mai mai tawh lo ang" tihrawk in anroom.lam kan pan a,kha tiang a an ka ring lo hrim hrim nen ,an tilui a nih ka ring hmiah bawk .

ZAWMNA .....

VAKHARHI POV....

Tour in phawngpui leh a chhehvel kan fang dawn a ,ka phur ru viau ka unau te erawh hetiang lam hi an peih vak lo ,a chhan chu ramhnuai hi an ngaina ve miau lo a ,kan insiam mawlh mawlh a ,college bus a kan kal Dawn a vang in ka phur leh zual ,kan inzui chhuak tham thama ,ka pa chuan “Fimkhur deuhin va awm ula,khawchhung ang a harh deuha awm te Kha in va tum a nge.

Ram hnuai a ni a,a hlauhawm tih hre reng ang che u " a rawn tihchuan “ Awle Fathers ,i fate hi ngaihtuah suh ,khawvelah kan mihring puite an hlauh awm ber an tih kha ,chuvang chuan kan mihring puite zawk hi hlauh a tha ,dam takin kan rawn haw leh em em ang " u Judy chuan a rawn ti a ,kan lo bu nghat nghat .

Dar 6 ah kan chhuak a ,atuk zing lamah kan tum ram kan thleng hram a ,a lo thui ve bawk nen,kan tlan chak vak bawk silo a ,ka chau viau ,ka u pahnih phei chu an la mu hnar thlawk thlawk mai,ka hnunga khuh kharh ri ka hriat chuan ka hawi let zawk a ,lukira ka star thin ngei mai chuan min lo nuih a ,ka melh let nghek thung,Felyna te nen khan an inpawh tih ka hrechiang a .

Ka u ten hnaih an duh loh chu hnaih tumna ka nei bik lo ,ka hawi sawn San a ,ka phone chu ka khawih mial mial ringawt “ Le tlanglam ke in kan pan a ngai tawh a,tho vek tawh ru le in bungrua te la ula " kan teachers ten an rawn tihchuan ka u te pahnih chu ka kaitho nghal vat a ,kan bag chu kan la nghal mawlh mawlh a ,kan chhuk rual chuan Felynai te pawh kan bulah an rawn ding a .

Mipa pathum te nen Khan ,huh ,blu blu blu uak ,ka ten zo vek tawh ,Romeo chuan kawr kilh lo hian a hma in hawng huau in a ha a,a abs chu a lang chiang leh hle ,an ni unau thum pawh chuan kan unau chu min en a,mahse nidang anga en thlak emaw ngaihven emaw kan tum tawh lo ,kan bag chu akin tlang lam chu kan pana ,ka thlir ringawt pawhin ka chau nghal der .

Kan sir chhip free a chu ka en a “ Sir a hmun thleng kher lo in kan awm thei mai lo a mi,awi ka chau nghal a hmel ka hmuh te khian ka hah sa " ka ti nang nang a ,“ A chhip ah riahbuk kan siam ang ,huphurh lo phawt rawh ,i tawngtheih ang phei chuan kal chakla I thleng daih tawh ang "a rawn tihchuan ka u te pahnih chu an lo nui hak a .

“I chhip Khan tleng chho thei ila ka ti ngawt mai" ka tihchuan sir chuan min tuk fawk a “ Ka duat vang ringawt che hian min ngam lutuk thin suh"a rawn ti a ,nui hak hakin a bulah chuan kan kal a ,ka ute pahnih phei chu an peihlo sa nen an kal muang viau,ka nuih tiah tiah ringawt ,a tawp a tawp ah chuan kan thleng hram,tent zarna tur rem chang deuh sir te leh mipa ho chuan an zawng kual a .

Hmun zawl zau deuhah chuah mahni awmna tur tent chu kan siam nghal mawlh mawlh a ,ka ute pahnih pawh chawlh hahdam vat an chak nen an che rang phian ,kan siam zawh rualin a chhungah lutin an mu nghal than a ,kei erawh ka phone kengin ka vak kual a ,thla ka la pah mawlh mawlh bawk ,tlang hmawrah chuan ka ding vang vang a ,thli rawn thaw chuan ka sam sei ve tawk tak chu a rawn chhem a ..

Ka thlan te chu a chhem dai sawng sawngin ka hria ,ram pharh hlai hlup leh kan hnuaia engkhua nge tih hriat loh chu ka thlir thla a ,a sang bawk nen lu chu a hai ve duh viau,ka tawlh let a ,ka mi sut a vang chuan ka ding dat ,tunge tih en tuma ka inher chu Romeo nen chuan kan inmelh nghal chat a “ Nuam iva tih hmel ve " a rawn tihchuan chil lem khalhin “ A nawm bawk loh in ,a nawm ringa kal alawm ka nih" ka tihchuan a khi suk a ..

“ Khawngaihin awmsawn la kal ka duh tawh a "ka tihchuan “ Vakharhi maw i hming " a rawn tih a vang chuan ka ding dat a ,mai mai chuan a va zam lo hah hah ve ,ka ute min koh dan a hria tih chiang takin ka hria “ Nilo e ,Lalhruaitluangi ka nia ,chutiang hming ka pu lo " tiin ka leh mai ka tum a “ Tunge inrulpui lu din vu vu kha " a rawn tih leh chuan ning lutuk hian “ Enga Rokirbuk" ka ti that a ,a ner nghal nung bawk .

“ Ka duh leh ka in sai din anga ,I sawi ve kher pawh a ngai lo dek dawk mai ,kal teh beram samkir I ang ropui si" ka ti nghek a,a lawm lo hmel chuan min tihlim zawk mah ani,ka kutah rawn manin alamah min pawt dawrh a ,ka inring hmanlo nen rak that in ka bawh a ,kan tlu dun nghal rawp ,a awm zawnah chuan min kuah bet a ,a lung phu pawh ka hre thei vek .

A dula ka dawmna chu lasawnin ka hawi chhuak a ,min lo en ve reng bawk ,ka tho chhuak vat a ,ka sam chu ka hui tha nghal thuak thuak bawk “ Hmelvarung kal bo rawh " tiin tho chhuakin ka kalsan a ,ka lungphu erawh a rang viau thung,kha lukira vang vek kha a ni .

THENRENGI 👇

SENPARI 👇

VAKHARHI 👇