KA THLAH LO'NG CHE CHAPTER 7

KA THLAH LO'NG CHE 

CHAPTER 7

MAWITEI POV....

“ Ka princess hi a mutui em ". a rawn tihchuan ka bu nghat a ,min kuah leh nghal hlun bawk ,ka nute'n min hmu se chuan an lawm lo hle ang ,tun chu an zinchhung ala nia ,ka pi leh pu an tar tawh a vangin an duh angin min ngaihsak theih tawh loh vang chauh ania ,mahse ka nute an rawn haw hun chuan kan fimkhur a ngai viau ang le ,hero chu ka en vat a .

“ Ih ka hlau thawng e,ka nu leh pa hi hero ,an hriatchuan an thinrim Dawn sia " ka tisap a ,ka chalah rawn fawpin ka taiah chuan a hmer salh a ,“ I hero ka ni a ,chutih hun a thlen pawhin I tan ka awm zel dawn,hlauthawng lo la ,ka chungah rinna nghat rawh ,I chungah engmah a thlen ka phallo " tihpahin min fawp vawng vawng a ,a ke chuan min delh bet run bawk .

Ni e nakin hun chu hun in la hril rawh se ,tun hun erawh hlim taka hman ka duh a ni,a ni nen hian ,ka taksa chunga a rawn lawn kai chuan ka en kiau a ,kiai suk hian ka hmuiah a rawn fawp leh zat a “ Hero I rit ania " a taksa a lian ropui si ,a mah a sang bawk nen thawk a tihar talh thei a lawm ,“ Ka rit lo vat ang " tihpahin a kun hniam a,a thiltih a vang chuan ka au chhuak that a ,a kut chuan ka hmui chu a rawn hup nghal vat .

A thiltih a vang chuan kan puan phah chu ka tham tawk a ,ka melh thlak chuan min en in a f*** uar sauh “ Hero ka thaw tha thei lo " ka tichhuak sap a ,ka sa pup pup reng bawk ,ka thaw hawk hawk reng a ,ka taksa danglam chu ka hai bik lo ,tunah tak hi chuan ka lung hi chhuak tur ang maiin a awm a ,a samah ja zuk tham tawk a ,ka taksa chu a zawi nghal hnawk ,ka lu zawnah a rawn innem khalh a “ Ka thil zirtir che chu enge a an" a rawn tihchuan a awm ah ka beng nghal dat .

Ka la pangngai thei heklo ,hetiang thil hi kao ngaihtuah ngai lo hrim hrim“ Ka roomah ka phei dawn " tiin ka thawmhnaw chu ka ha sawk sawk a ,ka chhuah dawn a ka hawi let chu a bana a lu dawm kangin min lo en reng a ,lei chhuah tawkin ka tlanchhuak nghal nal nal chu a nui ri ka hre zawm zat,ka room ka thlen rual chuan darthlalangah ka inen a,ka mitmeng mak lutuk a vang chuan ka meng deuh kawk ,ka hmai lah a sen tek a ,ka Sam a thur hiang bawk .

“ Lalrinfel nangmah vang vek " ka tichhuak sap a ,bathroom lamah inbual turin ka lut zui a ,ka taksa chu tui vawt chuan ka phuh tir a ,ka hahdam nghal sawng sawngin ka hria ,ka chhuah rual chuan hero chu insiam peih vek hian a lo ding thim khup a “ Eeeehe" thum deuh dup chuan ka ti a ,a rawn hawi let chuan ka intuamna chu a en dun dun a “My beautiful princess ,ka it em em nu " a rawn tihchuan ka melh kar a .

A tawngkam hi ka zo lo lek lek zel ,a ni a upa tawh si keilah kum 18 kan inkarah kum 15 lai  a tla si a ,kan inthlau ve em ani ,chubakah ngaihzawng ka la nei ngai lo a ,ka neih hmasak ber lah ka patea ,huiz khawvel hi a mak a nih hi ,hmangaihna hian thliar chin a lo nei reng reng lo chu a nih hi,kum a thliar lo a ,hmel a thliar hek lo,engmi nge kan nihlam a thliar heklo ,hei ngei hi a nih hi hmangaihna mitdel an tihchu 

“ In hnuaiah rawng lo zuk bawl rawh,ka pite an tho tawh ang ,an hmuh lai phei chuan min zui reng reng suh ang che " ka tihchuan a nui hak a ,“ Ahma pawhin kan awmdan ania ,lungngai suh khang ang chiah khan kan awm mai dawn a lawm " a tisup a ,a ngaih lah hi a sam thin si,mipa hi chu an thu an duhin an ngaihsam lutuk thin a ,hei hian thil pawizawk a thlen fo reng a .

“ Lo zuk chhuk mai teh aw ,ninawm ka inthlak Dawn ,englai pawhin ka bula awm tum suh" ka tihlar a ,min rawn fawpin ka hmui hnuailam chu a seh vak leh nghal a ,ka rak that “ Hremna a nihkha rawn hmanhmawh la ,school I tlai hlauh ange " tiin a chhuak a ,a hnunga tlawh awk a nia ka duh,a insiam hma thei ropui si ,mahse a hna a ngaihpawimawh tih ka hria ,zanlamah pawh nise a muttui laia buaina a thlen pawhin a tho nghal vat thin.

Ka inthlak sawk sawk a ,nakina thawmhnaw dang hak a ngaihloh nan ka incheisa thlap bawk ,tihi chuan. atha deuhin ka hria ,ka chhukthlak chuan jt production KA THINLUNG HMUTU tihchu woofer ah a lo play chiah a ,ka pi leh pu in sitting room a tangin an lo ngaithla ve bawk ,ka thleng dawn tep tih chuan “ Kan intawhna lamtluang amawi vang em ni,heti taka I zuna ka uai hi " tiin min rawn en in a mit a siai suk a .

A aw nen ala inhmeh phian leh nghal a “ Thawnthu ka hriat tawha min hneh ber kha ,nangma min hlan ngei mai kha alo ni si " a rawn tihchuan ka lai chhe hle ,min sak chhan tih a hriat ngawih ngawih bawk si ,rawng a bawl pah bawk ,nuih a za ru viau ,apron a hren te chu a inhmeh phian leh nghal a ,ka nui ka nui ringawt ,a police form nen a apron nen nupui nei tawh ,tul deuh hi a ang ,a bul ka thlen rualin min lo thuhthuruk zauh a .

Ka melh hrep ,ka tin nghal uaih a “ Enge bawiha ,bawihtei iti lui leh tawh em ni ,in intin tak uaih uaih mai a " ka pu in a rawn tihchuan ka awm tha vat a “ Pu hero hian min duat lo lutuk ,nupui neih a chak tawh a min tilui reng mai " ka tihchuan pakhata chu a lo tum hmuk a ,ka nuih a za ru viau,ka pu leh pi pawh an nui hak hak a ,chaw ei ka siam lai te chuan a tawng leh tawh lo a .

Nupui tih ka sawi Khan a lungawi lo viau a ni ngei ang le ,chaw ei kham rualin a chhuak vuta ,ka umzui ve nghal zat “ Hero lo ding teh I kal chak e " ka tihchuan a lamah min pawt hnai dawrh a ,“ Nichina I thusawi kha " a rawn tihchuan “ Khate chu fiamthu a nihkha " ka tisap a ,a lu a thing nghut“ Fiamthu pawhin sawi tawh suh,nge kan pahnihin kan innei mai dawn a mi " a rawn tihchuan ka en chho ha a .

A thutak hmel em em leh nghal “ hmmm theihloh kal ang ,kan tlai dawn" ka tihchuan engmah sawi tawh lo chuan car chu a tinung a ,vawiin chu a bullet a keng Dawn lo a nih hmel ,ka kut a rawn vuan a lehlamin a khalh bawk ,eitur min lei a “ Chawhnu off rawh aw " a tihchuan mak titakin ka en a “ Kan leng chhuak dawn ania ,naktuk ka u te an lo haw tawh dawn bawk si a " a tihtakah chuan ka bu nghat .

“ Dar 11 :30 ve ah ka lo lam ang che" tiin ka chalah a fawp zauh a ,car darthlalang hi pawnlam a tang chhunglam.hmuh mai mai theihloh tura a dum veka tih a ni a ,a ziaawm phian ,chutah ka hmuiah a rawn fawp leh te te phawt a ,a duhthawh thin lutuk hi a mak ,ka chhuah chuan nui suk suk hian a tlan chhuak a ,ka thiante gate a an lo ding thap ka hmuh chuan nui var var in ka pan a .

Muanpuii leh Jenny ,Abeii hian Hero nena kan inkar hi an la hrelo a ,Jeremy erawh chuan a hre tawh a,a chhan pawh a mah ber hian a nihkha patea ka duhna pawm tur a min titu ,class lam kan pan a ,Estherin a ding zeta min rawn pan chuan kan ding thap a “ Nang hian u Aidana ka u then turin ilo ti a nimaw " a rawn tihchuan ka dar ka san ak a “ Chutiang ka hre hauh lo ,hero chuan a hmeichhe duhtak chiah a kawp thin .

I u chu a duhlo tihna a nimai " ka tihchuan ka sama rawn keh a tum a ,a kut chu ka lo vai kiang nghal dawrh a ,“ I duh duha min khawih tum suh,a hma kha chuan I u in a chhan che a ,tun tumah hi chuan kha ai khan i inhliam nasa palh ange " ka tifak a ,thinrim mawng poh auh auh a a kal.liam chu ka thlir reng a “ A tibuai peih ve ngawt mai che " Muanpuiin a rawn tihchuan ka nui hak a “ Mahni tlukloh te bak hi kan er ngai hleinem ,a ni pawh a u tan hero a duhluat vangin min haw mai mai a ang" ka tihchuan an lu an bu hlawm a .

Classah kan lut a ,an thawm hak hlawm ,ngaipawimawh duhlo chuan kan lut a ,hmeichhe pakhat ka la hmuh ngailoh chuan Jeremy chu a lo en reng a ,Jeremy pawh chuti bawk ,he mite hi an inhresa a maw ni le “ I lo kalloh hlan khan marina saw a rawn lut a ,chuan maw I hriatloh chu Jeremy pawh hian a ngaihsak hle ania " ka bengbulah chuan Jenny chuan a rawn ti a ,ka nui hak,an inhmeh phian Dawn hi .

An chhelo dun sia ,dawhkanah chuan ka bawk a ,sana ka en zauh thin,a kal muang mai sia “ Chawhnu ka chawlh a ngai dawn a nia aw,inlam kan buai thei lutuka. ka pi leh pu enkawl an ngai nen" tiin chhuanlam ka siam zauh a ,an ni pawhin ringhlel lo in an lo aw ve mai a ,teacher a rawn luhchuan kan ngawi deuh thap a , exam a sawi chuan ka peih lo hle ,ka tum deuh bur tawh .

Lehkha zir peihloh sa nen hian aw ,a chhuah hnu chuan keipawh ka awm peih tawh lo ,ka chhuak nghal daih a ,11 chu a ritawh tho bawk a ,darkar chanve lo awm chu ka huphurh hran lo ,gate pawn a biru lai deuhah chuan games ka khel mial mial a ,“ Princess " tihri ah chuan ka hawi chhuak a ,hero ka hmuh rualin ka tho chhuak nghal vat ,ka kutah a kai a ,car chhungah chuan min thutluh tir nghal zat bawk .

“ Khawiah nge kan kal.dawn " ka tihchuan “ Hmun nuam deuhah" tih ringawt in min chhang a ,ka zawt nawn tawh bik lo ,a nawm ring ve phawt ang ,dawr pakhat ah dingin min kaichhuak a ,mi ho chuan min enduh hlawm hle ,a bikin hero chu hmeichhe ho chuan an en duh zual ,an inhrilh ru sep sep a ,tumahin pafa kan ni tih an hriat ka ring hauh lo ,a chhan chu mi cheng kan tam tawh em a ,vengkhat pawh in hriat a har tawh laia vengdang a mi daihin min hre Dawn lo Chiang rapthlak uchuak.

“ I duh duh la rawh " a tihchuan ka mit ka kan ak ,eite chu ka thei a lawm,a bikin rumpum hei hi ka thil ngainat ber a ni ,an zinchhuah reng reng hian thildang min hawn loh a rumpum an rawn hawn tawh hi chuan ka hlim em em zel (Ka duh ber a ni tak tak a nia 😆😆🙈ka thinrim chuan rumpum innpek tawp chi ) ,fanta bur hnih ka la a ,ka hnungah min zui ve zela. ,dawr chhunga awm ho lahin ka bula officer lian a kal chu min en duh hlawm hle .

  Lays leh lollipop chu ka la bawk a ,jalebi chu ka la leh hram a ,hero an engmah a sawisel lo bawk a ,la teuh ang a money êm,“ Ka hman e kal ila " ka tihchuan dawr nghaktu te lamah chuan min kai phei a ,nula ve ve an nih hmel “ Officer Aidan ini tiraw " an lo tihmasa a ,hetah pawh an lo hria animaw ,ka en nghal kar “ Aw ni e ,min lo hre ve a nimaw " hero chuan nuisuk hian a ti a ,chu mi te pahnih lah chu an bu nghat nghat zui .

“ Thla kan lo lakpui thei che angem ,kan ngaisang lutuk che a " an tihchuan ka hmui ka lo tipawrh vak a ,hero an a lu a buk phei chuan nuam an tih hmel hle tawh ,thla an laktlan lai chuan ngawi rengin ka lo ding a “ Heihi I nau a mi " an tihchuan ka lo lawm lo ve em em ringawt,a dik tho tihchu hre mah ila ka lawm lo a ni tawp mai “ Nilo e ka bialnu anih hi " hero an a tihchu an mengdeuh kawk a .

Ka hmel an en a ,ka naupan Dan tur an ngaihtuah anih hmel “ Ni e kan kal phawt ange " tiin min kai chhuak a ,ka tawng duh lo hrim hrim “ Princess " a rawn tihchuan “ Um" tihchiahin ka chhang a “ Tinge I nuam lo a mi " a tihchuan ,lu thingin car lam ka pan nal nal a ,ka hnungah min lo zui ve zel tho ,ka thu lut thak a ,lays pakhat. chu hawngin ka ei nghal mial mial .

A rawn thu lut a ,ka ngaihsaklo chu a lawm vak lo nge min kuai herin ka thil ei lai chu min fawp a ,ka ka chhunga ka thial lai zawng zawng chu a leiin a ka chhungah a dah vek,ka mengkawk kawk ringawt “Min be duh tawh em " tiin a thial chhunzawm a ,ka chil ka lem dawk ringawt “ I tenawm " ka tihvak chuan a nui hawk hawk a .

“ I thikthu a lo chhe ve hle mai " a rawn tihchuan ka tin nghal uaih ,ka kut chu manin “ Le kan lenna tur pan ang le ,kan intihthinrim tak tak hma hian " tiin a tlanchhuak a ,ka eitur chu ka ei zawm mial mial a ,car dingdatah chuan ka hawi chhuak a RTP picnic spot tih ka hre nghal mai ,hero chu ka en a ,nui chung hian “ Chhuak ang le ka Lalfanu " a rawn tihchuan car kawngkhar chu hawngin ka chhuak nghal a .

Tumah an awm lo a duhthusam in a reh tih theih a ni,a enkawl tute chu sawilo ta ila ,ka kutah a rawn kai a ,a chhungah chuan kan lut nghal zat a ,a ruahmansa a nih ka ring ,tumah an awm loh danah ,pool bulah chuan kan kala ,phul hringin a hual thap a ,a sira thingkung buk hnuaiah chuan a puan ken chu a phah nghal thlap a ,a zei vel lutuk chu a mak .

Kan eitur ken chu kan dah thla a ,thu thla in a kapkarah chuan min thut tir a ,ka hnung lam a tangin min kuah nghal than a “ Enge kan first date chu ang i tih " a rawn tihchuan a kut lian hlup chu ka vawn hnan a “ Anuam lutuk ka beisei piahlam a ni,a reh in a hahdam thlak bawk si " tiin boruak thiang em em ,chhum hmuhtur pakhat mah awm lo chu ka en chho a .

Ka nghawng a a rawn fawh dan dan chuan ka phu zawk “ Hero " ka tihchuan “ Um" tiin a thiltih lai chu ala ti reng tho,hetianga a tih a piang hian ka lungphu a pangngai thin lo ,ka za mer mer zel bawk ,a rawn fawh dek dek phei chuan a kut chu ka hum nghet vak a ,ka tshirt chu a hnawl tawm a ,ka awm chu a kut pahnih chuan a hum kawp nghal hmiah .

“ Awm tha ang mite an lo kal ange ,nang chu I mak thei e " tiin ka phun char char ,a fala kan awm a piangin hetiang hian a awm ziah leh nghal ,thaw hawkin a awm sawn a ,ka malah a lu nghatin a bawpsei pui chu a thluang zuah a ,ka thaw huai thei ,rumpum chu ka la a ,ka ei leh tawp ,fanta bur khat nen chuan ka hmeh a ,hero ka ah chuan ka thun zauh zel bawk ,a chhip buk lai chu ka tham sak neuh neuh a .

A mit a chhing chu ka nuihsak a ,a chau ve thin viau chuan ka ring ,an hna lah hi thluak leh taksa thawh kawp tel ngai a ni bawk si a ,a hnu lawkah phei chuan a muhil daih a,ka nuih a za ru viau lengturin min sawm ve a ,a mah a muhil.daih zui ,ka malchungah chuan a muhil ta bawrh bawrh chu ania ,ka ngaihtuahna ah thil a rawn lut zawk mai .

Nui hakin ka chawi kang a ,ka lays ken chu tisawm deuhin a mit velah chuan ka dah E

zel a ,a hmuia dah ka tum leh chu a rawn chet phut a vang chuan ka au that a,chumi rual chiah chuan hnuailamah ka awm nghal der “ Hero " ka tihchuan “ Enge ilo tih" a ti a “ engmah ka tilo " ka tihchuan a awih loh hmel hle,ka sirah a rawn mu thla a ,min kuahin “ Mu ang" tiin a mit a chhing nghal daih a,ngawi karin ka khap fak fak ringawt .