KA THLAH LO'NG CHE CHAPTER 12

KA THLAH LO'NG CHE 

CHAPTER 12 

Hero nen nilengin inah kan awma ,min hlat rei ngai meuh lo ,min kuah deuh chawt a ,ka kalbo leh chu a hlau viau a nih ka ring,ka pumah chuan a kut a dah a ,kei erawhin tv chu ka en ngar ngar ,ka chhungten ka haw tih an la hrelo a ni ngei ang ,hriase chuan min rawn hruai tumin an phi leh chung awm sia .

Ka haw tawh dawn bik lo ,pasal ka nei tawh a ,ka then leh tawh lo ang ,a mahin min then te a nihloh chuan ,ka nghawnga a rawn fawh dan dan chuan a hmuiah ka hup a “ Tv ka en hi awm mai mai teh " ka tihlak a ,hetiang a awm reng chuan ka en tha thei lo ang “ Ka chak " a rawn tihchuan ka remote ken lai chuan a chalah ka tuk lawlh a .

A hmel chu a rum tha nghal hle ,a tum hmuk a ,a tho nghal nul nul “ Hero ka duat ,ka pasal ka enchimloh aw ka duatpa " ka tihchuan “ I mawng a nihchu ,i duh leh tv kha pasalah nei rawh " tiin rawn hawi let tawh lo chuan room lam a pan nul nul a ,ka tlanphei a a hnungah ka zuangkai nghal nawlh ,a toh a piang hian a tumlian thei si ,min thinthlak a tum a ,a tal nghal nawk nawk ,a talna lamah kawngka ah a chal a la tauh zui,ka insum thei tawh lo .

A hnunga awm chung chuan ka nui chhuak hawk hawk a ,min melh rum teh e “ Chhuk rawh ,chhuk vat rawh " a ti thum bul bul reng a,hmmp kan thlem ngei a ngai Dawn a nih hmel,awm tha in a bengah chuan ka liak a ,a che duh der lo mahse a taksa kang awk danah a pangngai lo tih ka hria ,a awmah ka zut thla Dan dan a ,a nghawng chu ka fawp pah zel ,ala ngawi tlat tho ,chhukin a hma ah ka va ding a.

Fawh ka tum chu a ding ngil a ,ka pha tawh der bawk silo ,a duh a nih hi ,a hma zawng chuan ka zuan a ,a kawngah ka ke pahnihin ka kherh bet a ,min dahthlak a tum chu a hmuiah ka fawp nghal hmiah,a tawp chut a ,min la chhang let duh lo mahse a ka kap zawn a thil puar un a tang chuan min mamawh hle tih ka hria ,ka fawh zawm zel a ,a nipawh a insum thei tawh lo ka tukkhumah dawmin duhthawh zet hian min chhang let a .

Ka nui nghal dat “ Min nuih suh,i thiltih man hi I hmu Dawn khawp " tihpahin khum lam min pan pui a ,min bawhthla rawk a ka rakthat ,a kawr a phelh hmawk hmawk a ,a hmanhmawh lutuk chu a che deuh sawk sawk leh ta nghal a ,“ Ka nghak thei tawhlo "tihpahin ka kekawr chu a phelh leh zung zung a ,ka lo nghak tawp. a rawn luh rualin ka thaw hak a ,a ni pawh a chawl leh dat ,ala 😫😫😫😫tho tho chu amak.

Ka chungah chuan duhthawh zetin a che a ,ka lo nghak tawp ringawt,a hnungah ka ham pilh phung ka ring a ni,a nipawhin min dim lo sawt hle ,“Hero" ka tihrualin a rawn bawk thlawp a ,kan thaw hlawp hlawp reng a ,ka sam darh niah chu tho kangin a huisawn a ,“ Titau lian thei pa " ka tihchuan a mit a tikang uk a “ Ka hlawh a tha emai ka titau ziah ang " a tihchuan na zetin ka beng a .

Ala nui mai mai zui phakar lutuk ,hetiang a awm reng reng ,kum 35 ani tawh a ala titau bur bur reng chu a nisia ,ka pumah a rawn ham vak a,ka nui nghal uar uar a ,a nilah in a tinasa bawk si,ka rak tung reng mai “ Ka chau ania hero ,khawimaw ah saw teddy bear a nihsaw " tiin room chhunga teddy bear lian zet chu ka hmu ,a hma khan ka lo hmu miah lo leh nghal “ Ka ta tur a mi " tiin ka en a ,a rawn nui nghal suk .

“ He inchhunga awm zawng zawng hi I ta vek alawm ,keimah tiamin " a rawn ti a,ka nui var var tho chhuakin ka kekawr ka ha a ka va pawm “ Awi anem reuh si ,ka duh lutuk hero ka lawm e " tiin ka pawm chawng chawng a ,khuma a saisira mu ina kutin a biang ah a dawm kanga ,ka che vel chu min lo thlir ve reng a ,ka tlan kual lauh lauh a ,ka hlim ani ka hlim takzet ,kum hnih chhunga ka hlim tum ber a ni hial ang .

Ka tlanlai chuan chhuata kan thawmhnaw tla chu rapin ka bawkthlawp a ,ava han na tak ,nui hawk hawk ri chu ka hria “ Min nuihsuh min rawn kaitho rawh misualpa " ka ti that a ,muangchang lutuka a rawn kal chuan ka thin a tirim a rawn thlen hma in ka tho chhuak a ,ka teddy beara vawm pah chuan “ Engmah ka duh tawh lo" tihpahin ka tlanchhuak a ,min au ri chu ka hria .

Ka tlan chhuak a huan lamah chuan ka tlanlut a ,hnim karah ka thu pil nghal daih ,sual lutuk mai “ Bawihi " a tiri chu ka hria ,duhleh min zawng char char rawh se “ Naute khawnge I awm ,ka tihpalh lo chhuak teh " a rawn tileha “ I hmel " tih ka chak dan chu ,mahse ka tawng dawn lo “ Lo chhuak rawh " tiin a rawn au leh a ,a aw ah chuan hlauhthawnna nasa tak a lang thei .

Nge min kaihthawh vat loh ni,mi kan tlu ve em em a ,ka ham bai bai a ,ka awmna hnim chu a me lo bawk a ,ka ngheng tlu a ,ka muhil nghal riai riai ,thawm ri deuh sut sut reng leh min au richu ka hre rei ruai chauh tawh.

Sir kan hmu e " tihri ah chuan ka mengkawk a ,ka bulah chuan mipa pahnih an lo ding reng a,ka hlauthawng nghal ringawt “ Tute nge in nih" hlauthawng zet chuan ka tichhuak a “ Princess " tihri rawn chhuah rual chuan ka hahdam sawng sawng,mahse ka lungawi mai mai lo ang ,ka mutdan ngai bawk chuan ka mu leh ngat a “Sir I nupui chu " tiin chu mite pahnih chu an nui pawt pawt a ,ka melh nghek .

An la nui thaw reng leh nghal ,hero chuan min rawn en a “Min tihlauthawng a lawm khang Khan vawikhatmah awm tawh suh" tihpahin a rawn kun hniam a ,min pawm a tum rual chuan a kut ka lo vaisawn a “ Min khawih hlek suh" ka tihmak a ,a hawi vung vung a “ Freddy lova haw tawh mai ru ,in mipuihna a vangin ka lawm e " tiin pahnihte la nui reng chu a en a ,an ni pawh bu zauhin an kal nghal mai .

“ Le ka naute duat titau tawh suh le ,hei khua a thim dawn tawh a nia ,heta i awm reng chuan zanah Chawmnu in a rawn pu bo daih dawn che ania ,sihal pawh an tam a nia aw " a rawn tihchuan ka hlau nghal hle ,sihal u phei hi chu ka rap ngawih ngawih ,mahse ka la tawng duh chuang lo ka kut chu ka kuangkuah hmak a ,ka hmaiah chuan a rawn dawm a ,min fawp leh nghal zat ,ka chhang duhlo ka awm ngai rengin ka awm a.

Mahse sihal rawn u thut a vang chuan rangzetin ka kuah a ,luhlul na chi ah ka ngai tawh lo ,a nghawngah ka kuah bet a ,“ Kal vat ang ,kal vat rawh " tiin keimah zawkin ka nawr tung tawh ,ka hlau lutuk “ Kal vat ta che mawla ,ding reng suh " tiin ka hau mawlh mawlh a ,ala nui suk suk duh chauh lehnghal ,ka thil hlauh a hrechianga chung kher khera min tihthaih hi ka lawm lo .

Inlam pan chuan min chhoh pui a ,ka en duh lo hrim.hrim,khumah min thuttir a ,“ Ka tihpalh thinrim tawh lo la ,hei I teddy bear pawh hi alungngai tawh dawn lutuk" a tihchuan “ A nung bawk lo " ka lo tihlur a “ Rawng ka va bawl ange ,tikhan lo awm rawh aw " tiin ka chalah a fawp zauh a,a chhuak chu ka en reng .

Ka inthiam lo lehdeuh,kha chen ka awmbosan a ,a hmeltla dawk te kha ka hmu ve reng sia ,tunah ka let leh ta chenga ka thinrim khum leh ringawt a,min dawhthei zawk ka ti ,ka tho chhuak a ,choka a a lo che mawlh mawlh chu a hnunglam a tangin nghet zetin ka kuah a ,ka bei vang vang “ Tihpalh hero " ka tihchuan a rawn hawi let a ..

Ka hmaiah a khawih zauh“ A pawilo ka bula I pangchang hi nuam ka ti zawk " a rawn tisup a ,ka nui nghal var var a sira awm in a dar hlaihlupah chuan ka kuah a ,a chaw hmeh siam chu ka en reng ,vawksa chu kan turin a siam a ,purunsen a chan mawlh mawlh bawk “ Anthur chhum ang aw ,chhimbawng bai ka ei chak" ka tihchuan a nui hak a ,nge vawksa mawm lutuk tur a ven mahnak a lai a .

“ I thu vek alawm ,tikhan lo awm la kan siam leh dawn ania" a rawn tihchuan ka bu nghat nghat a ,puih ka tum chu ka kut a man bet a “ Naktuk zingah nang vawiin tlai chu keimah " a rawn tisup a,ka hnial tawh bik lo ,ka nute ka ngaihtuah thin hian ka thaw hi a hah hluah hluah zel ,ka haw tawh tih hi an hriat har ka ring lo ,nilo an hre tawh hial zawk maithei a ni .

Chaw chu kan ei a ,a ni pawh a eitam viau “ I biang hmul vel kha ziat vek ang che ,chaw I ei tha lo tih ka hria ,tun a tang chuan tam deuh deuhin ei tawh rawh ,I mitkhur te a thuk vek tawh " ka tihchuan a nui vur vur a “ Ka damdawi ilo haw tawh a ,ka tha leh vat mai ang lungngai suh" tiin chaw chu a eizawm a ,chaw eikham chuan tihtur kan neilo bawk nen room ah a laptop in movie kan en a .

Ka ham leh bai bai thin,mut hi ka kham thei thlawt lo a ni e ,puan chu min sin that tir a “ Muttui le ka nupui" a rawn tihchuan ka nui sak a ,ka kuah nghal talh talh ,ka muhil zui nghal siai siai a .

A tukah chuan keimahin ka awm a ,hero chu a hna kal tura ka nawr luih a vangin a kal hram kha a nia ,inah chuan keimahin ka tei kual rek rek a ,kawngka a rawn rik chuan “ Tunge niang le " tiin ka panhnai a ,ka hawn rualin ka hmai a ri nghal sawk a “ Tenawm lutuk ,nang hian I nu leh ipa hi min bum a maw " ka nu chuan mittui tla chungin a rawn ti a.

Ka biang dawmin ka en reng“ Insiam rawh kan haw ang " a tihchuan ka lu ka thing nghal nawk nawk a ,“ Insiam rawh ka tihchu ,pa a a thawmhnaw lo va la rawh " tiin ka nu chuan min kai dawr dawr a ,ka tang ve chu duhlo zet hian ka pa chuan ka hnunglam a tangin min nawr dawr dawr a ,ka tap hlawp hlawp thung “ Nu ka kal duhlo ,hero bulah ka awm duh" ka tihchuan an thinrim hmel hle a .

“ I hria em tunah hian I pu chu a thi tep tawh ,nangmahni vang vek hian ,Nunuin min rawn hrilh vat lo pheise I rawn haw tih pawh kan hre nang " a rawn titawn tawn a ,ka pu chanchin ka hriat rual chuan ka khawng awt a “ Ka pu chu ka hmu duh" ka tisap “ A theihloh inah I awm anga pawn ichhuak tur a nilo " an tihchuan ka ka ka ang zuau a ,.mahse ka chip lehnghal vat .

Inchhungah chuan min kai lut dawr dawrin roomah min kalh hnan a ,ka au vak vak pawh an ngaihsak lo ka phone lah an la daih si ,chuta tang chuan pawn ka hmu khat hle ,ka pu pawh a thi a,ka inthiam theilo ,hero lah a reh ta vang vang a,“ Insiam.rawh pawnah kan chhuak harh lawk dawn ania " ka nu in a tihchuan ka insiam melh melh a 

Bazar ah kan kal kual a ,ka nu chuan a duhzawng a lei mawlh mawlh reng,kan kal leh tur chu hero leh nunui nuisang a an rawn kal phei ka hmu a ,hero kutah Nunui chuan a kuah a an hlim hmel hle “ An innei tep tawh ,inrinni khian " a tihchuan nihnih chiahin a dang tawh tih ka hria ,engmah ngaihtuah chiang hman lo in ka pan a .

“ Engvangin nge khatiang thil kha ka chungah I tih theih,i nupui ka nih hi hero tin nge hmeichhe dang I neih leh theih " tiin ka au khum a ,a ngawi reng te chuan min Tina ,a kut ka en chu ka zungbun bun tir kha a lo awm tawh lo ,ka mittui chu a luang zawih zawih “ Kalsawn rawh ka nupui tur nen hian kan bazar a ngai a ,nang chu ka u fa inia engtin nge ka neih theih ang che " tiin a kiai suk a .

An kal chu ka au zui tuarh tuarh a,ka nu chuan min rawn kaisawn vat a,in kan thlen hnu chuan ka roomah bawk ka awm leh ,ka kuta zungbun chu ka tuai heuh heuh a “ Dawt vek maw lo ni a " tiin ka nui chhuak hak a ,mahse ka nuih chu a za thei mawlh lo ,ka tap chhuak hawk hawk a ,ka lungzawn chu ka tham ngawt ngawt ringawt a.

Ka na ,hmangaihna awmzia min hriattir a,ka tello a awm theilo ni a min hriat tir tu khan ka tello a a awm theih zia min hmuh tir ta thung a ,rinawmna min zirtirtu khan phatsanna min pe ta bawka ,I hlim tih ka hria e ,achhan chu I hmelah a lang miau si a ,nang chu ka hmuh theih reng si a ,ka khawih theih tawh loh tur ini ta .

A kalliam tawh ,ka hmangaih hmasa ber chu midang ta anidawn ta ,hmangaihna tih thumal chu ka nun a tangin sahchah in a awm a ,phum bo turin I hnutchhiah a ,i lawm em ka nun infiam nana I hman chu I ti hlawhtling ta si a ,ka tello a awm theihloh zia min hrilh a ,mahse a lo awm thei hle zawk si a .

Hmangaihna hi hetiang a reilo te daih chauh alo ni ngai a nihchuan ,keichuan chu hmangaihna hming chu kumkhua in ka phum bo zawk mai ang ,ka khumah chuan ka tap muhil a ,ka harh leh chuan a reh ruih tawh ,ka tho chhuak a ,pawn a ka chhuak tur ka nu leh pa inhau thawm ka hriat a vang chuan ka ding chawt a .

“ Kan fanu diktak a nichuang lo a ,tinge kan enliam mai loh " tihri chuan min nghawr nghing dawt ,enge an sawi awmzia keihi ka nu leh pa fa ka nilo amaw?.

NEXT CHAPTER 

KA TAKSA I KIANG A TA A HRANG TAWH A NIHPAWHIN ,KA HMEL LEH KA ENGKIM TAL CHU I NGAIHTUAHNA A TA PAIHCHHUAK VE SUH AW .