CHASE ME MAFIA CHAPTER 5

CHASE ME MAFIA 

CHAPTER 5

“ Alli ka tui a hal" 

“ Miss Alli mr Niclas an kan enkawl a duh lo " 

“ Alli toiletah min hruai rawh" awi ka kham tawh Dan hi ,khawi hmunah pawh hian min ko chuah chuah mai in ka hria ,Niclas lah a damlo hi a pangchang zo vek bawk ,a upat tawh nen ,chubakah a mizia nen a inang lo hrim hrim .

Tuna a mizia hi chu naute sual deuh a ang ber ,englai pawha nute ko thin ang hi ka chan ,a bulah thu in a taksa chu a hliam lai tih huh hlau zet chuan ka bual a ,a ni lah ngawi run runin a dawh ve hle hle a ,a lu buk ve deuh tawh chu ka suk sak mawlh mawlh a ,“ Alli " tiin min rawn en a ,ka mit ka kan khum ak a ,a rawn nui nghal suk “ I hmuihmul leh khabe hmul te kha a buk tawh lutuk ziat ang .

Tinge Eric te i rawn zinsan reng reng a " tiin ka en ngar a ,a lu thing nghutin “ Vawiinah an rawn thleng ang " a tihchuan ka meng deuh kawk a “ Hetah awm ve i tum em ni " ka tihchuan a mitmeng tawrh har zet chuan min rawn en a ,“ I rawn haw hma chu hetah kan awm ang " a tihchuan ka thidang mai dawn in ka hria “ Niclas berghof enge I hriat a ,i dam rualin haw ang che ,I company te ingaih tuah lo em ni " ka tihchuan a ngaihsak hmel loh hle .

Min pawt thu a ,a taksa ah min kuah bet nghal hmak ,thawmhnaw a ha lo bawk nen ka tang tung thei ,a hliam lai chu khawih fuh ka hla bawk nen ka fimkhur viau “ Engmah ka hrelo ,new York lam chu an enkawl thei alawm ,helamah pawh ka nei tho a ,a pawilo Alli" a rawn tihchuan ka thaw hak a ,a luhlul si “ Tinge Lilia kha i tan a pawimawh viau em ni ,keichu I duhloha i hnawl hnu ka nihkha " insehruh teuh hian ka ti a.

A rawn rum nghal nghut “ Midang sawi kai ziah suh,Lilia nen chuan in inang lo lutuk bawk tih hre rawh " a rawn tihchuan min Tina,ka tal nghal nawk nawk a ,ka thawhsan nghal daih “ Nangmahin lo intifai ve tawh mai rawh " tiin ka chhuahsan a ,pawnlam chu ka pan nghal hlawk hlawk ,min au te chu ka hre reng ,guard ho chu kal pel hmawk hmawk in ,damdawi in tualah chuan ka ding vang vanga .

Ni e Lilia te chu ka tluk reng nang ,ka kal hlawk hlawk a ,ka hotelah ka let nghal vang vang ,a duh duh danin awm rawhse ka va han hmu tawh dawn lo ber em ,ka room ka thlen rualin ka mu nghal hnawk a ,chunglam chu ka en vang vang ,kha chen ka enkawl chung pawhin a Lilia chu ka an loh thu ala sawi ania ,ka lo a thin lutuk hi chu a pawi a ni .

Zanlamah pawh ka kal duh lo ,ka mu char char a ,a tuklamah chuan luna burin ka tho a ,ka ha nawt sawk sawkin ka hmai ka phih leh a ,vawiin chu leng kual hrep teh ang ,Nic pawh ka ngaihtuah chiam peih tawh lo ,a dam tep tawh bawk a ,a duhleh Lilia i nen awm leh rawh se ,mahse ka hmu thei ange maw ,ka insiam a ,eitur an rawn dah chu ei zung zungin ka chhuak a .

Pawna ka chhuah ruala Mason lo nui vur vur chu ka pan a ,hepa pawh hi ka ngaihsak chhunzawm tawh lo kha a nia ,Nic khan a hnekna ve bawk a,a hmui chu ala sen deuh “ Iva induh ve nang hi " ka tihchuan lungawi loh hmel zet hian a tum nghal hmuk a “ Nang fe hi ,kha mipa kha tunge ni reng renga " a rawn tihchuan ka lu ka thing nawk nawk ringawt.

“ Enge tih I tum reng reng a " a tihchuan ka dar ka san ak a ,hmalam chu melh zawkin “ Ka leng mai mai dawn " ka tihchuan a nui hak a “ Ka lo tel ve a nge ,pawi i tihloh chuan " tiin min kalpui nghal zat a ,ka chhan hma hma in min kalpui a ,he mihringpa zamlo leh lutuk hi chu aw ,nileng chuan kan vak kual a ,khawpui chhunga an park siam vel kan tlawh kual a ,tlai lam a nihchuan kan hotel lam panin kan inzui haw a .

Ka luh dawn chuan min pawt ding leh rih “ Kha i bal lutuk a nia " tiin min rawn hnaih a ,ka lo en reng a kut a rawn phar a ,min khawih dawn emaw ka ti hman,mahse ka hmaia a rawn khawih tur chiah chu ka bula rawn ding Niclas kun hniam zawk hmaiah chuan a khawih a ,ka mengkawk ,Eric lah chuan “ Mama hi khawih suh" a rawn tinghal bawk .

An pafa chuan an inpawm a ,enge an hriat ni ,Mason chuan mak tih hmel deuhin min en a “ Allisa ,fa ila neilo in ka hresia " a rawn tihchuan chhan ka tum chu niclas lo tawng leh a vang chuan ka ngawi chawt a “ A neilo mahse a pai vat ang ,hei hi a fapa ve tho a nih hi ,chuan ka hmeichhia hi lo hnaih ve tawh suh " tiin ka kuta kaiin min kalpui dawr dawr a ,ka tang ve tlat chu a duhlo nge a ding chawta .

Eric chu dahthla in keimah chu min pu nghal lawp a ,ka tal deuh nghal nak nak ,mahse a dul hliam chu hrechhuakin ka tal na ngam tawh lo ,ka thin rim tun ringawt “ Daddy ,Mama kha a lerh vang a mi ,hetia i put a " Eric an a rawn tihchuan “ Eric " ka ti that a ,Niclas lah a rawn la nui huk zui “ My boy I ti dik e ,I Mama hi a lerh deuh hlek a ,zirtirna pe ang aw ,nang leh daddy lo chu a hnaih thiang lo tih kan hriat tir ang" a tihchuan a hnungah ka chum dawp a .

Naupang pawh a fuih khawlo zo dawn hetiang hi chuan ,Eric lah chuan lu a la bu nghauh nghauh zui ,he mite pafa hian min ti â takngial dawnin ka hria ,“ Ngawi mai mai khan min dahthla rawh " ka ti vak a ,min dah chu sawiloh ,car bul kan thlen rualin guard ho kawngkhar lo hawnah chuan min dah lut dawt a,ka hnang awk thei in ka hria .

“ Niclas berghof min kaltir rawh " tiin kawngka chu hawn ka tum a ,lehlama rawn thu lut chuan Eric chu a pawm a ,ka bengbulah “ Au vak vak suh ,Eric hian a en reng che. a nia " a rawn tihleh chuan ka melh leh vaka ,Eric awm ve bawk nen a awm laia tawngkam mawilo hman chu ka duh bik bawk silo ,ka insum nan ka taksa a na zo vek tawh .

A hma a min hruaina inah bawk chuan kan let leh a ,ka thut ngaiin ka la thu reng tho “ Mama tinge ,min awmbosan char char a ,daddy ka zawh lahin I Mama chu hla takah a awm min tihsan zel a ,mahse mama tun a tang chuan khawiah mah min kalsan tawh suh aw " a rawn ti reuh a,he naupang fing leh tawngthiam lutuk hi a mak zawk .

Ka kutah a kaih takah chuan thureng thei tawh miau heklo ,Niclas chu enin ka chhuak a ,a fapa hmanga hetia min hren beh leh a tum a nih vaih chuan achak lo ang ,inchhung kan luh chuan hna thawk ho chuan zahtak vekin min lo bia a “ Mama ka ril a tam ,daddy chaw ei nghal ang u aw " tiin Eric chu choka lamah a tlan phei a ..

Ka en zui vung vung ringawt “ Kal ila a rawn au leh hma in " titu chu ka melh nghek a “ Nang hian ka kalsan theihloh nan che Eric hi hmanrua a hman I tum a ni maw ,Niclas berghof ramhuai tenawm lutuk ang chiah inih hi I hria em " a hriat tawk tur chuan ka tichang fak a ,engmah sawilo in kitchen lamah chuan a lut daih leh nghal .

Ka phun tha leh tho ang ka la lungawi reng reng lo ,chaw chu kan ei mawlh mawlh a ,eikham rualin Eric chu ka mutpui nghal daih ,thawnthu ka sawi chu a ngaithla kiau a ,a ham pah bai bai bawk ,a duhawm takzet“Mama kan bulah i awm reng tawh dawn tiraw ,daddy'n mama Khan I nau tur a pai tep a tia " a tihchuan ka phu deuh zawk .

Hmela mai mai chu ,a fapa bula sawi awm leh awm loh pawh hi a hre thlawt lo ,a mut hnu chuan chunglam ka melh reng a ,kawngka a rawn rik rak chuan ka hawi phei nghal vat “Enge i rawn tih dawn "ka tihchuan engmah sawilo in min rawn pan hnai zel a ,ka tho chhuak nghal vat “Min rawn hnaih tawh suh ,hlat tur che in min duh a ,I in atanga ka chhuah I duh a nihkha .

Tunah engvanga min pan tum leh si nge inih " ka ti that a,ka kut a a rawn vawn chuan talchhuah tumin ka bei ve tang tanga ,mahse min man nghet lutuk mah mah a ni ,a room lamah min pawt phei a “Min thlah rawh ka hua che,engvanga min tibuai reng nge inih,i duh leh i lilia kha va tibuai mai ta che " ka tihchuan a thinrim leh tih hriat takin “A tawk " a rawn ti tuar a ,ka phu nghal zawk bawk .

Ka mittui chu a tling nghal kiau a ,tlanchhuab ka tum chu min man bet leh nghal vat a,ka tap chhuak nghal hawk “ Min kaltir rawh I bulah ka awm duhlo ,ramhuai inih hi min kaltir rawh " tiin ka tal nawk nawk a ,alamah min pawt dawrhin min fawp nghal chawt chu ka khawng nghal awt ,ka mawngah chuan dawmin a chawi deuh salh a,a mipatna ruh tung ka hriat chuan ka tal nghal vak .

Mahse duhtawk duh lo in min fawp uar leh sauh a,a mi fawh dan dam ruih a vang chuan keipawh ka inthlah dul ve telh telh a,min pensawn puiin bangah chuan min nawr bet a ,ka bawp lehlam chu khai kangin a kawngah min kherh tir a ,min fawp lehnghal zat chu ka chhang let lo thei tawh lo ,ka kawr chu a hlim pawk a ,a kamiz hak lai chu ka lo phelh ve mawlh mawlh a.

“ Alli min mamawh tiraw" a rawn tihchuan engmah ka sawi thei lo ,a hmuia fawh ka tum chu a lo dak daih a,ka hrilh hai hle “ Min hrilh teh min mamawh em " a tihchuan ka insum thei tawhlo “ W ka mamawh che " ka tichhuak that a,hetiang hian mipa dang ka khawih leh min khawihin emaw ka awm ngai lo ,mahse Niclas bulah erawh ka insum theilo chu a nih hi, ka hnute kawhlah chu a khawih a .

Ka lo dak hawrh ri ngawt.