CHASE ME MAFIA CHAPTER 3

CHASE ME MAFIA 

CHAPTER 3

ALLISA POV....

Ka lungphu phu nasa lutuk chu a mah pawhin a hria a niang a nui huk a ,awi pathlawi hi an lo zei dawn hle a nih hi tih ka ngaihtuah ,ka mitah chuan a mitmeng pa leh mawi zet chuan min en a ,ka chil ka lem khawlh a ,ka nghawng vel a rawn fawh kual dan dan chuan ka tha a khur der der ,tinge hetia a awm thut le .

Tukin zing atang khan a dik tawh lo ,min tilai ngun bawk si “ Nic i bialnu" ka tihchuan min rawn en run a “ Lo ngawi mai mai rawh " a rawn tihmuka ,a thinrim leh ringawt tawh em ni ,ka hnute a a rawn tham vak chuan ka au that a ,a tina thei hial alawm le “ Duhtawk rawh,ana ania " tiin a kut chu ka vuan bet a ,“ Enge I hriata tinge hetianga I awm " ka tihchuan ka awmah a rawn bei a .

“ Ka hre bik lo ,enge ka awmdan hi ka hre bik lo ,tinge hetianga ka awm" tiin min rawn en a ,ka lo nui hak “ I a a nihdawn kha " ka tihchuan a duhlo nge ka hmuiah a rawn seh a ,a thip nghal zawk “ Daddy mama " tih rawn rileh a vang chuan kan phu nasa bawk nen Niclas chu a tla thum dawta “ E...Eric enge I rawn tih dawn " tiin ka ban a “ Mama daddy in mu tur in min tia ,mahse ka muhil theilo a,tinge daddy khan a lo bawh che a .

In insual a mi "a rawn tihchuan ka hmaisa vawt khawih chungin “ Suallo e ,kan" tiin sawidan tur ka hre tawh lo chu ka ngawi renga ,Niclas rawn tho chhuak chu ka mitmengin ka signal a ,zi tual tual chung hian “ My boy a nu kha thil ka hrilh lawk a nihkha ,timaw ila mutthilh loh a " tiin kan bulah a rawn thu thla a ,tuna ka ngaihtuahnaah hi chuan chhungkua ang mai kan niin ka hria .

“ Mama bulah ka mu duh a lawm daddy " tiin ka awmah Eric chu a rawn beithan a ,ka lo nuih hak a ,Nic pawh a nui suk suk a ,a phone a rawn rik chuan tukverh bulah a va bia a ,Eric chu ka lo mutpui a ,ani pawh reilo teah a muhil nghal mai a ,Nic lam ka va en chu a thinrim hmel hle ,a mi biak chuan a thin a tirim nge pawh ka hrelo ,a vin leh hrawk thin a .

Ka lo phu zawk zawk ringawt ,a dah hnu chuan ka lam hawiin a rawn inher a ,nichin a a mitmeng mawi tak kha a bo a ,a mitmeng chu a dur khupin ka hria ,ka lo ip chawih a ,thaw hawkin “ Ka fapa kha lo riahpui ang che " rawn tihmukin a chhuak a ,ka thaw ham ham ringawt khati khawpa tithinrimtu chu enge a nih ang ,chubakah zan a ni tawh a ,chutah zan reilamah lehnghal a chhuah chhan chu enge a nih ang tihchu ka ngaihtuah a .

Eric chala fawp zauh chuan muttum in ka insiam tha a ,mahse mut chu a har takzet ,ka meng kar reng a ,ka mut a chhuai thei lo ,tunah chuan hemi te pafa hian min tibuai takzet tawh a nih hi,ka hna lah an mahni vangin ka kalsan hmak bawk a ,zinglamah chuan ka lo muhil sek a,thawm rawn awmah chuan ka mengchhuak kawka ,mengchhuakin inhnuailamah chuan ka chhukthla nghal vat .

Maid ho chu an lo phi ruai hlawm a ,sofa a Niclas lo kun ngur lam chu ka pan dawn a ,hmeichhe pakhat chuan min lo man betin “ Mam tunah chuan sir hi a thinrim rih lutuk ,hnaih loh a him zawk " a rawn tihchuan a kut chu ka thingthla a “ A inhliam a nihsaw " tihpahin ka pan lui a,Nic bula thut thlak phah chuan ,a ban chu ka khawih dawn a “ Kalsawn rawh " a rawn ti tuar a ,ka la phu zawk zui .

Hlau duhlo in ka khawih lui leh ngat a ,Doctor leh maid,nurse ho chuan mak tizetin min en thup ringawt “ I na alawm enkawl ang " ka tihchuan ,a kut a rawn khaikang a ,ka mit ka lo chhing sawk ,min beng dawn emaw ka tihman tawh ,mahse engmah a thleng lo “ Kalsawn rawh enkawl ka mamawh lo " a rawn tihmuk a “ Mahse i thi a chhuak" ka tileh chiah chu “ A tawk chhuak rawh ,heta tang hian chhuak rawh " a rawn tileh hrawk a .

Mittui tla chungin ka khawih lui leh ngat a ,ka lu chu ka thing nawk nawk bawk “ I dam hma chu ka kalsawn lo ang ,I dam hunah ka chhuak ang " mittui tla zawih zawih chung chuan ka ti a, a dar kah hliamna tih hriat tak chu ka khawih a ,a kawr chu ka phelh sak a ,a tawng tawh biklo a thi a chhuak nasa bawk nen “ Madam a thi kha tihtawp vat angai ania,a chau chhe mai ang " doctor chuan a rawn ti a .

An ni pawhin an hlau hle tih a hriat “ Min lo pui rawh u " tiin Niclas thidang lek lek chu ka kuah a ,an rawn kalkhawm nghal vat ,Niclas chu khum pakhatah mutin doctor chuan silai mutang chu la chhuakin a hliam Chu a thui nghal a ,hetiang khawpa a hliamna chung hian engtin nge a la rawn haw theih zawk ni ,doctor pa chuan min en in a kiai suk a “ I huaisen hle mai ,mr Niclas hliam hi ka vawikhat enna mai a nilo a ,chutiang hunah chuan a thihdan hun hi nghah tawp a ngai a.

Mahse nang chuan i tilui tang tang ngam a nia ,ka mi hriat tawha ila huaisen ber ,Mr Niclas hi tilui ngam an awm ngai lo " a rawn tihchuan mak titakin ka en ringawt ,a inhliam ngun tih a sawina a ni ngei ang “ A ngaihtuahawm lo ang tiraw " ka tihchuan a lu bu nghatin “ Tihian mu hahdam se a rawn harh leh vat mai ang ,a hliam a nat viau chuan  min lo be leh mai Dawn a nia " a rawn ti a ,an chhuak chu pawn thleng ka thlah a .

An tlanliam rualin ka lut leh nghal vat ,a khumbulah chuan thu in a kut chu ka vuan a ,ka mu tlem bawk nen reilo teah ka lo muhil nghal daih a ,ka Sam a an rawn keh lawp chuan ka harh nghal kawk a ,min kek tu chu tudang nilo in Lilia ani tih ka hre nghal mai a “ Nang mi zaktheilo nu ,ka pasal hual hi ilo khawih vel amaw " tiin ka samah chuan a kek leh sawk a ,ka tuar thei tawh lo a pumah chuan ka tlawh sawk a ,min thlah rualin ka thutbet a .

Ka hnek nghal thuai thuai a ,maid ho chu an rawn tlan khawm nghal vat a “ Enge thleng kha " tih rik hrawk rualin kan inthlah a ,Niclas chu a rawn hawi phei a ,thawh chhuah a tum chu a theilo nge a mu thla leh hnawk a ,Lilia chu chu veleh a tap nghal hlawp hlawp a “ Nic henu hian ka hmuh che a phallo a ,rawn hmuh luih che ka tum a mahse min rawn hnek ringawt a ,en rawh ka hnar te a tih thi hi " tiin Niclas awmah chuan a bei a.

Niclas chuan lo kuah letin keichu min melh run a ,engmah sawi ka tum lo ,engpawh sawi ila tuna an awmdanah saw chuan min awih dawn lo tih a Chiang vek ,“ I tih a ni em" Niclas chuan a rawn ti hmuk a ,Lilia lah chu a awma beiin a tap reng leh nghal,tahbelh lutuk lem chan thiam si “ Aw mahse " ka tichu “ Chhuak rawh " a rawn ti tuar a ,ka phu nghal zawk .

“ Ka sawi chu I hria em ,chhuak rawh " a rawn tihleh chuan mittui tlingpamin ka tlanchhuak a ,ka room thin lam chu panin ka thawmhnaw chu ka siam nghal mawlh mawlha ,Erica rawn tho in a min auh pawh chu ngaithla duhlo in ka bag chu la in ka tlanthla hlawk hlawk a ,kawngka rawn lut tur mipa pakhat ka sut chu ngaihdam dil paha chhuah ka tum chu ka kutah a rawn man a ,a hmel ka en chuan ka na zualin ka hria .

Tinge tunah kher a rawn lan “ Baby" a rawn tihchuan “ Min thlah rawh " tiin ka tal vak a ,mahse min man nghet sauhin a awmah min kuah bet thlawp a ,Niclas a minlo hauh tawhna a vang a ka mit a mittui tling sa nen ,ka hmangaih hmasa ber ka hmu leh chuan ka rilru natna belhchhahin ka tapchhuak hawm hawm a “ Tinge tunah ,tunah chiah ilo lan ,Brandon tinge tunah chiah ilo lan a " tiin a awmah ka chum dawt dawt a .

Ka hmaiah a rawn dawm a “ Tinge hetah I awm " a rawn tihchuan inchung lam ka hawia ,Niclas chu Lilia chuan a rawn kuah thla a ,ka en ngawt ngawt ringawt “ Chhuak ang " tihpahin min chhuahpui a tum chu “ Engvanga ka inchhung ngeia rawn lut nge inih,ka hmeichhia  hruai I tum bawk a " tih rawn chhuak a vang chuan min dinpui leh dat a “ Ka phuba ka rawn la dawn mawle,mahse hei ka hmeichhe hmangaih nen kan inhmuh phah a ka lawm e" Brandon chuan a ti a .

Niclas chu a meng deuh kawk a ,Brandon an min kaihna lai chu a melh nghal run ,Brandon hi ka duh tawh hauh lo ,mahse Niclas min tihdan ka ngaihtuah a ,ka kut laksawn tumna ka nei lo “ Kan kal phawt ange " Brandon chuan a tileh a “ Alli" rawn titu a vang chuan ka inseh ruh vak a “ Min kalsan suh"a rawn tihchuan ka inher a “ I duhthlanna anihkha ,i nupui hual nen chuan hlim takin awm rawh u " tiin ka inher a .

“ Mama " ti a Erica rawn au chu mitchhingin ka inhum ruh a “ Eric I nu ka nilo a ,kha laia mi kha nakina i nu nimai tur a nihkha ,kha kha mama chu ilo ti tawh dawn a nia ,naupang fel an tap ngai lo " ka tihchuan “ Aih mama I bula ka lo kal ve duh " tiin a tap tuar tuar a ,mahse midang chuan an lo hruaisawn vat “ Alli min kalsan dawn amaw " rawn titu chu melh leh zeuhin a hmel dang bal chu ka en a .

“ Thil hrechiang hmasa lo a I thutlukna siam a nih hi inchhir suh " tiin ka inher a ,Brandon chu ka chhuahpui nghal zat ,pawn kan thlen rual erawhin ka kut chu ka lasawn a “ Keimahin ka haw mai ang " ka ti hmak a ,“ Baby ka kalbo chhan kha " a tihchuan ka kut chu ka vai puat a“ Ka hre duh lo ,min kalsan rawh chu chu ka duh ber ,ka hmu duh tawh lo che " tiin ka inher San a ..

Beidawng zet a a thaw chhuak ri chu ka hria ,mahse ka mamawh laiin min kalbosan hmak anihkha “ Ka neilet leh ngei ang che " a rawn tihchuan “ Tum buai duhlo zawk rawh " tih hmak pahin ka kalsan a ,taxi chu pharin ka thu lut a ,ka lungzawn chu ka khawih a ,Eric an tap lawm lawm chunga min auh kha ka mitthlaah a cham reng lehnghal ,ka lu ka thing nawk a ,a pa in a lawm chhuak tur a min titu " tiin ka inthiam chawp a .

Ka in ka thlen chuan ka bawk thla nghal thlawp a ,Meddie chu message in thil awmzia ka hrilh bawk a ,ka mit chu ka chhing nghal vang vang a,ka hahdam thei meuh chuang silo a ,ka inchung chu ka melh vang vang a ,reiloteah ka kawngka a rawn ri dawt dawt a ,Meddie a ni tih ka hre nghal ,ka chhuah rualin “ Enge a awmzia " a lo tinghal var a ,inchhung lamah hruailutin ka khumah chuan ka thutpui a .

“ A in hliam a ,kha kha ka buaipuia a bula ka lo muhil ve a ,a nupui kha rawn kalin kan insual a ,chuan min chhuahtir a ,ih maw Meddie Brandon ka hmu a " ka tihchuan a mengkawk a ,ka nui sak ringawt “ Niclas inah a nia ,an inhuat hmel hle bawk " ka tihchuan ka kutah a rawn vuan a “ Awi a tunah ve engah nge a rawn lan le " a tihchuan ka dar ja san ak ringawt “ I la hmangaih em " a tihchuan ka ngawi vang vang a .

“ Kha chen kan lo inzui tawh naah kha chuan amah ka la ngainat dan kha a ngai reng a,mahse kawp leh erawh ka duh tawh lo " ka tihchuan a bu nghat nghat a ,ka phone rawn ri chu ka en a ,Nica hming a lan rualin la duhlo in ka dah a ,a rawn call nawn leh pawhin ka la duhlo ,a nupui hual vang mai a ,ka duhlo chunga a ina min hruai lut ani a ,chung ngaihtuahlo a chhuak tur a min ti kha ka lungawi hlawllo .

Meddie haw hnu chuan eitur siamin ka buai nghal char char a ,ka thinrim deuh hian thil ka ei tawk zel a,chu chuan min tihlim leh thin,chhunah tihtur em em ka neilo bawk nen ka vak chhuak a ,museum velah kalkualin ,aquarium ka fang bawk a ,keima tawkah ka hlim ve viau ,tlai lamah chuan tuipui kamah ka kal mai mai a ,mi an awm ve pheuh pheuh a ,tui chu ka dai kual a,tuikep ka hmuh ang ang chu ka chhar khawm a .

Ka rem melh melh ,van lam ka hawi a tuipui sava chu hniam fe fe ah an rawn thlawk a ,ka nu leh ka pa ka ngai vawng vawng ,tuipuikama ka kut lehlam ve ve a kai chunga min vahkual pui lai te chu ka mitthla ah a rawn lang a ,ka nui hak “ Nu ,pa in kut a kai chunga kal kual leh ka chak tak zet ,ka hnathawh ngeia enkawl ve che u ka duh a sin " tiin ka phun chhuak sap sap a .

Khua a thim Dawn a vang chuan ka haw a ,inlam te chu a reh ruih hian ka hria,ka awmlohna a rei ve tawh bawk nen ,ka eitur lei haw chu tilumin ka ei mial mial a ,ka doorbell rawn ri a vang chuan ka tho chhuak a “ Tunge " ka tihrualin mipa pakhat hian min rawn bawh rawk a ,Nic a ni tih ka hre nghal mai ,“ Alli" chauh hmel zet hian a rawn ti a ,ka namsawn tur chu min kuah nghet sauh .

“ Enge hetah I rawh tih dawn haw rawh ,I damlo a nilawm ni " ka ti that a ,ka nghawnga hmai phum chung chuan min kuah nghet sauh a ,ka thaw tha theilo hial “ Alli khapa kha I hmangaihlo tihsawi rawh " a rawn tihchuan Brandon a sawina tih ka hria ,mahse Lilia a chhan em em a ,anipawhin engah nge thudik ka hrilh bik ang ,na thei ang ber leh mualpho thei ang berin Lilia a nupui hual hma ah khatiang khan min ti ania.

“ Ani chu ka hmangaih alawm ,nangpawhin nupui inei vat tawh dawn a ,ka hmaah hian rawn inlan fo lo la ka duh " ka tisap a ,chu veleh min namsawn nghal dawrh a “ Eng maw I sawi kha ,ani ka hmelma kha I hmangaih amaw " a rawn tihchuan mak ka ti deuh,tinge Brandon pawh khan a huat hmel em em le ?“ Aw ka hmangaih ,ka hmangaih hmasa ber a nihkha ,enge chutah chuan buaina I neih a " ka ti ve hmak a ,a nui ro hawk a.

“ Hrep chuan enge in pahnih chungah ka tihdawn lo en ang che " tiin a kalsawn a ,ka en reng ,mahse a tuklam thil thleng a vang chuan ka thinrim a ka rilru a na bawk ,ka hna ka chan a,hna dang ka zawn lah in tumahin min la duh tawh lo ,Niclas thil tih a ni tih ka Chiang ,a company lam ka pan a ,a office ka luhdawn ah a secretary in min lo la dang zui ,mahse engmah hian min dang reng dawn lo ka lut lui a ,mahse ka thil hmuh a vang chuan ka tim chawih.

Lilia nen saruak ngalngat in an lo awm a ,sex hmang zo tih hriat reng reng ,ka melh ngawt ngawt ringawt a ,tinge ka lung hi a nat ve em em mai le ? “ Enge I rawn tih Dawn " an saruakna ngaipawimawh lo zet hian a rawn tisup a ,inthing harh zawkin ka en kalh a “ Engvanga ka hna chungchanga inrawlh nge inih " ka tihchuan a nui hak a “ Ka hmelma chu a let tam takin ka thungrul thin,I bialpa oh I hmangaih zawk kha mawle ,kha pawh kha ka la tifel vat ang " a tihchuan ka kut ka hum ruh a .

A hmaah chuan ka phei nghal hmawk hmawk ,a hmaiah chuan ka beng a ,Lilia chuan au tuarh hian min namsawn a ,ka khawih ve tur chu Niclas chuan min lo nem dawrh a “ Security " tiin a phone chu a dah nghal hmak a ,ka thinrim a ka rilru a na bawk ,ka kut na ut ut pawh chu ka ngaihsak duhlo ,muangchangin ka tho chhuak a ,ka en leh hram a “ In thil tih man hi ka la rul ang cheu ,Lilia Grey ,engtikah emaw chuan amal leh malin kan la intawng khawp ang ' tiin ka chhuak nghal hmawk hmawk a .

Lift ka luh dawn a ka kut na lai a rawn chelh tu a vang chuan ka rak deuh that a “ Alli khawilai nge na " titu chu mittui nen ka en a ,ka kut chu ka thing thla nghal hlak a ,mahse ana takzet “ Vawikhat mah ka hmaah emaw ,ka mithmuhah lo in lan leh tawh ngai suh ,nangmah vanga ka nun derthawng leh ka nun ka hna engkim ka chan a vang hian ka ngaidam ngailo ang che" ka ti tuarh a .

Min rawn ban a tum chu tawlh hnungin lift ah chuan ka lut a “ Mangtha Niclas berghof " tisapin lift inkhar tur a tanga min en ngawt ngawt tu chu ka nuihlui sak a, in ka thlen rualin khumah ka bawk thlawp a ,hna chu ka mamawh viau pawh a nilo a chhan chu ka nu leh pa khan sum tam tak min hnutchhiah bakah tunah hian London lamah hotel kan nei a ,mahse chu erawh kan hming angin kan dah duhlo a .

Chu chuan min enkawl zo tih ka chiang a ,keimaha enkawl lo in ka pa in min rawihsak mipa rinawm takin a enkawl mek a ni ,chuta chawlh hman a kal chu ka duh rih ,helamah ka awm reng chuan buaina a tam mai mai Dawn .

HUATNA HNEHTUR CHUAN HMANGAIHNA A NGAI THIN,MAHSE CHU HMANGAIHNA CHU RINAWMLOHNA A I THLAK A NIHCHUAN KUMKHUA IN A BO HLEN TAWH ANG