CHASE ME MAFIA CHAPTER 1

CHASE ME MAFIA 

CHAPTER 1 

Ka hma a kawngpuiah chuan hmanhmawh zetin ka kal hlawk hlawk a ,ka tlai vaih chuan ka pu hian min ngaidam lo Chiang viau ang,ka tlan deuh hlawk hlawk tawh ,ka chauhin awmzia a nei dawn lo a ,ka ei hmuh nana ka thawh a ngai miau si a ,office ka thlen rualin ka pawnfen vel chu ka pawt mar thuak thuak a .

“I va rawn thleng har ve " kha maw ka sawi ang reng “ Nia ka tho tlai deuh a ,nizan ka mengrei deuh nen" ka tihchuan min melh run run a “ I hna thawk rawh ,chhuanlam tur lah hi I hre si" a rawn ti a ,ka nui ru var var mai,ka dawhkan lam ka pan a ,hna chu ka thawk nghal mawlh mawlh a ,dawrtu an tam ve thin nen nikhata sum lut pawh a tha hnem ve phian zel ,ka lehkhabu chu kengin pawnlamah mi hmuh tur an awm a vangin ka chhuak leh nghal zat a 

Kawngpui ka kan dawn chiah tih chuan “ Mama " ti a naupang pakhatin min rawn kuah chawt chu ka en a ,keihian fa ka la nei reng reng lo ,nula hnahkhat ngat ka la ni ve a ,hetia khawlaia anu emaw min ti tu hi tu fa nge niang ,a la duhawm em em zui “ Boy lo kal teh haw ang " tih thawm a rawn chhuah chuan ka hawichhuak a ,ka mengkawk Niclas berghof Burghot iron company neitu ,pathlawi chhelo hausa bawk si an tih ngei chu ka hma ah hian a ding mek,ka mit vai zawk nge .

“ Daddy mama ka hmu " tiin a fapa chu min kuah chungin a au chula ,a mitmeng rum leh mawi zet chuan min rawn melh a ,Lalpa leh!engtin tak min ti ang maw “ Boy min vuan rawh le  ,heichu I nu a nilo"  tiin min rawn en a ,“ Kan tihbuai che avangin kan tihpalh a ni e " a rawn ti a,a fapa hruai a tum chu a duh tlatlo,ka kawr fual chu a vuan bet tlat a ,tah atum tih ka hriat chuan ka thu hniam vat a “ Mama chu min ti thei ang " ka tihchuan a rawn nui nghal ver ver a .

“ Mama kan hnenah lo kal ve la " a tihchuan apa zawk chu a lo rum hawk a “ Hna ka thawh angai a maw ,apa nen lo va kal mai ru aw ,nidangah kan inhmu leh dawn ania " tiin ka nuih var var a ,a sam buang thang leh a biang sum lang keka a nui te chuan a tih duhawm belh in ka hria “ Lo kal rawh le bawiha " tiin apa chuan a rawn hruai hrang a ,ka ding chhuaka min lo en ve reng .

A mitmeng hian ka sawi thiam phakbakin ka taksa ah hian hna a thawk ,ka sang ve hle a nia ft 5'7 lai chu ka ni ve a ,mahse hepa zak hi ka thleng tawk ang vel a ni ,“ Kan rawn tihbuai che a vangin kan tihpalh a ni e " tiin a fapa chu car nalh zetah chuan a thutluh pui a ,ka en reng an pafa khan ka lungphu an tirang hle ,thaw ham ham in ka kalna tur hmun chu ka pan leh nghal a ,ke a kal ka duh thin a vang hian chauh erawh ka chauh phah hle thin.

Office a ka let leh meuh chuan ban a lo hun der tawh ,mahse ka thil hawn a vang erawhin ka nui var var mai ,inah ka lut a keimah chauha awm ka ni bawk a ,eitur pawh ka chah tawp a ,inbual faiin tv hmaah chuan ka thu a ,ka kawngka a rawn rik chuan muangchangin ka pan phei a ,tu tak ni ang maw ,ka thiannu Meddie nge le tih ngaihtuah roh roh pah chuan ka hawng a .

Mahse kawngka ka hawn rual chuan ka meng phawk vak a “ Eng......enge in lo tihdawn " bah nawk nawk hian ka ti a“ Mama I bulah ka lo riak dawn a " rawn titu chu ka en vat,“ Ka fapa hi lo riahpui mai ta che" a rawn tihsup chuan mak tizetin ka en leh a ,an pafa hian ka thin an thawng dawt dawt reng chu a nih hi ,“ Tinge I bulah a riak duh lo em ni" ka tihchuan nin hmel zet hian a thaw hrawk a .

“ Duhlo ,duhse chuan ka rawn hruai lo ang " a tihmuk a ,a va han nelawm loh ber tak em “ E" tihpahin a fapa chu ka ban a,“ Tunge I hming le " pawm pah chuan ka ti a “ Eric a nia ,mama I bulah ka mu duh aw ,apa chu a lo haw har thei lutuk a " a tihchuan ka nui hak a ,apa erawhin min lo en char char thung “ Ka kal ange ,little boy thuawih la buaina siam tawh suh aw " tihpahin a fapa chalah chuan a fawp zauh a 

A rawn awm hnaih zawnga a taksa lumna chu ka hre pha,a kalsawn hnu chuan ka thaw ham ham a ,a mi uap na lutuk kha ka zo lo ,“ I awm man hlawh chu ka pe ang che " tiina kal zuia ,Eric chu inchhung lamah ka hruai lut a,a tawng ve barh barh reng a ,min tihlim phian mai ,ka eitur chah chu kan ei dun a ,apa in a duat Dan vel a sawi ve reng bawk “ Mahse a pa chu a hnaiah a buai thei lutuk a ,min awmpui hman ngailo a" a rawn tihchuan ka kuah bet vat a.

“ Apa chu buaipui tur a ngah a ,apa khan I ei hmuh nan hna a thawh a ngai sia lawm tiraw " ka tihchuan a nui ver ver a ,a va han hmeltha tak ani anga fapa duhawm hi neih ve ka chak ,“ Mama " a rawn tihchuan ka en leh vat a ,hetianga min koh hian ka lung hi a phu dawt zel,fa la nei lo mah ila mi nu ang mai ka ni ta chu a nia ,haha ka hrinloh fa ka pawm chu a nia ,a mutchhuak hmel ka hmuh chuan room lam ka pan pui a .

Ka mutthlakpui rualin “ Mama thawnthu min hrilh rawh " a rawn ti nghal zat a ,khawia thawnthu mah ka hre thak lo ,ka ngaihtuah rauh rauha ,fa neih hi a harsa awm tho chhuakin ka lehkhabu dahna lam chu ka pan a ,The prince and tha pauper  tihchu ka la ve tawp a ,ka va mut leh chuan ka taiah a ban tawi te chuan min lo kuah ve tai a ,a lu ah  chuan zut sak zauhin ka chhiarsak a “ Mama Lalfapa zawk kha lal inah a let leh angem le ,kutdawh zawk kha lalfapa emaw an ti daih sia " a rawn tihchuan ka en reng a .

Kum 3 mi ngaihtuahnaah chuan a fing mah mah a ni “ Let leh ngei ang kutdawh hian engkim a hrilh vek dawn a lawm" tiin a chalah ka fawp zauh a ,ka chhiar leh hnu reilo te ah a muhila ka en reng,a chanchin ka hriatdanin a nu hian a tetlaiin a pian rual hian a kalsan an tia ,chuan Mr Niclas hian a enkawl char char a ,a enkawl puitling thei hi a mak zawk ,mahse billionare a ni miau a,sum chu a ngah a lawm.

Sum a awm hi chuan thil hi a lo awlsam em a ni,ka mut a chhuah ve em a vang chuan ka muhil zui ve mai a ,zinglama ka ruma au deuh tuarah chuan ka mengchhuak vat a ,ka thiannu a khabe a bal dawn emaw tihtur khawpa lo ang nasa chu tho chhuakin ka pan. vat a “ Mama hei tunge a Sam a kir puk luih mai " Eric an a tihchuan ka nuichhuak hak a “ I nute meddie anih hi ,chibai rawh le " ka tihchuan “ Hi Eric ka nia anutei maw " tiin a kut chuan a va ban a .

Meddie mak ti lutuk lah a hawi kual ruai a ,ka ben tak fawkah chuan a ban ve hram a “ Enge awmzia ,hetah Eric berhof maw ,Allisa enge I hriat a ,i kidnap tih sawi miah suh" a rawn tihsar sar chuan ka melh nghek a “ Chutiang tiduh hmel ka pu ami " tiin ka melh rum ul a “ Mama daddy hi a lo lang har e " a tihchuan thu hniamin “ Alo kal tep tawh ang pawnah sawn pangpar huan a awm kha ,lo va infiam rawh le ,aunty hi kan be lawk ange aw " ka tihchuan bu nghatin a tlan chhuak a .

A thawm a reh ve leh Meddie chuan min pawt thu nghal hnawk a “ Enge a awmzia ,billionaire fapa hi engtin nge I inah a awm theih ,nu ala tibawk che in ka hria ,Allisa enge thleng hi " a tihchuan ka dar ka San ak a “ Khawlaiah kan intawk a ,anu emaw min titlat a ,ka hrethiam bik lo Mr Niclas an a nu ka nihloh thu a hrilh pawh khan a awih duh miah lo a ,a tap dawn bawk nen ka khawngaih sia mama min tithei ang ka titawp alawm" ka tihchuan a meng phar awn awn tawh .

“ He thil hi I chiang amaw mr Niclas hi billionaire ropui tak anih bakah mafia hotu an ti bawk ania,Alli I tan a tha lo ange aw " a rawn tihchuan “ A ho e ka lakah a mafia ve chuang hleinem ,awi a pa si a hmeltha bawk si ,a takah ka hmuh ka lo inring lo hrim hrim a " ti a ka nuih vur vur chuan ka chalah a rawn kuk tawlh a ,nui tawp chawtin rum mangkheng chuan ka melh a .

“ Buaina lakah I him ka duh vang ania ,tunah hian Mr Berghof hian bialnu a nei a ,actress Lilia nen an in ngaizawng a,Lilia mizia chu I hre ve tho ang ,a ngaihzawng te a hauhna thei hle a ,kut hial pawh a thawh hreh ngai lo " a rawn tihchuan ka hmui ka pet a ,chutiang ngaihtuahlo ka nibik hleinem le ,tv a an news puan kan hriat chuan kan pan hnai a“ Nizanah khan Wine company neitu ,mi hausa tak mr Frank chu a inah thi a hmuh ani a ,a thattu erawh hriat ala nilo " tihchu an rawn sawi a .

Meddie nen chuan kan inmelh haw a ,pawn lama car thawm a awm chuan kan inzui chhuak a ,Niclas ngei chu car a tanga rawn chhuakin Eric a pawh chuan a pan vat a,a fapa chu a lo pawm nghal nawlh ,ka thiannu lah in a mihmuh chu awihlohna mitmengin a en bawk,hahthlak thin “ Mama daddy in min lo hruai tawh Dawn a " tiin Eric chuan a kut chu a rawn vai lap lap a .

Ka lo vai let ve vat a ,Mr Niclas chuan Eric chu carah dah lutin guard pahnih chu eng emaw hrilh hian ka lam a rawn pan a,ka lo en reng “ Ka fapa ilo riahpui a vangin ka lawm e " tiin card a rawn phawrh a“ I duh zah zah I hmang dawn ania " a rawn tihchuan ka thaw hak a “ En teh mr Berghof hlawh duha i fapa hi lo riahpui ka ni hleinem ka ngainat vang chauhin a ni khawngaihin la let rawh " tiin ka kut chu ka kuangkuah than a ,nin hmel zet hian a thaw leh tawh .

Mai mai chuan a bula awm hi ka chak bik tawp silo,Meddie lo ngawi a min en zek zek te chu ka ning hle “ Ka la lo mai ange kal tawh rawh pu Niclas" ka tihchuan min melh rum lutuk chu ka lu hi a pil hman zawkin ka hria “ Putar hmel ka pu a mi naupang ,vawikhatmah pu min ti tawh ngai suh" tihpahin a let nul nul a ,ka en mawl tawp ,an tlanliam rualin “ Awi ka thaw thei ta "Meddie chuan a rawn ti a ,mi rawn beng leh nghal hlawk hlawk tawh.

“ Awi min kap pawp duh dawn tawh emaw ka tia ,ka hlauh dan chu hnaih tawh hauh suh,mi hian a pawi sawi an hlau teh ania,tun thlenga jail a la tan loh chhan te hi a hausa a ,thil a tithei a ,an man a nihchuan a thuih hruai tam tak ten kan ram hi an tichhe vek duh hial ang " a rawn tihchuan ka ngaihsak duh lem lo “ I hmeltha tih vang a nihchu ,a chanchin I hriat danah I vei hle a nih Dawn kha " tihpahin ka luhsan a .

“ Awi hmeli tunge hmelchhia ka ti ti a " tihpahin a rawn au lut a ,ngaihsak duhlo chuan rawng ka bawlsan mawlh mawlh a ,hna kal hmat a ngai nen ka che chak viau,Meddie pawh a haw ve mai a ,ka chaw chu ka ei nghal mawlh mawlh a ,room a lutin t shirt leh kekawr ka taksa phuar tang chu ka ha a ,ka chhuak zui nghal vat a,kawngka ka kalh mawlh mawlh lai chuan mipa thum hmai tuam hian min rawn pan a 

Tlan chhiat ka tum chu pakhat chuan ka banah a rawn phih lawp a “ Hmanhmawh rawh u ,henu hi Niclas fapa khan a ngaina hle in ka hria a ,hmanrua ah kan hmang thei ang " an tihchuan mengkawkin ka tal.nghal nawk nawk a ,mahse ka hmaia romol a an rawn tuam chuan ka mit a thim nghal sulh sulh a,enge thleng hi ?.

Ka harh leh chuan ka mit chu a vai chum Chum thei ,ka awmna chu a thim hle tih ka hria ,mipa khat hian min rawn pan a ,ka hma ah a rawn thingthi a “ Ka zawhna che tha taka i chhan loh chuan ka that ang che" a rawn tihchuan ka hlau hle ,ka tha a khur dar dar a “ I hria tiraw ?" a rawn tihchuan ka bu nghat a ,ka hmui hupna chu a rawn la sawn vat a .

“ Niclas berghof nen hian engin zawmna nge in neih " a rawn tihchuan “ Engmah" tihzawngin ka chhang a ,ni e engmah inzawmna kan nei hauh lo ,nihnih chhung chiah ka la hre miau a ,ka khabe ah chuan na zet hian a rawn dawma “ Dawt sawi suh nizanah a fapa I inah a riak tih ka hria ania " a rawn tih hrawk chuan ka lu thingin “ Ka hrelo takzet " ka tihchuan ka hmaiah chuan a rawn beng thuai a .

Ka lu a hai nghal chhawlh a ,ka ka a tang chuan thisen a rawn luang ngiai ngiai a ,“ Dawt ka sawi lo ka hre lo tak tak " ka tihleh chuan a thinrim zual zawk emaw tihtur hian a meng dur khup a “ Dahtha rawh u " a tihtuar rual chuan kawngka a tang chuan an rawn lut a ,ka hlau takzet ,ka mit ka chhinga an silaia min tin te chuan min ti tim ur ur thei hial mai .

Silai a rik rual chuan ka thihloh reng ka ring tawh lo ,mahse engmah a thleng lo ,ka mengchhuak a Mr Niclas ngei chu ka hmaah a rawn thu thla a ,“ I tha em" a rawn tihsup chuan hnuk ulh teuhin ka lu ka bu nghut a ,engmah sawi tawh lo in min phuarna hrui chu a phelh a ,min pawm kang nghal nawlh ,a hmel tak run chu enin ka mit ka chhing riai riai a ,engmah ka hre zui tawh lo .

“ Mama ,mama harh teh ,daddy mama hi tinge a harh theih miah loh a,mama wake up " tih ri ah chuan muangchangin ka meng chhuak a ,ka mitte chu an phe ruai chhing leh vang vangin ka mengtha leh a ,a fiahta “ Mama tinge I mutthilh char char a " Eric an a rawn tihchuan ka nuihlui sak a ,apa erawh tukverh lam hawiin mi a bia a nih hmel ,ka harh tih a hriat chuan min rawn melh zawk a .

Ka lo en ve reng a hawisawn rual chuan Eric a lam chu ka ena “ Ih ka chau deuh a ,ka lo murei a lawm le " tiin ka hawikual a ,ka awmna hi ka hre hauh lo “ Mama daddy in I dam lo a tia ,kan inah hian I awm ve tawh dawn atia ,tak tak a mi" a rawn tihleh chuan Niclas a lam chu rang zetin ka en a ,a nipawh a rawn inher a ka bulah a rawn din pah chuan “ My boy inhnuaiah lo zu chhuk rawh le,mama hi kan be lawk ange " a tihchuan Eric pawh chu thuawih deuhin a chhuaka .

Min en nghal run a ,ka thaw a tibuai ru viau “ Hetah I awm tawh ang " tehtawp a,“ Engah chuan maw " ka ti ve hmak a ,“ Nangmaha awm I tan ahim lo ,nang hi kei min beihna hmamrua ber tur ini ,chu vang chuan hetah I awm ang " a rawn tih leh takah chuan ka ban ka phar hliai a “ Ka inveng ve thei ,angailo nimai rawh se " ka tihchuan ka hmaibul chetah a rawn awm a ,ka tawng leh tur pawh ka chawl dat .

Hetiang em em a mipa hma a ka zam leh min ti danglam tu ka la hmu in ka hre hek lo “ Ka bulah I awm ang min hnial suh" a rawn tileh a ,ka ngawi dak ,a thaw lum.hak chuan ka hmai a rawn tilum pha hial,awi enge ka chungah thleng ta hi?