CHASE ME MAFIA CHAPTER 4

CHASE ME MAFIA 

CHAPTER 4

3 MONTH LATER 

ALLISA POV..

News chu ka room a tang chuan ka en a ,New York a wine company neitupa thihthu an rawn puan chuan ka en reng ,tinge tualthahna hi a awm reng mai le ,ka rilruah Niclas a lang zawk a ,mahse ka lu ka thing nghal nawk nawk ,ani chu a nih ka ring lo ,engtin nge a awm tihpawh ka hre chhunzawm lo a ,mahse newspaper velah erawh Lilia nen a an hmuhdun nasat thu an chhuah reng a .

London lama ka awm chu a fuh phian zawk ,mahse ka rilru chuan Eric ka ngaihtuah leh thin,a nu ang chiahin min ngaia ka hmu ngai tawh heklo,min hriat pawh ka ring lo a “ Pi I eitur a lo thleng e " ti a hnathawk pakhatin ka rooma eitur a rawn nawr luh chu ka pan vat a ,ka rila tam tawh bawk ang ,ei nghek ang ,an soup siam vel chu ka hawp hlak hlak a,Vawksa hem hmin chu ka ei pah bawk ,Sunday roast , kimchi nen ka ei hnem viau .

Ka eizawh chuan ka dam sawng sawngin ka hria ,New York lam ai chuan helai hi nuam ka titawh zawk mah ,ka kawngka a rawn rik dawt dawt chuan “ Tunge " vin zet hian ka ti a “ Keimah I va vin ve ,lengang " Mason-a chuan a rawn ti a ,a ni hi London ka thlen hnu a ka kawm tam ber a ni ,amah mi thawveng chi a lo ni nen ,kan hotel bul lawkah hian in an nei bawk a ,ka hmuh tirh chuan ka ngei hle a,mahse kan inkawm chian takah chuana lo fel phian sia .

Tihian kan inkawm ta reng chu ania ,“ Ka leng peih ngawt lo " ka tihchuan kawngka chu a rawn beng ring sauh a“ Rawn chhuak mai mai teh,ka bialnu kan hmu dawn ania " a tihchuan phur zetin ka insiam nghal sawk sawk a ,ka chhuah rualin a lo nui nghal vur vur ,phakar ker kur lutuk,kan inzui chhuak a “ Khawiah nge I bialnu chu " ka tihchuan “ Ka bum che a" a rawn tihchuan ka kut chuan ka tin nghal uaih .

Mahse kan leng ta tho a ,kawtthlera an ice cream zawrh kan eilai chuan ka hnunglam a tang hian min pawt her dawrh a ,tunge tih ka en chu ka mengkawk “ Nic" ka tisap a ,a thinrim hmel chu a rapawm takzet a mengsen rum lehnghal “ Helaiah hian maw ilo tawm bo a ,min hrilh teh tunge a ni hi " a rawn tihrawk a ,ka ip chawih ,mahse ka tan tumah a ni hleinem tihchu ka ngaihtuah a .

“ I hriat ve kher angailo ,kalsawn rawh" ka tihchuan min pawtsawn a ka tang ve tang tang,Mason chu a rawn inrawlh a ,Niclas thinrim chuan a hnek nghal pawp a ,Mason chu atlu nghal thlawrh ,sang ve viau mahse Nic lakah chuana la te deuh a ni “ Enge ti ni a I inhriat a ,Niclas berghof " ka tituar a ,min rawn en in za lo zet hian a khi suk a “ Min rawn zui nge a ni hi ka that dawn " a rawn tihchuan rapthlak tizetin ka en a .

“ Ramhuaipa " ka ti tuarh a ,ka hmai bula rawn kun hniamin “ I tidik ,ramhuai ka nih hi chuan ramhuai hian pawisak vak ka neilo a nia ,chuvang chuan min rawn zui rawh " tiin min pawt dawr dawr a ,mi ho chuan min en duh hlawm hle ,ka tang ve tang tang chu a duhlo nge ,min pu lawp a ,a pen nghal hmawk hmawk “ Min thlah rawh nang nen hian kan inkarah engmah a awmlo,I bialnu zaktheilo zet nen khan min tibuai tawh suh u " ka ti tuar tuar a .

“ Ngawi mai mai rawh sihte " a rawn tih nghut chuan a nghawngah ka seh vak a ,Sihte min tihman chu ka hmuhtir hlak ange ,a rawn rum hawk a “ Awm mai mai rawh Sihsen tereuhte " a rawn tihleh chuan “ Hmela sihsen ka nilo" tiin ka tal leh nawk nawk a “ I awmdanah hi chuan sihsen ,a mah daihlek tu seh thin ang chiah inih hi ,tal tal lo khan awm tha mai mai rawh " a rawn tileh a ,engvang ngawtin nge a thu chu ka awih ang ni.

“ I thu thu a awm turin i chhiahhlawh pawh ka nilo " tiin ka tal nghek nghek a ,“ Ka chhiahhlawh nilo in kha i pum tetakteah khan ka fa tur ka thun vat ang " a tihchuan zaktheilo hi ka tingawih ngawih “ Hmela nangang mi nunrawng tualthahhmang hi ka nei ngai lo ang che " ka tihchuan a thin ka tirim nge ,min dahthla in kan bul bangah chuan min nem bet rawk a ,ka ngawi Chiang hle .

“ Kha thu kha sawi leh teh " a rawn tihrawk a ,ka ip nghal chawih ,tuna a hmel landan hi a rapawm hluah hluah ,“ Min thlah rawh " ka tisap a ,ka aw chu a khur hial min en run runin min thlah tum hmel pawh a pu lo “ Nang hian kan pafa nun hi I tibuai vek tih i hria em " a rawn tihchuan ka lu thingin “ Ka tihbuaina ka hrelo ,ka hmelhriat tha tak pawh in ni hek lo ,engtin nge tichunga in nun chu ka tihbuai theih " ka tihchuan ka kut chu a hmer na zual say ...

“ Ana a nia min thlah rawh ,nangpawh mipasal hual inihkha ,min rawn tibuai tawh suh ,ka hmu peihlo che " ka tihchuan a thinrim hmel hle ,akut dahsawna kal ka  tum chu silai rithuai a vang chuan ka au that a ,Nic chuan min kaiin min tlanchhiat pui a ,“ Hrepchuan engtin nge min rawn zawn hmuh theih " tiin a phun hluk a ,ka hlauthawng lutuk chu min kaihna lam lamah chuan ka tlan ve zel a .

Reife kan tlan hnu ah a car bul kan thleng a ,a guard ho chu vin tuarhin “ In silai phawrh ula ,pakhatin car hi khalh rawh u " a tihchuan an che nghal zung zung a ,engmah pawh ka sawi tawh lo ,ka hlauthawng lutuk chuan ka tha te a tikhur thei hial,reife kan tlan hnu ah in pakhat lian ve tawk tak zawnah hian min dinpui a ,min kai lut leh nghal hmawk hmawk ,khua a thim tan a ,ka ril pawh a tam leh tawh viau .

Hlau thawng viau e tilo chuan ka ril a tam takzet ,inchhunga maid lo ding ho chu a vin tuar tuar reng a ,ka kut huh ang deuha ka hriat a vang chuan Nic chu ka en a,min kaihlohna lam a a kut chuan a dul alo dawm a ,“ Nic I tha em " tiin ka hnaih a ,a kut a tanga thisen rawn put chhuak chuan min tihlauthawng zual “ Hmanhmawh ta che u,Nic hi a inhliam a nih hi in hmu lo em ni " tiin ka vin tuarh a ..

Ka insum hman tawh lo ,duhleh thinchhia pawh min lo tirawh se “ Car la chhuak nghal rawh u ,hospital kan pan ang" tiin keimah chuan thu ka pe ve tawp a ,Nic lah a chauh hmel tawh bawk si ,tinge a hliam bik ziah mai le ,car an lak chhung chuan sofaah ka thutpui a ,ka malah a lu nghatin ka au mawlh mawlh,guard pahnih chuan dim thei ang berin an zawn chhuaka .

Na a tawrhlai pawh chuan min rawn en reng ,ka zui ve vat a ,buaina a tawh lai hian ka kalsan thei biklo a ni ,a kut chu ka vuan a engmah a nichuan a hre tawh lo “ Nic min kalsan miah suh aw " tiin ka phun chhuak sap sap a ,a nilah chuan ka tawng pawh a hre tawh silo,a kut chu ka vuan a ,ka chelh ve ngat ngat ringawt tawp a ,hospital kan thlen rualin an lo buaipui nghal zung zung a ,emergency room lama an nawr luh chuan pawnah chuan ka thu thla hnawk a .

Engkim hi keimah vang vek niin ka hria ,tikhan ka sual chhuahin lo awm lo ila chu a inhliam awm tawp silo ,ka hmai chu ka tuai pawk a ,guard pakhat chu a rawn pen hlawk hlawk a ,ani erawh guard dang aiin a thu hmel a ,a hmel a rum bawk “ Boss chu enge a chanchin ,veng reng rawh u ka ti cheu a ni lawm ni " a ti tuarh a ,pahnih vawiin a kan hruaite chu an kun a ,chupa chu la hre ngailo mah ila ka lo khap vat.

Ka hmel a hmuh chuan a meng deuh kawk a “Keimah min hmuh a vangin min biaktuma min kalsawn puilai kha a nia ,engmah an ni hian tihsual an nei lo ,keimah vang zawk a ni,lo tibuai lo ila chuan a hliam miahlo ang ”ka lo tisap a ,ka hmai chu ka tuai nghal pawk bawk ,darkar chuang fe an zai hnu chuan doctor a rawn chhuak a ,“ Kan hlawh tling e , a mah a thinchhia in a tuarchhel bawka ,ward pangngaiah in indah thei ang ,tlemin thinchhiat loh inlo zirtir hram dawn ania " a tihchuan rawn kal thar pa chu a nui hawk a .

“ A Sim duh ka va ring lo e " tihpahin min rawn melh zo a “ Boss chu va hmu rawh " a tihchuan muangchangin room ah chuan ka lut a ,khuma lo mu a damdawiin kawr hak ning tih hriat lutuka lo phelh mual mual chu thawm nei miahlo in ka en a ,a kawr phelh thei lawk lo lah chu a phun leh hluk thin,a tawpah chhuatah chuana paithla a ,a mu nghal hnawk ,a puan sin pante chhanah chuan a taksa chu a lang Chiang hle a .

Amah a lian bawk nen a. awmdan chu ka nuih za tlat pek a ,ka nui chhuak hawk hawk a ,ka thawm a hriat rual in min rawn melh run a ,a mitmeng chu a chauh hmel “ Khalaia nui khi thaw renglo khan ka kut tal te hi rawn vuan vela ,tlem tala min ngaihtuah ka rin ve nen ,min nuih vel a maw" a rawn tihmuk a ,lu thing nghat chuan ka pan a,ka kut te zeta akut lian leh hlai hlup ka hum rual.chuan min lo chelh nghet ve sauh a.

Amit chu a chhing nghal vang vang bawk ,“ Min tihlauthawng a lawm ,engvangin nge i inhliam tih i sawi miah loha " ka tihchuan thaw hawk hian a mit chu ala chhing tho a “ A pawimawh lo tihna a nimai" a rawn tileh a ,hepa hi chu aw tlem tal hian a tawng mawi ve theilo a mile ,mahse muhil se ka tih a vangin ka be duh tawh lo a ,ka en reng ani pawh reilo teah a muhil ve mai a .

 A mutthilh lai hi chuan a zaidam hmel mawle ,a hmeltha tak leh a hmai hriam hrak pa tak mai chu ka thlir a ,zan a rei tawh nen keipawh ka lo muthlu daih leh nghal ,thawm rawn awmah chuan ka meng chhuak a ,doctor leh nurse te chu hlauh hmel leh inthlahrun hmel zet hian an lo ding tat a ,ka en nghal vat “ Ngati nge " ka tihchuan nurse pakhat chuan “ Kan khawih a duhlo a " a tihchuan rum zetin Nic chu ka melh a .

“ I thinchhe ve lo deuh thei em " ka tihchuan “ Ka nat ang hian na la I thinchhe lo bik lo ang " a rawn tihmuk a ,hahthlak hiana “ Chu reng chu I damna turin an enkawl dawn reng che a nih hi " ka ti ve hmak a ,ka hmel chu a hmuh theih turin ka her ,ani erawhin doctor leh nurse ho lam chu a melh a ,nurse hmeichhe ho lah chuan hlauh hmel viau e tilo chuan duh hmel tak hian an la en zui a ,an va zak lo .

“ Ka bula I awm reng dawn chauhin min khawih ka rem ti ang " a tihchuan ka thaw chhuak ham hama ,hepa hian anatna hmanga a bula awm tir min tum chiang lutuk,engpawh nise a dam a pawimawh ber rih miau “ Awle " tiin a kut chu ka vuan a ,a ni pawh thaw hawk hian a muthla hnawk a ,a mit a chhing nghal daih bawk ,doctor lam.chu ka en a “ Rawn check tawh la " ka tihchuan muangchang hian a pan a ,Niclas hi chu khawi hmunah pawh mi hian an zah in an hlau em em vek chu a nih hi .

An check chhung zawng chuan tha takin a dawh ve ta zela ,thu a awih ta lutuk chu a mak zawk ,nurse ho lah chuan ka dinhmun nihchak tih hriat takin min en leh thin,dedaw mai Chhelo hi chu an hria a nia ,a mut chhung chuan hospital bul restaurant ah chuan thil ka eilawk a ,ka let leh chuan Nic awmna chu a lo bengchheng hle a ,a thinrim aw pawh ka hre nghal .

Ka lut vat a “ Nic enge thleng " ti a ka luhchuan min enin a thaw hrawk a “ Khawiah nge I kal bo ,ka bulah awm reng rawh ka tihkha " tiin min rawn ban a ,ka pan vat a mah lo enkawl.tum tu te lahin an hlauh hmel nasa viau leh nghal a ,anilah a lo thinchhe ve bawk nen “ Ka ril a tam lutuk a ,hospital.bulah hian ka ei lawk alawm,tinge ilo au leh vak kher a ,I tan a tha lo ,I la dam chiang heklo lehnghal a .

Au vak vak tawh suh" ka tihchuan ka kut chu hum nghet sauhin a mit a chhing a “ Khawiah mah I kal tawh tur a nilo ,ka hmuhphakloha I awm chuan ka zawng chhuak tho tho ang che " a rawn ti nghet charh a ,a tih ngei pawh ka ring ,a thutiama din nghehloh lai vak a neilo tih ka hre Chiang em ani .