TRIPLEX LOVE CHAPTER 1

TRIPLEX LOVE 

A hmasa in he story hi chu mipahnih story ang chiah kha nilo in ,changtu pathum ve ve an ni dawn aw 

CHAPTER 1 

Seni ,Vaki tikhan lo awm lawk ru kan bih lawk a nge " tiin kan inchhung chu ka bih kual a ,tumah ka hmuh tak loh ah chuan ka laizawnte pahnih chu ka hui nghal vat a ,thawmdim zet chuan ar kal dan chuan kan kal kheu kheu a “ Enge in tih leh euh euh dawn a " tihri a rawn chhuah rual chuan kan phu dawrh hlawm a.

“ Aaa...pa min hmu miah suh" ka nau chiah senrengi kan tih mai ,Nuntluangi chuan a ti a ,kan naupang ber nen chuan kan lo nui hak thung a “ Ka hmu tawh cheu chu anihkha ,enge tih intum leh ni ,nu i lo chhuak teh i fanu harh lutuk pathum hi en teh le ,saw ostrich anga an hawi ang he he saw " ka pa chuan tiin ka nu chu a au a .

“ Awi Kristian tlangau kan ngaithla dawn a nihleh hmel" Vakharhi chuan a rawn ti a ,kan nui leh hak “ In harh si ,in thawveng si ,nangni pathum ang hi chu he khawvelah hian an vang viau ang,niminah pawh thenawm te uite ,luhai vak theilo khawpin an pipu ah in lo uai tir tih kan hria ,mi pawi khawih zawng hian awm reng suh u,tumah in uite pipu an uai tir ngailo .

Nang ni unau ve hi ,inrawn thang lian dek dek a ,nitin school ah lah nise in zirtirtu te in tihbuai loh leh in class mate te inti buai thul ,hmeichhia in ni pawh hian ka hre thinlo ,a em em lutuk insum hle ang cheu" a rawn tihchuan kan inen hrek hrek hlawm a “ A nu ,apa kan lo haw hunah sermon chu tan leh mai ru aw ,hei kan chhuak ru dawn ania " tiin senpari chuan a kut a vai zauh a .

Kan thlawp nghal zat “ A ruk pawh a nihloh kha ,kan hmu vek che u ,enkawl hi inhau tak lutuk ,hetiang em em a harh nitur hian enge in ei bik ni " arawn tihchuan “ Ele nitin  dailuah " tiin tukverh a tang chuan kan zuang chhuak thapa ,khawlaiah chuan vak kualin kan harh leh hlawm hle a ,khawi hmunah pawh kal ila mi tibuai lo chuan kan awm ngai lo tih theih a ni ,“ Hey Chhelo a te kan bih leh Dawn em " ka tihchuan an nui hak a .

“ Loh theih nang le ,kal ang u engvanga school a hmai tuam tlat thin nge an nih ang le ,an hmelthat tehlul nen nge mi hmuh an hlau,va tibuai ang u " tiin mipa unau thum keini ang chiah te basketball khelhna thin chu kan pan a ,a hmuna luh kan ngam lo bawk nen ,bang ft6 vel tur chu kan en thap a “ Lawn ang u hei bak lawnna tur dang a awm lo ,in dawm kai zel ila " Senparin a tihchuan kan nui hak a ,Vakharhi chu a naupang ber a ni bawk nen kan lawn hmasak ber tir a .

A dawtah Senpari chu ka pui ve leh ,kei erawh dawm kai tu tur ka nei ve lo a ,inpawh kai tawp a ngai ,kan pathum chuan bang chungah chuan kan thu thap a ,kan hmaa mipa unau thum infiam chu thawm chhuah ring ngam silo in kan en thapa,Kan unau thum chuan melh bik kan nei theuh ,ka nui sak a ,a upa ber chu ka en fal nalh a ,a va han chhelo tak “ Awi a abs rawn lang kha in hmu em ,awi analh e " tiin kan naupang ber chu a rawn au ta mai.

Kan enthlak a te chuan min rawn en ta mai ,rang lutuk in kan zuangthla a ,inring lo a zuangthla kan ni bawk nen kan thum awk awk “ Awi ka nu ka ngum ka sawhtliak " tiin ka er ngawng ngawng a “ A tliahloh kha Thenreng rawn tlan rawh min rawn hmu har dawn miah lo ania " Senpari chuan a rawn ti a ,na chung chung chuan kan tlan vak a ,kalpaha an intual uiin min lo bau chu kan chhui hram kha .

Hmun him kan thleng ta ni a ,kan hriat chuan kan chawl thap a ,kan thaw hlap hlap hlawm “ Lalhruaitluang fimkhur ve ta che enge i tawngchhuah de de ni " tiin kan nau chu kan en kar a “ Awi a a nei mawi em a nihkha ,in ninawm khatiang khan awm kher suh u ,au chhuah ka tum bik lo a ,ka kawchhung a mi hian a chak lutuk bawk sia chuvang a nihkha " a rawn tihchuan kan nui hak .

“ Tiru reilote leng leh ila kan haw dawn ania ,pu James an min lo hau leh palh ange " tiin ka naute chu ka kalsawn pui a ,khawlaiah chuan hawisan vah tur tih hi kan thupui ania ,thenkhat tan chuan an ngei rawn kan ni ngei ang ,mahse kan care lem lo ,an duhleh min lo ngei mai mai sela kan chaw ei a tuiloh phah lo emai ,kan inlam kan pan thap a ,inchhung kan luh rual chuan mipa upa lam deuh hi a lo awm a .

Ka pa lah chuan min lo melh khui a “ Rawn thu rawh u " a rawn tihfak chuan kan thu thla a ,“ Vawiin ah Pu Rinpuia te ui in pet leh em ni" a rawn tihchuan kan ina leng pa chu chhelo a te pa a nitih kan hre nghal ,kan unau thum chuan kan inen hrek hrek a“ Ih pa englo ania...." ka ti dek dek chu “ Tawng suh u ,buaina min thlen tam lutuk,hmeichhia pawh nilo in intaksa hmeichhia in rilru erawh mipa ,buaina hi inchawk chhuak zing lutuk " a tihchuan kan ngawi thap a .

“ Ih maw pa Rinpui ,thil kan hrilh ang che nga sawi chhuak suh aw " kan tihchuan a bu nghut a “ I fapa te saw kan duh lutuk a ,kan enthla kha in ui Khan min lo um bawk sia ,tih theih dang kan nei tawh bawk silo ,khatia kan tih mai loh chuan kan enthlak a te khan min hrechhuak dawn sia "ka tihchuan pa Rinpuia chu a rawn nuichhuak hawk hawk a “ Awle keimah chauhin ka hmu bawk cheu a ,in mizia ka hmuh hian kan nu min tihrechhuak rum rum mai ,lungngai lo ula uite chu a dam leh vat mai ang " a rawn tihchuan .

“ I hrilh dawn lo tiraw " Senpari chuan a lo ti ve vat a “ Tehreng mai ,an hriatchhuah cheu in duh loh te chuan kan zep mai aniang chu ,pu Kima pawh i rilru tihah lo la ,kan ui kha a rak ta vak sia ka rawn en Khan ,kan nula te hi an lo tlanliam hman sia,enge tiin chanchin ka rawn ngaihven mai mai a nih hi aw " a tihchuan ka pa James a chu a lo bu nghat a .

Pa Rinpuia chhuah hnu chuan min en leh thap a ,a mi melhna a vanga mithi khua thleng tur chu ni ila ,vawi tam tak kan thlarau hian pa hmel a hmu tawh hial ang “ Inlo lawm viau a nge ,a neitu ten pawitilo mahse ka hauhna tur cheu a dal lo ,in mizia ka en hian mihring pangngai pawh in nilo ,mi chanve in nih hi " a rawn tihrawk a ,Vakharhi chu a tho nghal thak a “ Apa chu ivan tidik ,pathum alaklawh chi kan nia ,Mi chanve chiah chiah ,mi pali chu ila mi pangngai ,pathum chu mi chanve pakhat a chuang sia " a tihchuan .

Senpari nen “ A dik ,pu James a hmingin a dik a ni e " kan tihchuan “ Ka hlap Dawn cheu maw ni le ,in tawng theih Dan em.em hi " a rawn ti a“ A.....pa angai lo ,I pianthar kha ,Isuan i sual a tleng fai tawh a ,kan thiltihsual ngaidam ang che tiin I tawngtai fo sia min ngaidam ve dawn lawm ni ,Isua pawhin a ngaihdam thin kha " Senparin a tileh chu beidawn hmel lutukin a thaw chhuak a ,keini unau thum lah inen in kan nui tet tet ringawt .

“Inroomah kal vek rawh u ,inkhawm peih mang silo in ,pate Pathian thu ka hrilh e te in tih ,a lehpekah chuan ka ngaidam tawh Dawn lo che u a nia " a tihchuan “ Ka nu kan au a nimai" tiin kan room lamah kan tlannghal thap a ,ka pa hi chu a fate ah hian a beidawng ngawih ngawih tih a hriat thin,mahse enge harh lutuk hi kan tum biklo a ,kan thlarau nun a thawk na deuh hi kan hnar hneh ngang lo a ni e .

Khumah chuan kan pathum chuan kan zuang vak vak a ,kum inzawna piang kan nih a vang hian kan inpawh zual a ,thian dang vak kan kawm ngai lo ,kan unau thum hian kan inzui tawp thin,chaw ei a hun chuan inhnuai lamah kan chhuk thla thap a ,ka nu chuan ka pa tilui tam lo turin min zilh malh malh a ,kan nui hak hak ringawt “ I pa hi tawngtam lutuk chi a nilo a ,ka tleirawl lai pawha kan inngaihzawn chhung zawnga ,thumal 1000 vel chhakchhuak tawk kha a nia .

Hnial reng lo ula ,chubakah Judy nang a upa ber ini a ,kumkhat chiaha upa ni mahla a upa ber I ni hrim hrim a ,inau te hi kaihruai rawh " a rawn ti malh malh a “ Nu apa hi a chi a chak awm ka ti" kan naupang ber Vakharhin a tihchuan ka nu leh pa chu an rawn nui phuh thawt a ,keini pawh chuti bawk “ Lalhruaitluang I tawng thei lutuk ,I chaw ei rawh" ka pa chuan a hnar khawih zauh chuan a tizauh a ,a nuih ala za tih hriat takin a hmelah a la lang vek.

“ Nge a nilawm,kei kum 18 ,a u Tluangtluangi kum 19 ,u Judy 20 ,kum inzawna piang hi he khawvel ramzauah hian keini unau chiah hi kan niang a ,anu hi i hah ngawt ang ,apa chu insum ve deuh tur ania " a tihchuan insum thei kan awm tawh lo ,kan nui khur char char a ,chaw pawh kan bar thei hek lo ,“ Awi Lalhruaitluangi tawng theih Dan em em hi chu aw,chutiang tiang ngaihtuah suh ,tunah hahtaka ka hrin man cheu chu hei ka hahdam ve deuh alawm " ka nu chuan a ti a .

Senpari nen kan la nui ngat ngat ,ka pa lah a hawi vulh vulh tawh mai sia .

College lam kan pan a ,kan triple crush te pawh an hmai tuam bawkin an rawn kal a ,keini lah in an hmel diktak kan hriat a vangin kan vei hle a ,kan college a mi ho erawh in an hre hauh lo ,an hmel diktak hmu se chuan an hai Dawn loh tehlul nen ,kan unau thum chuan kan lo en thapa ,an ni pawhin min hmu tih hriat takin min en thap a,an sang bawka basket ball thiam vang a ,lar em em ani bawk a ,mahse tinge mi hma ah an inthup tih hi kan hre ve hauh silo a .

JACKSON LALDINMAWIA(DINDÊNA) POV...

Kan hma a hmeichhe pathum lo ding thap te chu kan mask phen a tang chuan kan en a “ I hre ve deuhin I hrelo maw ,hmuh tawhna kan nei ,nitin mai hian kan college kal hi min lo thlir ziah a " tiin ka unaupa Froy chuan a rawn ti a ,ka bu nghat a “ Min hria an ang,chubakah min zui kual peih hle in ka hria " Romeo chuan a rawn ti ve bawk a ,keini hi phir unau thum kan ni a ,mahse kan inang lem lo viau .

Kan thiamna hi kan thup tlat bawk ,tumahin India ram aiawha basketball player tha an thlan a tel thin kan nitih an hre hauh lo ang ,mahse saw hmeichhe pathum he school kan luh tirh a tanga an mizia harh zet kan hmuhte saw chuan an hre hial mai thei ,tun pawh zawngte anga min lo bih leh dek dek tawh saw ,a minutea upa ber ka nih ang hian ka inla thu ve viau zel a “ Kal ang u ,inhmel kha hliah tha ula" tiin hma ka hruai a .

Min rawn zui ve mai a ,kan kal ruala tlan chhe vang vang te chu ka melh leh zauh ,“ Hemi te pathum hi an lawmawm riau " Froy an a rawn tihchuan Romeo pawhin a pawm hmel viau ,ka ngawi reng an mizia harh lutuk kha ka nu hian hmuse a lawm phian ang ,class ah kan lut a ,min lo en leh thap kan hmel hliah hian mak a tih tir thin tih kan hria ,mahse kan duh hunah kan la phelh ve ang chu .

Hmeichhe pathum rawn lut zinga a hmasa ber chu ka melh ngur a,an upa ber a ni ngei ang ,ama thu hi an zawm berin ka hria ,an mitmeng chu a lian hle a ,an hmel chu a inang hle bawk ,an sam rawng erawh a hran vek thung a ,kan hma chiahah an rawn thu a ,ka unau te pahnih chu an nui suk suk a ,he mite unau thum hi chu kan hmu ngun ve em a ni “ Hey Thenreng min en in ka hria ,awi thu sawn ang u " ti a ,samsen zawk a tawng chuan kan nui hak a ,kan hriatloha sawi a tum ve ngei chu a ni awm sia ..

A tawng zawi chu mihring tawng pangngai nen a inang reng tih theih ani ,an inkoh dan lah chu a mak narawh ,Thenreng ,huh a inhmeh phian dawn hi ,an thusawn a ,teacher a rawn luh tak a vang in kan ngawi thap a ,kan sir chuan a explain mawlh mawlh a “ Awi ham ,haaas sir khawngaihin sawi fiah deuh la ,I chhip ang maia tliang nalh khan " tih chhuahna lam chu kan en thap a ,an mahni bawk .

A naupan hmel ber chu sir chuan a din tir a “Engtin maw Lalhruaitluang min tih a " nelawm loh zeta a tihchuan a zak mai dawn emaw tihlai in “ Aw I tawngfiah lo lutuk a ,i chhip free ang mai a engin a chhuna a fiah ang khan sawila ka ti mai mai ani e sir " a tihchuan ,ka unau te pahnih chu an nui dir ngat ngat a ,students dang ho pawh an ni tho,kan sir Bena hi a chhip a kawlh miau a ,a dikna chen a awm ,amah hi hnar tawng kan tih ang chi kha a ni miau a .

“ I va tawng thei e aw ,naupang te te si" a tihluk a ,pakhat lah tlawm duhlo “ college kal rual ka ni tawh a ,chuvang chuan ka naupang zawk zawk tawh lo ania ,sir khatiang a pi leh pu tih pawh Hni leh hnu i tihte chuan keini i zirlai te hian mizo tawng kan bo vek mai dawn a sin " a tihleh phei chuan class chhung chu nui riin a khat vek tawh a ,Sir bena chuan chhandan tur a hre tawh lo nge “ Thu rawh ,tawng tawh suh" tiin a mah pawh chu a inher a ..

Hmeichhe pathum te kan en chu ,insikin an nui char char a ,an nun ka en hian hmeichhe zezawi chit chet an ni dawn lo tih ka hre nghal mai ,an harh Dan leh tawngtheih Dan hi tutak chhun ang maw ,ban rualin a hmasa pawlah an chhuak tharh a ,keini erawh principal lam a tanga kohna kan Dawn a vangin office lam kan pan a ,kan luh rualin teachers an lo awmkim thap chuan an sawi tur a chiang sa tih kan hre thiam vek a .

“ Enge nita sir " tiin an hma ah chuan kan thu thla ve ta tho a “ A... hei inhmaituam chungchang hi a nia ,in inthup duhchhan chu kan hrethiam viau a ,mahse students dang kan ngaih pawimawh a ngai ve tho nen,in hmai hi naktuk a tanga intuam tawh loh mai a ngai dawn a ,in rem ti emaw chu " principal chuan a rawn ti a ,kan inen thap a ,ka unaute an buk tak nghatah chuan “ A tha lawm kan lo phelh dawn ania " tiin buk khum zauhin kan chhuak a .

Haw kawnga kan thil hmuh a vang chuan kan ding thap a ,kan hmeichhe hmuh thin te ngei chu kawngpui sir thingkungah chuan pakhat lo inrulpui ludin a,pakhat enge a tihpawh hriat loh hian a van tawi tawi a  ,pakhat lah a awm a su teng teng bawk ,Romeo chu a rawn nui chhuak vak vak a ,keini pawh chuti bawk ,an nun sawn tumah an care tehchiam lo tih a hriat ,kan thawm an hriat chuan an rawn hawi thap a ,chutah a thingkung lawn ber chu a tla thum dawt a .

Pahnih chuan kai tho in an tlan Liam chu kan thlir a ,ka lu thingin ka en liam ringawt ,khatiang kha hmeichhia an ni dawn a mi tih ka ngaihtuah,an harh dan em em hi hmeichhia  pawh an ang lo hial,mipa nizawk awm an ni “ An lawmawm phian " Froy chuan a rawn tisup a ,a nui huk huk bawk “ An mawl emai kal ang u ,practice kan ngaih kha " tiin hma ka hruai a,khang ho kha engtin tak awm ang maw.

A tla ber lah kha an tlanpui tak ang vawk vawk a ,in thlen rualin ka nu chuan a tihdan ngai te bawk in kan biang a lo piai leh a,ka nu hi kum upa lam tawh mah nise ,a viak a la tha vat vat hle a ,dik tak phei chuan a upatna hian a thawvenna hi an hliah khuh zo der lo 

DINDÊNA 👇

FROZYA 👇

ROKIRA 👇