KA THLAH LO'NG CHE CHAPTER 4

KA THLAH LO'NG CHE 

CHAPTER 4

“ Bawihte I patea hi nangman I va ko mai Dawn em ni ,hetia a awm hran reng zawngin a tha lo " ti a ka pa in min en chuan ka thaw hak ,Hero'n min duh tih ka hriat a tang Khan ka pehhel nasa zual a ,mak ka ti em ani ,keichuan ka patea a nihna ang in ka nel hle a nihkha ,mahse chutianga han duh thut tur chuan ka inpeihlo a ,chubakah kan chhungte'n engtin nge an ngaih ang .

Min tuithlar duh hial ang chu mawle ,mahse hetianga a awm hrang reng hi nuam pawh ka tichuang lo ,min duattu ber a ni a ,keilo a midang a duat tur chu ka phal chuang lo “ Ka va kal dawn a nia " ka tihsap chuan ka pa chu a bu nghut a ,ka insiam nghal hlak hlak ,tlai lam a nitawh nen kawr lum ha in ,ka kal chhuak nghal a ,taxi ka hmuh rualin ka phar ding nghal vat .

A inkawtah chuan ka ding vang vang a ,a awm em ang chu maw ,thawk la hmasa in ka thaw chhuak leh ham ham phawt a ,ka zam em em hi ka hrethiam bik lo ,infuih sauh sauh hian inchhung lam chu ka pan a ,kawngka Kik ka tum chu a inkhar chianloh a vang chuan  kik duh lo in ka lut tawpa ,mahse sitting room a lo infawp ngawr ngawr te ka hmuh chuan ka ding chawt ,enge tih pawh ka hriat loh hian ka lung a che dawt .

Nunui lah chu thawmhnaw mumal pawh ha lo hian patea malchungah a thu a ,patea lah in kawr a ha tawh lo bawk,ka melh ngawt ngawt a ,hetiang thil ka hmu chuan min ti hamhaih a ni berin ka hria ,ka thil ken lai chu ka thlauh bawl a ,an rawn hawi nghal vat a,U Nunui hmel ka hmuh chuan a zah hmel ve deuhin ka hria ,patea chuan “ Enge I rawh tihdawn" lungawi lo zet hian a rawn ti a ,an thiltih lai ka tihbuai vang a nih ka ring ringawt bawk.

“ ih....ka....ka pa in lo haw tawh sela a ti a " ka tibah nawk nawk a ,a malchunga u Nunui thu pawh chu thutsawn tir a tum chuang lo keimah chiah chu min melh ngur a “ Engvangin " a rawn tihhmuk chuan ka thaw hak a “ Ih awm hran reng kha a tha lo a ti a " ka ti niah niah a ,hnuailam ka melh daih bawk ,hetiang hmel a put hian a hlauhawm lutuk ,a mitmeng a rum bawk si “ Nunu lo va haw mai ta che " tiin u Nunui Sam chu a bekah a zehsak a .

Ani pawh ngawi renga inha in a chhuak ve mai a ,a reh nghal tlawk tlawkin ka hria “ Lo thu la ,ka va insiam a nge " a rawn tihchuan bu nghatin ka la ding reng tho ,rum a a luh hnu chuan thawk ka la kawk kawk a ,ka lo in ip rei hle tih ka hre chiah ,a rawn chhuah leh chuan tshirt a rawn ha chhuak a ,va kal lo ila chuan an riak tlang ngei ang ,chu chu ka rindan ani .

“Kal ila " a rawn tihchuan ka tidak tawh ,muangchangin ka tho a ,a hma a ka hero kha ka ngai rum rum hetianga nelawm loh deuha a awm hian min ti hrehawm takzet ,pawnah chuan ngawi rengin kan inzui chhuak a,a car chu hawngin a thu lut a ,thaw hak hian ka thu lut a ,sual thiam lutuk,enge a rilru a sawi thuta,kei a tana a harsat tur zia a hre reng awm si a .

“ I bialpa nen chuan inhlim bawk em " a rawn tihchuan mak tilutukin ka en a ,Jeremy kha ka bialpa emaw a ti a ni ngei ang “ Um aa ....bialpa ka neilo " ka tihap a ,za lo tih hriat tak hian athen suk a “ Zep duh suh ,ka hria. alawm ,kei min duh theihloh laia a ni i duh bikna khan enge ka neih loh a neih ang tih hi ka ngaihtuah mek a ni " a rawn tihchuan ka melh haw tawh .

Tinge a hriat thiam theih miahloh“ Ka patea ini a ,ka nu te'n ka chung a I rilru put hmang hi hria se ,keiin lo pawm bawk che ila ,kan chungah an thinrim tur zia I hria a ni lawm ni" ka tihchuan car chu a tiding dawt a ,ka awn deuh dawrh bawk “ Chuthil chu ka ngaihtuah loh bik I ring em ni ,ka duh che a,reitak ka thup tawh zawk a ,ka u fa inih angin chutiang chuan en che pawh ka tum.

Nangmah vanga hmeichhe dang ka pan Chang lah a tam ,mahse nang tereuh hi ka ngaihtuahna a tangin I chhuak thei lo ,nilo nitin hian I hmel ka hmuh a pianga insum ngai ziah te hi ka kham tawh ,ka thei tawh lo ,ka hmangaihna che i pawm duh lo a nihchuan ka ngaihsak tawh lo ang che " a rawn ti hmuk a ,ka ner nawng tawh ,ka tap mai dawn “ Ka duhlo min ngaihsak mai rawh ,ka tana a harsat Dan tur hi I hria em pate" ka tichu“ Pate tikhan min ko tawh suh" tiin ka thusawi tur a rawn dang chat hmiah bawk.

“ Ka theilo midangin engtin nge min sawi ang ,mahni patea ngei ngaizawng tiin ,min relin min sawi Dawn a  sin " ka ti tiau a ,hetiang a awm tlat hian min tina “ A that chu I duhthlanna a ni e " tiin tawng leh tawh lo chuan car chu a tlanchhuah tir a ,in kan thlen pawhin midang be lo in a room lam a pan nghal hmak a ,ka nu lah chuan engmah hrelo a ni bawk nen “A chau viau a nihdawn kha " a timai a .

Ka thaw hak thung ,inchung lam ka pan a ,ka roomah chuan thu in hmalam chu ka melh ngar a ,ka ngaihtuahna hi a buai nuaih ,a tuklamah pawh min be lo a ,min enliam tawp in ka hria ,class kan kal a ,nidang ka ang thei lo ,tumah ka tibuai heklo bawk ,ban rual a kan chhuak chu gate pawnah a lo ding a ,keimah min rawn hruai dawn a maw ti a pan ka tum chu ,Estherin a pan ka hmuh a vang chuan ka ding chawt a “ U Aidan min lo hruai dawn a law ,khawnge ka u " a tinghal zat a .

“ A buai deuh a ,I hman tawh a mi ka naute " ti a ,a biang vel a piai sak chuan Estheri chu a nui hak hak a ,midang lah chuan an en thup leh ta nghal “ Nangmah a rawn hruai dawn che emaw kan tia " Jenny chuan a rawn ti a ,ka lo nui lui hak ringawt “ Kal ang u ,a ho lutuk " tiin hma ka hruai a,hero chuan min rawn en tih ka hria .

Mahse enlet pawh ka duh lo ,ka hua ,ka hnawl a vang mai a hetianga a awm hi ka hua ,in ka thlen hnu fe ah a rawn thlenga ,biak pawh ka tumlo ,ka inthlak a “ Nu ka leng Dawn aw " tiin ka nu chu ka au a “ Khawiah maw " a rawn tihchuan “ Jeremy nen " ti a chhuah ka tum chu “ Angai lo " tihri a vang chuan ka ding chawt a “ Hmeichhia zanah vah a ngai lo,mipa nen phei chuan a ngai lo lutuk I room ah lut rawh " Patea chuan a rawn tihmuk a .

Ka nu lah chuan “ Ni e bawihte ,zana hmeichhe vak chhuak thin chu mipa in an hmu nikhua lo vek zel a nia ,I patean a phal loh chuan leng lo mai rawh u" a rawn ti a ,hero ka ngei lutuk chu ka melh hrawk ringawt ,mahse min ngai pawimawh lo zet hian a room lam a pan leh nul nul a ,awm hmunah ka inhum ruh vak ringawt ,thinrim zetin ka room lam la pan a ,khumah chuan ka intum vak vak ringawt .

“Aidan Lalrinfel ka hua che " tiin ka au vak a ,kan room hi a inep bawk a ,a hre pha ang tih ka chiang viau ,mahse min chhang lo a ngawi reng a ,ka naute lem vel chu ka sawisa char char ringawt ,ka mu hmak ,lehkha zir pawh ka peihlo ,sual thiam lutuk ,ah ah ah “ Lalrinfel " ka tileh vak chu ka tukverh bula tang chuan “ Mu mai mai rawh" a rawn ti hmuk a “ Ka hua che " ka tinghal vak chu ,“ Ka hria " tihzawng sawiin a kalsawn a .

Ka mu thla hnawk ,ka thaw hawk hawk a ,ka tap mai dawnin ka hria ,ka muhil daih a ,zinga ka thawh chuan hero chu a lo awm tawh lo a ,ka nu rawngbawl chu ka pui vat a “ I patea hi tunlai hi enge maw a hriat ni,inlamah a awm tlem bawk si" a rawn tihchuan ka ngawi reng a “ A mizia lah hi a dang sawt riau a ,nangpawh hi a chhawnchhaih peih tehlul che nen tinge hetia in awm tak mai le " a rawn tihchuan “ Ka hre bik lo ,u Nunui nen an in zui ngawrh sia ,hunthawl neih an duh te pawh a niang " ka tisap a .

Ka rilru erawhin ka lawm lo viau thung,college ka kal a ,nilengin estherin a uang zeta patea leh a u nihthu lah chu a sawi cham chi leh nghal ,ka ngawi reng a ,Jeremy leh ka thiante ho chu ngawi rengin ka bulah an thu a ,ka mood a fuh chiam lo nen min biak an tum bik lo tih ka hria,dawhkanah ka mu tum bur ringawt ,police officer thuduh a ,a hmelah tak nawr nawk mai ka duh “ Ka haw dawn " tiin ka tho vut a .

Ka lung hi a awi thei thlawt lo ,in ka thlenga ,chhunah hi chuan ka nute an awm ngai lo a ,tumah an awm ringlo in ka pan a ,mahse kawngka inkalh lo ka hmuh chuan tu emaw tak inah an awm tih ka hre mai a ,ka lut chu thawm a reh diak a “ Nu " tiin ka au a ,min chhang thei bawk silo ,in chung lamah chuan ka chho a ,ka room a ka lut tur chu patea room lam a tanga thawm ka hriat a vang chuan ka pan phei a ,kawngka ka hawng chu ka phu zawk a ,an ni pawh an awm tha nghal rawk rawk .

Ruak deuh thaw a u Nunui nen an lo awm leh chuan ka rilru an tina ngawt leh nghal a a ,“ Ka tihpalh " tiin ka tlanchhuak nghal rawk rawk a ,ka phone chu phawrhin Jeremy ka call nghal vat a “ Min lo hruai rawh " tiin a tawng pawh nghak zo lo in keimah zawk chuan ka sawi khalh a “ Princess " rawn titu chu melh pawh ka melh duh lo ,ka kal mawp mawp a ,Jeremy rawn lan hma a ka theih tawp a hla lo kal ve hman ka duh.

Hero chuan min rawn um ve zel a ,ka kut a a rawn man chuan ka vai let nghal nawk “ Min khawih suh" tiin hmalam chu ka pan zel a “ Princess lo ding teh ,min ngaithla rawh " a rawn tihchuan ka nuih hak a “ I duh tawkin va be rawh ,va tirawh I bialnu kha ,I duh leh kei chu min ngaihsak tawh lo la ,va haw leh nghal rawh " ka titawn tawn a ,bike ri ka hriat rualin ka inher vat a ,Jeremy a nitih ka hriat chuan ka thaw huai thei .

Ka bul a a rawn din rualin ,a hnungah ka lawn nghal vat a ,hero min en reng chu ka hawisawn San nghal hmak a ,Jeremy pawh chu tawng lo in a tlanchhuak a ,hmun reh deuh lai kan thlen chuan ka din tir vat a ,phulah chuan ka thu thla nghal vat “ Ka lawm e " ka tihchuan nuisuk hian ka bulah a rawn thu a ,ral lehlam chu ka en vang vang a “ Mawii I duh tiraw " a rawn tihchuan ka en nghal vat a “ Eng maw I sawi " ka tibah nuaih a .

Min en reng chung hian“ Nang hian ,I patea hi I duh " a rawn tihchuan za lo zet hian ka nuih a “ I hresual a nih chu ka duh hauh lo " ka tihsap chuan a lu thingin “ A hmeichhe awmpui I thik a ,nangmah lo hmeichhe dang a ngaihsak ni a I hriat chuan nasa takin i thinrim ,nangmah chauh ngaihven che sela I duh ,tunpawh hi I thik vanga thilti ini tih ka hria ,ka hrilh ang che ,I duh a nihchuan hrilh vat zawk rawh i tlai palh ange " a rawn tihchuan ka thaw hak a .

“ Engmah hi ka hrethiam lo ,keimah lo hmeichhe dang hnaih turin ka duh lo a ,mahse tunah a duhdan hi kalpui ila ,kan mualpho ngei dawn a,kan chhungte ngei pawh hian min haw hle ang " ka tihchuan ka bulah a rawn thu phei a “ Ih maw,mi thusawi buai pui lo in ,i thinlungin a duhdan kha zawm rawh ,mi tam tak chuan mi ngaihdan tur kan Dawn luatah ,kan hlimna tur kan um bo fo a nia " a tihchuan a dik ka ti tho bawk .

Midangin min sawizui Dan tur kan ngaihtuah vak thin a vang hian ,keimahni hi kan inti na chawk fo thin reng a ni ,patea chu ka ngaihtuah a ,a Chhelo a min ngaihtuah em em bawk ,mahse mipa anga han en thut tur chuan a harsa lam hret a ni,mahse keilo hmeichhe dang a hnaih ka phal der silo ,tlaiah kan hawng a ,Jeremy chu lawm thu ka hrilh sap a “ Thian inkarah lawmthu an sawi ngai lo tikhan kalla ,ka sawi kha hre reng rawh ,mi sawiah buai suh,I thinlung thusawi kha zawm rawh .

Lut tawh rawh an lo ngaihtuah ang che " a ti nghal zat a “ Ka lawm e" ka tileh a ,ka chalah a rawn fawp zauh a ,a tlanliam chu ka thlir reng ,ka lung chu dawmin inchhung lam chu ka melh vang vang phawt a ,muangchangin ka pan  a ,ka luhchuan an lo rehthiap a ,ka nute leh ka naute hi tinge ka hmuh miah loh le ,vawiinah pawh ka hmu tawh lo ,ka pi leh pu lah tar mai an ni tawh bawk si a ,an room lamah an awm ka ring ringawt bawk .

Chaw pawh eilo in ka room ah ka chho a ,ka phone lo ri chu ka la nghal vat “ Aw nu khawnge in awm a " ka tihchuan “ Bawihte hei I pite khua ah nithum cham turin kan zin a ,kan hrilh hman ta lo che a nihkha ,i pi leh I pu kha tha deuhin lo enkawl rawh aw " a rawn tihlang lang chuan “ Awle " ka lo titawk a ,khumah chuan ka thu thla dat ,phone kan dah hnu chuan ka mu zangthal a .

Inchung chu ka thlir vang vang ,ka kawngka a rawn rik chuan ka melh zawk a ,patea anitih ka hriat rualin ka thu chhuak nghal vat “ Khapa kha I infawh tir a maw " a rawn tihchuan ka nernawng a “ I hmeichhe awmpui a vang ngawt khan I duh duhin min puh suh" ka tive hmak a,ka lawm bik viau lo “ Lalvulmawi ,nangmah vang a ni tih i hria em ,min hnawl a ,mahse hmeichhe dang ka awmpui I hmu leh thei chuang lo a .

Ka theihnghilh theih nan che hmeichhe dang ka pan a ,mahse ka theilo ,nang hian min control hneh lutuk" a rawn tiro hawk a ,ka en reng “ Hero" ka tisap a ,ka kut chu rawn la in a awmah a hmeh bel a  “ Helai a mi hian maw ,a patea a nihna ang a ,i hero mai nilo in ,englai pawha venghim tu che ,I hmangaih ni chunga i engkima I hero nih a duh" a tihchuan ,alungphu dawt dawt chu min khawih tir a ,ka chil ka lem khawlh ringawt.

“ Mahse ka..." ka tihchu ka hmuiah a kut a rawn dah a “ Tunah hian duhthlan tur ka pe ang che ,ka u fanu. anga ka en che nge ,ka bialnu anga englai pawh a ka ngaihsak I duh ,i duh thlang rawh ,min duhlo a nihchuan I lak a tangin ka inthiar fihlim ang " a rawn ti nghet charh a ,ka ngawi reng,chhang Dawn lo ila ,ka chan ka hlau a ,chutih rualin ka chhang a nihchuan harsatna tam tak kan hmachhawn ngei ang .

Mahse Jeremy Khan enge. a sawi kha ,ka thinlung zawm turin min duh a nihkha “ Tinge I ngawih renga ,ka kal chu i duh em princess " a rawn tihchuan ka lu ka thing nghal nawk nawk ,ka hmui ka seh zauh a ,a rawn fawh chuan ka mengkawk ,ka lungphu chu a rang hle bawk ,ka hnar lo a ,ka chhang let chuang lo ,ka kawngah a kut rawn rawlh lutin uar zet hian a che a,ka hmui chu a fawp tawn tawn ringawt.

Ka ka chhungah a lei a rawn hawl lut a ,ka za chuai chuai hian ka hria ,ka mur er er bawk ,hetiang hian ka awm ngai hauh lo ,min thlah a ,a awmah min kuah bet nghal thlawp .