KA THLAH LO'NG CHE CHAPTER 2

“ Duat ka lo leng a " a rawn ti nghal thawng a ,henu hi chu ka ei thlawt lo ,hero pawh hian engvanga ngaizawng kher nge maw a nih le ,ka lo ner nawk nawk a “ Oh Mawitei pawh ilo awm a law " a rawn tihchuan “ Engah nge ka awm loh ang ,kan in ania kan inlo ah khawiah nge ka awm chuan anga " ka lo tiliam puat a .

“ I tawng fimkhur rawh princess khang in aia u te an be ngai lo " Hero an a rawn tihchuan ka melh nghek a ,a mitmeng dam dup chuan min lo en a “ E a that chu " tihpahin ka room lamah ka kal nal nal ,ka insawh tau nghawng nghawng a ,Patea bialnu te ro ro ah Nunui hi ka mil thei thak lo ,a mizia chapo thin lutuk vang hi a ni pakhat .

Ka nu te an rawn. haw pawhin chhuak duh lo in ka mu hmak a ,khumah chuan ka che leh vak thin,ka thinrim lutuk chu keimah pawh mak ka inti takzet ,ka kawngka a rawn ri a ,ka inhawng duh lo ,ka khum chu a rawn hniam sulh a “ Princess " rawn ti thum sup tu chu ka chhang duhlo ,ka mizia a hrechiang ka lungawi loh vek vek chuan reitak ka awh thin tihpawh ,Patea hi chuan ka tette a tanga min enkawl tu a ni bawk a ,alaka ka pangchan zia pawh a hre vek ang.

“ Ka nau te hi ka chungah a thinrim a mi " a rawn tihpawh chuan ka chhang duh lo a ,ka che duh hek lo ,chutah min pawm tho nawlh a ,ka au nghal that ,ka puan chu a dahsawn a ,amal chungah min nghatin min melh ngur a “ Ila thinrim em ni" a rawn tihchuan ka hawisawn hmak “ Biak pawh min be suh ,I bialnu kha ka hua ,mipawhin a chapo thu an sawi ziah,keichuan ka be tha peihlo midang ngaizawng daih rawh" ka tihchuan a thaw hawk a.

A rawn nui nghal suk “ Midang min zawnsak la " a rawn tihchuan ka phur nghal hle “ Ih maw Muanpuii u hian a duh thei lutuk che " ka tihchuan a kiai leh sum “ I thiannu u kha maw I sawi " a tihchuan ka bu nghat nghat a “ Ka lo ngaihtuah dawn ania" a tihchuan ka lungawilohna te kha an bo vek tawh “ Um u Nunui hi chu a  lerh si ,a chapo bawk si ka nutei niturin ka duh miah lo ania aw ,then daih rawh hmanni ah pawh kan college a mi kha ,anau nen an intibuaia a tizak vak a lawm" tiin ka phun niah niah a .

Ngawi rengin ka Sam zutin a lo ngaithla reng a “ Ka princess in min duhpui loh hmeichhia chu kan then anga a nimai a lawm " a rawn tihchuan ka nui hak hak a,kan pahnihin kan inchhaih rak chul a ,Patea hi chu awm lo se chuan kan inchhung hi chu nuam la tih pawh ka ring lo ,zan a rei tawh a vangin kan bengchheng duh ta vak lo a ,pubg kan khel leh mial mial a ,anichu police lam a ni bawk nen inkah chu a thiam takzet .

Ka khumah chuan kan mu dar dar a ,ka unau ang chiah ani ,ka naute ho chu an la naupang deuh mah mah a ,he inchhunga ka thian kawm ve ber chu patea chiah hi a ni bawk .

AIDAN LALRINFELA POV...

Ka bula nui hak hak reng chu ka thlir vung vung a ,ka u fa ngei ka vei tlat hi ka inthiam thei lo ,hmangaih neih tumin vawitam hmeichhe dang ka nihpui fo a ,mahse a mah anga ka lungphu tirang thei an la awm hlek lo leh nghal,patea anga min en tu hi ka fa anga en chu a har takzet ,a bula ka awm a ka lungphu rang thin lutuk te hi a hrethiam lo chu ka lawm zawk .

“ Hero a mak e ,kap ve ta che kan thih daih kha " ti a rawn phun hlak chu inthing harhin kan games khelh lai ka en chuan kan lo thi fel der ,Nautei lah a tum bur ,Nunui a nel hlawllo tih a sawi laia a hmel chiah chiah kha a pu leh nimaiin ka hria ,ni e Nunui hi chu a nungchang a tha lo tih ka hre ve tho,mahse ka lakah hian a inthup nasa thei hle aniang ,midang sawi anga awm chu a nei khat ,ka mal chungah mawitei chu ka pawmnawlh a .

Pawisawilo mitmenga min en tu chu a chalah fawpin “ Sorry " ka tihchuan a nui sen sen a ,ka u fa a nih anga ka hnaihah a ngai tih a chiang a ,mahse kei a patea ngei hian ka hmangaih tih hria se engtin tak thawng ang maw ,tuna ka bula a ngampat ang hian a ngampa reng a ngem tihchu ka inzawt fo ,ka awmah chuan a beikak a ,ka lungphu a rang leh tawh viau “ Hero I lung hi a bengchheng e tinge a va rang em em ve I dam lo a mi" a rawn ti ta reng a ,ka lu ka thing mai .

“ Eng emaw bul hnaia a awm vang a nih hi ,nakinah a reh mai ang " tiin a lu ah chuan ka khawih zauh a “ Min naute chei viau zel suh aw,kum ka tling ve tawh ania ka lian tawh " ban phar hliai a a tih a vang chuan ka nui hawk hawk a ,duhloh tuma ka beihna zawng zawng ,a hmel ka hmuh hian a bo leh vek thin,insumin ka fa ang ve tho a ni a ,Lalrinfel duh suh" tiin ka inhrilh fo ,mahse a sawt loh zia ka hre chiang si .

Ka tum nasat pauh leh ka ngaihtuah tam emaw tihtur ani ,a ham bai bai chu nuihsukin ka muta “ Muhil tawh rawh i chau a nihkha ,ka lo veng rih ang che " ka tikher chu arawn meng leh rih a “ Ven ka ngai bawk lo ". a rawn tihhlar chuan ka nuih hawk ,lu thing nghutin a mutthilh ka nghak a ,a muhil tih ka hriat rual chuan kun hniam ruai ruai in a hmui chhah deuh tapah chuan ka fawp vawng vawng a .

A hmai chu ka chul a “ Ka rilru hi thup theih loh hun ka nei ngei anga chu tih hunah chuan min hua ang nge ,I rilru a buai zawk ang ,nangin a ipa nau i patea I hero anga min en ang hian ,ka fa angin enthei che ila ka ti ,mahse ka thei miau silo ,nangmah vang hian hmeichhia engzata tam nge ka kawp phah i hre lo ang tiraw " tiin ka ding chhuak ruai ruai a .

Pawnlam pan chuan ka kal chhuak nghal vat 

MAWITEI POV....

“ Awi ka duh lutuk kan lawm e ,awi a muhil hmelthat zia hi chu aw ,u Aidena ngaizawng hman tur hian tinge ka lo pian hmat loh le " Jenny chuan a rawn tizuah zuah a ,thawveng into thawveng zaktheilo ang chi kha ,college kan thleng a ,Jeremy kan lam pan a a rawn kal chu kan lo thlir thap “ Lo be tha ve tawh rawh aduh em che hi "tiin ka thiante chuan min rawn nghawk a .

A teuhlo emai a “ Inrawn thleng tawh maw?Mawite i tha em" a rawn tihchuan ka bu nghat ringawt ,kan lam pana Jeremy star em em tu estheri rawn phei hlawk hlawk chu a hma a min tih Dan hre reng in a hmaah ka ke ka lo kham zawk a ,a bawk nghal thlawrh ,ka thiante chuan an lo nuih hak a “ Hey hmeli iti lui tiraw " a rawn tituar a,ka dar ka san ak ringawt “ Tilui hauh lo sorry ,ka ke a kham deuha ka kham hnu chiahah i rawn kal ta sia,a hrim hrimin I kalna en ta che " ka tihchuan a thinrim hmel chuan ka nuih a tiza ru viau.

“Ka la rul let khawp ang che " tiin a thiante nen chuan mawng poh vaw vaw a ,an kal tak kha “ Mawite i tikhawngaih thlak thin e" an rawn tihchuan ka hmui ka pet kawh zauh a ,mifel.tak chu ka nilo alawm ,ka insual peih viau bawk ,min hrechiang tawh tu phei chuan min tithinrim mai mai ngam ngai lo “ A tan hmasak a nia a tuar ve tur a ni ,kal ang u class kan tlai a nge ,ehe Lusteel" tiin kan thianpa lukawlh deuh min kalpelh tum tu chu ka au zui a .

Ding chawt in “ Lalvulmawi khatiang khan min ko ziah suh "a rawn tihluk a ,ka lo nui hak hak “ Aw a nuam a lawn,nisa hnuaiah chuan i tle var var mai " ka tichu kan thian dangte an lo nui hawk hawk a ,kan inzui lut nghal thap,class chhung kan luh rualin an ngawi thiap a “ Ramhuai kan nihloh hi tinge ,khati teh de a min lo en dek dek ni " ka tihchuan Muanpuii min nghawk a ,an ho thin e .

Hetianga min lo en ziah pawh hi a ngai lem amawni “ An hausa a ,a patea police officer lar zet ala nizui ,a intithei a nihsaw " tihri lo chhuahna lam chu ka en a ,ka pan nghal hlak hlak a “ Engmaw i sawi kha kan hausakna ka chhuang a maw chengkawli " ka tichu tidukin min en a “ Chutiang ka sawi lo hrim hrim " a rawn ti bah nawk nawk chu awihlo lutukin ka nui hak a ,an thusawi ka hre renga ka beng a chhet pawh va ni suh,ka chiang be tawk e .

“ Ka chanchin i hre tak zet a nihloh chuan min lo rel ve tawh suh aw ,chutilo chu thil tha lo zawk a thleng palh ange ,thlarauthianghlim i dawng duh a nihchuan min rel chhunzawm thei ang "ka tichu a thiannu zawk chuan ngaihdam a rawn dilsak a ,be tawh lo chuan kan thutna lam ka pan nghal hmak,ka sawi thiallai chu ka ham puar pawp pawp a ,ka chhungte bulah pangchang viau mah ila ,midang bulah chuan ka nungchang a mawi bik vak lo.

A chhan pawh he college ka luhtirh khan tihduhdahna ka tuar miau a,khata tang khan mi min tihna ngawih bopui ka tum tawh ngai lo ,ka duhloh zawnga awm chu ka sual hmiah thin bawk ,mahse min ti hmasa tute chauh ,class chu kan la mawlh mawlh a ,haw vat ka chak tawh zia chu pui tak a ni,ban ruala gate pawna min lo hmuak tu chu nui var var in ka pan phei a ,min lo hui vat .

A uniform nen chuan a inhmeh in a lian bawk a, thla an lo laksak sup sup chu ka nernawng ,ka chhuang ve em em ringawt “ I hman a mi princess " a tih chuan ka bu nghat a “ In buailo a mi" ka tihchuan kiai suk hian a bu nghat a “ Lo chuang la." tiin a bullet chu a tinung vut vut a ,ka thiante chu en in ka kut ka vai zauh a ,kan tlanchhuah hnu chuan “ In bula mipa awm ve kha tunge " a rawn tihchuan ka en nghal vat a .

Bike glass a tang chuan min lo en ve reng a “ Jeremy a nia " ka tihchuan “ I bialpa a mi" a rawn tinghal zat chu ka lawm lo lutuk chu ka ner nawng nawng a “ A teuhlo lutuk a mah kha chuan min duh a,mahse keimahin ka duh hleinem ,a hrim hrimin hero tinge ka bialpa neih hi I phal miah loh a " tiin zawhna mitmeng chuan ka en a .

Ka kum ngaihtuah chuan nei tawh pawh ni ila a pawi lo viau tawh,mahse patea hian bialpa nei suh a tibur bawk sia ,min duat bawk nen a thu ka awihloh chuan min duat tawh loh ka hlau a ni pakhat “ Neih a la hun lo tihna a nimai ,bialpa ineih a hun ka tih hunah keimah in ka zawnsak ang che " a rawn tihchuan “ Nangmah anga val senior te an ni ange " ka tihchuan a taksa a che dawt a ,a nui chiang lutuk tlat .

“ A hrim hrimin ka lentar I duh a mi,hmeichhia phei chu kan tar hma bawk si, a hrim hrimin u Nunui chu I then tawh em ,anau Estheri phei hi chu ka ngaina hlawllo a nia aw " ka ti hlak hlak a ,a ngawi reng a mahse ka thu chu tihhlawhtlin leh ngei a tum dawn tih ka hria ,kan kalna ka en chuan kan inlam a ni miau lo “ Khawiah nge kan kal dawn hero" tiin ka va bia a “ Kan thleng tep " tihzawngin min chhang a .

Kan tlan zela ,kawngkawi awma kan kual zawk rualin inpakhat lian ve pangngai tak zawnah hian min dinpui a ,ka en vang vang a nawm hmel phian leh nghal a “ Hei tu in nge " ka tihchuan min rawn en vat a “ Ka in lei thar a nih hi" a tihchuan zawhna ka ngah leh pek “ Insawn chhuah I tum ami ,ka pi leh pute bakah ka pa te'n an phal hauh Dawn lo a nia ,naupang ber inia inpui nghak tu tur " ka tihchuan a rawn nui hawk hawk a .

Fiamthu ka thawh ah a ngai a mawni le ,“ Ka hria a lawm ,mahse helaiah hian chawlh hahdam ka duh chang a ka kalnan ka lei a lawm ,chuan kan chhungte lakah zep tlat ka duh ania ,sawi miah suh ang che chutilo chu" a rawn tihchuan “ Ka hria ka hria ,a chhungah lut ang ka en duh" ka tihchuan chahbi phawrhin min hruai lut ,a chhung chu a fai hlarh a ,a nuam hle bawk ,ka fangkual a “ Pate ka kal ve phal thin rawh aw " naupang chhia zet chuan ka ngen a .

“ Tehreng mai I fel dan a zir " a tihchuan inchhungah chuan ka tlan kual tar tar a ,ka naupang chhia thei lutuk hi keipawhin mak ka ti thin “ Princess kha I tlanna en rawh " a rawn tihrual chiahin ka hma a bel pui lian lutukah chuan a lu lei vit zawngin ka inchhunbur ka ti mai ,ka ke lam chung lamah a awm vek a ,ka mit chhingin “ Hero ,hero ka tang ania " ka ti tunga ,nui hawk hawkin min khai chhuak nel nel a .

“ Min nuih suh ,khawimaw nang bel hi " tiin bawlhhlawh ang mai a min khung chawttu chu ka chhir zawt a ,ka ke na leh si chu ka rak that,Hero lah a lo nui nasa zual sauh a,a hmaite chu a nuihnan a sen vek tawh “ Min nuih suh I hmelchhe lutuk,Lalrinfel min nuih tawh suh ka tap Dawn ania " ka tihrualin a nui tawp chawt a ,mahse a nuih ala za hle tih ka hria ,a in up bet rih mai mai a ni “ Ka haw Dawn I sual si " tihpahin pawn lam ka pan hlak hlak a .

Min rawn um leh vat tho ,kan inphur haw leh a ,in kan thlen rualin “ Tuma bulah sawi suh ang che ,I hria em " tihpahin ka kut chuan ka tin uaih uaih a ,nui hakin a lu a buk tak nghutah chuan ka tlan lut nghal nal nal a ,ka chhip lah chu a na deuh leh nghal “ Bawihte inlo bang tawh maw " ka nu in a lo tihchuan aw ti a changing ka room lam panin ka tlanchho nal nal ,ka patea mah nise ka inbin luh Dan posy thing lutuk tur ka ngaihtuah hian ka zak hluah hluah .

“ Arghhh" tiin ka au tuarh,kha bel kha thirchhe zawng ho pek ania ka duh ni ,ka inbuala ka inthlak leh nghal mawlh mawlh ,pawnlam a tanga ka nauteh chaw eitur tih an rawn sawi chuan ka chhuk thla a,chaw eilai a patea nui deuh suk suk chu ka melh leh hrep thin,a tawpah ka kut chuan ka tin uaih a ,kan chhungte ho chuan kan pahnihin min en thap a .

“ Bawihi chaw eilai in kut an khai ngai lo ,enge I patea khatia I tin I tin a" ka pa chuan a rawn ti a ,hero lah tawng duh silo in nuihza insum zet hian chawhmeh vel chu a thial a “ Engmah a nui zel a nihkha " ka tihchuan hero chu a rawn nui chhuak hawk hawk a “ Awi in mak pafa thin emai ,Aidan nangpawh tilui thin lo la ,ala naupang a bawk si a ,hei chaw ei lai pawh sawilo a ,hnek a peih leh at tawh hi " ka nu pawh chuan a rawn ti a .

Ka pi leh pu erawh an nui mai mai a ,pate achu a ke ah dawhkan hnuai a tangin ka va pet hram a ,a awm ngai rengin a la awm zui a,hahthlak thin e mai ,ka chaw chu bar tau nghawng nghawngin ka eizawh rualin inchung lamah ka chho nghal nal nal a ,ka nute hi tawng hlak hlak chu ka la hre pha ,hero roomah lutin a thawmhnaw chu ka lo sawisak sak vak a ,a lawmlo viau ang chu.

Ka zawh rualin ka room lamah pheiin lehkha ka zir nghal daih a ,ka room kawngka rawn inhawn rual chuan “ Lalvulmawi ka thawmhnaw saw I sawisak em ni " a rawn tihchuan ka bengkhawn duh lo lui a ,mahse ka hmingpuma min ko ngai lo tu in min koh a vang chuan ka la na viau “ Ka hmingpumin min ko suh" ka ti tuar a “ Thawmhnaw saw va thlep rawh " a rawn tihhrawk chuan ka lu thingin “ Ka duhlo" ka ti ve tlat a .

“ Va thlep rawh ka tihchu " aw vin zet a ,a rawn tihchuan ka tap chhuak nghal vak vak a ,chuveleh min rawn pawm a ,ka tal nghal nawk nawk ,min kuah nghet bawk nen ka tal chhuak thei bawk silo “ Ka tihpalh tap tawh suh princess tap tawh suh" inthiamlo aw zet hian a rawn ti a ,ka tawng duhlo ka la insut faih faih a,ka mittui chu a kut chuan a rawn hru hul a .

Ka la tap zel tho“ I sual si ,tinge min vin vak kher a " tiin a awmah chuan ka chum dat dat a ,min duat tih ka hriat a vang hian a bulah ka pangchang zual a ,awka vina min be ngai lo nen min vin chuan min tina ber “ Ka tihpalh ka tih kha um ,ka thawmhnaw iti hnawk vek sia ,sawtiang tih a tha lo tih hre reng rawh aw" a rawn tihchuan ka bu nghat a .

“ Le lehkha zir tawh rawh le ,ka va phei ange ,nula pui tah tawh loh tur aw " a rawn tikher chu ahnungah ka beng thum awk a ,a er nghal ngawng ngawng “ Phuba a nihkha " ka ti hram a,a chhuah hnu chuan ka lehkha chu ka bih nghal zat a ,zirtur a tam thin bawk si ka ning takzet ,min zir chhawk tu tur te hi awm se ,a nihloh pawhin keimah hi 20 vel nithei ila ka chak.

Darkua thleng vel ka zir hnu chuan ka khumah lawnin ka muhil nghal bawrh bawrh a ,ka manglam nge a tak tih pawh ka hriatloh ka hmui lum vung vung chu ka hre vuai vuai a ,mahse ka mut hi a chhuak lutuk “ Ka ta " tithum sup tu aw chu ka mang hriat ruai ruai chauh a ni.

(Ka mit a thip lutuka he ti thleng hi nimai rawh se aw )