KA THLAH LO'NG CHE CHAPTER 1

Hero " tia pawisawilo mitmeng a min en tu chu nuih sukin ka pawm kang a ,a rak nghal that chu ka nuih leh hawk bawk ,tunhi nikum hmasa lam a tanga ka vawikhat Mizorama haw leh na tur a ni a ,tunah hian police officer - hna chelh tur a haw pawh ka ni bawk ,ka chhungte ho chu ka melh kual a .

Hlimna nen minlo en ve reng bawk ,hlawhtlin tuma ka beih nasat zia min hriat pui a ,tuna Mizoram ngeia ka thawk thei tur pawh hi an lawm viau tih ka hre bawk ,Mawitei chu enin min lo nuih sen sen chu a biangah ka piai zauh a ,tunah chuan kum 18 a tling ve tawh a ,ka bula pangchan erawh nuam a la ti hle tih a hriat ,a tet te a tanga ka bula awm a ni a ,min ngaina hle bawk .

Car lam panin kan inzui a ,Mawitei pawh ka kut kaiin a kal ve hlak hlak a ,ka u chuan ka dar a beng thuk thukin min lawmpui thu a sawi ve sup sup bawk ,carah thu lutin ka mit ka chhing vang vang a ,hna rim tak thawkin zan rei tak tak thleng misual kan um chang lah a tam a ,chawlh hahdam hun kan nei tlem hle bawk ,Mizorama ka awm tur chu tlemin ka thaw a veng deuh.

Ka bula rawn thu than leh a naute ho in an tah chu ka en a ,ka nui hawk hawk ,a ni lah inti thei zet hian a naute tap chu a tilui zuia ,a nu chuan a hau nghal zat ,kan upa ber fanu a ni a ,ka nu leh pa pawhin an tu hmuh hmasak ber a nih a vangin an duat hle bawk ,kei erawh unau zinga naupang ber niin ,tar lam fa ka ni bawk a ,ka unau te pawh hian min duat viau .

Kum 32 na ka hmang mek a ,ka nu leh pa hian nupui neiturin min tur fo a ,mahse ka ngaihven lem lo ,ka hmeichhe hmangaih tak ka neih theih hunah chauh nupui chu ka nei ang tiin ka intiam tawh “ Mawite I naute titap ziah suh,i patea bulah an thu ve duh a nihkha ,nula ini tawha ,khatianga awm rual pawh ini tawh lo " a nu chuan a ti hlak hlak a ,ka bula thu erawh in a ngaih pawimawh hmel loh hle .

“ Ka ngai ve tho a ,chuvang chuan ka thu sawn dawn lo " a ti ve tan tan a ,a kutah dawmin ngawi turin ka mitmei vat a ,ka u te hi kum naupang te a innei an mi a ,chuvanga an fate pawh hi chutianga naupang chhia lutuk an awm tawh lo ,a upa ber pawhin tunah chuan kum 18 a tling ta der chu a nia,u Hlimi pawh in a khap tawh bik lo “Hero engthil nge min lo hawn ka hmu chak tawh ania " a rawn tih mawlh mawlh chuan ka nuih hawk hawk a .

A naupan tet a tangin ka awm a ,ka buaipuiin ka duat hle bawk ,hei vang hian Hero tiin min koh phah a ,ka lawm viau bawk ,a sam sei dum hlap chuan a kawng a vaw hnap a ,amah a lian lem lo nen a cute viau ,“ Lungngai suh princess I duh ang zan a ni ang ,mahse mipa ngaihsak kha ka phal miah lo ania " ka tihchuan a hmui a tipawrh va a “ Ka ngaihsak bawk lo aw ,min bemtu pawh ka chhang ngai lo " a rawn tichu ka nui nghal suk .

“ A tha tumah chhan loh tur naute mai ila nih hi " ka tihchuan duh lo lutukin,ka kutah a rawn sik vat a ,a tha lah hi a chak phian leh nghal ,in kan thleng a ,ka thawhpui tur ho in min lo hmuak thap ka hmuh chuan min tihamhaih ,chhuak vatin kan inchibai a “ Inva tilawmawm ve aw " ka tihchuan an nui dar dar a “ Kan thawhpui thar tur ,a hna thiam a vanga lar em em Mizorama a rawn thawk tur hi kan lawm em ani" pakhat upat hmel ve deuh tawh chuan a rawn ti a .

Ka hnung cheta ka kawr pawta awm chu enin ka kiai suk,ka hlata awm a tumlo tih hriat lutuk hian hmai sen tan tan chungin a awm ve tlat a “ Awh kan nula hmeltha i chu a pate a kalsan a duh meuh lo a ni maw " an tihchuan lai tih hriat lutuk hian ka hnungah a biru nghal vat a ,kan nui nghal dar dar “ Tiru inchhung lamah lut ang u ,pawna awm reng zawng thenawmte lakah a inthlahrunawm" tiin Mawitei chu kaiin ka luhpui a.

“ Roomah lo han chho la ,nakinah I present tur nen ka lo chho ang " ka tihchuan bu nghatin a tlan chho a ,ka en zui hnu ah sitting room lamah chuan kan inkawm khawm a ,ka thawhpui turte an fel dawn tih ka hriat a vangin ka thla a muang huai ,thawhpui thenkhat ka lo neinual tawh a ,mi er ran a min thawhpui an awm thin vang a ni pakhat .

MAWITEI POV...(KEIMA STORY TUR AW HEICHU🤣🤣🤣)

Ka hmai sa hat hat chu ka dawm a ,khang ho min chhaih na a vang Khan ka la sa hat hat thei,ka khumah chuan ka per tan tan a ,ka au leh hliai thin,Patea hian min duat em ema,ka ngaina hle bawk ,a hna a vanga phai lama a awm pawh Khan ka ngai thei hle a nih kha ,a Chhelo a kan school ah phei chuan a lar hle ,an star hlawm em ema ,chuvang chuan keipawh  in ka chhuang thei hle ,school naupang mai nilo ,nula te ah pawh hian a tla na hle tih ka hria .

A u fanu ka nihna angin keipawh in biak that ka hlawh a ,thian pawh ka ngah phah hle bawk ,a rawn chho har lutuk chu ka vak kual sek tawh ,thawmhnaw nalh deuh deuh changing tawk tawk min lo hawn teuh rawh ka ti a ,min rawn hawn ngei ka ring bawk ,mahse thawmhnaw taksa tilangtam lam min hawn dawn lo tih ka hria ,hetiang lam hi hak a phallo bur,ka nu leh ka pa ai pawhin a thu ka zawm a ,a mah pawhin ka nu leh pa ai mah hian min duatin ka hria.

Ka room kawngka rirak chu ka pan phei nghal vat a ,a rawn inhawn rual chuan thawmhnaw bawm nen Hero chu a rawn lut nghal vat,ka lo ban rualin a thlah ve mai a,ka khum lamah phei in ka phelh nghal sawk sawk a ,thawmhnaw dum body fit zaih chu la chhuakin ka inteh a ,a hmalamah chuan teddy bear lem nalh zet a awm bawk ,a cute lam mah a ni ,ka nui var var a ,“ Hero ka lawm e" tiin a dang chu ka phawrh leh zat a .

Thawmhnaw thar sawm lai ka neih belh leh ta,ka bulah rawn thu in ka biangah a piai zauh a “ Ka awm loh chhungin ilo fel em " a tihchuan ka bu nghauh nghauh a ,a nui nghal suk “ Fel deuhin awm la ,chuan I taksa langtam thawmhnaw ha suh ka tihkha hre reng rawh ,hmeichhe thenkhat chuan mipa laka tlaktlum an duh a vangin thawmhnaw dahlau tak tak an ha fo a ,an duh ang ngeiin mipa chu an hip ngei e ,mahse mipa chuan an thianghlimna bak an duhlo a ,an duh duh a an pawhkawi theih phei chu nupui a tan an duhlo tiu hriat reng tur " a rawn ti a .

“ Ka hria ka hria ,ka ha lo tawk em " tiin ka en a ,min lo melh let run bawk “ Tikhan lo awm rawh ka room lamah ka phei tawh ange ,inhnuai lamah inute zuk pui la nula chu chet zung zung tur " a rawn tikher chu ka ngei teh e ,ka bula teddy bear chuan ka vawm chawrh a ,nui hawk hawkin a chhuak chu ka lei ka chhuah khum zui hram a ,ka phone phawrhin ka thiante ka call a ,ka thawmhnaw chungchang leh Hero chungchang ka sawi chuan rawn len an tum leh nghal hmiah .

An pui thin a nia aw ,an sawi ang ngeiin inhnuai ka chhuh hnu lawkah an rawn thleng a ,an rawn rak chula “ Khawnge I pate a chu " ka nute hriat hlau tak chuan an rawn ti a ,an lerh thin ania ,chawng chawng a“ Amu aniang a chau Dawn bawk sia " ka tihchuan an “ Naaaa " dual a,“ Lerh suh u ,in mak e a duh Dawn lo cheu" ka tihchuab “ Lalvulmawi " an rawn tivak a ,ka beng hi a chhet pawhin ka hre lo a sin le .

“ Awi enteh a form ha lai thla min lo laksak leh la " Abeii chuan a rawn ti a ,ka lo nui hak vawi eng zat nge patea pic an mahni vanga ka dil tawh pawh ka hre lo ,a nilah chuan sawisel lo in a neihloh pawhin a lak chawpin min rawn thawn ziah zel ,“ Lerh suh u ,Jenny hi a bikin veng ang cheu" ka tihchuan Muanpuii leh Abeii chu an nui uar uar a ,Jenny eilo lutuk chu a ner nawng nawg ringawt .

“ Awi sawi suh hei mipa bem tur a zawng leh mek " an rawn tihchuan kan nui leh uar uar tawh a ,ka nu in a ning deuh nge “ In inhmuh khawm a piang hian bengchheng thin suh u ,In u Aidana mu a nia ,in tiharh ang ,a chau Dawn tih te hre ve ula,phaiah vai sual tak tak karah zan pawh mu hman lo a ,an thawhrimsa nen tunah hetah a rawn awm ve chauh a ,mutna hun te siam ve teh u " a tihchuan kan ngawi thap a 

Pawnlamah kan inzui chhuak nghal diah diah ,kan intual hi a zau tha bawk a ,a nawm pawh a nuam viau ,ka pi leh pu boruak dawnga thuchhuak te chu kan chhaih a ,an tar ve tawh bawk nen an lungleng thei viau pawh hi a awm lo love ,an Sam a tuak vek tawha. ,mahse an la hrisel tha viau ,“ Enteh Jeremy hian a star rap che a nia duh ve mai la " ka thiante'n an rawn tih chuan ka nui mai a 

Bialpa lam hi ka la ngaihsak lem lo a,Jeremy pawh hi ka thiantha tak anga ka en a ni a ,min duh tihchu ka hria ,mahse thian ang bakin ka en thei lo thung,ka thian anihna angin ka tan a pawimawh a ,vawitam a bialnu niturin min sawm fo mahse kan la naupan bakah bialpa neih hi ka thiam pawh ka ring lo ,tualah chuan kan thian ho chuan kan infiam a ,vawiin chu inrinni a ni nen class kal a ngai lo a ,kan thawveng viau .

Tlailam anih chuan an haw a ,kan in bye bye lauh lauh a ,nui sen sen in inchhung ah ka lut a ,ka naute ho chu chhaihin kan nui dar dar reng a ,Pate Muana leh Nute Thank te erawh nupui pasal neiin an inhrang a ,keini erawh inpui bera awm rih tur a ka piten min tih a vangin kan la a awm a,chhungkaw rethei lutuk kan nilo bawk nen kan inpawh hi a lian viau a ,nakinah Hero nupui neih hunah erawh keini pawh kan insawn chhuah a ngai ve ang chu .

“ Bawihte I patea han kai tho la ,chaw ei ang u zanin mitthi ina kal a ngai dawn sia ,chaw ei hma a ,kal hmasa pawla tan kha a pawi lo ,han kai tho rawh " a tihchuan Hero room lam ka pan vat a ,kawngka chu ka kik dat dat a ,a rawn hawng thei lo nen ka lut tawp a ,khuma a lo muhil chu en in ka thiante thu min chah hre rengin ka phone chu phawrhin thla ka lak sak zauh a .

Pan hnaiin ka sawi nghal dat dat “ Hero harh teh ka nu in chaw ei ang u a ti ania ,harh teh" tiin ka sawi a ,peih loh hmel zet hian a rawn meng duar duar a ,ka lo en ve reng ,muangchanga rawn tho in “ Dar engzat nge " a rawn tihchuan “ Tlai lam dar 5 a ritawh ,anu te mitthi inah an kal duh sia ,chaw ei hma ang u an tia " ka tih chuan a bu nghut a ,tho chhuakin ka hma ah chuan a rawn ding a ,a lian nasa mai sia .

Ka en chho haw a “ Lo zu chhuk la ,ka rawn inphih harh anga ,ka rawn chhuk ve dawn ania " a tihchuan ka bu nghat a ,ka chhuak nghal vat ,inhnuailamah chuan ka tlan thla euh euh a ,chaw eilai chuan kan ngawi thap a ,a chhan pawh chaw eilaia tawng hi kan tivak ngai lem lo a,mahse ka nute chuan an tihtur chu an sawi sap sap a ,keileh patea chiah inah kan awm dawn a nih hmel.

Ka pi leh pu lah an chak tawh lo bawk nen ,an mu hma leh dawn tih a chiang a ,a reh leh viau dawn a nih hmel ,mahse pawilo Hero games ka khelh pui mai ang ,chaw eikham chuan mahni tihtur theuh titurin kan kaldarh sang sang a “ Bawihi lehkha te kha lo zir la aw " ka nu in. arawn tihchuan ka ner sak a “ Aaa nu a ngai lo ,lehkha ringawt min zirtira ka mitah te hian lehkha bu lem hlir a lang mai dawn ,ka â tep tawh .

A hrim hrim in tunge lehkha zir hmu chhuak tu hi ni ang le ,ka ning tlat ,hmanlai ah pawh lehkha an zir lo a ,an fing tho sia ,hmanlaia pian ve daih a nia ka duh,tunlaia pian pawh hi ka ning ,zirtirtu te lah hian pahnih pathum ten subject khat an intawm laiin ,keini zirlai te erawh a tam thei ang berin ,zirlai pakhat thiam turin lehkhabu chhah pui pui min pe thung a .

A fair lo ,pasaltha ho ngaizawng kual tur in hmanlaiah ka awm ve daih chak " ka tihchuan ka nu chuan ka lu ah a rawn pen fawk a ,“ Mawli tawngthei lutuk lo hian lehkha chu zir mai mai teh " a rawn tihchuan “ Amak e ka peih lo ,enge zanin chauh te chu ka chawl ve duh,hero min lo pui rawh " tiin patea chu ka en a ,a khawngaihthlak thei ang ber chuan ka awm a ,a rawn nui huk.

“ Ni e ,u ka rawn hawnzan te a ni sia ,chawl ve rawh se ,naktuk lamah ka hman leh keimah in ka en pui dawn ania " a tihchuan ka nu chuan a hnial tawh lo ,ka nui nghal vur vur a ,patea chu kaiin inchunglamah ka pawt chho a “ Hero pubg leh ml khelh I thiam ang tiraw" ka tihchuan a bu nghut a “ A nihchuan khel ang " tiin khumah chuan ka thu thla a ,engmah sawi tawh lo chuan kan khel a ,ka tang bawk nen ka au tuar tuar a .

“ Hero pahnihin min kah an tum min rawn pui rawh " ka tihchuan ka hnaih lamah a rawn kal a ,an pahnih chuan a kap hlum ve ve a “ I thiam.bike" ka tihchuan a nui hawk a ,inhnuai lam kawngka ri kan hriat a vangin kan chhuk thla a ,kan kawngka ah chuan Hero bialnu a rawn lang nghal zat a .

(A ngaihnawm hmel nge hmelloh lo sawi ru aw )