THE SEX SURROGATE S2 CHAPTER 7

MADIESON POV....

A inlamah chuan kan cheng deuh chawt a ,ka nu pawhin engkim a hria tih ka hria a ,mahse min hauh a tum ngai lo ,ka hlimna a duhthu a sawi fo thin a ,ni e a duh ang ngeiin Liam kiangah hian ka hlim takzet .

“ Liam inah hian pangpar dah ila ,ram vel nen hian a inchawih Dawn em asin" tiin a inthlak lai chu ka en kar ,a taksa nalh zet hi ka hmuh kan thei thlawt lo “ I thu vek a lawm baby " a rawn tihchuan ka nui nghal var var a ,ka hlim takzet ,chaw eikham rualin Bazar lamah ka kal pui a .

Blooms and bouquet kawtah chuan ka dinpui nghal vat,pangpar chi hrang hrang an lo khawi a ,ka duh ho chu ka thlang nghal mial mial ,Iris ,Rose ,Jasmine ,Lily pangpar te chu ka thlang khawma 

(Iris par aw 👇)

Daisy 

(Pangpar te hi a nalh ka tih a vangin ka rawn dah zuai aw 😁)

Saturday a nih a vangin kan awl hle a ,inlamah kan haw leh nghal vat ,a nilah nuam ti lutukin ka mal chungah a mu a ,ka pangpar hawn ho phun turin ka kalsan nghal daih,in hi a fal tha bawk a ,sava leh rannung pawh an tam viau ,nuam ka ti takzet .

Pangpar chu inbul tuiluanna chin te te ah chuan ka phun a ,ka zawh rualin tui chu ka dai mai mai a ,vanlam thiangkuk chu ka en reng “ Madie " Liama rawn au a vang chuan ka lo chhawn vat a “i va awm rei ve min tihlau thawng a lawm" tiin a rawn thu ve a ,min kuah leh nghal hlun

“ Liam I chhungte hian kan inkawp hi an phal angem le " ka tihchuan ngaihsam zet hian“ phallohna tur a awm lo " a rawn ti a ,ka na zawk ,a nu leh a pa laksak tep tu fanu ka ni tih hria se chuan hetiang hian a awm hauh lo ang le ,ni e niminah Khan ka nu in engkim min hrilh vek tawh ,ka pa thihchhan kha a pa hi a ni bawk .

Mahse ka hmangaih miau si a ,chubakah ka pa tihsual zawk a ni a ,keichuan huatna ka neilo a mahin engkim a hriat huna a awmdan tur hi ka ngaihtuah lawk ber ,inchhung lamah min pawm lut a ,nileng chuan khumah kan awm a ,movie kan en phah a ,hahdam zet a a bula ka awm theih lai hian a tam thei ang ber a tihhlim ka duh

“ Liam nakinah kan inhmelmak thut hun lo thleng tase heng reng hian i awm thei a ngem?" ka tihchuan mak tih hmel zet hian mi. en reng a “ enge I sawi awmzia chung a thleng ngai lo ang " lungawi lo zet hian a rawn ti nghal hluk a ,ka lo nui lui hram hram a ni ,ka nihna diktak a hriat chhuah huna a awm Dan tur ka hre vek .

Ani in min pawm mahse a nu leh pa te hian min pawm ngai dawn lo tih ka hre chiang em a sin ,ka pawm nghet sauha,ka mit chu ka chhing daih engmah ngaihtuahlo a awm hi ka chak rih ber a ni ,ka pum a a rawn khawih chuan ka phu deuh zawk a .

“ Hetah hian kan pahniha fa a insiam mek mai thei ani " a rawn tihchuan ka lung a phu dup dup ,ni e invenna kan hmang ngai hauh lo a ,a thusawi chu a dik maithei ani ,“ anih nau chu lo pai ta ila engtin nge kan tih ang" ka tihchuan ka chalah a rawn fawp vang vang a“ kan innei ang" arawn tihchuan ka tho chhuak vat a .

“A theihloh " ka ti nghal bur ,kan inneih chuan a nu leh apa in an hre ngei anga chuan keihi kalsan turin min tingei bawk ang “ engvangin maw" min chelh din pah chuan a rawn ti hrawk a ,ka en nghal kar “ a chhan chu a theihloh anitawp mai " ka tichu min thing nghal nawk a “ enge I hriat a " a rawn ti tuar ,ka mittui a luang zawih zawih thung.

“ Madie ka tihpalh min neih chu I hlau viau a mi " a rawn tihpawh chuan ka chhang thei tawh lo “ Liam inthen mai ang " ka tihchuan min nam deuh dawr a ,a hmel chu a chang.tawlh tawlh bawk “ engmaw i sawi kha I hrechiang em " a rawn tihmuk a ,ka bu nghat ni e hei hi a tha ber ,ka nu Khan ka theih ve leh kalsan turin min ti a nihkha .

A chhan chu nakina heiai ka nat loh nan a ni ,a nui hul hawk a ,a Sam a tuai pawk “ hmeichhe danglam takah ka lo ngai che a ,mahse a nilo ka bulah hlim takin I awm emaw ka tia ,mahse nichina inui hmel zawng zawngte pawh kha a lem vek a lo ni ange " a rawn ti chhuak hawk a,ka inhum ruh ngat ngat thing.

“ Engmah kha a lem ani lo " ka tichhuak sap a ,nui leh hakin bangah chuan min nem bet chawt a “ inthen chu I duh takzet em " a rawn tihchuan ka bu nghat a ,chutih rual chuan min hnuk chhuak deuh dawr dawr a ,pawnah min dahin kawngka chu a kalh nghal hmak bawk.

Ka mittui luang chu ka hru tawk a “ ka tihpalh Liam ,engkim I hriat hunah chuan hei ai min haw dawna ,chutih huna na lutuk a ka awm loh nan tun a tang na hi tuar mai ka thlang zawk a ni ,hlim rawh aw I nu nunna leh nangma nunna pawh lak hrehlo tu fanu hi min haw ngawih ngawih dawn si a " tiin ka kalsawn a .

A tuk college ka kal chuan ka hmu ngei a ,chuan gina nen an awm tlang ,min hmuh rualin duhthawh zet hian an infawp a ,kan thiante chuan mak tizetin min en tawn a ,kei erawh nui lui sakin class ah ka lut a ,Ryana chuan min lo pan vat ,ka thiante pawh chuti bawk ,thil awmzia min zawt a .

Kan inthen thu chiah in ka chhang ,Liam te pawh an rawn lut a ,min hrelo ang hmaka a awm thei chu a mak ka tilemlo ,mipa luhlul tak ani miau a “ kan class ah hian hmeichhe mipa bum hmang deuh a awm tih hi inhre ve em " Liama tihri ah chuan ka hawi chhuak a ,Liam chuan min kawk chungin ngeiawm zet hian a nui a .

“ Hetiang hmeichhe dukdak lo hi kan class a a awm ve reng a ngai inti em in duh duhin inti theie ,keihian ka chhan ang cheu " a tichiah chu an phun nghal mur mur “ Liam" na tizet hian ka en a ,min hnungchhawn nghal hmak a nih chu .

Gina chuan ka hmaiah a rawn beng a ,khawih let ka tum chu Liam bawkin min lo dang ,ka rilru natdan chu pui tak a ni ,min theh thlu hnawk a ,Ryan chuan min kai tho vat ,min kuahin a tho chhuak ruai ruai a ,ka tap hlawp hlawp thung “ eu romeo a rawn lang e " tiin Liam chu a nui leh a ,midang pawh chuti bawk.

“ A tawk e helaiah hian mad hi a leng lo anihchuan keichuan ka zuichhuak ve nghal ang " a tihrawk a ,Lily te pawh ka bulah an rawn ding nghal thap ,an ni ang thian hi ka neilo ang tih ka hlau ,mahse keimah vangin an tuar ve kher tur anilo “ Ryan ka tha ,min dahthla teh " tiin ka inti pau khauh a .

Ngaihtuahna mitmenga min en na chu ka that thu ka hrilh leh zauh a ,ka thutna ah ka thu leh ngat ,class pawh kal tluanlo in ka haw a ,in ka thlen rualin ka tap nghal hlawp hlawp ,a tuk a thil thleng tur hre lawk ila chuan college ka kal miah lo tur .

Liam ilo danglam nghal thei bik a a tha hle mai“ tualthattu fanu " ti a ,college ka thlen ruala min lo au tu ho a vang chuan ka ding chawt ,Liam chu ka hma ah a ding a “ ka nu leh pa kei thlenga thah tumtu Greyson Morgan fanu maw ilo nih a" ti a min en reng tu chu phawk zetin ka en ,engkim a hre tawh a maw .

“ Nang hian itum reng vanga min lo hnaih maw inih a " tiin min thing leh nawk a ,a hmelah chuan natna leh thinrimna a inpawlh nawk a ,midang ho pawh chuan tualthattu fanu kan duhlo " tiin ka hmaiah te chuan an rawn beng ,ka ka atang chuan thisen a rawn chhuak a ,ka mittui kar a tang chuan Liam chu ka en ,ka bag chu paihin ka car chahbi la chuan chak zetin ka tlanchhuak a .

Midang min auhna pawh ka ngaithla tawh lo ,ka car chu tinungin chak zetin ka tlan chhuak a ,khawpawn lam chu ka pan zel ,ka hnunga rawn tlan chu tunge a nih ka hai lo ,ni e tualthattu fanu ka ni tihchu ka hailo ,chu chu ka tuar thei mahse ka hmangaih lehzelin a min haw tawh tur hi hmuh ka duhtawh lo “ madie ding rawh " tiin horn chu a rawn pe tuar tuar a .

Kei erawhin ka khalh chak sauh thung ,ka mittui tla a vang chuan kawngte chu ka hmu phe vek tawh ,khawpui chunglama tlang awmna lam pan chuan ka tlan zel a ,Liam chuan car tiding turin min au reng bawk ,min um pha zet tihah chuan ka car chu kawngsir lamah chuan ka khalh kawi a ,thil ribur leh tuipui cham put thuklam pan chuan ka car nen chuan kan tla tih chu ka hria .

Ka nuisak Liam tihian I phuba laktur chu tawp rawh se aw ,I huatna ka dawng tawh lo anga ,pialralah chuan hlim taka ka awm ve theih ngei ka beisei ,ka nu kha lo tina suh aw Liam .

LIAM SCOTT POV...

Madie " ka tichhuak sup a ,ka hnuaia tuipui fawn dulh dulh chu thlirin ka pan hnai zel ,a tlangah chuan dingin ka ke chu ka pen leh dawn chiaha min pawt let hrawk tu a vang chuan ka tal nghal phut ,ka thiante chuan min man bet vek “ min thlah rawh u khu tuipuiah khuan madie a tang mek tih inhria em ,min ko chuvang chuan chhan turin ka kal dawn min dang suh u " tiin ka tal vak vak a .

Ka hmai risawk a vang chuan ka nui ro hak“ nangmah vang hian kan thiannu hian na a tuar tam tawh lutuk ,a duh vang rengin I pa leh i nu thah tumtu fanu hi a ni kher lo ang ,tunah hian kan thiannu hi nangmah vangin khu tuipuiah khuan a awm a sin kan ngaidam ngai lo ang che " Lily chuan a rawn tichhuak sap a .

An tap zui nghal hlawp hlawp ,ka pa in a thu min hrilh a vanga ka thinrim khan khua ka lo hmu lo reng reng a ,tunah chuan ka hmangaihchu a kal tawh ,ka thu thla hnawk a ,ka lung na ngut ngut chu ka tham tlawk tlawk ,natna mitmenga min enna te ka mitthlaah a lang zut zut a ,ka tap chhuak nghal hawk hawk .

Keimah zawk hi a sin thi tlak ,madie nilo hian keimah keimah ngei hi ,tuipui lam chu ka pan leh mawp mawp a ,min rawn dang leh nghal vat ,engkim hi a reh duk a ka tawng lo a ,ka melh ngai ka melh tlawk tlawk ,thla khat chuang madie chu an zawng tawh mahse tumahin an la hmu theilo ,ka chhungte ka hua a ,keimahin madie nen kan awmna inah chuan ka awm tlawk tlawk a .

A lo haw leh mai thei a sin,a pangpar min kalsan ni a a phun ngei ho chu ka en kawl a ,amah awm ve ang maiin ka be thin “ baby heng pangpar te ang hian ka bulah awm leh la ka ti,ka tihnatna a vang che a min hua anih pawhin ka dem lo ang che ,misual tak ka nimiau a ,mad khawiah nge I awm le lo haw tawh rawh.

He hmun khawhar tak hi nghahpui tu ka nei tawh lo a sin ,Madie ka naute keimah min lo hmangaih a vang hian i inchhir ngawih ngawih ang tiraw ,ka pa fapa leh I pa fanu nilo a kan pahniha khawvel danga piang leh thei ni ila ka tina tawh hauh lo ang che Mad .