THE SUBSTITUTE BRIDE CHAPTER 1

THE SUBSTITUTE BRIDE 

#PROLOGUE 

TIM min kalsawn pui vat rawh khawngaihin " tiin ka thianpa chu ka ngena ,min nawrin min kalsawnpuia mahse kan tlai tho “ Bawihi" a rawn ti a ,ka inpetruh fan fan ,tunah chuan a tan ka tling tawh lo zeng kal theilo mai ka ni tawh “ Tim hmanhmawh rawh " tiin ka tur a ,mahse kan bul a rawn thleng hman tho .

“ Bawihi eng vanga hetianga awm hi nge inih" rilru nat hmel zetin a rawn ti hrawk a ,ka hawisawn hmak ka mittui tla a hmuh ka duhlo “ min en rawh Hmingthansang " a rawn tihrawk a “ kal bo rawh khatiang khan min ko tawh suh " tiin ka mittui luang chu ka hru a “ aih eng vanga hetianga awm hi nge inih ka hriat hma chu ka kal lo ang " a rawn ti a .

Ni e a tileh duh tak tak ang,kha Zomuansanga luhlul leh a thilduh nei ngei ngei thin kha ani miau a lawm “ a chhan i hre duh amaw a chhan maw kha hmeichhia keiaia I thlan nen a min kalsan rawn dan ka tum vang che mawle i hria em Zomuansang kan nufa min rawn tihbuai tum hlek suh ang che " ka ti tawn tawna,a fa neih thu chuan a thawng tih ka hre thei .

“ Bawihi naute iti ami " a rawn tisup a ,ka chhang leh duh tawh lo ,ka fapa a pa ang maia luhlul ka nei a ,pa amamawh em em laiin a pa ngei chuan min kalbosan thei ania “ kan nun a tang ikalbo tawha ,rawn kir tum tawh hauh suh ang che " tiin ka wheelchair chu ka tilir a ,ka ke hi engtikah nge a dam leh ang tih pawh ka hre lo .

“ Bawihi engkim I hre thuai ang chuan ka bulah inawm ngei bawk ang " a rawn tileh a ,ka chhang tawh lo min hmangaih em em emaw ka tihlai khan min kalsan dan tur ngawt a lo ngaihtuah reng si .

START...

Nu ka nutei te chu vawiinah maw an lo kal dawn a " tiin ka nu rawngbawl chu ka en a “ aw ni e nang chu college kal I ngai dawn sia i hmuak hman ve dawn lo anih hi" a rawn tia ,ka tum nghal hmuk.

“ Ka chawl mai ang" ka tihrualin a fianpui ken chuan min tuk lawlh a ,ka indawm nghal vang vang “ chawlh sawi ziah suh taima takin lehkha zir la animai ,I pa lah hian a la chhan ziah che leh nghal a " a rawn tihlak hlak a .

Ka lei ka chhuah vak ringawt “ ka chawlh ngun loh em hi chubakah kan college saw ka ning mi hausa ho lalna ram anihsaw " ka ti leh a ,a nireng bawk mi hausa tak tak vek an lut a ,hmuhsitna pawh ka tuar ngun .

“ Aw bawihi hrehawmna hi chu a thleng ve tur reng a lawm ,hrehawmna a awm hmasak loh chuan nawmna a awm theilo tih I hriatkha ,hmuhsitna te hi min tichak tu ah hman tum tur" a rawn ti dap dap a ,ka pawm zawng tak .

College kal tur chuan ka insiam a ,chaw ka ei lai te chuan ka tawng leh bawrh bawrh tawh ,ka bag chu khaiin ka chhuak a ,college ka thlenga ka lung a phu leh dawt dawt tawh ,classsah ka lut a “ en teh u Aizawla pa hausa fapa Nathan Zomuansanga kha a rawn lut dawn anih chu " tiin kan college queen Christy chuan a ti a .

An au nghal dur dur “ awi a chhiatloh dan leh pat Dan chu e ,ka phur tawh e ka bula thu se" titen an insik nawk nawk hlawm a ,kei erawhin ka la hmu miau lo a ,engmah ka sawi lem lo ,chubakah tupawh hian kan retheihna a vang hian min hmusit nimai in ka hria .

Chung em em a rethei chu nilo mah ila ,sum hi ka hmang ve vak vak ngai lo ,an thum hak rual chuan ka hawi chhuak a ,mipa pakhat sang zet nen chuan kan inmelh nghal chat ,ka mit ka la sawn thei lo ,a chhelo takzet .

A hmui mawlh chu a chhah deuh tap a ,a sexy hluah hluah anipawh chuan hawisawn lo in min melh ve ngur a ,midang ho lah chuan min rel sep sep tih ka hrethei ,ka hawisawn nghal daih bawk .

Ka bul ah a rawn kal hnai zel a “ ka rawn thu ve thei angem" tiin a rawn tawng a ,a aw pawh chu a pa lutuk “ um" tihzawngin ka chhang a ,ka bulah chuan a rawn thu vat ,midang ho lah chuan ngei hmel zetin min en a ,min hmuhsit tawh sa nen .

A van buaithlak tak ,ka ngawi reng a mi hausa fapa an tihchu a ni ngei ang ,a kut a rawn phar chuan mak tizetin ka en a ,a rawn nuisuk “ Nathana ka nia " a rawn ti a “ e..aw..ih Tluangtei " tihpahin a kut chu ka vuan ve a 

A kut hlai hlup leh lum thur thur chuan min ti danglam zawk bawk ,“ kan class ah hian thawmhnaw thing thei deuh hi an luck anih hi naktuk a tang chuan hak ve chi " tiin Hmingmawii chu a au lawng lawng a .

Kei erawh zak deuhin ka kun daih ,ka bula mi chu a rum nghut a “ tunge khatianga sawi tu kha " a tichang fak a ,ngawi reng leh mak tizetin ka en a ,midang pawh a aw hlauhawm.zet a vang chuan an ngawi nghal dak a .

Hmingmawii chu a melh run a ,“ tun a tangin Remtluangpuii hi in hmusit leh tawh tur anilo ,in hmusit leh a nihchuan keihian hremna chu ka pe ang che u" a ti fiah fak a ,lawkin ka hmingpum ka hrilh hauh silo a .

Engtin nge a hriat theih le ,a rawn thu a mak tilutukin ka en tawp “ min hria a mi " ka tihchuan a kiai suk a “ tunge rui zeta ka puak ngen phet kha " a tihchuan ka bo tulh tulh ,lawkin khazan ka thiannu birthday a ka ruih tuma ka hriatloh mipa min puitu kha a mah hi maw .

Ka en reng lai chuan min rawn en let a ,a mitmeng Chu hriamhrak a ,a hmel awm Dan erawh a dam thlap thung ,a duhloh zawngah chuan a hlauhawm khawp ang le ! ka hawisawn nghal vat a ,a nui risuk chu ka hre reng .

Ka lung chu a phu leh dawt dawt tawh ,teacher a rawn lut a ,class kan tan nghal mawp mawp Nathan chu a hria tih hriat takin a be tha em em a ,hetiang hi chu ngaiah ka neih tawh ,a hausa te lalna ram ani miau a 

Break rual chuan an chhuak sup sup a ,kei erawh ka la thu reng “ kal ang hmiang " Nathana chuan a rawn ti a ,tinge min ngaihsak em em le ,muangchangin ka tho chhuak a ,awi leh!!! a dar pawh ka chenlo lalpa eng ngal em em nge I pek bik.

Ka rilru chuan ka ti mawlh mawlh a ,kan inzui chhuak nghal hnak hnak ,pawn kan thlen rual chuan zirlai dang ho chuan min lo en reng hlawm a ,1st sem chiah kan la ni a chupawh kan tam viau tunah phei chuan senior ho an awm vek zui .

Thing hnuai lam kan pan a ,kan ngawi reng sawitur ka hre hlawl lo ,kan lam panin mipa pahnih an rawn kal a “ bro tu maw I luh hmasak ber a tanga I chhan nghal bur chu ni a " tihpahin an nui hawk hawk a ,he mite hi Nathan thiante maw .

3rd sem an nitawh a ,Nathan hi ala nau viau anih ka ring “ tumah in duh duh hi sawi thin suh u" a lo ti nghut a “ hi Joela ka nia chuan hei Peka " tihpahin min rawn chibaia ,ka lo vuan let vat ,a hma a sawi tur hre lo kha Joela te an rawn thlen meuh chuan kan bengchheng takzet .

Kan subject lak hun a la nihloh avangin pawnah kan la awm a ,Joela te erawh an lut leh tawh ,Nathana chu ka en a “ engtin maw min hriat" tiin ka en a “ I rui lutuk khan min pan tlat a ,I thiante ho Khan thlah mai tur che in min ti a ,engmah I hre tawh lo a maw " tihpahin anui hak a .

Ka ner nghal nang “ enge I nuih kher a " tihpahin ka en a ,a lu a thinga a la nui tho ,ka chum pawp a “ tumaw I naupan laia baklenga I tlanchhiatna thin chu " a rawn tileh a ,hepa hian ka naupan lai a kan veng mi anglo ka hlauh thin kha a sawi ani chiang lutuk .

“ Tumah " tiin ka haw tau hmak a “ lut ve tawh ang " a rawn tihchuan ka bu nghat a ,kan inzui lut chu min lo en leh vek tawh ,hmeichhe ho lah chuan min thik hmel zetin min en a .

( Enchhinna a ni a chhunzawm tlaka in ngaih chuan fb lamah comment aw )