BENJAMIN LALDUHSAKA CHAPTER 5 LAST

MALSAWMKIMI POV...

Ka hlima ka lawm bawk ,palai a rawn tir a ka kum a naupang tawh biklo nen may thlaah inneih kan ti a,Bena lah a hmanhmawh bawk sia ,kei erawh chuan a tawk ka tiviau.

Zantin a rawn leng a ,ka nu leh pa te nen pawh an innel tlang a ,nitin min ngaihsak em em reng a ,anuam ka ti ,Hospitala thawk te pawhin an hre vek tawh a ,min awt tu pawh an tam ,mahse keichuan ka ngawihpui mai thin .

Phur lutuk anga lan kha ka duhlo a ,mahse a ruk tak chuan Bena ta nih ka chak ve ngawih ngawih tho ,kan inneihni pawh a hnai ve zel a ,zankhat chu a rawn leng chu a nawmloh hmel lutuk a ka zawh lahin engmah anihloh thu a sawi a .

A haw a tanga karkhatna ah kan inneih thulh a duhthu a sawi chuan ka nghing dawt ,zankhua in ka tap a ,amah lah chuan min hmuh pawh a duhlo ,hospitalah pawh a rawn kal tawh ngai hek lo a .

A chhan tal hriat ka duh tinge min pehhel tlat ni ,ka cher in ka dawldang em em a ,ka nu leh ka pa lah chuan Bena an demloh thu an sawi reng ,thla hial a liama mahse Bena hmel vawikhat mah a la rawn inlan lo eng vang nge .

Kan ina ka awm chu kawngka a rawn ri a ,ka hawng vat Bena nau kha a lo ni a “ Kimi kan hmanhmawh angai ka u I hmuh duh chuan rawn kal vat rawh " a ti a ,atap teuh bawk “ ka hmu duh alawm Bena chu a tha em " ka ti a “ ka u in in inneihna a cancel chhan kha a cancer vang a sin" a rawn ti a .

Ka nghing dawt “ hun tam anei tawh lo" a rawn tihleh chuan ka tlanchhuahpui vat ,ka khur a ka na takzet bawk ,hospital lam kan pan a ,kan thlen rualin ka tlanlut nghal vat ,a chhungte ho an lo awm vek a ,anu phei chu a tap char char.

“ Bawihi a lo nghak reng che " a rawn ti a ,doctorin min rawn panin Bena awmna lamah min hruai a ,khuma Cher leh dang lep mai chu Ka Bena fiamthu duhleh nui sang thin kha a ang tawhlo .

“ Ben" tiin ka pana ,muangchangin a rawn meng a oxygen an hip tirna chu a phelh a ,a thaw nghal kawk bawk ,ka mittui a luang zawih zawiha. ,a kut rawn phar chu ka vuan vat “ min hua em ka naute kan inneihna ka sut leh si a ,mahse keimah vanga miin nuthlawi an titur che kha ka duhlo a ,nataka i awm ka duhlo bawk " a rawn ti a .

A aw te chu a zawi tak zet “ misualpa tinge engmah min hrilh loh " tihpahin ka tap hlawp hlawp a ,ka Sam chu dimte in a chul a “ I tap lai ka hmu duhlo a ,chuvang anihkha mahse tunah chuan loh theihlohin i tah angai ta a ,min hmu turin ka duhlo che a.

Chutih rual erawh in keimah min dem tur ka duhbawk heklo ,bawihi ka naute ka kal a hun tep tawh a ,puitling takin lo awm rawh aw ka hmangaih lutuk che ania ,keimah vangin pasal neihloh te kha lo tum lo la ,chhungkua lo dinla van a tang khian hlim takin ka lo thlir thin ang che " a rawn tisup a .

Ka lu ka thing nak nak “ aih ka duhlo Ben min kalsan miah suh aw " tiin ka vuan nghet sauh a ,a rawn khuh bawrh bawrh te chuan min ti mangang tak zet ,ka Bena mi hrisel tak kha hetiang hian a awm ta mai chu ania .

Doctorin an rawn buai pui a ,ka kut chu a hum reng “ ka kal tawh ang aw ka naute keimah vangin lo tap hauh suh,pialralah ka lo nghak reng dawn che a ,chutih huna ka thinrim lohnan hlim takin I hringnun hmang ang che " a rawn tileh a ,ka lu ka thing nawk nawk lalpa ka hmangaih hi akal ka la phallo khawngaihin ka hnena ta la bo suh " tiin ka tawngtai pah a ,mahse a thawklo nge .

Bena chu a chau tial tial a ,ka nun erawh a tawp riai riai nimai in ka hria,thil kiu ruai ruai ka hriat rual chuan ka tap chhuak hawm hawm a ,Bena chu ka kuah thlawp a ,midang pawh an rawn tap chhuak rawih rawih a .

An vuiliam lai te chuan ka â chhuih nimaiin ka hria ,ka na a ka nunna chu lak ve mai ka chak ,Ben pialralah chuan min lo nghak la I hnen ka lo thlen ve leh ka kut lo vuan la ,ka hmangaih che Malsawmkim,min lo tileh ngei ngei rawh aw .

Heleiah zawng kan awm dun ve thei siloa. ,pialralah tal chuan kan awm dun ve thei tawh ang tiraw ," .

Aizawl khawpui champut chu ka thlir a ,ka hmangaihnena kan sulhnu chu chhuiin van lam ka thlir a ,ka mittui bawk a lo chhuak leh ,Hospitalah te chuan ka kal kuala ,mahse a dawhkan leh thutthleng ruak te .

A chauh changa a mutna thinleh a doctor form te tihloh chu hmuh tur a awm tawh lo ,ka tihtauh Chang a piang a“ bawihi" ti a min kuah hlu hlu thintu kha tunah chuan min ngailo ten van hmun nuamah chuan a leng ngei awm si a .

Ben min lo thlir ngei anihchuan I tello a ka hringnun zawh mek hi lo en la ,min khawngaih ve tho ang tiraw ,I thu min chah erawh ka titheilo ka damchhung leh ka thihhnu thlenga ka pasal chu nang Benjamin Lalduhsaka chiah hi ini reng dawn" ka tichhuak sap a 

A thlanah chuan ka thu a ,kum 6 lai a Liam leh ta “ hey min lo ngai em ka hna ka buai lutuk a ,ka lo kal lawk hman lo a enteh ka kaisang ve tawh a sin tunah chuan doctor ka nitawh a ,I hospital pawh I nuleh pa leh chhungte zarah a hlawhtling tawh takzet ania .

Lo hmu ve la nangmah ngeiin rawn en kawl leh ta Che I muhil rei tawh emai ka ngai tawh che " tiin ka mittui chu a luang leh ngiai ngiai a ,pasal ka neiloa ka thih a a bul thlen hun ka nghakhlela duat taka min lo kuah huna ka ngaihzia hrilh ka chak tawh tak zet .

Inthen a awm long 

kan inthen tawh long 

Vanram nuamah khian 

inthen a awm tawh long